% Text title            : Devaganaih Krita Girija Stuti
% File name             : girijAstutiHdevagaNaiHkRRitA.itx
% Category              : devii, devI, stuti, shivarahasya, pArvatI
% Location              : doc\_devii
% Proofread by          : Ruma Dewan
% Description/comments  : shrIshivarahasyam | harAkhyaH tRitIyAMshaH | pUrvArdham | adhyAyaH 6| 5-56 ||
% Latest update         : May 6, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Devaganaih Krita Girija Stuti ..}##
\itxtitle{.. devagaNaiH kR^itA girijAstutiH ..}##\endtitles ##
girirAjakumArike shive charaNaM te kamalAmalaM katham |
na nirIkShitamAdareNa tat nigamairapyavadhAritaM na hi || 1||
adhunA charaNAmbujaM shive yadi te dR^iShTipathaM prayAsyati |
kathamapyaghakoTinAshakaM sakalAbhIShTadamapyasaMshayam || 2||
na vimAnamaNiprabhAgaNaiH kathamapyAdarato.api sarvathA |
nayanairna nirIkShitaM tataH kathamasmAkamume matirbhavet || 3||
shapharIchaTuloladR^iShTibhiH kathamapyamba vilokayAshu naH |
yadi te karuNArasAlayaH suvargo.apyapavargasAdhanam || 4||
atidInadayAlutA shive tvayi vedairapi nishchitA tataH |
atidInagaNeShu vA.asurAn gaNayitvA jagadamba pAhi naH || 5||
kimashakyamihAmba te shive nahi dInochchavachaH shrutaM cha kim |
atidUravilokane.api te shrama eveti visheShato mitam || 6||
nikaTasthitabhaktapAlanaM karuNAvIkShaNadR^iShTibhiH shive |
kathamapyanuvArambike na hi te ko.api tathA bhavechChramaH || 7||
adhunA yadi gamyate tvayA tridashAdhIshvarasha~NkarAlayaH |
nilayaH sukhasAgarasya te punarapyAgamanaM kathaM bhavet || 8||
na vayaM girirAjakanyake karuNApAtramiti pramA.api te |
patitAnapi pAvayasyume patiteShveva surAn vilokaya || 9||
tava dR^iShTiradR^iShTato bhavediti nirNItamatiprayatnataH |
tapasA.api na tasya sAdhanaM bhavatIti pramitaM pramAtR^ibhiH || 10||
kimaho na dayA girIndraje dayanIyAH kati te jagattraye |
nahi teShu surAH patanti vA duradR^iShTaM kimihAmareShvapi || 11||
shivapUjanasAdhitA purA suratA sA na kathaM matA tava |
shivapUjakabhaktirastu te tvamume sha~NkaratatparA khalu || 12||
tava yadyapi sha~Nkare ratiH tvarayA gantumumArdhavigrahaH |
kathamadya bhaviShyatIti sA girije naiva hi vighnitA bhavet || 13||
atidInasurAnupAlane na cha vighno.api pathi priyAdare |
paramApadagAdhasAgare patitAnuddhara sAdaraM surAn || 14||
yadi gauri bhavedupekShayA gamanaM te haramandiraM prati |
sa shivo.api kathaM na pR^ichChati tridashAH kiM na vilokitA iti || 15||
gamanapratibandhakaM cha kiM kShaNamAtrAnavalokane.api te |
atiduHkhamahAbdhimAlayA valitA eva surAH shivena kim || 16||
tava darshanamAtrataH shive duritAbdhiH pralayaM prayAsyati |
sukhasAgarapa~NktirAdarAt anuyAtyeva shivArchakAlayam || 17||
girije sa vadAnyatAmagAt charaNastena cha tannirIkShaNam |
adhunA sukhasAdhanaM shive na tavAyAsalavo.api sarvathA || 18||
tava kalpatarurna vAmbike na cha chintAmaNiradrikanyake |
suradhenuriyaM paraM tvaho charaNaH ko.api sudhAghano dhanaH || 19||
sa sudhAghanatAmupAgataH charaNaste surarUpapAdapAn |
abhiShi~nchatu duHkhapAvakapratitaptAnadhunA muhurmuhUH || 20||
kva sudhAghanatA kva dhIratA surachittAmbujapUjanArhatA |
kva surAnavalokanAdaraH charaNasyAsya tavAmba shAmbhavi || 21|| (charaNasyAsyeti pUrvArdhe.anveti nottarArdhe)

