% Text title            : Ganga Kavacham Divyamangala
% File name             : gangAkavachamdivyamangalAkhyam.itx
% Category              : devii, nadI, kavacha, devI
% Location              : doc\_devii
% Transliterated by     : Shree Devi Kumar shreeshrii at gmail.com
% Proofread by          : Shree Devi Kumar shreeshrii at gmail.com
% Latest update         : July 31, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ganga Kavacham Divyamangala ..}##
\itxtitle{.. ga~NgAkavacham divyama~NgalAkhyam ..}##\endtitles ##
|| shrIgaNeshAya namaH ||
R^iShaya UchuH \-\-
bhagavan! sarvadharmaj~na! sarvashAstravishArada! |
shrIga~NgAyAstu kavachaM brUhi no vadatAM vara! || 1||
guptaM sahasranAmAkhyaM stotraM paramapAvanam |
idAnIM shrotumichChAmi ga~NgAyAH kavachaM shubham || 2||
yasya shravaNamAtreNa ga~NgAdevI prasIdati |
pApAni cha vilIyante vardhante dhanasampadaH || 3||

sanatkumAra uvAcha \-\-
shR^iNudhvaM munayaH sarve guhyAdguhyataraM param |
jAhnavyA divyakavachaM bhuktimuktiphalapradam || 4||

OM asya shrIga~NgAkavachamantrasya shrIsadAshiva R^iShiranuShTup ChandaH
saMsAratAriNI shrIga~NgA devatA shrI bIjaM gaM shaktiH gAmiti kIlakaM
mama sakalapApakShayapUrvakaM mokShasAdhane jape vinayogaH ||

