% Text title            : gAyatrIstavarAjaH
% File name             : gAyatrIstavarAjaH.itx
% Category              : stavarAja, devii, gAyatrI, devI
% Location              : doc\_devii
% Transliterated by     : NA
% Proofread by          : PSA Easwaran
% Latest update         : February 4, 2017
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. gAyatrIstavarAjaH ..}##
\itxtitle{.. gAyatrIstavarAjaH ..}##\endtitles ##

shrIgaNeshAya namaH ||
asya shrIgAyatrIstavarAjastotramantrasya vishvAmitraH R^iShiH\,
sakalajananI chatuShpadA gAyatrI\,paramAtmA devatA\,
sarvotkR^iShTaparaM dhAma prathamapAdo bIjaM\, dvitIyaH shaktiH\, tR^itIyaH
kIlakaM\, dashapraNavasaMyuktA savyAhR^itikA turyapAdasahitA vyApakaM\,
mama dharmArthakAmamokShArthe jape viniyogaH | atha nyAsAn kuryAt |
atha dhyAnam |
gAyatrIM vedadhAtrIM shatamakhaphaladAM vedashAstraikavedyAM
chichChaktiM brahmavidyAM paramashivapadAM shrIpadaM vai karoti |
sarvotkR^iShTaM padaM tatsavituranupadAnte vareNyaM sharaNyaM
bhargo devasya dhImahyabhidadhati dhiyo yo naH prachodayAdityaurvatejaH || 1||
sAmrAjyabIjaM praNavatripAdaM savyApasavyaM prajapetsahasrakam |
sampUrNakAmaM praNavaM vibhUtiM tathA bhavedvAkyavichitravANI || 2||
shubhaM shivaM shobhanamastu mahyaM saubhAgyabhogotsavamastu nityam |
prakAshavidyAtrayashAstrasarvaM bhajenmahAmantraphalaM priye vai || 3||
brahmAstraM brahmadaNDaM shirasi shikhimahadbrahmashIrShaM namontaM
sUktaM pArAyaNoktaM praNavamatha mahAvAkyasiddhAntamUlam |
turyaM trINi dvitIyaM prathamamanumahAvedavedAntasUktaM
nityaM smR^ityAnusAraM niyamitacharitaM mulamantraM namontam || 4||
astraM shastrahataM tvaghorasahitaM daNDena vAjIhataM
chAdityAdihataM shirontasahitaM pApakShayArthaM param |
turyAtyAdivilomamantrapaThanaM bIjaM shikhAntordhvakaM
nityaM kAlaniyamyavipraviduShAM kiM duShkR^itaM bhUsurAn || 5||
nityaM muktipadaM niyamya pavanaM nirghoShashaktitrayaM
samyagj~nAnagurUpadeshavidhivaddevIMshikhAntAmapi |
ShaShTyaikottarasa~NkhyayAnumatasauShumnAdimArgatrayIM
dhyAyAnnityasamastavedajananIM devIM trisandhyAmayIm || 6||
gAyatrIM sakalAgamArthaviduShAM saurasya bIjeshvarIM
sarvAmnAyasamastamantrajananIM sarvaj~nadhAmeshvarImm |
brahmAditrayaspuTArthakaraNIM saMsArapArAyaNIM
sandhyAM sarvasamAnatantraparayA brahmAnusandhAyinIm || 7||
ekadvitrichatuHsamAnagaNanAvarNAShTakaM pAdayoH
pApAdau praNavAdimantrapaThane mantratrayIsampuTAm |
sandhyAyAM dvipadaM paThetparataraM sAyaM turIyaM yutaM
nityAnityamanantakoTiphaladaM prAptaM namaskurmahe || 8||
ojo.asIti saho.asyaho balamasi bhrAjo.asi tejasvinI
varchasvI savitAgnisomamamR^itaM rUpaM paraM dhImahi |
devAnAM dvijavaryatAM munigaNe muktyarthinAM shAntinA-
momityekamR^ichaM paThanti yamino yaM yaM smaretprApnuyAt || 9||
obhityekamajasvarUpamamalaM tatsaptadhA bhAjitaM
tAraM tantrasamanvitaM paratare pAdatrayaM garbhitam |
Apojyotiraso.amR^itaM janamahaH satyaM tapaH svarbhuva-
rbhUyobhUya namAmi bhUrbhuvaHsvarometairmahAmantrakam || 10||
Adau bindumanusmaran paratare bAlA trivarNochcharan
vyAhR^ityAdisabinduyuktatripadAtAratrayaM turyakam |
ArohAdavarohataH kramagatA shrIkuNDalItthaM sthitA
devI mAnasapa~Nkaje trinayanA pa~nchAnanA pAtu mAm || 11||
sarve sarvavashe samastasamaye satyAtmikre sAtvike
sAvitrIsavitAtmake shashiyute sA~NkhyAyanIgotraje |
sandhyAtrINyupakalpya sa~NgrahavidhiH sandhyAbhidhAnAtmake
gAyatrIpraNavAdimantraguruNA samprApya tasmai namaH || 12||
kShemaM divyamanorathAH paratare chetaH samAdhIyatAM
j~nAnaM nityavareNyametadamalaM devasya bhargo dhiyam |
mokShashrIrvijayArthino.atha savituH shreShThaM vidhistatpadaM
