% Text title : Gangasahasranamastotram from Skandapurana % File name : gangaasahasra.itx % Category : sahasranAma, devii, nadI, stotra, devI % Location : doc\_devii % Transliterated by : DPD, Kirk Wortman % Proofread by : DPD, Kirk Wortman % Description-comments : akArAdikShakArAnta % Source : Skandapurana, Kashikhanda % Latest update : August 13, 2001, February 11, 2017 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Gangasahasranama Stotram ..}## \itxtitle{.. shrIga~NgAsahasranAmastotram ..}##\endtitles ## akArAdikShakArAnta nAmaghaTitaM skandapurANAntargataM agastya uvAcha vinA snAnena ga~NgAyAM nR^iNAM janma nirarthakam | upAyAntaramastyanyad yena snAnaphalaM labhet || 1|| ashaktAnAM cha pa~NgUnAmAlasyopahatAtmanAm | dUradeshAntarasthAnAM ga~NgAsnAnaM kathaM bhavet || 2|| dAnaM vAtha vrataM vAtha mantraH stotraM japo.athavA | tIrthAntarAbhiSheko vA devatopAsanaM tu vA || 3|| yadyasti ki~nchit ShaDvaktra ga~NgAsnAnaphalapradam | vidhAnAntaramAtreNa tad vada praNatAya me || 4|| tvatto na veda skandAnyo ga~NgAgarbhasamudbhava | paraM svargatara~NgiNyAM mahimAnaM mahAmate || 5|| skanda uvAcha santi puNyajalAnIha sarAMsi sarito mune | sthAne sthAne cha tIrthAni jitAtmAdhyuShitAni cha || 6|| dR^iShTapratyayakArINi mahAmahimabhA~njyapi | paraM svargatara~NgiNyAH koTyaMsho.api na tatra vai || 7|| anenaivAnumAnena buddhyasva kalashodbhava | dadhre ga~NgottamA~Ngena devadevena shambhunA || 8|| snAnakAle.anyatIrtheShu japyate jAhnavI janaiH | vinA viShNupadIM kvAnyat samarthamaghamochane || 9|| ga~NgAsnAnaphalaM brahman ga~NgAyAmeva labhyate | yathA drAkShAphalasvAdo drAkShAyAmeva nAnyataH || 10|| astyupAya iha tvekaH syAd yenAvikalaM phalam | snAnasya devasarito mahAguhyatamo mune || 11|| shivabhaktAya shAntAya viShNubhaktiparAya cha | shraddhAlave tvAstikAya garbhavAsamumukShave || 12|| kathanIyaM na chAnyasya kasyachit kenachit kvachit | idaM rahasyaM paramaM mahApAtakanAshanam || 13|| mahAshreyaskaraM puNyaM manorathakaraM param | dyunadIprItijanakaM shivasantoShasantatiH || 14|| nAmnAM sahasraM ga~NgAyAH stavarAjeShu shobhanam | japyAnAM paramaM japyaM vedopaniShadAM samam || 15|| japanIyaM prayatnena mauninA vAchakaM vinA | shuchisthAneShu shuchinA suspaShTAkSharameva cha || 16|| dhyAnam \- shailendrAdavatAriNI nijajale majjadjanottAriNI pArAvAravihAriNI bhavabhayashreNI samutsAriNI | sheShAheranukAriNI harashirovallIdalAkAriNI kAshIprAntavihAriNI vijayate ga~NgA manohAriNI || OM namo ga~NgAdevyai || o.nkArarUpiNyajarA.atulA.anantA.amR^itasravA | atyudArA.abhayA.ashokA.alakanandA.amR^itA.amalA || 17|| anAthavatsalA.amoghA.apAMyoniramR^itapradA | avyaktalakShaNA.akShobhyA.anavachChinnA.aparA.ajitA || 18|| anAthanAthA.abhIShTArthasiddhidA.ana~NgavardhinI | aNimAdiguNA.adhArA.agragaNyA.alIkahAriNI || 19|| achintyashaktiranaghA.adbhutarUpA.aghahAriNI | adrirAjasutA.aShTA~NgayogasiddhipradA.achyutA || 20|| akShuNNashaktirasudA.anantatIrthA.amR^itodakA | anantamahimA.apArA.anantasaukhyapradA.annadA || 21|| asheShadevatAmUrtiraghorA.amR^itarUpiNI | avidyAjAlashamanI hyapratarkyagatipradA || 22|| asheShavighnasaMhartrI tvasheShaguNagumphitA | aj~nAnatimirajyotiranugrahaparAyaNA || 23|| abhirAmA.anavadyA~NgyanantasArA.akala~NkinI | ArogyadA.a.anandavallI tvApannArtivinAshinI || 24|| AshcharyamUrtirAyuShyA hyADhyA.a.adyA.a.aprA.a.aryasevitA | ApyAyinyAptavidyAkhyA tvAnandA.a.ashvAsadAyinI || 25|| AlasyaghnyApadAM hantrI hyAnandAmR^itavarShiNI | irAvatIShTadAtrIShTA tviShTApUrtaphalapradA || 26|| itihAsashrutIDyArthA tvihAmutrashubhapradA | ijyAshIlasamijyeShThA tvindrAdiparivanditA || 27|| ilAla~NkAramAleddhA tvindirAramyamandirA | idindirAdisaMsevyA tvIshvarIshvaravallabhA || 28|| ItibhItihareDyA cha tvIDanIyacharitrabhR^it | utkR^iShTashaktirutkR^iShToDupamaNDalachAriNI || 29|| uditAmbaramArgosroragalokavihAriNI | ukShorvarotpalotkumbhA upendracharaNadravA || 30|| udanvatpUrtihetushchodArotsAhapravardhinI | udvegaghnyuShNashamanI hyuShNarashmisutApriyA || 31|| utpattisthitisaMhArakAriNyuparichAriNI | UrjaM vahantyUrjadharorjAvatI chormimAlinI || 32|| UrdhvaretaHpriyordhvAdhvA hyUrmilordhvagatipradA | R^iShivR^indastutarddhishcha R^iNatrayavinAshinI || 33|| R^itambhararddhidAtrI cha R^iksvarUpA R^ijupriyA | R^ikShamArgavaharkShArchirR^ijumArgapradarshinI || 34|| edhitAkhiladharmArthA tvekaikAmR^itadAyinI | edhanIyasvabhAvaijyA tvejitAsheShapAtakA || 35|| aishvaryadaishvaryarUpA hyaitihyaM hyaindavIdyutiH | ojasvinyoShadhIkShetramojodaudanadAyinI || 36|| oShThAmR^itaunnatyadAtrI tvauShadhaM bhavarogiNAm | audAryacha~nchuraupendrI tvaugrI hyaumeyarUpiNI || 37|| ambarAdhvavahAmbaShThAmbaramAlAmbujekShaNA | ambikAmbumahAyonirandhodAndhakahAriNI || 38|| aMshumAlA hyaMshumatI tva~NgIkR^itaShaDAnanA | andhatAmisrahantryandhura~njanA hya~njanAvatI || 39|| kalyANakAriNI kAmyA kamalotpalagandhinI | kumudvatI kamalinI kAntiH kalpitadAyinI || 40|| kA~nchanAkShI kAmadhenuH kIrtikR^it kleshanAshinI | kratushreShThA kratuphalA karmabandhavibhedinI || 41|| kamalAkShI klamaharA kR^ishAnutapanadyutiH | karuNArdrA cha kalyANI kalikalmaShanAshinI || 42|| kAmarUpA kriyAshaktiH kamalotpalamAlinI | kUTasthA karuNA kAntA kUrmayAnA kalAvatI || 43|| kamalA kalpalatikA kAlI kaluShavairiNI | kamanIyajalA kamrA kapardisukapardagA || 44|| kAlakUTaprashamanI kadambakusumapriyA | kAlindI kelilalitA kalakallolamAlikA || 45|| krAntalokatrayA kaNDUH kaNDUtanayavatsalA | khaDginI khaDgadhArAbhA khagA khaNDendudhAriNI || 46|| khekhelagAminI khasthA khaNDendutilakapriyA | khecharI khecharIvandyA khyAtiH khyAtipradAyinI || 47|| khaNDitapraNatAghaughA khalabuddhivinAshinI | khAtainaH kandasandohA khaDgakhaTvA~Nga kheTinI || 