atha dhyAnaM pravakShyAmi ga~NgAyAH suradurlabham |
yat kR^itvA munayaH samyak parAM siddhimito gatAH || 6||
netratrayodbhAsitachArudehAM shvetAmbarAM chandrakalAtmikAM cha |
mANikyamuktAphalabhUShitA~NgI shvetAtapatrAM karuNArasArdrAm || 7||
sUryendukoTidyutima~NganAbhiH sachAmarAbhiH parivIjyamAnAm |
chaturbhujAM hastachatuShTayena varAbhaye padmayugaM dadhAnAm || 8||
divyAnulepena vibhUShitA~NgI divyAM dadhAnAM srajamAdishaktim |
surairanekairR^iShibhishcha divyairniShevyamAnAmupachArayogaiH || 9||
nAnAvidhAnpAtakinaH prapatrAn santArayantI karuNAdR^ishArdrAm |
dhyAyedimAM pUrNashashAM~NkashubhrAM nadairnadIbhiH parisevyamAnAm || 10||
evaM dhyAtvA mahAdevI ga~NgAM tribhuvaneshvarIm |
japenmantraM mahAdevyAstasyoddhAro nirUpyate || 11||
praNavo vAgbhavaM mAyA kAmabIjaM namaH padam |
bhagavatyambike ambAlike padamathoddharet || 12||
mahAmAlini tasyAnta ehyohi padamuddharet |
asheShatIrthAlavAle mAyAlakShmIrmanobhavaH || 13||
tataH shivajaTAjUTAdhirUDhe padamuddharet |
ga~Nge ga~NgAmbike svAhA manurdvikaraNAkSharaH || 14||
sarvasampatpradaH sarvapAtakaughavinAshanaH |
sarvakalyANanilayo ga~NgAsAnnidhyakArakaH || 15||
etasya mantrarAjasya mahAdeva R^iShiH svayam |
virAT ChandaH smR^itaM devI jAhnavI devatA svayam || 16||
tAro bIjaM vAgbhavaM cha shaktirmAyA cha kIlakam |
tArakaM kAmabIjaM cha muktau cha viniyogakaH || 17||
kuryAt ShaDaM~Nga mantraM svamAyayA praNavAdyayA |
ShaDdIrghabhinayAtpashchAjjapenmanntraM shatAShTakam || 18||
tatastu kavachaM devyAH paThet sarvArthasiddhaye |
tadahaM sa.npravakShyAmi shR^iNudhvaM munipu~NgavAH || 19||
prAchyAM shrIjAhnavI pAtu yAmyAM ga~NgA sadA.avatu |
bhIShmasUH pashchimAyAM me udIchyAM suranimnagA || 20||
bhAgIrathyagnikoNe mAM trisrotAH pAtu nairR^ite |
vAyavye mAM shvetavAsA IshAne tripathasthitA || 21||
brahmaga~NgA chordhdvadeshamadhaH pAtAlajAhnavI |
digvidikprAntarAle mAM ga~NgA svargagatA.avatu || 22||
hR^idaste pAtu me keshAnabhayaM me shiro.avatu |
bhAlaM me kamalaM pAtu dhruvau chandrakalA.avatu ||
netre pAtu jagaddhAtrI mamoShThaM vijayA.avatu |
viShNuH padmadharaM pAtu shrotre pAtu sudarshanA || 23||
mandAkinI dantapa~NktiM svargagAgaNDayugmakam |
sudhAjalA pAtu jihvAM vANI pAtu mukhaM mama || 24||
totalA tAludeshaM me chibukaM sarvama~NgalA |
mandAkinI vaktravR^ittaM vyoma\-ga~NgAjalaM mama || 25||
kR^ikoTikAM kalmaShaghnI skandhayoH suranimnagA |
kaurmI pAtu bhujadvandvaM pANyoH phalakamIshvarI || 26||
karA~NgulIH pAtu chAndrI nakhAnAkAshachandrikA |
sUryamaNDalagA pAtu kakShAM sAgaratAriNI || 27||
vakShaHsthalaM pAtu nityaM devI me.alakanandikA |
hR^idayaM pAtu chakShumeM sItA pAtUdaraM mama || 28||
pArshvayoH parvatadrAvA stanau someshvarI tathA |
jagaduddhAriNI nAbhiM pR^iShTaM makaravAhanA || 29||
viShNushaktiH kaTiM pAtu sphichau pAtu dayAmbudhiH |
viShNu pAdAbjasambhUtA guhyaM me parirakShatu || 30||
kR^ipAkomalagAtrI sA mUlAdhAraM mamAvatu |
svAdhiShThAnaM pAtu nityaM pApAdatha davAnalA || 31||
pAyAnme maNipUraM sA shAntanoH sukhavardhinI |
anAhataM sadA pAyAd bhagIrathaniShevitA || 32||
vishuddhachakraM me pAtu vashiShThopAsitAmbikA |
Aj~nAchakraM mama prItyA vishvAmitrArchitA.avatu || 33||
brahmarandhraM sadA pAtu sravatpIyUShamandiram |
svayambhUli~NginI li~NgaM kuNDalI paradevatA || 34||
patitoddhAriNI pAtu jaTharaM sha~NkarapriyA |
jaTAla~NkAriNI shambhorurUyugmaM mamAvatu || 35||
jAnU mR^iDAnI me pAtu ja~Nghe pAtu jagatprasUH |
lAvaNyashevadhiH pAtu gulpho gaganamekhalA || 36||
matsyakakShapahaMsAlirAjitA pAtu pAdayoH |
pAdAM~NgulIH pAtu nityaM nishreNI samanohare || 37||
rasAsR^i~NmAMsamedAMsi pAtu me bhavatAriNI |
manobuddhimahantAM me pAtu nArAyaNI sadA || 38||
AyuH kalyANadA pAtu vayo rakShatu vaiShNavI |
bhAryAM vR^iddhikarI pAtu putrAn vaMshakarI mama || 39||
gR^ihaM rakShatu lakShmI meM pAtu kShetraM shivapriyA |
dharmakartrI yashaH pAtu dharmaM pAtu manaHsvinI || 40||
kulaM kuleshI me pAtu sadgatiM pAtu sadgatiH |
jale sthale.anale.araNye pAtAle raNasa~NkaTe || 41||
durge gR^ihe jagannAthA pAtu sarvanadIshvarI |
agrataH pAtu ga~NgordhvaM pAtu ga~NgA cha pArshvayoH || 42||
ga~Ngaiva pR^iShThataH pAtu tathAdhaH pAtu me vapuH |
itIdaM kavachaM divyaM ga~NgAyAH paramAdbhutam || 43||
R^iShayaH kathitaM sAkShAnmahApAtakanAshanam |
ekakAlaM dvikAlaM vA trikAlaM yaH sadA paThet || 44||
ga~NgAyAH shrAvayedvApi tasya pApaM praNashyati |
vardhante sampadaH sarvAH sampadyante manorathAH || 45||
jAyate siddhayo.aShTau cha nashyanti vipadaH kShaNAt |
kuShThAt pramuchyate kuShThI vyAdhibhyashchApi muchyate || 46||
nirmalaM syAnmanastasya vishuddhaM sphaTikopamam |
yasya yasya cha devasya kriyate pUjanaM japaH || 47||
tasya tasya prasAdaM sA ga~NgAdevI prayachChati |
pAtakAnAmanekAnAM prAyashchittaM chikIrShuNA || 48||
paThanIyaM tu ga~NgAyAH kavachaM pAtakApaham |
ga~NgAmAhAtmyaviNmantrI ga~NgA\-kavachamabhyaset || 49||
sa snAtaH sarvatIrtheShu sarvayaj~neShu dIkShitaH |
sarvANi tena dAnAni dattAni munipu~NgavAH || 50||
shrIviShNustoShitastena toShitastena sha~NkaraH |
arghyadAnena santuShTaH kR^itastena divAkaraH || 52||
tasya pApAni nashyanti mahAntyapi na saMshayaH |
nAbhimAtre jale sthitvA yo ga~NgAkavachaM paThet || 53||
sa svapne pashyati kShipraM jAhnavI purataH sthitAm |
idaM kavachamaj~nAtvA ga~NgAmantraM japennaraH || 54||
sarvavighnaiH sa bAdhyaH syAdvyAghrairmR^igaMshishuryathA |
ga~NgA ga~Ngeti yo brUyAd yojanAnAM shatairapi |
muchyate sarvapApebhyo harisAyujyamApnuyAt || 55||
idaM ga~NgAjale sthitvA kavachaM yaH sakR^ijjapet |
bhUtapretapishAchAdibAdhAbhyo muchyate kShaNAt || 56||
pitarastR^iptimAyAnti kavachasyAsya pAThataH |
shrAddhakAle paThenmartyo nayetsvargaM pitAmahAn || 57||
bhUrje likhitvA kavachaM mastake dhArayedyadi |
yatra tatra vipanno.api vArANasyAM mR^ito bhavet || 58||
munibhiH kathitaM devyAH jAhnavyAH kavachottamam |
yUyaM paThadhvaM satataM sadgatiM samavApsyatha || 59||

|| iti shrIbrahmANDapurANe R^iShisanatkumArasaMvAde
ga~NgAyA divyama~NgalaM nAma kavachaM sampUrNam ||

shubhamastu |

shubhamastu sarvajagataH |

|| shrIga~NgAyai namaH ||

##
Encoded and proofread by Shree Devi Kumar shreeshrii at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}