% Text title            : garbhastotram
% File name             : garbhastotram.itx
% Category              : devii, devI, jaina
% Location              : doc\_devii
% Proofread by          : DPD
% Latest update         : March 30, 2019
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Garbhastotram ..}##
\itxtitle{.. shrIgarbhastotram ..}##\endtitles ##
hrI~NkArodaravAgbhavaikavasatiryA kuNDalI kaulinI
     brahmAnandamayI parA parakalA ShaDgranthisambhedinI |
sAhasraM padapadmakoTaralasatsomena sArddhaM mudA
     krIDantI sukhasampadaM dishatu naH shrImattrikhaNDeshvarI || 1||

shrImatpa~nchadashAkSharI shivakalAdhArAdichakreShu yA
     sphUrttiH pa~nchadashastathonavatayA tredhApi yA saMsthitA |
unmanyantamupAgatA kulakajaproddAmasaudAminI
     mAyAmohanikR^intinI nijasukhaM mahyaM prasadyAtsadA || 2||

kashchitpa~NkajasambhavaH karuNayA pUrNastvayA vishvasR^ik
     vedAdirviyadAditattvamamalaM tvatsAmarasyaM sphuTam |
tadvedatripure kR^ipAmR^itarasonmathyA.apyananyA shriye
     dR^iShTiM dehi tataH samujjvalatarAnandasvabhAvo bhave || 3||

etatte tripure !  tvadIyavapuShA sA chitravarNAdhvanA
     vyastaM vishvamanuttarottaratayA yadbIjamudgIyate |
tanme tANDavamaNDitaM rasanikA sArasvatenAhataM
     visphUrjatkalakokilArajatayodvelaM jarIjR^imbhate || 4||

IkAro.asi hutAshanendutapanairbindutrayaiH saMyutaH
     kAmAptAjananI sthitiM vitanute brahmaikayaH keshavaH |
yatvaM devi !  pure sudhArasavachaH kallolakallolinI
     jihvAtaH prasarIsarItu bhavatI kAruNyatastaddrutaH || 5||

lakShmIM lakShmilalAmadhAmabahulAM mattemakumbhochChala\-
     ddAnAmbhonkatapUrapadakvikaTAM dehyamba ! mahye yataH |
tvaM sR^iShTisthitibhedinI madhujitaH shaktirvira~nchernijA
     yadvA vAgbhavamadhyagA vilasasi shrImantrikhaNDeshvari ! || 6||

hrI~NrArAdiharAbjayonivilasaMsArasa~NkochinI
     yA beyAratayeshvarasya bhadvitA vAgeshvarI jR^imbhane |
vindau nAdatayA cha bIjavasatiryA.anuttarA shAmbhavI
     shrImattripurasundarI vijayate khaNDe sthitA vAstave || 7||

haH kAmaH shivabIjato harimyaM yanmohayatya~NganA
     sthityA tvachcharaNaprasAdashataH shrIkAmarAjAdinaH |
mAtarbhaktisamIhitaM sR^ijati yaddhairya \.\.\.\.\.\.\.raM shchayaH
     so.ayaM me.akhilakA~NkShitaM vitaratAM kAmeshvavarapreyasI || 8||

sattArUpiNi !  sajjanaikanilaye !  saubhAgyasampatprade !
     sAvitrIti sarasvatIti gaditA lakShmIstvamevAsi sA |
tatkAmeshvarashambhupatni !  mama yatkA~NkShAdhirUDhaM bhavet
     taddehi tvaritaM tapobhirapi yad duShprApamanyairapi || 9||

kalyANaM kamalApatiH karuNayA kAmeshvaraH kA~NkShitaM
     dadyAnmadhyamakhaNDatastava shave madhye sthitaH kAnmanA |
kandarpapratimaH kalAsu kushalaH kalpadrumaH kAminAM
     yasyochchAravashena rAjati naraH shrImattrikhaNDAtmike !  || 10||

hastvanmAdhyamakhaNDale cha vasatiryo.amba !  dvitIyasthitiM
     puShNAtyekatayaiva chAdhikatayA bandhukapuShpaprabhaH |
saubhAgyaM paramaM sa me vitaratA vashyA bhaveyuryato
     rAjAno varayoShitashcha nibhR^itAH saukhyashriyaH sammatA || 11||

lakShyaM me manaso manoramatamaM saundaryasomAlayo
     bandhUkaprabhavAruNaM karalasachchApeShu pAshA~Nkasham |
kA~nchInaddhanitambabimbasubhagaM madhye na ki~nchichcha yat
     rUpaM te kuchachakravAkakhilasachchandrAlikaM stA sadAt || 12||

hrI~NkAre haramAnmathInduraNitaiH shrokAmarAjAntige
     khaNDe maNDanamAvahanti harayaH sa~NkochataH saMsthite |
rudraH shaktiyutashcha manmathakalAkAmeshvareNendunA
     nAdAtmA cha parApareNa bhavatAnmatkAmasampUrtaye || 13||

sachchitsaukhyamakhaNDitaM shivamayaM shaktisvarUpollasa\-
     ttArtIye tava saMhR^ito prathamataH sadvR^ittatojjR^imbhate |
sha~NkAta~Nkakala~NkabhAvajanitaM bhedaH prathAtaH shive
     tanme pUrNashashA~NkamaNDalanibhaM kuryAdashaM dUrataH || 14||

kashchijjanmashatArjitena tapasA tatpAdapadmadvaye
     jAtaprItirananyabhAvamanasA labdhvA guroH satkR^ipAm |
kaM veda tripure tR^itIyashakale kAmeshvarAkhyaM hariM
     pUrNAnandavibhUtidaM trijagatIvashya~NkaraM taM shraye || 15||

labdhvAdeshakarAjavIkShaNakR^ipAM tvAM veda kAmeshvarIM
     dhanyo yastripure !  tvada~NghrikR^ipayA vishvAtmasAmrAjyabhU |
lakShmIstaM vR^iNute kaTAkShavashatastasya jvaropaplavA
     nAshaM yAnti sadA viShANi cha mahAvetAlabhUtagrahAH || 16||

shrImatyamba !  virAjate tava paraM khaNDaM tR^itIyAntimaM
     bIjaM tatra harau haro prathamato yA rudrashaktiH svayam |
saMhAraikaraso manobhavakalAvahnIndusUrA parA
     binduryo.api pareshvaro mama sadA kurvantu te ma~Ngalam || 17||

iti shrIgarbhastotraM sampUrNam |

##
Proofread by DPD

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}