% Text title            : gaurIdashakam
% File name             : gauri10.itx
% Category              : devii, pArvatI, stotra, devI, shankarAchArya
% Location              : doc\_devii
% Author                : Shankaracharya
% Transliterated by     : Sridhar Seshagiri
% Proofread by          : Sridhar Seshagiri
% Latest update         : January 22, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Gauridashakam ..}##
\itxtitle{.. gaurIdashakam  athavA gaurI stutiH ..}##\endtitles ##
       || shrIH ||
lIlAlabdhasthApitaluptAkhilalokAM
     lokAtItairyogibhirantashchiramR^igyAm |
bAlAdityashreNisamAnadyutipu~njAM
     gaurImamambAmamburuhAkShImahamIDe || 1||
pratyAhAradhyAnasamAdhisthitibhAjAM
     nityaM chitte nirvR^itikAShThAM kalayantIm |
satyaj~nAnAnandamayIM tAM tanurUpAM
     gaurImambAmamburuhAkShImahamIDe || 2||
chandrApIDAnanditamandasmitavaktrAM
     chandrApIDAla.nkR^itanIlAlakabhArAm |
indropendrAdyarchitapAdAmbujayugmAM
     gaurImambAmamburuhAkShImahamIDe || 3||
AdikShAntAmakSharamUrtyA vilasantIM
     bhUte bhUte bhUtakadambaprasavitrIm |
shabdabrahmAnandamayIM tAM taTidAbhAM
     gaurImambAmamburuhAkShImahamIDe || 4||
mUlAdhArAdutthitavIthyA vidhirandhraM
     sauraM chAndraM vyApya vihArajvalitA~NgIm |
yeyaM sUkShmAtsUkShmatanustAM sukharUpAM
     gaurImambAmamburuhAkShImahamIDe || 5||
nityaH shuddho niShkala eko jagadIshaH
     sAkShI yasyAH sargavidhau sa.nharaNe cha |
vishvatrANakrIDanalolAM shivapatnIM
     gaurImambAmamburuhAkShImahamIDe || 6||
yasyAH kukShau lInamakhaNDaM jagadaNDaM
     bhUyo bhUyaH prAdurabhUdutthitameva |
patyA sArdhaM tAM rajatAdrau viharantIM
     gaurImambAmamburuhAkShImahamIDe || 7||
yasyAmotaM protamasheShaM maNimAlA\-
     sUtre yadvatkkApi charaM chApyacharaM cha |
tAmadhyAtmaj~nAnapadavyA gamanIyAM
     gaurImambAmamburuhAkShImahamIDe || 8||
nAnAkAraiH shaktikadambairbhuvanAni
     vyApya svairaM krIDati yeyaM svayamekA |
kalyANIM tAM kalpalatAmAnatibhAjAM
     gaurImambAmamburuhAkShImahamIDe || 9||
AshApAshakleshavinAshaM vidadhAnAM
     pAdAmbhojadhyAnaparANAM puruShANAm |
IshAmIshArdhA~NgaharAM tAmabhirAmAM
     gaurImambAmamburuhAkShImahamIDe || 10||
prAtaHkAle bhAvavishuddhaH praNidhAnA\-
     dbhaktyA nityaM jalpati gauridashakaM yaH |
vAchAM siddhiM sampadamagryAM shivabhaktiM (sampadaM ucchaiH)
     tasyAvashyaM parvataputrI vidadhAti || 11||

iti shrImatparamaha.nsaparivrAjakAchAryasya
shrIgovindabhagavatpUjyapAdashiShyasya
shrImachCha.nkarabhagavataH kR^itau
gaurIdashakaM sampUrNam  ||
##

Encoded by Sridhar Seshagiri.

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}