% Text title            : durgAstotram 2 from Bhavasihya Purana
% File name             : durgAstotramBVP.itx
% Category              : devii, durgA, kavacha, devI
% Location              : doc\_devii
% Transliterated by     : Gopal Upadhyay gopal.j.upadhyay at gmail.com
% Proofread by          : Gopal Upadhyay gopal.j.upadhyay at gmail.com
% Description/comments  : Brahmavaivarta, Prakriti Khanda 2, Adhyaya 66
% Latest update         : March 12, 2019
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Durga Stotram ..}##
\itxtitle{.. durgAstotram ..}##\endtitles ##
shrIgaNeshAya namaH | shrIdurgAyai namaH |

nArAyaNa uvAcha |
purA stutA sA goloke kR^iShNena paramAtmanA |
sampUjya madhumAse cha sa.nprIte rAsamaNDale || 1||
madhukaiTabhayoryuddhe dvitIye viShNunA purA |
tatraiva kAle sA durgA brahmaNA prANasa~NkaTe || 2||
chaturthe saMstutA devI bhaktyA cha tripurAriNA |
purA tripurayuddhe cha mahAghoratare mune || 3||
pa~nchame saMstutA devI vR^itrAsuravadhe tathA |
shakreNa sarvadevaishcha ghore cha prANasa~NkaTe || 4||
tadA munIndrairmanubhirmAnavaiH surathAdibhiH |
saMstutA pUjitA sA cha kalpe kalpe parAtparA || 5||
stotra~ncha shrUyatAM brahmansarvavighnavinAshakam |
sukhadaM mokShadaM sAraM bhavasantArakAraNam || 6||
shrIkR^iShNa uvAcha |
tvameva sarvajananI mUlaprakR^itirIshvarI |
tvamevAdyA sR^iShTividhau svechChayA triguNAtmikA || 7||
kAryyArthe saguNA tva~ncha vastuto nirguNA svayam |
parabrahmasvarUpA tvaM satyA nityA sanAtanI || 8||
tejassvarUpA paramA bhaktAnugravigrahA |
sarvasvarUpA sarveshA sarvAdhArA parAtparA || 9||
sarvabIjasvarUpA cha sarvapUjyA nirAshrayA |
sarvaj~nA sarvatobhadrA sarvama~Ngalama~NgalA || 10||
sarvabuddhisvarUpA cha sarvashaktisvarUpiNI |
sarvaj~nAnapradA devI sarvaj~nA sarvabhAvinI || 11||
tvaM svAhA devadAne cha pitR^idAne svadhA svayam |
dakShiNA sarvadAne cha sarvashaktisvarUpiNI || 12||
nidrA tvaM cha dayA tvaM cha tR^iShNA tvaM chAtmanaH priyA |
kShutkShAntiH shAntirIshA cha kAntiH sR^iShTishcha shAshvatI || 13||
shraddhA puShTishcha tandrA cha lajjA shobhA dayA tathA |
satAM sampatsvarUpA shrIrvipattirasatAmiha || 14||
prItirUpA puNyavatAM pApinAM kalahA~NkurA |
shashvatkarmamayI shaktiH sarvadA sarvajIvinAm || 15||
devebhyaH svapadodAtrI dhAturdhAtrI kR^ipAmayI |
hitAya sarvadevAnAM sarvAsuravinAshinI || 16||
yoginidrA yogarUpA yogadAtrI cha yoginAm |
siddhisvarUpA siddhAnAM siddhidA siddhayoginI || 17||
brahmANI mAheshvarI cha viShNumAyA cha vaiShNavI |
bhadradA bhadrakAlI cha sarvalokabhaya~NkarI || 18||
grAme grAme grAmadevI gR^ihadevI gR^ihe gR^ihe |
satAM kIrttiH pratiShThA cha nindA tvamasatAM sadA || 19||
mahAyuddhe mahAmArI duShTasaMhArarUpiNI |
rakShAsvarUpA shiShTAnAM mAteva hitakAriNI || 20||
vandyA pUjyA stutA tvaM cha brahmAdInAM cha sarvadA |
brAhmaNyarUpA (brahmaNyarUpA) viprANAM tapasyA cha tapasvinAm || 21||
vidyA vidyAvatAM tvaM cha buddhirbuddhimatAM satAm |
medhA smR^itisvarUpA cha pratibhA pratibhAvatAm || 22||
rAj~nAM pratAparUpA cha vishAM vANijyarUpiNI |
sR^iShTau sR^iShTisvarUpA tvaM rakShArUpA cha pAlane || 23||
tathA.ante tvaM mahAmArI vishve vishvaishcha pUjite | (vishvasya vishvapUjite)
kAlarAtrirmahArAtrirmoharAtrishcha mohinI || 24||
duratyayA me mAyA tvaM yayA sammohitaM jagat |
yayA mugdho hi vidvAMshcha mokShamArgaM na pashyati || 25||
ityAtmanA kR^itaM stotraM durgAyA durganAshanam |
pUjAkAle paThedyo hi siddhirbhavati vA~nChitA || 26||
vandhyA cha kAkavandhyA cha mR^itavatsA cha durbhagA |
shrutvA stotraM varShamekaM suputraM labhate dhuvam || 27||
kArAgAre mahAghore yo baddho dR^iDhabandhane |
shrutvA stotraM mAsamekaM bandhanAnmuchyate dhuvam || 28||
yakShmagrasto galatkuShThI mahAshUlI mahAjvarI |
shrutvA stotraM varShamekaM sadyo rogAtpramuchyate || 29||
putrabhede prajAbhede patnIbhede cha durgataH |
shrutvA stotraM mAsamekaM labhate nAtra saMshayaH || 30||
rAjadvAre shmashAne cha mahAraNye raNasthale |
hiMsrajantusamIpe cha shrutvA stotraM pramuchyate || 31||
gR^ihadAhe cha dAvAgnau dasyusainyasamanvite |
stotrashravaNamAtreNa labhate nAtra saMshayaH || 32||
mahAdaridro mUrkhashcha varShaM stotraM paThettu yaH |
vidyAvAndhanavAMshchaiva sa bhavennAtra saMshayaH || 33||

|| iti shrIbrahmavaivarte mahApurANe dvitIye prakR^itikhaNDe 
nAradanArAyaNasaMvAde durgopAkhyAne durgAstotraM nAma
ShaTShaShTitamo.adhyAyaH ||

##
Encoded and proofread by Gopal Upadhyay gopal.j.upadhyay at gmail.com

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}