karuNAbdhitara~NgamAlayA lalitaM te nayanAmbujaM shive |
tadidaM suravR^indamandire prasaratvAshu sukhAmbudhipradam || 22||
girijAnayanAvalokanaM suranArIsamapekShitaM kShaNam |
kamalApyanuvelamambikA charaNAmbhojarajaHprasAdajA || 23||
kamalA kamalairalaM baliM girijApAdukapUjanapriyA |
purataH purataH prasarpati pravahantI girije vilokaya || 24||
kimataH paramasti vA~nChita girijApAdukadarshanaM vinA |
tadanantasukhapradaM shive tridashAnAmapi durdashApaham || 25||
kva chaturdashalokanAthatA kva kR^ipAsAgaratA dayArdratA |
kva nirantaradInabandhutA kva tavAdyApyakR^ipA sureShvapi || 26||
(kva vadAnyavadAnyamAnyatA kva dayAtu~Ngatara~NgalolatA |
kva shivAchakamAtR^itA shive kva tavAdyAnyakR^ipA sureShvapi ||)
manujeShvapi te dayA shive gurusaMsArarateShvanukShaNam |
na vayaM tadapekShayA kShatAH kShaNamapyamba vilokayAshu naH || 27||
yadi te charaNAravindayoH prabhayA.api prabhubhUtayA.anayo |
na vayaM parito vibhUShitAH kathamasmAkamapIha jIvanam || 28||
amarAnava sha~Nkarapriye karuNApAtramiti smarAmarAn |
sharaNaM tava pAdapa~NkajaM na tadanyachCharaNaM surapriyam || 29||
vayamevamumArdhavigrahaM girijAmapyabhayAya sarvadA |
sharaNaM sharaNAya kurmahe sharaNaM nAnyadapekShita khalu || 30||
anuvAramumAharau paraM praNatAH smaH smaraNairanukShaNam |
gatakalmaSharAshayaH punaH praNatAH smaH praNatAH punaH punaH || 31||
yadi daivatadaivataM prabhuM bhavamambAM bhavabhArabhIravaH |
na vayaM praNatAH punaH punaH na kR^itAnto.api kimatra nR^ityati || 32||
amitA prabhutA tavAmbike tava yA saiva maheshvare.api sA |
na tadanyagatA tataH kva vA sharaNaM naH sharaNArthinAmapi || 33||
na mahAprabhusevakAH paraM bhavaduHkhaM na bhavaM prapedire |
na mR^igendragR^iheShu kIkasAH karimuktAphalamanthareShvapi || 34||
yadi te charaNAravindayoH prasavaH ko.api samarpitastadA |
adhamo.api naro jagatpatiH bhavatItyeva vadanti sAdhavaH || 35||
amarAnatidInavatsale kShaNamapyamba vilokayAdarAt |
karuNArasasAradhArayA darasaMsAradavAturAnume || 36||
yadi te na vilokanaM tadA suratAyAmapi nAdaro.asti naH |
na tayA phalamasti kiM tayA girije vandhyatanusvarUpayA || 37||
tava vA kimupekShayA phalaM pravilApo.api na naH shrutastvayA |
ayi mAtarume kimAstikeShvadayAkAraNamasti shAmbhavi || 38||
shiva eva dayAnidhiH shive tava tAvatkaThinaM mano yataH |
adhunA.api na dInavIkShaNaM kriyate sAdaramambujAnane || 39||
sutamapyaparAdhasa~NkakulaM jananI pAlayatIti na shrutam |
kisume vada pAtakAni naH tava nAmasmaraNe.apyanukShaNam || 40||
bahutUlagiripradAhako davalesho na shive tathainasAm |
kulamAshu vinAshametyaho shivanAmasmaraNAgnileshataH || 41||
yadi pApavinAshasAdhanaM shivanAmasmaraNaM na shailaje |
vada tarhi kimasti sAdhanaM vada satyaM vada tadvimarshataH || 42||
nigameShvaghanAshasAdhanaM shivanAmasmaraNaM paraM shrutam |
tadidaM na kathaM vinAshakaM trividhAghaughakulasya shailaje || 43||
sitabhUtivibhUShaNaH shivaM yadi tAvatpraNataH smaran mudA |
prapatanti mahAghakoTayaH punarutthAnavivarjitAH param || 44||
vayamIshvarali~NgapUjakAH kva mahApAtakamItiradrije |
na mahAnalasannidhiM gato himabhItaH patitaH pradhAvati || 45||
kShudhitopyamR^itAshanaH pumAn tR^iShito.apIti yathA tathA shive |
shivali~NgasamarchanapriyaH na cha duHkhAmbunidhi prayAsyati || 46||
na cha sha~NkarapUjakArchako.apyaghaleshAshrayatAmupaityataH |
aghasaMshayavArtayA.api vA na vayaM shailasute samAvR^itAH || 47||
kR^ipayA parayA shivapriye tvarayA pashya dayAsudhAkarAn |
kuru kApi na tAvatA kShatiH na sudhArashmisamAnatA tava || 48||
girije na chakorarakShakaH kShaNadAnAyaka ityapi shrutaH |
na hi tena samedhitastathA kR^ipayA pashya surAn shivapriye || 49||
kimanAthasanAthatAM tvayA girije kartumanudyamaH kR^itaH |
kimanena phalaM phalArthinAM kimayaM dharma iti shrutastvayA || 50||
na bhavatkR^ipayA vinA gatiH yadi gatyantaramasti naH sadA |
tava mAstu nirIkShaNaM tato gatihInAnamarAnavAmbike || 51||
asmAkaM sharaNAgatAmarashiraHkoTIrahIraprabhA\-
      pArAvAratara~Ngasa~NgatashivAkAntA~Nghripa~Nkeruhe |
padmAyallakamallacha~nchalatale shrIchandanApAduke
      duShTAniShTanivArake sharaNamityanyaM na manyAmahe || 52||

|| iti shivarahasyAntargate devagaNaiH kR^itA girijAstutiH sampUrNA ||
\- || shrIshivarahasyam | harAkhyaH tR^itIyAMshaH | pUrvArdham | adhyAyaH 6| 5\-56 ||
##
- .. shrIshivarahasyam . harAkhyaH tRRitIyAMshaH . pUrvArdham . adhyAyaH 6. 5-56 ..

Proofread by Ruma Dewan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}