praj~nA medhaprachodayAtpratidinaM yo naH padaM pAtu mAm || 13||
satyaM tatsaviturvareNyaviralaM vishvAdimAyAtmakaM
sarvAdyaM pratipAdapAdaramayA tAraM tathA manmatham |
turyAnyattritayaM dvitIyamaparaM saMyogasavyAhR^itiM
sarvAmnAyamanomayIM manasijAM dhyAyAmi devIM parAm || 14||
Adau gAyatrimantre gurukR^itaniyamaM dharmakarmAnukUlaM
sarvAdyaM sArabhUtaM sakalamanumayaM devatAnAmagamyam |
devAnAM pUrvadevaM\, dvijakulamunibhiH siddhavidyAdharAdyaiH
ko vA vaktuM samarthastavamanumahimAbIjarAjAdimUlam || 15||
gAyatrIM tripadAM tribIjasahitAM dvivyAhR^itiM traipadAM
tribrahmAtriguNAM trikAlaniyamAM vedatrayIM tAM parAm |
sA~NkhyAditrayarUpiNIM trinayanAM mAtR^itrayIM tatparAm
trailokyatridashavikoTisahitAM sandhyAM trayIM tAM numaH || 16||
omityetattrimAtrAtribhuvanakaraNaM trisvaraM vahnirUpaM
trINi trINi tripAdaM triguNaguNamayaM traipurAntaM trisUktam |
tattvAnAM pUravashaktiM tritayagurupadaM pIThayantrAtmakaM taM
tasmAdetat tripAdaM tripadamanusaraM trAhi mAM bho namaste || 17||
svasti shraddhAtimedhA madhumatimadhuraH saMshayaH praj~nakAnti
rvidyA buddhirbalaM shrIratanudhanapatiH saumyavAkyAnuvR^ittiH |
medhA praj~nA pratiShThA mR^idumatimadhurApUrNavidyAprapUrNaM
prAptaM pratyUShachintyaM praNavaparavashAtprANinAM nityakarma || 18||
pa~nchAshadvarNamadhye praNavaparayute mantramAdyaM namontaM
sarvaM savyApasavyaM shataguNamabhito varma hyaShTottaraM te |
eva nityaM prajaptaM tribhuvanasahitaM sUryamantaM tripAdaM
j~nAnaM vij~nAnagamyaM gaganasusadR^ishaM dhyAyate yaH sa muktaH || 19||
AdikShAntasabinduyuktasahitaM meruM kShakArAtmakaM
vyastAvyastasamastavargasahitaM pUrNaM shatAShTottaram |
gAyatrIM japatAM trikAlasahitAM nityaM sanaimittikamevaM
jApyaphalaM shivena kathitaM sadbhogyamokShapradam || 20||
saptavyAhR^itisaptatAravikR^itiH satyaM vareNyaM dhR^itiH
sarvaM tatsavitushcha dhImahi mahAbhargasya devaM bhaje |
dhAmno dhAma dhamAdhidhAraNamahAndhImatpadaM dhyAyate
OM tatsarvamanuprapUrNadashakaM pAdatrayaM kevalam || 21||
vij~nAne vilasadvivekavachasaH praj~nAnusandhAriNIM
shraddhAmedhyayashaHshiraHsumanasaH svasti shriyaM tvAM sadA |
AyuShyaM dhanadhAnyalakShmimatulAM devIM kaTAkShaM paraM
tatkAle sakalArthasAdhanamadAnmuktirmahattvaM padam || 22||
pR^ithvIgandho.archanAyAM nabhasi kusumatA vAyudhUpaprakarSho
vahnirdIpaprakAsho jalamamR^itamayaM nityasa~NkalpapUjA |
etatsarvaM nivedyaM sukhavati hR^idaye sarvadA dampatInAM
tvaM sarvaj~nA shivaM me kR^iru tava mamatA bhaktavR^inde prasiddhA || 23||
saumyaM saubhAgyahetuM sakalasukhakaraM sarvasaukhyaM samastaM
satyaM sadbhoganityaM sukhajanasuhR^idaM sundaraM shrIsamastam |
sauma~NgalyaM samagraM sakalashubhakaraM svastivAchaM samastaM
sarvAdyaM sadvivekaM tripadapadayugaM prAptumadhyAsamastam || 24||
gAyatrIpadapa~nchapa~nchapraNavadvandvaM vidhau sampuTaM
sR^iShTyAdikramantrajApyadashakaM devIpadaM kShuttrayam |
mantrAtisthitikeShu sampuTamidaM shrImAtR^ikAveShTanaM
varNAntyAdivilomamantrajapanaM saMhArasammohanam || 25||
bhUrAdyaM bhUrbhuvaHsvastripadapadayutaM tryakShamAdyantayojyaM
sR^iShTisthityantakAryaM kramashikhisakalaM sarvamantraM prashastam |
sarvA~NgaM mAtR^ikANAM manumayavapuShaM mantrayogaprayuktaM
saMhAraM kShAdivarNaM vasushatagaNanaM mantrarAjaM namAmi || 26||
vishvAmitramudAhR^itaM hitakaraM sarvArthasiddhipradaM
stotrANAM paramaM prabhAtasamaye pArAyaNaM nityashaH |
vedAnAM vidhivAdamantrasaphalaM siddhipradaM sampadAM
sa prApnotyaparatra sarvasukhadamAyuShyamArogyatAm || 27||

iti shrIvishvAmitrapraNIto gAyatrIstavarAjaH sampUrNaH ||
##
Proofread by PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}