48|| kharasantApashamanI khaniH pIyUShapAthasAm | ga~NgA gandhavatI gaurI gandharvanagarapriyA || 49|| gambhIrA~NgI guNamayI gatAta~NkA gatipriyA | gaNanAthAmbikA gItA gadyapadyapariShTutA || 50|| gAndhArI garbhashamanI gatibhraShTagatipradA | gomatI guhyavidyA gaurgoptrI gaganagAminI || 51|| gotrapravardhinI guNyA guNAtItA guNAgraNIH | guhAmbikA girisutA govindA~NghrisamudbhavA || 52|| guNanIyacharitrA cha gAyatrI girishapriyA | gUDharUpA guNavatI gurvI gauravavardhinI || 53|| grahapIDAharA gundrA garaghnI gAnavatsalA | gharmahantrI ghR^itavatI ghR^itatuShTipradAyinI || 54|| ghaNTAravapriyA ghorAghaughavidhvaMsakAriNI | ghrANatuShTikarI ghoShA ghanAnandA ghanapriyA || 55|| ghAtukA ghUrNitajalA ghR^iShTapAtakasantatiH | ghaTakoTiprapItApA ghaTitAsheShama~NgalA || 56|| ghR^iNAvatI ghR^iNinidhirghasmarA ghUkanAdinI | ghusR^iNApi~njaratanurghargharA ghargharasvanA || 57|| chandrikA chandrakAntAmbushcha~nchadApA chaladyutiH | chinmayI chitirUpA cha chandrAyutashatAnanA || 58|| chAmpeyalochanA chArushchArva~NgI chArugAminI | chAryA chAritranilayA chitrakR^ichchitrarUpiNI || 59|| champUshchandanashuchyambushcharchanIyA chirasthirA | chAruchampakamAlADhyA chamitAsheShaduShkR^itA || 60|| chidAkAshavahA chintyA cha~nchachchAmaravIjitA | choritAsheShavR^ijinA charitAsheShamaNDalA || 61|| CheditAkhilapApaughA ChadmaghnI ChalahAriNI | ChannatriviShTapatalA ChoTitAsheShabandhanA || 62|| ChuritAmR^itadhAraughA ChinnainAshChandagAminI | ChatrIkR^itamarAlaughA ChaTIkR^itanijAmR^itA || 63|| jAhnavI jyA jaganmAtA japyA ja~NghAlavIchikA | jayA janArdanaprItA juShaNIyA jagaddhitA || 64|| jIvanaM jIvanaprANA jagajjyeShThA jaganmayI | jIvajIvAtulatikA janmijanmanibarhiNI || 65|| jADyavidhvaMsanakarI jagadyonirjalAvilA | jagadAnandajananI jalajA jalajekShaNA || 66|| janalochanapIyUShA jaTAtaTavihAriNI | jayantI ja~njapUkaghnI janitaj~nAnavigrahA || 67|| jhallarIvAdyakushalA jhalajjhAlajalAvR^itA | jhiNTIshavandyA jha~NkArakAriNI jharjharAvatI || 68|| TIkitAsheShapAtAlA Ta~Nkikaino.adripATane | Ta~NkAranR^ityatkallolA TIkanIyamahAtaTA || 69|| DambarapravahA DInarAjahaMsakulAkulA | DamaDDamaruhastA cha DAmaroktamahANDakA || 70|| DhaukitAsheShanirvANA DhakkAnAdachalajjalA | DhuNDhivighneshajananI DhaNaDDhuNitapAtakA || 71|| tarpaNI tIrthatIrthA cha tripathA tridasheshvarI | trilokagoptrI toyeshI trailokyaparivanditA || 72|| tApatritayasaMhartrI tejobalavivardhinI | trilakShyA tAraNI tArA tArApatikarArchitA || 73|| trailokyapAvanI puNyA tuShTidA tuShTirUpiNI | tR^iShNAchChetrI tIrthamAtA trivikramapadodbhavA || 74|| tapomayI taporUpA tapaHstomaphalapradA | ## var ## padapradA trailokyavyApinI tR^iptistR^iptikR^ittattvarUpiNI || 75|| trailokyasundarI turyA turyAtItaphalapradA | trailokyalakShmIstripadI tathyA timirachandrikA || 76|| tejogarbhA tapassArA tripurArishirogR^ihA | trayIsvarUpiNI tanvI tapanA~NgajabhItinut || 77|| taristaraNijAmitraM tarpitAsheShapUrvajA | tulAvirahitA tIvrapApatUlatanUnapAt || 78|| dAridryadamanI dakShA duShprekShA divyamaNDanA | dIkShAvatI durAvApyA drAkShAmadhuravAribhR^it || 79|| darshitAnekakutukA duShTadurjayaduHkhahR^it | dainyahR^idduritaghnI cha dAnavAripadAbjajA || 80|| dandashUkaviShaghnI cha dAritAghaughasantatiH | drutA devadrumachChannA durvArAghavighAtinI || 81|| damagrAhyA devamAtA devalokapradarshinI | devadevapriyA devI dikpAlapadadAyinI || 82|| dIrghAyuH kAriNI dIrghA dogdhrI dUShaNavarjitA | dugdhAmbuvAhinI dohyA divyA divyagatipradA || 83|| dyunadI dInasharaNaM dehidehanivAriNI | drAghIyasI dAghahantrI ditapAtakasantatiH || 84|| dUradeshAntaracharI durgamA devavallabhA | durvR^ittaghnI durvigAhyA dayAdhArA dayAvatI || 85|| durAsadA dAnashIlA drAviNI druhiNastutA | daityadAnavasaMshuddhikartrI durbuddhihAriNI || 86|| dAnasArA dayAsArA dyAvAbhUmivigAhinI | dR^iShTAdR^iShTaphalaprAptirdevatAvR^indavanditA || 87|| dIrghavratA dIrghadR^iShTirdIptatoyA durAlabhA | daNDayitrI daNDanItirduShTadaNDadharArchitA || 88|| durodaraghnI dAvArchirdravaddravyaikashevadhiH | dInasantApashamanI dAtrI davathuvairiNI || 89|| darIvidAraNaparA dAntA dAntajanapriyA | dAritAdritaTA durgA durgAraNyaprachAriNI || 90|| dharmadravA dharmadhurA dhenurdhIrA dhR^itirdhruvA | dhenudAnaphalasparshA dharmakAmArthamokShadA || 91|| dharmormivAhinI dhuryA dhAtrI dhAtrIvibhUShaNam | dharmiNI dharmashIlA cha dhanvikoTikR^itAvanA || 92|| dhyAtR^ipApaharA dhyeyA dhAvanI dhUtakalmaShA | dharmadhArA dharmasArA dhanadA dhanavardhinI || 93|| dharmAdharmaguNachChetrI dhattUrakusumapriyA | dharmeshI dharmashAstraj~nA dhanadhAnyasamR^iddhikR^it || 94|| dharmalabhyA dharmajalA dharmaprasavadharmiNI | dhyAnagamyasvarUpA cha dharaNI dhAtR^ipUjitA || 95|| dhUrdhUrjaTijaTAsaMsthA dhanyA dhIrdhAraNAvatI | nandA nirvANajananI nandinI nunnapAtakA || 96|| niShiddhavighnanichayA nijAnandaprakAshinI | nabho.a~NgaNacharI nUtirnamyA nArAyaNI nutA || 97|| nirmalA nirmalAkhyAnA nAshinI tApasampadAm | niyatA nityasukhadA nAnAshcharyamahAnidhiH || 98|| nadI nadasaromAtA nAyikA nAkadIrghikA | naShToddharaNadhIrA cha nandanA nandadAyinI || 99|| nirNiktAsheShabhuvanA niHsa~NgA nirupadravA | nirAlambA niShprapa~nchA nirNAshitamahAmalA || 100|| nirmalaj~nAnajananI niHsheShaprANitApahR^it | nityotsavA nityatR^iptA namaskAryA nira~njanA || 101|| niShThAvatI nirAta~NkA nirlepA nishchalAtmikA | niravadyA nirIhA cha nIlalohitamUrdhagA || 102|| nandibhR^i~NgigaNastutyA nAgA nandA nagAtmajA | niShpratyUhA nAkanadI nirayArNavadIrghanauH || 103|| puNyapradA puNyagarbhA puNyA puNyatara~NgiNI | pR^ithuH pR^ithuphalA pUrNA praNatArtiprabha~njanI || 104|| prANadA prANijananI prANeshI prANarUpiNI | padmAlayA parAshaktiH purajitparamapriyA || 105|| parA