% Text title            : Gangakavacha
% File name             : gangAkavacham.itx
% Category              : devii, nadI, kavacha, devI
% Location              : doc\_devii
% Transliterated by     : Shree Devi Kumar shreeshrii at gmail.com
% Proofread by          : Shree Devi Kumar shreeshrii at gmail.com
% Latest update         : October 26, 2019
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Gangakavacham ..}##
\itxtitle{.. ga~NgAkavacham ..}##\endtitles ##
nArada uvAcha \-
brahman ! kena vidhAnena sarvapApakShayo bhavet |
kathaM rakShetsurashreShTha sAdhakAnAM surApagA || 1||
brahmovAcha \-
sAdhu sAdhu tvayA putra ! sAdhu karma prakAshitam |
kavachaM jahnukanyAyA triShu lokeShu durlabham || 2||
aprakAshyaM cha yadgopyamatastattvavadhAryatAm |

asya shrI ga~NgAkavachamantrasya nArAyaNaR^iShiranuShTupChandaH
sarvatIrthottamA ga~NgAdevatA gaM bIjaM gAH shaktiH avyaktaM kIlakaM
shrIga~NgAprasAdasid.hdhyarthe jape viniyogaH |

atha dhyAnaM \-
shubhrAmbhojashashiprabhAM shashimukhIM svakShAmbujAkShIM parAM
     muktAhAralasatkuchAM maNimayairAbhUShitAM bhUShaNaiH |
ka~njasvarNaghaTIvarAbhayakarAM shvetAmbarADambarAM
     padmotpIThagatAM sudhAsamuditAM shrIdevabhUShAM bhaje || 1||
vande devatara~NgiNIM pratidinaM brahmANDamAkhaNDinIM
     shambhormastakamaNDinIM muraripora~NghymbujAsevinIm |
kalyANotsavakAriNIM kalimalonmUlatvanirmUlinI
     mokShadvArakapATapATanakarIM nityaM chidAnandinI || 2||

atha kavachaM \-
shiro me pAtu sA ga~NgA divyAchyutA~NghrichyutA |
bhAlaM bhAgIrathI pAtu netre cha jahnunandinI || 3||
shrutI me jAhnavI pAtu ghrANayugmaM surApagA |
rasanAM pAtu me nityaM ga~NgA pApapraNAshinI || 4||
vadanaM sakalaM pAtu sadA mandAkinI mama |
skandhau pAtu cha me bAhU ga~NgA sAgaragAminI || 5||
karau rakShatu sA ga~NgA shambhumastakamaNDinI |
hR^idayaM nAbhimadhyaM cha pAtu devanadI mama || 6||
kaTidvayaM sadA pAtu brahmANDakhaNDinI mama |
jAnunI jahnujA pAtu pAyAdUrUM trimArgagA || 7||
gulphayugmaM sadA pAtu sA me sharmapradAyinI |
prapadaM pAtu me nityaM kalikalmaShanAshinI || 8||
kAshItalagatA yA cha kAlindIsa~NgamA cha yA |
sA pAtu mama sarvA~NgaM ga~NgA gaganamekhalA || 9||
nirjarairvanditA yA cha chaturvargaphalapradA |
tasyA idaM cha ga~NgAyAH kavachaM paramAdbhutam || 10||

atha phalashrutiH \-
anantavyAdhividhvaMsi kIrtibuddhipravarddhanam |
shokaduHkhaprashamanaM sarvarakShAkaraM nR^iNAm || 11||
shatrorvinAshanaM shashvatsukhasampatpravardhanam |
yo.adhIyAt kavachaM chaitanmuktapApo bhavechcha saH || 12||
ekakAlaM dvikAlaM cha trikAlaM cha paThettu yaH |
paThedyo vai shatAvR^ittyA mAsamekaM nirantaram || 13||
dhR^itvedaM kavachaM kaNThe gachChedyo yatra kutrachit |
svapne mUrtimayIM ga~NgAM varadAM so.api pashyati || 14||
dhanadhAnyasamAyuktaH putrapautrasamanvitaH |
triShu lokeShu pUjyaH syAdasya pAThAnna saMshayaH || 15||
shR^iNuyAtparayA bhaktyA vAchyamAnaM narottamaH |
so.apyaghaughavinirmukto jIvanmukto bhavechcha yaH || 16||
durbhikShe durgabandhe viShamajalachaye kAnane duShTachauraiH
dIpte vahnipradAhe prabalaripubhaye rAjyaduHkhe pravR^itte |
smR^itvA devIM cha ga~NgAM tribhuvanajananIM vA paThed yo hi chaitat
taistairdukhairvimukto sapadi sa manujo jAyate satyametat || 17||
kulInAya cha dAtavyaM ga~NgAbhaktiparAya cha |
viShNubhaktAya shAntAya shraddadhAnAya sarvadA || 18||
kushiShyAya na dAtavyaM duShTAya cha visheShataH |
datvA.abhaktAya putrAya nedaM phalapradaM bhavet || 19||
sAdhakAya cha shAntAya gurorAj~nAnuvartine |
dAtavyaM cha tvayA tAta datvA.anantaphalaM bhavet || 20||

iti shrIbrahmANDapurANe brahmanAradasamvAde
shrIga~NgAkavachaM sampUrNam ||

##
Encoded and proofread by Shree Devi Kumar shreeshrii at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}