% Text title            : Hakini Paranatha Stotram
% File name             : hAkinIparanAthastotram.itx
% Category              : devii, ShaTchakrashakti, devI, shiva
% Location              : doc\_devii
% Transliterated by     : staff of Muktabodha.org Mark S.G. Dyczkowski
% Proofread by          : Aruna Narayanan narayanan.aruna at gmail.com
% Description/comments  : rudrayAmale uttaratantre 2 bhairava bhairavI sa.nvAde
% Source                : Rudrayamalam part 2 edited by Ram Prasad Tripathi and Sudhakar Malaviya
% Acknowledge-Permission: Marjorie Woollacott, Ph.D., Digital Library Coordinator muktabodha.org
% Latest update         : February 16, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Hakini Paranatha Stotram ..}##
\itxtitle{.. hAkinI paranAtha stotram ..}##\endtitles ## 
atha tryashItitamaH paTalaH
shrIAnandabhairava uvAcha
kathayasva varArohe hAkinIstotramuttamam |
yasya prapAThanAd vAgmI kR^ipAyAse dayAmayi || 83\-1||
shrIAnandabhairavI uvAcha
atyadbhutaM stotravaraM shR^iNu prabho sarveshvarairbhAvitamAdiguhyam |
yaiH paThyate sAdhakachakranAthaistaireva siddhairatidharmavidbhiH || 83\-2||
brahmAkhyAM kAmavidyAM naraharijananIM kAmakUTasvarUpAm |
hAkinyAkhyAM shambhujAyAM trivadhumadanashAM tAriNIM staumi siddhAm |
herambAnandavidyAM trisamanadamanIM dIrghakeshIM trinetrAm |
mandArAraNyamadhye vikasitavadanAmbhojahAsaprakAshAm || 83\-3||
hiraNyAla~NkArAM tritayanayanAM paTTavasanAM
     mahAsnigdhAM shuddhAM kulajanavarAminduvadanAm |
sadA stauti shrIdAM bhuvanakaruNAM bhAvataruNAM
     triveNIshvetAbhAM vasamayatanuM bhrUyugadale || 83\-4||
mahApadmavanodrekaramyasthAnanivAsini |
hAkini tvAM mudA staumi taddharmakurupAgatAm || 83\-5||
saMsArArNavatAriNIM naraharipremAbhilAShonmanIM
bhAvArambhavisarjanaikanilayA mAyAM mahAsundarIm |
bhAsvatkoTisuratnasiMhavasatiM shrIhAkinIM drAviNIM
staumi kShetranirIkShaNAya niyatAM shrIbhAratIbhAvitAm || 83\-6||
saMskArashriyamAtanoti sahasA shrIpArvatIvallabhe |
nAnAratnakalApadarshanamahAj~nAnaM nidAnaM dhanam |
sA sAkShAdakhileshvarI parashivAnandaikabindUjjvalA |
mAmAdau parirakShatu priyakarI saMstaumi pIThAntare || 83\-7||
AkAshavedali~Nge sthitipathimilite bhAti sA raktabarhA
sA mAM pAtvamba kAlI kulapathabhavikA krodhaniHkrodhakartrI |
tasyAH shrIpAdapadmatribhuvanabhaktakeshAlimAlA
yuktaM sarvendrapUjyaM niravadhikamale dve dale staumi vidyAm || 83\-8||
sA~NgaM dvayaM tvatpriyaM padayugaM patradvayashreyasaM
ma~njIrAdbhutahArapAdakamalaM sambhAvya saMstaumyaham |
yad dhyAtvA harirIshvaro guNadharo jetA mahAreHkShaNA\-
dAshApAshavisarjanaikanilayaM trailokyasaMrakShakaH || 83\-9||
yA yAtrA vratavAsinI shashimukhI ChAgAdimAMsapriyA |
mAmekaM paripAlaya tvamakhile tvAmekarUpAM shivAm |
staumIndrAvanatipriyAM vA~NmokShasahitAnandaikahetupradAm || 83\-10||
                  shivastutiH
varaM paraM namAmyahaM girIndrarUpagarvahaM
     maheshvaraM pareshvaraM shmashAnabIjagahvaram |
hiraNyaratnabhUShaNaM shatendutejasaM tathA
     shivaM tanuM punaH paraprabhAprabhAkaram || 83\-11||
shareNyaM vareNyaM mahAkAmadhanyaM
     mahAdevadevaM trikAlAdijanyam |
shmashAnogradhUlipriyA~NgAnulepaM
     sadA staumi saMsArasAraM niShekam || 83\-12||
parashivaM manasA sahasA nishi
     pratidinaM praNamAmyahamAdimam |
shashimukhIshatachandrikayAnvitaM
     bhajanasAdhaka satphaladAyakam || 83\-13||
parashivacharaNAbjaM hAkinIshaktisevyaM
     tribhuvanasukhadAnaM dhyAnamAtraprakAsham |
atisulalitahastAmbhojashobhAM vahantaM
     bhuvi nijakulasAraM staumi yogIndragamyam || 83\-14||
shokkashokAvalIlAmati hi kalayati prANadehAbhilAShaM
hAkinyAH prANanAtho bhavashamanakaro hIrakAsragdharo vA |
so.asau bhrUpadmasAre rachayita kalikAM chittadIpasya nityAM
tasya shrIpAdapadmaM guNagaNayajitaM pUjitaM staumi bhAle || 83\-15||
merushR^i~NganiketanaikavasanaM golokasaMsevitaM
yaj~nAnandaniShevitaM parishavaM yogIndrachittasthalam |
hAlApAnanirAkulaM pashusamAM sAmodanAcharvaNAM
vande nandimahAdibhairavavarairvandyaM jagatkAraNam || 83\-16||
mAyApathachChalakalAkapilApatistvaM
     tvaM bhUravipatirUpApatirekachakraH |
Apo.analatvamakhile gaganaprakAshA\-
     vAyusthamAvasimukhaM sharaNaM prapadye || 83\-17||
vA~nChAkalpadrumatalagataM hemasiMhAsanasthaM
     shrIhAkinyA ramaNanirataM kAmakeliprakAsham |
mAyAmohaM kShayamatisukhaM vindhyashailAgrasaMsthaM
     vande nAthaM haraparashivaM rUpajAlaprakAsham || 83\-18||