paraphalaprAptiH pAvanI cha payasvinI | parAnandA prakR^iShTArthA pratiShThA pAlinI parA || 106|| ## var ## pAlanI purANapaThitA prItA praNavAkShararUpiNI | pArvatI premasampannA pashupAshavimochanI || 107|| paramAtmasvarUpA cha parabrahmaprakAshinI | paramAnandaniShyandA prAyashchittasvarUpiNI || 108|| ## var ## niShpandA pAnIyarUpanirvANA paritrANaparAyaNA | pApendhanadavajvAlA pApAriH pApanAmanut || 109|| paramaishvaryajananI praj~nA prAj~nA parAparA | pratyakShalakShmIH padmAkShI paravyomAmR^itasravA || 110|| prasannarUpA praNidhiH pUtA pratyakShadevatA | pinAkiparamaprItA parameShThikamaNDaluH || 111|| padmanAbhapadArghyeNa prasUtA padmamAlinI | pararddhidA puShTikarI pathyA pUrtiH prabhAvatI || 112|| punAnA pItagarbhaghnI pApaparvatanAshinI | phalinI phalahastA cha phullAmbujavilochanA || 113|| phAlitainomahAkShetrA phaNilokavibhUShaNam | phenachChalapraNunnainAH phullakairavagandhinI || 114|| phenilAchChAmbudhArAbhA phaDuchchATitapAtakA | phANitasvAdusalilA phANTapathyajalAvilA || 115|| vishvamAtA cha vishveshI vishvA vishveshvarapriyA | brahmaNyA brahmakR^id brAhmI brahmiShThA vimalodakA || 116|| vibhAvarI cha virajA vikrAntAnekaviShTapA | vishvamitraM viShNupadI vaiShNavI vaiShNavapriyA || 117|| virUpAkShapriyakarI vibhUtirvishvatomukhI | vipAshA vaibudhI vedyA vedAkShararasasravA || 118|| vidyA vegavatI vandyA bR^iMhaNI brahmavAdinI | varadA viprakR^iShTA cha variShThA cha vishodhanI || 119|| vidyAdharI vishokA cha vayovR^indaniShevitA | bahUdakA balavatI vyomasthA vibudhapriyA || 120|| vANI vedavatI vittA brahmavidyAtara~NgiNI | brahmANDakoTivyAptAmburbrahmahatyApahAriNI || 121|| brahmeshaviShNurUpA cha buddhirvibhavavardhinI | vilAsisukhadA vashyA vyApinI cha vR^iShAraNiH || 122|| vR^iShA~NkamaulinilayA vipannArtiprabha~njanI | vinItA vinatA bradhnatanayA vinayAnvitA || 123|| vipa~nchI vAdyakushalA veNushrutivichakShaNA | varchaskarI balakarI balonmUlitakalmaShA || 124|| vipApmA vigatAta~NkA vikalpaparivarjitA | vR^iShTikartrI vR^iShTijalA vidhirvichChinnabandhanA || 125|| vratarUpA vittarUpA bahuvighnavinAshakR^it | vasudhArA vasumatI vichitrA~NgI vibhAvasuH || 126|| vijayA vishvabIjaM cha vAmadevI varapradA | vR^iShAshritA viShaghnI cha vij~nAnormyaMshumAlinI || 127|| bhavyA bhogavatI bhadrA bhavAnI bhUtabhAvinI | bhUtadhAtrI bhayaharA bhaktadAridryaghAtinI || 128|| bhuktimuktipradA bheshI bhaktasvargApavargadA | bhAgIrathI bhAnumatI bhAgyaM bhogavatI bhR^itiH || 129|| bhavapriyA bhavadveShTrI bhUtidA bhUtibhUShaNA | bhAlalochanabhAvaj~nA bhUtabhavyabhavatprabhuH || 130|| bhrAntij~nAnaprashamanI bhinnabrahmANDamaNDapA | bhUridA bhaktasulabhA bhAgyavaddR^iShTigocharI || 131|| bha~njitopaplavakulA bhakShyabhojyasukhapradA | bhikShaNIyA bhikShumAtA bhAvA bhAvasvarUpiNI || 132|| mandAkinI mahAnandA mAtA muktitara~NgiNI | mahodayA