% Text title            : Gayatri Hridayam
% File name             : gAyatrI\_hRRidayam.itx
% Category              : hRidaya, devii, gAyatrI, devI
% Location              : doc\_devii
% Author                : Traditional
% Transliterated by     : Sunder Hattangadi
% Proofread by          : Sunder Hattangadi
% Source                : Gayatri Mahavijnana -Pandit Rama Sharma Acharya,
% Latest update         : Mar. 14, 2014
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Gayatri Hridayam ..}##
\itxtitle{.. gAyatrIhR^idayam ..}##\endtitles ##

AUM namaskR^itya bhagavAn yAj~navalkyaH svayambhuvaM paripR^ichChati |
tvaM no brUhi brahman gAyatryutpattiM\-turIyAM shrotumichChAmi |
brahmaj~nAnotpattiM prakR^itiM paripR^ichChAmi || 1||

shrI bhagavAnuvAcha |
praNavena vyAhR^itayaH pravartante tamasastu paraM jyotiH |
kaH puruShaH \? svayambhUrviShNuriti |
atha tAH svA~NgulyA mathnAti | mathyamAnAt pheno bhavati |
phenAd budbudo bhavati. budbudAdaNDaM bhavati | aNDAt AtmA bhavati |
Atmana AkAsho bhavati | AkAshAdvAyurbhavati | vAyorgnirbhavati |
agnero~NkAro bhavati | o~NkArAd vyAhR^itirbhavati |
vyAhR^ityA gAyatrI bhavati | gAyatryAH sAvitrI bhavati |
sAvitryAH sarasvatI bhavati | sarasvatyA vedAH bhavanti |
vedebhyo brahmA bhavati | brahmaNo lokA bhavanti | tasmAllokAH pravartante |
chatvAro vedAH sA~NgAH sopaniShadaH setihAsAstesarve gAyatryAH pravartante |
yathAgnirdevAnAM\, brAhmaNo manuShyANAM\, meruH shikhariNAM\, ga~NgA nadInAM\,
vasanta R^itUNAM\, brahmA prajApatInAM\, evamasau mukhyaH |
gAyatryA gAyatrIChando bhavati || 2||

kiM bhUH \? kiM bhuvaH \? kiM svaH \? kiM mahaH \? kiM janaH \?
kiM tapaH \? kiM satyam \?  kiM tat \? kiM savituH \?
kiM vareNyam \? kiM bhargaH \? kiM devasya \? kiM dhImahi \?
kiM dhiyaH \? kiM yaH \? kiM naH \? kiM prachodayAt \? || 3||

bhUriti bhUrloko\, bhuva ityantarikShalokaH\, svariti svarloko\,
mahariti maharloko\, jana iti jano lokaH\, tapa iti tapo lokaH\,
satyamiti satyalokaH\, bhUrbhuvaH savriti trailokyaM taditi
tejo yattejaso.agnirdevatA saviturityAdityasya
vareNyamityannam annameva prajApatiH | bharga ityApaH\, Apo vai bhargaH |
yadApastat sarvA devatAH | devasya saviturdevo vA yaH puruShaH sa viShNuH |
dhImahItyaishvaryaM\, yadaishvaryaM sa prANa ityadhyAtmaM\, tadadhyAtmam |
tat paramaM padaM\, tanmaheshvaraH\, dhiya iti mahIti | pR^ithivI mahI |
yo naH prachodayAditi kAmaH | kAma imAn lokAn prachyAyavate |
yo nR^ishaMsaH | yo.anR^ishaMso.asyAH sa paro dharma ityeShA vai gAyatrI || 4||

kiM gotrA \? katyakSharA \? kati pAdA \? kati kukShiH \? kati shIrShA \? || 5||
sA~NkhyAyana gotrA\, chaturviMshatyakSharA vai gAyatrI\,
tripadA\, ShaTkukShiH\, pa~ncha shIrShA || 6||

ke.asyAstrayaH pAdA bhavanti \? kA asyA ShaT kukShayaH \?
kAni cha pa~ncha shIrShANi \? || 7||
R^igvedo.asyAH prathamaH pAdo bhavati\, yajurvedo dvitIyaH sAmavedastR^itIyaH |
pUrvA dik prathamA kukShirbhavati | dakShiNA dvitIyA\, pashchimA tR^itIyA\,
uttarA chaturthI\, UrdhvA pa~nchamI\, adho.asyAH ShaShThI |
vyAkaraNamasyAH prathamaM shIrShAM bhavati\, shikShA dvitIyaM\,
kalpastR^itIyaM\, niruktaM chaturthaM\, jyotiShAmayanamiti pa~nchamam || 8||

kiM lakShaNam \? kiM vicheShTitam \? kimudAhR^itam \? || 9||
lakShaNaM mImAMsA\, atharvavedo vicheShTitaM\, Chando vichitirudAhR^itam || 10||

ko varNaH \? kaH svaraH \? shveto varNaH ShaT svarAH || 11||

pUrvA bhavati gAyatrI\, madhyamA sAvitrI\, pashchimA snadhyA sarasvatI |
raktA gAyatrI\, shvetA sAvitrI\, kR^iShNA sarasvatI || 12||

