% Text title            : gosAvitrIstotram
% File name             : gosAvitrIstotram.itx
% Category              : devii, otherforms, devI
% Location              : doc\_devii
% Description/comments  : Extended version of conersation between Shrikrishna and Yudhishthira, Ashvamedhikaparva adhyAya 106, verses 46-59
% Latest update         : August 21, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Gosavitri Stotram ..}##
\itxtitle{.. gosAvitrIstotram ..}##\endtitles ##
nArAyaNaM namaskR^itya devIM tribhuvaneshvarIm |
gosAvitrIM pravakShyAmi vyAsenoktaM sanAtanIm || 1||
yasya shravaNamAtreNa sarvapApaiH pramuchyate |
gavAM niHshvasitaM vedAH saShaDa~NgapadakramAH || 2||
shIkShA vyAkaraNaM Chando niruktaM jyotiShaM tathA |
etAsAmagrashR^i~NgeShu indraviShNU svayaMsthitau || 3||
shiro brahmA guruH skandhe lalATe vR^iShabhadhvajaH |
karNayorashvinau devau chakShuShoH shashibhAskarau || 4||
daMShTreShu maruto devA jihvAyAM cha sarasvatI |
kaNThe cha varuNo devo hR^idaye havyavAhanaH || 5||
udare pR^ithivI devI sashailavanakAnanA |
kakudi dyauH sanakShatrA pR^iShThe vaivasvato yamaH || 6||
Urvostu vasavo devA vAyurja~Nge samAshritaH |
AdityastvAshrito vAle sAdhyAH sarvA~NgasandhiShu || 7||
apAne sarvatIrthAni gomUtre jAhnavI svayam |
dhR^itiH puShTirmahAlakShmIrgomaye saMsthitAH sadA || 8||
nAsikAyAM cha shrIdevI jyeShThA vasati bhAminI |
chatvAraH sAgarAH pUrNA gavAM hyeva payodhare || 9||
khuramadhyeShu gandharvAH khurAgre pannagAH shritAH |
khurANAM pashchime bhAge hyapsarANAM gaNAH smR^itAH || 10||
shroNItasteShu pitaro romalA~NgUlamAshritAH |
R^iShayo romakUpeShu charmaNyeva prajApatiH || 11||
hu~NkAre chaturo vedA huMshabde cha prajApatiH |
evaM viShNumayaM gAtraM tAsAM goptA sa keshavaH || 12||
gavAM dR^iShTvA namaskR^itya kR^itvA chaiva pradakShiNam |
pradakShiNIkR^itA tena saptadvIpA vasundharA || 13||
kAmadogdhrI svayaM kAmadogdhA sannihitA matA |
gogrAsasya visheSho.asti hastasampUrNamAtrataH || 14||
shatabrAhmaNabhuktena samamAhuryudhiShThira |
ya idaM paThate nityaM shR^iNuyAdvA samAhitaH || 15||
brAhmaNo labhate vidyAM kShatriyo rAjyamashnute |
vaishyo dhanasamR^iddhaH syAchchUdraH pApAt pramuchyate || 16||
garbhINI janayet putraM kanyA bhartAramApnuyAt |
sAyaM prAtastu paThatAM shAntisvastyayanaM mahat || 17||
ahorAtrakR^itaiH pApaistatkShaNAt parimuchyate |
phalaM tu gosahasrasyetyuktaM hi brahmaNA purA || 18||
gAvo me hyagrataH santu gAvo me santu pR^iShThataH |
gAvo me hR^idaye santu gavAM madhye vasAmyaham || 19||
surabhirvaiShNavI mAtA nityaM viShNupade sthitA |
gogrAsaM tu mayA dattaM surabhiH pratigR^ihyatAm || 20||
gAvo me mAtaraH sarvAH sarve me pitaro vR^iShAH |
grAsamuShTiM mayA dattaM surabhiH pratigR^ihyatAm || 21||
phalAnAM gosahasrasya pradadyAdbrAhmaNottame |
sarvatIrthAdhikaM puNyamityuktaM brahmaNA purA || 22||