madhumatI mahApuNyA mudAkarI || 133|| munistutA mohahantrI mahAtIrthA madhusravA | mAdhavI mAninI mAnyA manorathapathAtigA || 134|| mokShadA matidA mukhyA mahAbhAgyajanAshritA | mahAvegavatI medhyA mahA mahimabhUShaNA || 135|| mahAprabhAvA mahatI mInacha~nchalalochanA | mahAkAruNyasampUrNA maharddhishcha mahotpalA || 136|| mUrtimanmuktiramaNI maNimANikyabhUShaNA | muktAkalApanepathyA manonayananandinI || 137|| mahApAtakarAshighnI mahAdevArdhahAriNI | mahormimAlinI muktA mahAdevI manonmanI || 138|| mahApuNyodayaprApyA mAyAtimirachandrikA | mahAvidyA mahAmAyA mahAmedhA mahauShadham || 139|| mAlAdharI mahopAyA mahoragavibhUShaNA | mahAmohaprashamanI mahAma~Ngalama~Ngalam || 140|| mArtaNDamaNDalacharI mahAlakShmIrmadojjhitA | yashasvinI yashodA cha yogyA yuktAtmasevitA || 141|| yogasiddhipradA yAjyA yaj~neshaparipUritA | yaj~neshI yaj~naphaladA yajanIyA yashaskarI || 142|| yamisevyA yogayoniryoginI yuktabuddhidA | yogaj~nAnapradA yuktA yamAdyaShTA~Ngayogayuk || 143|| yantritAghaughasa~nchArA yamalokanivAriNI | yAtAyAtaprashamanI yAtanAnAmakR^intanI || 144|| yAminIshahimAchChodA yugadharmavivarjitA | revatI ratikR^id ramyA ratnagarbhA ramA ratiH || 145|| ratnAkarapremapAtraM rasaj~nA rasarUpiNI | ratnaprAsAdagarbhA cha ramaNIyatara~NgiNI || 146|| ratnArchI rudraramaNI rAgadveShavinAshinI | ramA rAmA ramyarUpA rogijIvAnurUpiNI || 147|| ruchikR^id rochanI ramyA ruchirA rogahAriNI | rAjahaMsA ratnavatI rAjatkallolarAjikA || 148|| rAmaNIyakarekhA cha rujArI rogaroShiNI | ## var ## rogashoShiNI rAkA ra~NkArtishamanI ramyA rolambarAviNI || 149|| rAgiNI ra~njitashivA rUpalAvaNyashevadhiH | lokaprasUrlokavandyA lolatkallolamAlinI || 150|| lIlAvatI lokabhUmirlokalochanachandrikA | lekhasravantI laTabhA laghuvegA laghutvahR^it || 151|| lAsyattara~NgahastA cha lalitA layabha~NgigA | lokabandhurlokadhAtrI lokottaraguNorjitA || 152|| lokatrayahitA lokA lakShmIrlakShaNalakShitA | lIlA lakShitanirvANA lAvaNyAmR^itavarShiNI || 153|| vaishvAnarI vAsaveDyA vandhyatvaparihAriNI | vAsudevA~NghrireNughnI vajrivajranivAriNI || 154|| shubhAvatI shubhaphalA shAntiH shantanuvallabhA | ## var ## shAntanu shUlinI shaishavavayAH shItalAmR^itavAhinI || 155|| shobhAvatI shIlavatI shoShitAsheShakilbiShA | sharaNyA shivadA shiShTA sharajanmaprasUHshivA || 156|| shaktiH shashA~NkavimalA shamanasvasR^isammatA | shamA shamanamArgaghnI shitikaNThamahApriyA || 157|| shuchiH shuchikarI sheShA sheShashAyipadodbhavA | shrInivAsashrutiH shraddhA shrImatI shrIH shubhavratA || 158|| shuddhavidyA shubhAvartA shrutAnandA shrutistutiH | shivetaraghnI shabarI shAmbarIrUpadhAriNI || 159|| shmashAnashodhanI shAntA shashvachChatadhR^itistutA | shAlinI shAlishobhADhyA shikhivAhanagarbhabhR^it || 160|| shaMsanIyacharitrA cha shAtitAsheShapAtakA | ShaDguNaishvaryasampannA ShaDa~NgashrutirUpiNI || 