praNave nityayuktA syAd vyAhR^itiShu cha saptasu |
sarveShAmeva pApAnAM sa~Nkare samupasthite |
shatasAhasramabhyastA gAyatrI pAvanaM mahat || 13||

uShaH kAle raktA\, madhyAhne shvetA.aparAhme kR^iShNA |
pUrva sandhi brAhmI\, madhya sandhi mAheshvarI\, parA sandhi vaiShNavI |
haMsavAhinI brAhmI\, vR^iShavAhinI mAheshvarI\, garuDavAhinI vaiShNavI || 14||

pUrvAhmakAle sandhyA gAyatrI\, kumArI raktA~NgI raktavAsAstrinetrA
pAshA~NkushAkShamAlA kamaNDalukarA haMsArUDhA R^igvedasahitA\,
brahmadaivatyA bhUrloka vyavasthitAdityapathagAminI || 15||

madhyAhnakAle sandhyA sAvitrI yuvatI shvetA~NgI shvetavAsAstrinetrA
pAshA~NkushatrishUlaDamaruhastA vR^iShabhArUDhA yajurvedasahitA\,
rudradaivatyA bhuvarloka vyavasthitAdityapathagAminI || 16||

sAyAhmakAle sandhyA sarasvatI vR^iddha kR^iShNA~NgI\,
kR^iShNavAsAstrinetrA sha~Nkha\-gadA\-chakra\-padmahasta\-garuDArUDhA
sAmavedasahitA viShNu\-daivatyA svarloka vyavasthitAdityapathagAminI || 17||

kAnyakShara daivatAni bhavanti \? || 18||
prathamamAgneyaM\, dvitIyaM prAjApatyaM\, tR^itIyaM saumyaM\,
chaturthamaishAnaM\, pa~NchamAdityaM\, ShaShThaM bArhaspatyaM\,
saptamaM bhagadaivatyaM\, aShTamaM pitR^idaivatyaM\, navamamaryamaNaM\,
dashamaM sAvitraM\, ekAdashaM tvAShTraM\, dvAdashaM pauShNaM\,
trayodashamaindrAgnaM\, chaturdashaM vAyavyaM\, pa~nchadashaM vAmadevyaM\,
ShoDashaM maitrAvaruNaM\, saptadashaM vAbhravyaM\,
aShTAdashaM vaishvadevyaM\, ekonaviMshatikaM vaiShNavyaM\,
viMshatikaM vAsavaM\, ekaviMshatikaM tauShitaM\,
dvAviMshatikaM kauberaM\, trayoviMshatikaM AshvinaM\,
chaturviMshatikaM brAhmaM ityakSharadaivatAni bhavanti || 19||

dyaurmUrdhnisa~NgatAste\, lalATe rudraH\,
bhruvormeghaH chakShushoshchandrAdityau\,
karNayoH shukrabR^ihaspatI\, nAsike vAyudaivatye\,
dantauShThAvubhayasandhye\, mukhamagniH\,
jihvA sarasvatI\, grIvAsAdhyAnugR^ihItiH\, stanayorvasavaH\, bAhvormarutaH\,
hR^idayaM parjanyamAkAshamudaraM\, nAbhirantarikShaM\,
kaTyorindrAgnI\, jaghanaM prAjApatyaM\, kailAsamalayAvUru\,
vishvedevA jAnunI\, jahnukushikau ja~NghAdvayaM\, khurAH pitarAH\,
pAdau vanaspatayaH\, a~Ngulayo romANi\, nakhAshcha muhUrtAste.api grahAH\,
keturmAsA R^itavaH\, sandhyAkAlastathAchChAdanaM saMvatsaro
nimiShamahorAtra AdityashchandramAH || 20||

sahasraparamAM devIM shatamadhyAM dashAvarAm |
sahasranetrAM gAyatrIM sharaNamahaM prapadye || 21||

AUM tatsaviturvareNyAya namaH | AUM tat pUrva jayAya namaH |
AUM tat prAtarAditya pratiShThAya namaH || 22||

sAyamadhIyAno divasakR^itaM pApaM nAshayati |
prAtaradhIyAno rAtrikR^itaM pApaM nAshayati |
tat sAyaM prAtaradhIyAno.apApo bhavati || 23||

ya idaM gAyatrIhR^idayaM brAhmaNaH paThet apeyapAnAt pUto bhavati |
abhakShyabhakShaNAt pUto bhavati | aj~nAnAt pUto bhavati |
svarNasteyAt pUto bhavati | guru talpagamanAt pUto bhavati |
apa~Nkti pAvanAt pUto bhavati | brahmahatyAyAH pUto bhavati |
abrahmachArI brahmachArI bhavati | ityanena hR^idayenAdhItena
kratu sahasreNeShTo bhavati |
ShaShTi shatasahasrANi japyAni phalAni bhavanti aShTau brAhmaNAn
samyag grAhayedarthasiddhirbhavati || 24||

ya idaM nityamadhIyAno brAhmaNaH prayataH shuchiH sarvapApaiH pramuchyate iti |
brahmaloke mahIyate ityAha bhagavAn yAj~navalkyaH || 25||

                        ||  iti gAyatrI hR^idayaM sampUrNam||
##
Encoded and proofread by Sunder Hattangadi

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}