% Text title            : gangAstuti 1
% File name             : gangAstuti.itx
% Category              : devii, nadI, stotra, devI
% Location              : doc\_devii
% Transliterated by     : Dinesh Agarwal  dinesh.garghouse at gmail.com
% Proofread by          : Dinesh Agarwal  dinesh.garghouse at gmail.com
% Latest update         : October 25, 2019, July 5, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Gangastuti or Gangadashahara Stotram ..}##
\itxtitle{.. ga~NgAstutI ga~NgAdashaharAstotram cha ..}##\endtitles ##
shrIgaNeshAya namaH |
Ishvara uvAcha |
chaturbhujAM trinetrAM cha sarvAvayavashobhitAm |
ratnakumbhasitAmbhojavaradAbhayasatkarAm || 1||
shvetavastraparIdhAnAM muktAmaNivibhUShitAm |
evaM dhyAyetsusaumyAM cha chandrAyutasamaprabhAm || 2||
chAmarairvIjyamAnAM cha shvetachChatropashobhitAm |
suprasannAM cha varadAM karuNArdranirantarAm || 3||
sudhAplAvitabhUpR^iShThAM divyagandhAnulepanAm |
trailokyanamitAM ga~NgAM sarvadevairabhiShTutAm || 4||
divyaratnavibhUShAM cha divyamAlyairvibhUShitAm |
dhyAtvA jale yathAproktaM tathAchAryAM cha pUjayet || 5||
OM namo bhagavatyai aiM shrIM hrIM hili hili mili mili
              ga~Nge mAM pAvaya pAvaya svAhA |
anena mantreNa Agamoktena pa~nchapuShpA~njaliM shrIga~NgAyai nivedayet |
mayA hatAni puShpANi pUjArthaM pratigR^ihyatAm |
dashAMgaM guggulaM dhUpaM sugandhaM cha manoharam || 6||
gR^ihANa ma~NgalaM dIpaM ghR^itavartisamanvitam |
chaturvidhaM cha naivedyaM rasaiH ShaDbhiH samanvitam |
rudrarUpe! namaste.astu gR^ihANa varadA bhava || 7||
paradAraparadravyaparadrohaparA~NmukhaH
ga~NgA brUte kadA.a.agatya mAmayaM pAvayiShyati ||
iti vaishvAnaranAradasamvAde dashapApaharAyAH shrIga~NgAdhyAnArchanavidhiH |
evaM dhyAnArchanaM vidhAya pashchAjjalAntare sthitvA, jyeShThe mAsi
site pakShe pratipadAdidashamIparyantaM dashavidhapApapraNAshAya
pratidinamuttarottaradinavR^iddhayA dashaharAstotrapAThamahaM kariShye |