|| iti gosAvitrIstotram ||
##

The stotra is extended version of portion in
Ashvamedhikaparva adhyAya 106, verses 46-59
and is conversation between Shrikrishna and Yudhishthira.
(Kumbhakonam edition)
##
bhagavAnuvAcha. 14\-106\-44
ityuktvA.asyai varaM dattvA prayayuste yathAgatam .
lokanistaraNArthAya sA cha lokAMshchachAra ha .. 14\-106\-44
tasyAmeva samudbhUtA hyetAshcha kapilA nava .
vicharanti mahImenAM lokAnugrahakAraNAt .
tasmAttu kapilA deyA paratra hitamichChatA ..  14\-106\-45
yadA cha dIyate rAjankapilA hyagnihotriNe .
tadA cha shR^i~NgayostasyA viShNurindrashcha tiShThati .. 14\-106\-46
chandravajradharau chApi tiShThataH shR^i~NgamUlayoH .
shR^i~Ngamadhye tathA brahmA lalATe govR^iShadhvajaH .. 14\-106\-47
karNayorashvinau devau chakShuShI shashibhAskarau .
danteShu maruto devA jihvAyAM vAksaralasvatI .. 14\-106\-48
romakUpeShu munayashcharmaNyeva prajApatiH .
nishshvAseShu sthitA vedAH saShaDa~NgapadakramAH .. 14\-106\-49
nAsApuTe sthitA gandhAH puShpANi surabhINi cha .
adhare vasavaH sarve mukhe chAgniH pratiShThitaH .. 14\-106\-50
sAdhyA devAH sthitAH kakShe grIvAyAM pArvatI sthitA .
pR^iShThe cha nakShatragaNAH kakuddeshe nabhassthalam .. 14\-106\-51
apAne sarvatIrthAni gomUtre jAhnavI svayam .
iShTatuShTamayA lakShmIrgomaye vasatI tadA .. 14\-106\-52
nAsikAyAM sadA devI jyeShThA vasati bhAminI .
shroNItaTasthAH pitaro ramA lA~NgUlamAshritA .. 14\-106\-53
pArshvayorubhayoH sarve vishvedevAH pratiShThitAH .
tiShThatyurasi tAsAM tu prItaH shaktidharo guhaH .. 14\-106\-54
jAnaja~NghorudesheShu pa~ncha tiShThanti vAyavaH .
khuramadhyeShu gandharvAH khurAgreShu cha pannagAH .. 14\-106\-55
chatvAraH sAgarAH pUrNAstasyA eva payodharAH .
ratirmedhA kShamA svAhA shraddhA shAntirdhR^itiH smR^itiH.  14\-106\-56
kIrtirdIptiH kriyA kAntistuShTiH puShTischa santatiH .
dishashcha pradishashchaiva sevante kapilAM sadA .. 14\-106\-57
devA pitR^igaNAshchApi gandharvApsarasAM gaNAH .
lokA dvIpArNavAshchaiva ga~NgAdyAH saritastathA .. 14\-106\-58
devAH pitR^igaNAshchApi vedAH sA~NgAH sahAdhvaraiH .
vedoktairvividhairmantraiH stuvanti hR^iShitAstathA .. 14\-106\-59
vidyAdharAshcha ye siddhA bhUtAstArAgaNAstathA .
puShpavR^iShTiM cha varShanti pranR^ityanti cha harShitAH .. 14\-106\-60
brahmaNotpAditA devI vahnikuNDAnmahAprabhA .
namaste kapile puNye sarvadevairnamaskR^ite .. 14\-106\-61
kapile.atha mahAsatve sarvatIrthamaye shubhe .
dAtAraM svajanopetaM brahmalokaM naya svayam .. 14\-106\-62
aho ratnamidaM puNyaM sarvaduHkhaghnamuttamam .
aho dharmArjitaM shuddhamidamagryaM mahAdhanam .
ityAkAshasthitaste tu sarvadevA japanti cha ..  14\-106\-63
tasyAH pratigrahItA cha bhu~Nkte yAvaddvijottamaH .
tAvaddevagaNAH sarve kapilAmarchayanti cha .
svarNashR^i~NgIM rUpyakhurAM gandhaiH puShpaiH supUjitAm ..  14\-106\-64
vastrAbhyAmahatAbhyAM tu yAvattiShThatyala~NkR^itA .
tAvadyadichChetkapilA mantrapUtA susaMskR^itA .
bhUlokavAsinaH sarvAnbrahmalokaM nayetsvayam ..  14\-106\-65
bhUrashvaH kanakaM gAvo rUpyamashvaM tilA yavAH .
dIyamAnAni viprAya prahR^iShyanti dinedine .. 14\-106\-66
atha tvashrotriyebhyo vai tAni dattAni pANDava .
tathA nindantyathAtmAnamashubhaM kiMnu naH kR^itaM .. 14\-106\-67
aho rakShaHpishAchaishcha lupyamAnAH samantataH .
yAsyAmo nirayaM shIghramiti shochanti tAni vai .. 14\-106\-68
etAnyapi dvijebhyo vai shrotriyebhyo visheShataH .
dIyamAnAni vardhante dAtAraM tArayanti cha .. 14\-106\-69
##

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}