phalashrutikathanaM
paThed yaH stotrArthaM bhavati sa sukhI yoganipuNaH
kShudhAtR^iShNAnAshaH shravaNadhR^itayashovAsisarasaH |
sa yogIndro mAsAdatishayaparAnandaghaTakaH
parItaH prANAkhye rachayati sudhAsindhusurasam || 83\-19||
etat stotraM paThedvidvAn dhyAna nyAsa samanvitam |
shuklaM raktaM tathA pItaM nIlaM kR^iShNaM vibhAvya cha || 83\-20||
kAlachatuShTaye nityaM paThitvA siddhimApnuyAt |
AkAshe bhUtale nAtha pAtAle vighnakoTayaH || 83\-21||
yoginAM paThanAdeva nashyanti tatkShaNAdiha |
sarvatra gAmI sa bhavedatibhAgyaphalodayam || 83\-22||
mahApApaharaM stotraM hAkinIhR^idayodbhavam |
sadAshivapriyaM yogasiddhidaM devasevitam || 83\-23||
sahasravArapAThena purashcharyAphalaM labhet |
paThitvA stotrarAjaM tu shmashAne nirjane vane || 83\-24||
antarikShe.athavA nAtha yogI syAdamaro mahAn |
asya prapaThanAdvAgmI j~nAnavAn vijitendriyaH || 83\-25||
dhyAnAtmA sambhavet kShipraM parivAragaNaiH saha |
prAtaHkAle nishAyAM tu madhyAhne sheShakAlake || 83\-26||
prapaThet stotrasAraM tu bhAvAtmA sAdhakottamaH |
anAyAsena bhrUpadme sthiro bhavati nishchitam || 83\-27||
shrIguroshcharaNAmbhojaM hR^idaye dhyAnanirNayam |
yo dhyAtvA paThyate stotraM sa bhavet kalpapAdapaH || 83\-28||
idAnIM kathaye nAtha kavachaM paTalAntare || 83\-29||

iti shrIrudrayAmale uttaratantre mahAtantroddIpane siddhamantraprakaraNe
bhairavIbhairavasaMvAde hAkinIparanAthastotravinyAso nAma
tryashItitamaH paTalaH || 83||

##
The numbers correspond to paTala and verse numbers from
Rudrayamala uttaratantra.

Proofread by Aruna Narayanan 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}