% Text title : jAnakIsahasranAmastotram 2 % File name : jAnakIsahasranAmastotram2.itx % Category : devii, sItA, sahsaranAma % Location : doc\_devii % Proofread by : Prabhav Tengse % Description/comments : siddheshvarItantra % Latest update : April 24, 2023 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Janaki SahasranAmastotram ..}## \itxtitle{.. shrIjAnakIdevyAH sahasranAmastotram ..}##\endtitles ## siddheshvarItantroktaM shrIlakShmaNa uvAcha | devadeva jagannAtha ! kathayasva mahAprabho | nAmnAM sahasraM jAnakyAH shrotumichChAmi tattvataH || shrIrAma uvAcha | kathayAmi bhavatprItyA shR^iNu lakShmaNa ! bhaktitaH | yat paThitvAtha shrutvA vA sarvAn kAmAnavApnuyAt || asya shrIjAnakIdevyAH sahasranAmastotrasya vasiShTha R^iShiH, vAgIshvarI devatA, anuShTupChandaH, sarvakAmArthasiddhyarthe jape viniyogaH | OM jAnakI kamalA vidyA siddhavidyA kShamAtmajA | nirmalA bhAvanI bhavyA sarvama~NgalarUpiNI || 1|| kaulinI kulajA kAntA aparNA bhaktavatsalA | sukeshI chArunetrA cha devadAnavasevitA || 2|| atiguptA sarojAkShI sakalA sarvarUpiNI | bhaktivashyA mahogrA cha sarvatantravishAradA || 3|| dharAtmajA mahAmAyA shabdarUpA mahotsavA | kAmA cha ramaNIbhadrA yaj~notsavavibhUShitA || 4|| chandravaktrA chakorAkShI chArunetrA sulochanA | raghunAthapriyA devI shAradA kulabhUShitA || 5|| kulanAthA cha divyA cha shrImatI vishvarUpiNI | rAmapriyA rAmamatA rAmagopyA cha muktidA || 6|| chaturvargapradA saukhyA sarvapApavinAshinI | vArAhI vAruNI vidyA mahAvidyA maheshvarI || 7|| satI satyavatI dhUmrA dhavalA dharmarUpiNI | dharmaniShThA dharmamayI dharmI dharmaniShevitA || 8|| bAlikA yuvatI vR^iddhA nityA nityamayI tathA | gAyatrI vedamAtA cha sarvasa~NkaTatAriNI || 9|| hiraNyA kanakA raktA bhadrA nIlasarasvatI | indrA chendusvarUpA cha divyAmbaravibhUShaNA || 10|| jaganmAtA jagaddhAtrI jananI sarvarUpiNI | patnI chAmarakeshI cha kundadantA sunAsikA || 11|| kundotsavA kundapriyA kundapuShpamayI tathA | AgneyI vAyavI jyeShThA vAruNI varuNapriyA || 12|| sarvadigvarNitA vishvA sarveShAmupakAriNI | buddhirmedhA priyA shaktistuShTiH puShTirdhR^iti kShamA || 13|| abalA nishchalA lakShmIH shraddhA pannagashAyinI | anantA mahatI chintA hyachintyA chinmayI smR^itA || 14|| rajomayI brahmarUpA viShNumAyA maheshvarI | sarvatIrthamayI devI daityadAnavanAshinI || 15|| virUpA vishvarUpA cha mR^iDAnI mR^iDavallabhA | koTichandrapratIkAshA koTisUryyasamaprabhA || 16|| nadamadhyA nadabhavA nadodbhUtA nadAkShikA | mantrarUpA mantrabhavA yantramantramayI tathA || 17|| dvipadA tripadA gotrA chaturvaNA cha tryakSharI | vareShu rgopitA guptA araNyasthiranAyikA || 18|| sthirA cha tIrtharUpA cha veginI vegarUpiNI | vegAtmikA vegadharA kAshyapI kamalekShaNA || 19|| shaktirUpA shaktidharA shaktAshaktavibhedakA | guNAguNamayI gamyA nirguNA sadguNAnvitA || 20|| gandharvasevitA nandI pUrNabrahmasvarUpiNI | kAtyAyanI jagaddhAtrI sthitisaMhArakAriNI || 21|| rAmajAyA cha mAta~NgI sutu~NgA kadalIpriyA | prItimanAH prItidAtrI ShaDvarNashIrShabha~njikA || 22|| veNukAntA veNubhavA vINAvAdyA cha shobhanA | khaNDachandrA pUrNachandrA sakalA niShkalA tathA || 23|| tejaskA mukharA saumyA niHshabdA shabdarUpiNI | sindUrAruNaraktA cha sindUrAruNabhUShitA || 24|| meghasvanA cha meghA cha bAhudaNDavishobhitA | jayadhvani rnighorA cha kharkharA khagarUpiNI || 25|| khagAkhyA