161|| ShaNDhatAhArisalilA styAyannadanadIshatA | saridvArA cha surasA suprabhA suradIrghikA || 162|| svaH sindhuH sarvaduHkhaghnI sarvavyAdhimahauShadham | sevyA siddhiH satI sUktiH skandasUshcha sarasvatI || 163|| sampattara~NgiNI stutyA sthANumaulikR^itAlayA | sthairyadA subhagA saukhyA strIShu saubhAgyadAyinI || 164|| svarganiHshreNikA sUmA svadhA svAhA sudhAjalA | ## var ## sUkShmA samudrarUpiNI svargyA sarvapAtakavairiNI || 165|| smR^itAghahAriNI sItA saMsArAbdhitaraNDikA | saubhAgyasundarI sandhyA sarvasArasamanvitA || 166|| harapriyA hR^iShIkeshI haMsarUpA hiraNmayI | hR^itAghasa~NghA hitakR^iddhelA helAghagarvahR^it || 167|| kShemadA kShAlitAghaughA kShudravidrAviNI kShamA | ga~Ngeti nAmasAhasraM ga~NgAyAH kalashodbhava | ## var ## iti nAmasahasraM hi kIrtayitvA naraH samyagga~NgAsnAnaphalaM labhet || 168|| sarvapApaprashamanaM sarvavighnavinAshanam | sarvastotrajapAchChreShThaM sarvapAvanapAvanam || 169|| shraddhayAbhIShTaphaladaM chaturvargasamR^iddhikR^it | sakR^ijjapAdavApnoti hyekakratuphalaM mune || 170|| sarvatIrtheShu yaH snAtaH sarvayaj~neShu dIkShitaH | tasya yatphalamuddiShTaM trikAlapaThanAchcha tat || 171|| sarvavrateShu yatpuNyaM samyakchIrNeShu vADava | tatphalaM samavApnoti trisandhyaM niyataH paThan || 172|| snAnakAle paThedyastu yatra kutra jalAshaye | tatra sannihitA nUnaM ga~NgA tripathagA mune || 173|| shreyo.arthI labhate shreyo dhanArthI labhate dhanam | kAmI kAmAnavApnoti mokShArthI mokShamApnuyAt || 174|| varShaM trikAlapaThanAchChraddhayA shuchimAnasaH | R^itukAlAbhigamanAdaputraH putravAn bhavet || 175|| nAkAlamaraNaM tasya nAgnichorAhisAdhvasam | nAmnAM sahasraM ga~NgAyA yo japechChraddhayA mune || 176|| ga~NgAnAmasahasraM tu japtvA grAmAntaraM vrajet | kAryasiddhimavApnoti nirvighno gehamAvishet || 177|| tithivArarkShayogAnAM na doShaH prabhavettadA | yadA japtvA vrajedetat stotraM grAmAntaraM naraH || 178|| AyurArogyajananaM sarvopadravanAshanam | sarvasiddhikaraM puMsAM ga~NgAnAmasahasrakam || 179|| janmAntarasahasreShu yatpApaM samyagarjitam | ga~NgAnAmasahasrasya japanAttatkShayaM vrajet || 180|| brahmaghno madyapaH svarNasteyI cha gurutalpagaH | tatsaMyogI bhrUNahantA mAtR^ihA pitR^ihA mune || 181|| vishvAsaghAtI garadaH kR^itaghno mitraghAtakaH | agnido govadhakaro gurudravyApahArakaH || 182|| mahApAtakayukto.api saMyukto.apyupapAtakaiH | muchyate shraddhayA japtvA ga~NgAnAmasahasrakam || 183|| AdhivyAdhiparikShipto ghoratApapariplutaH | muchyate sarvaduHkhebhyaH stavasyAsyAnukIrtanAt || 184|| saMvatsareNa yuktAtmA paThan bhaktiparAyaNaH | abhIpsitAM labhetsiddhiM sarvaiH pApaiH pramuchyate || 185|| saMshayAviShTachittasya dharmavidveShiNo.api cha | dAmbhikasyApi hiMsrasya cheto dharmaparaM bhavet || 186|| varNAshramapathInastu kAmakrodhavivarjitaH | yatphalaM labhate j~nAnI tadApnotyasya kIrtanAt || 