% Text title            : Go Stavanam
% File name             : gostavanam.itx
% Category              : devii, devI, otherforms
% Location              : doc\_devii
% Author                : Gaurishankar Dwivedi
% Transliterated by     : Charu Champaka
% Proofread by          : Charu Champaka
% Latest update         : September 17, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Go Stavanam ..}##
\itxtitle{.. gostavanam ..}##\endtitles ##
avatAro gavAM shreShThaH sarveShu bhuvi jantuShu |
yatastAsAM vikAro.api hyupakArAya jAyate || 1||
gachChantyaH saMsthitAH suptAH shakR^inmUtrakR^ito.api vA |
gAvaH punanti lokAMstrInato devatvamAgatAH || 2||
shubhrAH pItAstathA shyAmAshchitrA vai lohitAstathA |
kurvate nR^ihR^idi sthAnaM gAvaH prakR^itishobhanAH || 3||
loke.amR^itaM yathA kShIraM gomayaM pAvanaM param |
AyurghR^itaM tathA chaiva mUtraM rogavinAshanam || 4||
apUrvaM pa~nchagavyaM cha tIrthaM kalmaShanAshanam |
eShA paramparA bhavyA durlabhA surabhiM vinA || 5||
pratyakSha devatA gAvo gAvo vai lokamAtaraH |
tasmAdarchyatamA etA rakShaNIyAH prayatnataH || 6||
godAnaM cha paraM dAnaM godhanaM cha paraM dhanam |
gobhaktiH paramA siddhirgosevA paramA gatiH || 7||
gAvo yatra hi pUjyante pAlyante chaiva yatnataH |
gopAlo bhagavAMstatra mudA vasati nityashaH || 8||
gAvo me purataH santu gAvo me santu pR^iShThataH |
gAvo me sarvataH santu gavAM madhye vasAnyaham || 9||
gAM vinA na hi me shAntirbhavediha paratra cha |
iti sa~nchintya bhagavAn golokamadhitiShThati || 10||
asti gosadR^ishaM naiva triShu lokeShu ki~nchana |
yadvashe bhagavAn viShNuH pashchAddhAvati nityashaH || 11||
gomAtastvaM hi dhanyAsi dhanyaM cha tava jIvanam |
dhanyAshcha te narA loke tvatsevAvratinashcha ye || 12||

iti gostavanaM sampUrNam |

(rachayitA \-\- paM\. shrIgaurIsha~NkarajI dvivedI, sAhityaratna)
##
Encoded and proofread by Charu Champaka

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}