% Text title            : Gangatarangah
% File name             : gangAtarangaH.itx
% Category              : devii, nadI, devI
% Location              : doc\_devii
% Author                : mayUrapaNDitAnujasUnabAlakavi
% Transliterated by     : Shree Devi Kumar shreeshrii at gmail.com
% Proofread by          : Shree Devi Kumar shreeshrii at gmail.com
% Latest update         : November 3, 2019
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Gangatarangah ..}##
\itxtitle{.. ga~NgAtara~NgaH ..}##\endtitles ##
|| shrIgaNeshAya namaH ||

shrIga~Nge bhAgIrathi shrIsha~NkaramaulimAlatImAle |
karuNAvati jaya bhagavati pAhi kR^ipApA~NgataH shivasadaye || 1||
pa~NktAvupaviShTAnAM sarveShAM tarpaNaM samaM nyAyyam |
mama tu shrotraM tR^iptaM ga~Nge ! rItiH kathaM tvadIyeyam || 2||
sarvendriyasauhityaM yathA bhaviShyati tathA laghu vidheyam |
adyAvadhi yajjAtaM jAtaM ga~Nge ! tvayA dayA kAryA || 3||
dayanIyo.ayaM ga~Nge sarvaidharmAdibhiH parityaktaH |
yAmi sharaNaM kamadhunA tvayA vinA vrAtyarAjo.aham || 4||
pUrvaM samuddhR^itaH kati sa.npratyuddhartumanalasAsi tvam |
agre samuddhariShyasi tanmadhye mAdR^isho naiva || 5||
pUrvaM na chaiva mAdR^i~N nochedAnIM puraH kuto bhavitA |
iti sa~NkhyAtumanalasA bhava bhavati jAhnavi tripathage tvam || 6||
pApina uddhartu tvaM baddhaparikarA shrutaM manIShibhyaH |
itthaM sati madviShaye ga~Nge keyaM pramIlA tvam || 7||
prAkkarma pachelimatAmAptamidAnIntane januShi |
iti viditamaho ga~Nge protkA yatsevanAya dhiShaNeyam || 8||
tava bhavatu namaskAro madviShaye devi ! bho namastubhyam |
karuNAvati jaya ga~Nge pAhi kR^ipApA~NgadR^iShTipAtaiH || 9||
katichid bruvanti vinduM nitambamAtraM cha jAnudaghnaM cha |
kechid gulphadvayasambhavasindhuM devatAntarAshrayaNAt || 10||
tava saMshrayAddhi ga~Nge bhavasindhorastitAM na manye.aham |
athavA manye bhramaM khenagaraH shashaviShANamaMshujalam || 11||
sharadAM pa~nchasahasrI tavasthitermAnamiti vidAmAj~nA |
ga~Nge yadavadhi viditA tadavadhi mAM pIDyatyadhIratvam || 12||
yasminkasmin hi bhave tiryashchitvaM samuddhariShyasi mAm |
iti satyamathApyasmi.Nshcharamabhave pAsi chechchamatkAraH || 13||
vIchIpatitaM sarvA nadyaH santArayanti kiM chitram |
tvamavIchIpatitamapi hi ga~Nge santArayasyaho chitram || 14||
vaMshAnutpAdayasi tvaM varddhayase tathaiva jIvayasi |
rakShasi vistArayasi svasminpatitaM hi tArayasi || 15||
sadvaMshabhave vaMshoddhAriNi ga~Nge namaskaromi tvAm |
vaMshyamapi dInaM dvijaM kiM tvaM nAdyApi tArayasi || 16||
no tArayasi hi mAM chenmA tAraya devi bhoH svatantrA tvam |
majjayasi tarhi majjaya ga~Nge svasminsugaNDashailamiva || 17||
mA mAstu maduddhAro naiva tvAmarthaye kadAchidapi |
kShudraM yAdojAtaM vidhAya mAM sthApayAshu nijajaThare || 18||
yadyapi yAdaH kShudraM charati mahachchettathApi madanumatiH |
kiM tava gatamatra paraM majjaya nAmAshu mA vidhehi chiram || 19||
bhavasindhau majjAyA vibhyati tAbhyaH suvidvAMsaH |
nAhaM vibhemi mAtarbhavasindhau tvayi mamAstu majjaivaH || 20||
lakShmInAthaM tyaktvA matvA shlAghyaM kapardisambandham |
ga~Nge bhUmau vicharasyataH kapardyasmi dR^igviShayaH || 21||
gomUrtyashvatthAdInitaratra tvaM kuruShva mA mAmbhoH |
kR^imimashakavetasAdIn pravidhAya sthApayAshu nijajaThare || 22||
sagarAnuddhartumanA bhUrandhraplAvanaM kR^itavatI tvam |
sagaro.asmi bahularandhraH plAvayasi na mAM surApage kimiti || 23||
surasa~NgAtsuradhunitA prAptA yAtA tathApi nokSharatA |
bhUsurasa~NgAdadhikaikAkSharatAptiH kathaM na sA vriyate || 24||
tvanmajjanameva paraM shlAghyaM mAnyaM shrutervacho.asmAkam |
nAnyatrAmaramuktAvalinIrAjitapadaM padaM shAkram || 25||
achyutapadachyutApi hi dAtuM nainaM padaM svatantrA tvam |
kA.anyedR^ishI dvitIyA svapadabhraShTA satI tadarpayitum || 26||
doShatrayApanutyai trividhA martyAstvayi pramajjanti |
dvichaturdashadoShADhyAMstAMstvaM kuruShe kathaM tvetat || 27||
kashchitka~nchichChrayatetyAdhikyaM labdhumiti janasthityAm |
bhUtaM chaturvidhaM tvaM trividhaM kuruShe kathaM ga~Nge ! || 28||
amba ! tvaddarshanato muktirna snAnajaM phalaM jAne |
iti yadvadati vipashchittadalIkaH snAnatastrimUrtitvam || 29||
triguNAMshaM pa~NkamArShTiM kartuM martyAstvayi pramajjanti |
tAnavisheSheNa tvaM karoShi nijalIlayA triguNamUrtIn || 30||
ga~Nge nashyati jananaM tvanmajjanato vadanti tadalIkam |
jantunivaho nimajja.Nstvayi bhavati hi sha~Nkaro vidhirviShNuH || 31||
svargAdadhaH patantI svordhvaM ga~Nge nimajjato nayasi |
soDhvA.api vipadgaNamatha santaH parakAryasAdhane vyagrAH || 32||
ga~NgAprArthanAtara~Ngo ga~NgAcharaNe samarpitaH shishunA |
saguNo viguNo vA stAM shrAvyaM kalabhAShaNaM hi shishoH || 33||

iti shrImadAryAchAryamayUrapaNDitAnujasUnabAlakavirachito
ga~NgArthanAtara~NgaH shivAya bhUyAt ||
##

Encoded and proofread by Shree Devi Kumar shreeshrii at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}