atha dashaharAstotraprArambhaH |
brahmovAcha \-\-
namaH shivAyai ga~NgAyai shivadAyai namo namaH  |
namaste rudrarUpiNyai shA~Nkaryai te namo namaH  || 1||
namaste viShNurUpiNyai brahmAmUrtyai namo namaH |
sarvadevasvarUpiNyai namo bheShajamUrtaye  || 2||
sarvasya sarvavyAdhInAM bhiShakShreShThyai namo.astu te |
sthANuja~NgamasambhUtaviShahantryai namo namaH  || 3||
saMsAraviShanAhinyai jIvanAyai namo namaH |
shAntisantAnakAriNyai namaste shuddhamUrtaye || 4||
sarvasaMshuddhikAriNyai namaH pApArimUrtaye |
bhuktimuktipradAyinyai bhadradAyai namo namaH || 5||
bhogopabhogadAyinyai bhogavatyai namo namaH |
mandAkinyai namaste.astu svargadAyai namo namaH  || 6||
namastrailokyabhUShAyai tripathAyai namo namaH |
namastrishuklasaMsthAyai kShamAvatyai namo namaH  || 7||
trihUtAshanasaMsthAyai tejovatyai namo namaH |
nandAyai li~NgadhAriNyai nArAyaNyai namo namaH || 8||
namaste vishvamukhyAyai revatyai te namo namaH  |
bR^ihatyai te namaste.astu lokadhAtryai namo namaH || 9||
namaste vishvamitrAyai nandinyai te namo namaH  |
pR^ithvyai shivAmR^itAyai cha suvR^iShAyai namo namaH || 10||
parAparashatADhyAyai varadAyai namo namaH |
pAshajAlanikR^ntinyai abhinnAyai namo namaH || 11||
shAntAyai cha variShThAyai varadAyai namo namaH  |
usrAyai sukhadogdhryai cha sa~njIvinyai namo namaH || 12||
brahmiShThAyai brahmadAyai duritaghnyai namo namaH |
praNatArtiprabha~njinyai jaganmAtre namo.astu te  || 13||
sarvApatpratipakShAyai ma~NgalAyai namo namaH  |
sharaNAgatadInArtaparitrANaparAyaNe || 14||
sarvasyArtihare devi nArAyaNi namo.astute  |
nirlepAyai durgahantryai dakShAyai te namo namaH || 15||
parAtparatare tubhyaM namaste mokShade sadA  |
ga~Nge mamAgrato bhUyA ga~Nge me devi pR^iShThataH || 16||
ga~Nge me pArshvayorehi tvayi ga~Nge.astu me sthitiH  |
Adau tvamante madhye cha sarvaM tvaM gAM gate shive || 17||
tvameva mUlaprakR^itistvaM hi nArAyaNaH paraH  |
ga~Nge tvaM paramAtmA cha shivastubhyaM namaH shive || 18||
ya idaM paThati stotraM bhaktyA nityaM naro.api yaH  |
shR^iNuyAchChraddhayA yuktaH kAyavAkchittasambhavaiH || 19||
dashadhAsaMsthitairdoShaiH sarvaireva pramuchyate  |
sarvAnkAmAnavApnoti pretya brahmaNi liyate || 20||
imaM stavaM gR^ihe yastu lekhayitvA vinikShipet |
nAgnichorabhayaM tatra pApebhy.api bhayaM na hi || 21||
jyeShThe mAsi site pakShe dashamI hastasaMyutA  |
saMharettrividhaM pApaM budhavAreNa saMyutA || 22||
tasyAM dashamyAmetachcha stotraM ga~NgAjale sthitaH |
yaH paTheddashakR^itvastu daridro vApi chAkShamaH  || 23||
so.api tatphalamApnoti ga~NgAM sampUjya yatnataH |
pUrvoktena vidhAnena yatphalaM sa.nprakIrtitam || 24||
yathA gaurI tathA ga~NgA tasmAdgauryAstu pUjane |
vidhiryo vihitaH samyak so.api ga~NgAprapUjane ||25||
yathA shivastathA viShNuryathA viShNurumA tathA |
umA yathA tathA ga~NgA chatUrUpanna bhidyate ||26||
viShNurudrAntaraM yachcha shrIgauryorantaraM yathA |
ga~NgAgauryantaraM chApi yo brUte mUDhadhIstu saH ||27||
rauravAdiShu ghoreShu narakeShu patatyadhaH |
adattAnAmupAdAnaM hiMsA chaivAvidhAnataH  || 28||
paradAropasevA cha kAyikaM trividhaM smR^itam |
pAruShyamanR^itaM chaiva paishunyaM chApi sarvashaH  || 29||
asambaddhapralApashcha vA~NmayaM syAchchaturvidham |
paradravyeShvabhidhyAnaM manasAniShTachintanam  || 30||
vitathAbhiniveshashcha mAnasaM trividhaM smR^itam |
etAni dasha pApAni hara tvaM mama jAhnavi  || 31||
dashapApaharA yasmAttasmAddashaharA smR^itA |
etaidarshavidhaiH pApaiH koTijanmasamudbhavaiH || 32||
mu.nchyate nAtra sandeho brahmaNo vachanaM yathA |
dashatriMshachChrtAnsarvAn pitR^Inatha pitAmahAn  || 33||
uddharatyeva saMsArAnmantreNAnena pUjitA  |
OM namo bhagavatyai dashapApaharAyai ga~NgAyai nArAyaNyai revatyai |
shivAyai dakShAyai amR^itAyai vishvarUpiNyai (vishvamukhyAyai)
            nandinyai te namo namaH  || 34||
jyeShThe mAsi site pakShe dashamYAM budhahastayoH |
garAnande vyatIpAte kanyAchandre vR^iShe ravau |
dashayoge cha yaH snAtvA sarvapApaiH pramuchyate || 35||
sitamakaraniShaNNAM shubhravarNAM trinetrAM
     karadhR^itakalashodyatsotpalAmatyabhIShTAm |
vidhiharihararUpAM sendukoTIrajuShTAM
     kalitasitadukUlAM jAhnavIM tAM namAmi  || 36||
AdAvAdipitAmahasya nigamavyApArapAtre jalaM
     pashchAtpannagashAyino bhagavataH pAdodakaM pAvanam |
bhUyaH shambhujaTAvibhUShaNamaNirjahnormaharSheriyaM
     kanyA kalmaShanAshinI bhagavatI bhAgIrathI dR^ishyate  || 37||
viShNupAdAbjasambhUte ga~Nge tripathagAmini |
brahmadraveti vikhyAte pApaM me hara jAhnavi || 38||
jAhnavI sarvataH puNyA brahmahatyApahAriNI |
vArANasyAM visheSheNa ga~NgA chottaravAhinI || 39||
ga~NgA ga~Ngeti yo brUyAdyojanAnAM shatairapi |
muchyate sarvapApebhyo viShNulokaM sa gachChati  || 40||

iti skande mahApurANe ekAshIti sAhasryAM saMhitAyAM tR^itIye kAshIkhaNDe
dharmAbdhisthA ga~NgAstutiH athavA shrIga~NgAdashaharAstotraM sampUrNam |

athAgamoktaM stotraM evam |
##
\medskip\hrule\medskip
Encoded and proofread by Dinesh Agarwal  dinesh.garghouse at gmail.com
Proofread by PSA EASWARAN, NA

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}