187|| gAyatryayutajapyena yatphalaM samupArjitam | sakR^itpaThanataH samyaktadasheShamavApnuyAt || 188|| gAM dattvA vedaviduShe yatphalaM labhate kR^itI | tatpuNyaM samyagAkhyAtaM stavarAjasakR^ijjapAt || 189|| gurushushrUShaNaM kurvan yAvajjIvaM narottamaH | yatpuNyamarjayettadbhAgvarShaM triShavaNaM japan || 190|| vedapArAyaNAtpuNyaM yadatra paripaThyate | tatShaNmAsena labhate trisandhyaM parikIrtanAt || 191|| ga~NgAyAH stavarAjasya pratyahaM parishIlanAt | shivabhaktimavApnoti viShNubhakto.athavA bhavet || 192|| yaH kIrtayedanudinaM ga~NgAnAmasahasrakam | tatsamIpe sahacharI ga~NgAdevI sadA bhavet || 193|| sarvatra pUjyo bhavati sarvatra vijayI bhavet | sarvatra sukhamApnoti jAhnavIstotrapAThataH || 194|| sadAchArI sa vij~neyaH sa shuchistu sadaiva hi | kR^itasarvasurArchaH sa kIrtayedya imAM stutim || 195|| tasmiMstR^ipte bhavet tR^iptA jAhnavI nAtra saMshayaH | tasmAtsarvaprayatnena ga~NgAbhaktaM samarchayet || 196|| stavarAjamimaM gA~NgaM shR^iNuyAdyashcha vai paThet | shrAvayedatha tadbhaktAn dambhalobhavivarjitaH || 197|| muchyate trividhaiH pApairmanovAkkAyasambhavaiH | kShaNAnniShpApatAmeti pitR^INAM cha priyo bhavet || 198|| sarvadevapriyashchApi sarvarShigaNasammataH | ante vimAnamAruhyaM divyastrIshatasaMvR^itaH || 199|| divyAbharaNasampanno divyabhogasamanvitaH | nandanAdivane svairaM devavatsa pramodate || 200|| bhujyamAneShu vipreShu shrAddhakAle visheShataH | japannidaM mahAstotraM pitR^INAM tR^iptikArakam || 201|| yAvanti tatra sikthAni yAvanto.ambukaNAH sthitAH | tAvantyeva hi varShANi modante svapitAmahAH || 202|| yathA prINanti pitaro prINanti ga~NgAyAM piNDadAnataH | tathaiva tR^ipnuyuH shrAddhe stavasyAsyAnusaMshravAt || 203|| etatstotraM gR^ihe yasya likhitaM paripUjyate | tatra pApabhayaM nAsti shuchi tadbhavanaM sadA || 204|| agaste kiM bahUktena shR^iNu me nishchitaM vachaH | saMshayo nAtra kartavyaH sandegdhari phalaM nahi || 205|| yAvanti martye stotrANi mantrajAlAnyanekashaH | tAvanti stavarAjasya gA~Ngeyasya samAni na || 206|| yAvajjanma japedyastu nAmnAmetatsahasrakam | sa kIkaTeShvapi mR^ito na punargarbhamAvishet || 207|| nityaM niyamavAnetadyo japetstotramuttamam | anyatrApi vipannaH sa ga~NgAtIre mR^ito bhavet || 208|| etatstotravaraM ramyaM purA proktaM pinAkinA | viShNave nijabhaktAya muktibIjAkSharAspadam || 209|| ga~NgAsnAnapratinidhiH stotrametanmayeritam | sisnAsurjAhnavIM tasmAdetatstotraM japetsudhIH || 210|| || iti shrIskandapurANe ekAshItisAhasryAM saMhitAyAM chaturthaikAshIkhaNDepUrvArdhe ga~NgAsahasranAmakathanaM nAmaikonatriMshattamo.adhyAyaH || sitamakaraniShaNNAM shubhravarNAM trinetrAM karadhR^itakalashodyatsopalAbhItyabhIShTAm | vidhiharirUpAM sendukoTIrajUTAM kalitasitadukUlAM jAhnavI tAM namAmi || ## Encoded and proofread by DPD, Kirk Wortman \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}