गोदाष्टोत्तरशतनामावलिः
ॐ श्रीरङ्गनायक्यै नमः । गोदायै । विष्णुचित्तात्मजायै ।
सत्यै । गोपीवेषधरायै । देव्यै । भूसुतायै । भोगशालिन्यै ।
तुलसीवनसञ्जातायै । (तुलसीकाननोद्भुतायै) श्रीधन्विपुरवासिन्यै ।
श्रीभट्टनाथप्रियकर्यै । श्रीकृष्णहितभोगिन्यै । आमुक्तमाल्यदायै ।
बालायै । श्रीरङ्गनाथप्रियायै । परायै । विश्वम्भरायै । कलालापायै ।
यतिराजसहोदर्यै । श्रीकृष्णानुरक्तायै नमः ॥ २०॥
ॐ सुभगायै नमः । सुलभश्रियै । श्रीसुलक्षणायै ।
लक्ष्मीप्रियसख्यै । श्यामायै । दयाञ्चितदृगञ्चलायै ।
फाल्गुन्याविर्भवायै । रम्यायै । धनुर्मासकृतव्रतायै ।
चम्पकाशोकपुन्नागमालतीविलसत्कचायै । आकारत्रयसम्पन्नायै ।
नारायणपदाश्रितायै । श्रीमदष्टाक्षरमन्त्रराजस्थितमनोधरायै ।
(मनोरथायै) मोक्षप्रदाननिपुणायै । मनुराजाधिदेवतायै ।
(मनुरत्नाधिदेवतायै) ब्रह्माण्यै । लोकजनन्यै । लीलामानुषरूपिण्यै ।
ब्रह्मज्ञानप्रदायै । मायायै नमः ॥ ४०॥
ॐ सच्चिदानन्दविग्रहायै नमः । महापतिव्रतायै ।
विष्णुगुणकीर्तनलोलुपायै । प्रपन्नार्तिहरायै । नित्यायै ।
वेदसौधविहारिण्यै । श्रीरङ्गनाथमाणिक्यमञ्जरीमञ्जुभाषिण्यै ।
पद्मप्रियायै । पद्महस्तायै । वेदान्तद्वयबोधिन्यै । सुप्रसन्नायै ।
भगवत्यै । श्रीजनार्दनजीविकायै । (जनार्दनदीपिकायै)
सुगन्धावयवायै । चारुरङ्गमङ्गलदीपिकायै ।
ध्वजवज्राङ्कुशाब्जमालतिमृदुपादतलञ्छितायै ।
(कुशाब्जाङ्क) तारकाकारनखरायै । प्रवालमृदुलाङ्गुल्यै ।
कूर्मोपमेयपादोर्ध्वभागायै । शोभनपार्ष्णिकायै ।
वेदार्थभावतत्त्वज्ञायै नमः ॥ ६०॥
ॐ लोकाराध्याङ्घ्रिपङ्कजायै नमः । आनन्दबुद्बुदाकारसुगुल्फायै ।
परमांशकायै । (परमाणुकायै) अतुलप्रतिमाभास्वदङ्गुलीयकभूषितायै ।
(तेजःश्रियोज्ज्वलधृतपादाङ्गुलिसुभूषितायै)
मीनकेतनतूणीरचारुजङ्घाविराजितायै । कुब्जजानुद्वयाढ्यायै ।
(ककुद्वज्जानुयुग्माढ्यायै) स्वररम्भाभशक्तिकायै ।
(स्वर्णरम्भाभसक्थिकायै) विशालजघनायै । पीतसुश्रोण्यै ।
मणिमेखलायै । आनन्दसागरावर्तगम्भीराम्भोजनाभिकायै ।
भास्वद्बलित्रिकायै । चारुपूर्णलावण्यसंयुतायै ।
(चारुजगत्पूर्णमहोदर्यै) नवरोमावलिराज्यै ।
(नववल्लीरोमराज्यै) सुधाकुम्भस्तन्यै । कल्पमालानिभभुजायै ।
चन्द्रखण्डनखाञ्चितायै । प्रवालाङ्गुलिविन्यस्तमहारत्नाङ्गुलीयकायै ।
नवारुणप्रवालाभपाणिदेशसमञ्चितायै । कम्बुकण्ठ्यै नमः ॥ ८०॥
ॐ सुचिबुकायै नमः । बिम्बोष्ठ्यै । कुन्ददन्तयुजे ।
कारुण्यरसनिष्पन्दलोचनद्वयशालिन्यै । (नेत्रद्वयसुशोभितायै)
कमनीयप्रभाभास्वच्चाम्पेयनिभनासिकायै ।
(मुक्ताशुचिस्मिताचरुचाम्पेयनिभनासिकायै)
दर्पणाकारविपुलकपोलद्वितयाञ्चितायै ।
अनन्तार्कप्रकाशोद्यन्मणिताटङ्कशोभितायै ।
कोटिसूर्याग्निसङ्काशनानाभूषणभूषितायै । सुगन्धवदनायै ।
सुभ्रवे । अर्धचन्द्रललाटिकायै । पूर्णचन्द्राननायै ।
नीलकुटिलालकशोभितायै । सौन्दर्यसीमाविलसत्कस्तूरीतिलकोज्ज्वलायै ।
धगद्धगायमानोद्यन्मणि(सीमन्त) भूषणराजितायै ।
जाज्ज्वल्यमानसद्रत्नदिव्यचूडावतंसकायै ।
सूर्यचन्द्रादिकल्याणभूषणाञ्चितवेणिकायै ।
(सूर्यार्धचन्द्रविलसद्भूषणाञ्चितवेणिकायै)
अत्यर्कानलतेजोवन्मणिकञ्चुकधारिण्यै । (तेजोऽधिमणि)
सद्रत्नजालविद्योतविद्युत्पुञ्जाभशाटिकायै । (सद्रत्नाञ्चित)
नानामणिगणाकीर्णकाञ्चनाङ्गदभूषितायै नमः ॥ १००॥
(हेमाङ्गदसुभूषितायै)
ॐ कुङ्कुमागुरुकस्तूरिदिव्यचन्दनचर्चितायै
नमः । स्वोचितोज्ज्वलविद्योतविचित्रमणिहारिण्यै ।
परिभास्वद्रत्नपुञ्जदीप्तस्वर्णनिचोलिकायै ।
असङ्ख्येयसुखस्पर्शसर्वावयवभूषणायै । (सर्वातिशयभूषणायै)
मल्लिकापारिजातादिदिव्यपुष्पश्रियाञ्चितायै । श्रीरङ्गनिलयायै ।
पूज्यायै । दिव्यदेवीसेवितायै नमः ॥ १०८ (दिव्यदेशसुशोभितायै)
इति गोदाष्टोत्तरशतनामावलिः समाप्ता ।
Proofread by PSA Easwaran psaeaswaran at gmail.com