khagamAnyA cha taDidrUpA taDitprabhA | vajrarUpA vajramayI vajratantrA cha vidrumA || 26|| kAdambinI ratA ratyA cha~nchalA vimalA dhruvA | astrarUpA shastrarUpA hyaNimA dhruvamaNDalA || 27|| tarkavidyA vedavidyA jyotirvidyA vishAradA | kAlI kalpakalA sAdhyA pANDurUpA parAkramA || 28|| nAgakanyA nAgamAtA nAgapatnI phaNAtmikA | shachI satyakalA nidrA sunidrA cha suchetanA || 29|| sushIlA kharvarUpA cha kharvaja~NghA karAtmikA | dIrghaja~NghA dIrgharavA dIrghanAsA sukarNikA || 30|| karNenapUjitA.aChinnA ChinnA ChinnamayI tathA | ApadA pAdapApAdA j~nAnAj~nAnaparAyaNA || 31|| gaurI padmA cha kalyANI urvashI dhvajarUpiNI | patAkI ketakI chUrNA dR^iDhavrataparAyaNA || 32|| tilottamA rohiNI cha badarI kavimAminI | maghA cha bharaNI pUrvA parA.apUrvA cha pUrvikA || 33|| aparvikA apUrvA cha apUrvaphalabhUShitA | sha~NkhinI sha~NkhahastA cha chitrahastA sukomalA || 34|| komalA patrarUpA cha gAndhArI chapalA kalA | rukmiNI rukmarUpA cha kShudhA tR^iShNA jarAturA || 35|| achintyA chintitA chintA manoj~nA manasisthitA | a~njanA tvAjanA vya~njA vya~njanIyA jarArpitA || 36|| ajarA nirjarA jIrNA jIrNArpitavibhAvinI | kUrmarUpA sUkarI cha hariNI mR^igarUpiNI || 37|| kastUrI mR^iganAbhiH cha karpUrAgaruku~NkumA | raghudevaratA shaktA raghudevaratipriyA || 38|| paurandarI tathA viShNorjAyA mAheshvarI varA | sarveShA~njananI nityA chArva~NgI janakAtmajA || 39|| mahAdhIrA mahAmAyA mahAmohA mahotsavA | vaikuNThanAthapatnI cha vimalAruNarUpiNI || 40|| bhAgIrathI manobuddhirnityAnandamayI sahA | mahAvyAdhiharA bhImA sarvarogApahAriNI || 41|| sha~NkhinI chakriNI dhAtrI hastepustakadhAriNI | sampadA cha sadAchArA draupadI drupadAtmikA || 42|| satAMsR^iShTikarI saumyA daityAnAM kShayakAriNI | daraityaprANaharA dhAtrI dayAmodarasapriyA || 43|| kShAntiH kShema~NkarI buddhirbhAratI bhayanAshinI | taraNistaruNI tIkShNA tIkShNadaityavinAshinI || 44|| dAtrI dAnaparA dAntA duShTadaityavinAshinI | kriyA kriyAvatI hR^iShTA tuShTA puShTA tathorvashI | vedamanA vedakanyA vedamAnyA pulomajA || 45|| sukhinI sukhadAtrI cha sarvasaukhyavivardhinI | shIlA shIlavatI sUkShmA sUkShmAsUkShmavarapradA || 46|| vareNyA varadA vANI j~nAninI j~nAnadAtmajA | bhR^iguvaMshasamudbhUtA bhArgavI bhR^iguvallabhA || 47|| raktAmbaradharA rAmA ramaNI suranAyikA | mokShadA shivadA shyAmA yogadhyAnaparAyaNA || 48|| yogeshvarI yogarUpA yoganidrA kR^ishodarI | ambA jAmbavatI chaiva satyabhAmA manorathA || 49|| raudrA raudrasvanA raudrI raudradaityavinAshinI | kumArI kaushikI kAlI kAmadaityavinAshinI || 50|| rAmapatnI rAmaratA rAmajAyA mahodarI | viShNupatnI viShNubhavA viShNujAyA cha shUlinI || 51|| madanAntaka kAntA cha madanAntakavallabhA | bhUtabhavyabhavaspR^iShTA pAvanI paripAlinI || 52|| adR^ishyA vyaktarUpA cha dR^ishyA shreShThA pravarddhinI | apAnnidhisamudbhUtA dhAriNI cha pratiShThitA || 53|| achyutA chAchyutaprANA prANadA vAsaveshvarI | uttarA kShobhaNA kShemA shrIgarbhA parameshvarI || 54|| varadA puShTidehA cha kAminI ka~njalochanA | sharaNyA varadA prItA prItyAnAnandasvarUpiNI || 55|| patAkinI dayArambhA suramyA cha sureshvarI | shrImatI cha shivA nandA trishaktirmokShadAyinI || 56|| parAparakalA kAntA shishirAchalakanyakA | dakShA bhagavatI dhenuH kAmadhenuH kalAvatI || 57|| suramAnyA surashreShThA shreShThA prANeshvarI sthirA | vajrAyudhA vrajahastA chaNDI chaNDaparAkramA || 58|| tamoghnI dhvAntasaMhantrI prayatAtmA pativratA | gaurI suvarNavarNA cha sthitisaMhArakAriNI || 59|| medhAvinI mahAvIryA haMsI saMsAratAriNI | ekAnekA mahejyA cha sarvalokaprakAshinI || 60|| ShaTchakrabhedinI vAmA kAryasthA kAryara~njitA | praNatA prANinAmArtihAriNI daityanAshinI || 61|| ajA cha bahuvarNA cha puruShArthapravartinI | gaNitA guNasampannA nagajA khagavAhinI || 62|| raktA nIlA sitA shyAmA kR^iShNA babhrushcha karburA | kShudhA tR^iShNA jarA vR^iddhA taruNI karuNAlayA || 63|| chandrAnanA mahoShThI cha chArumUrddhajashobhitA | kalA kAShThA muhUrtA cha nimeShA kAlarUpiNI || 64|| mAninI mAdhavI mAnyA mAnanIyA mahAguNA | suvarNavasanA nAshA chakShusparshavatI rasA || 65|| gandhapriyA sugandhA cha manoj~nA cha manogatA | hastA jyeShThA maghA puShyA dhaniShThA pUrvaphalgunI || 66|| mR^iganAbhirmR^igAkShI cha karpUrAmodadhAriNI | madhushrIrmAdhavI vallI madhumattA madoddhatA || 67|| revatI ramaNI chitrA chitrahAravibhUShaNA | raktAmbaradharA kShINA raktapuShpAvataMsinI || 68|| navapuShpAtmikA puShpA puShpasraksuvibhUShaNA | shuklAmbaradharA dhIrA mahAshvetA vasupriyA || 69|| navapuShpagR^ihopetA navapuShpopashobhitA | chandrikA chandrakAntishcha sUryakAntirnishAcharI || 70|| vijayA cha jayantI cha mohinI shatrunAshinI | lajjA sarasvatI nandA dAnavendrapramardinI || 71|| chadramaNDalasa~NkAshA j~nAnAnandapravarddhinI | rUpayauvanasampannA guNashIlasamanvitA || 72|| sarvaishvaryasamAyuktA sarvalAvaNyashobhitA | shItA shItapriyA svargA sakalA vanadevatA | gururUpadharA gurvI kAlamR^ityuvinAshinI || 73|| aNimAdiguNopetA mahAmArI cha shAntidA | chatuHsamudrashayanA chaturvargaphalapradA || 74|| sarvakAlodbhavA prItA sarvakAlodbhavodbhavA | anAdinidhanA puShTirvR^ikShamadhyanivAsinI || 75|| sarvachakreshvarI sarvA sarvamantramayI sadA | sahasranayanA prANA sahasranayanapriyA || 76|| sahasrashIrShA sumanA mandabhA sarvabha~njikA | gItanR^ityapriyA kAmA santuShTirdhanadA pradA || 77|| mAyAdharI maNiratA maNisammAnatatparA | mAdhavA nandadA madhvI yashodAnandavarddhanI || 78|| yaj~naprItA yaj~namayI yaj~nakarmavibhUShaNA | rAjA rAjakulejyA cha rAjarAjeshvarI ramA || 79|| ramiNI rAmiNI rAkA rAmAnandapradAyinI | rajanIkarapUrNAsyA raktotpalavilochanA || 80|| lA~NgalI premasantuShTA lA~NgalIpraNayapriyA | lAkShAruNA cha lalanA lIlA lIlAvatI layA || 81|| la~NkeshvaraguNaprItA la~NkeshavaradAyinI || 82|| lava~NgakusumaprItA lava~NgakusumaprabhA | puNyadA pUrNimA puNyA puNyakoTiphalapradA || 83|| purANagocharA pUrNA.apUrvA prauDhavinAshinI | prahlAdahR^idayAhlAdagehinI puNyachAriNI || 84|| phaladAtrI phalAsaktA phaladAtR^ivibhUShitA | vANI vilAsakariNI varA~NgI cha varAnanA || 85|| viShNorvakShasthalasthA cha vAgmatI vindhyagehinI | dhIrA dhairyavatI dhR^iShTA dhavalAmbhojasannibhA || 86|| tantradhArI tantratArI tantrakArI bhavAturA | tapasyA tAlinI tIrNA dUrvAdalasusevitA || 87|| karpUrapUravadanA kalAnAthasamaprabhA | kalAkelipriyAkIrNA ku~njareshvaragAminI || 88|| kharvA cha kha~njanadvandvalochanA ravabhUShitA | khadyota iva durlakShyA khadyota iva cha~nchalA || 89|| chalachchakoranayanA chalatkha~njanalochanA | chaturvedamayI rUpA chaturvarNamayI bhR^itA || 90|| jagannAthapriyA jIvA jagannAtharatA jayA | jAmAtR^ivaradA jambhA yamalArjunadhAriNI || 91|| tapasyA tAlinI tIrNA pUrNAnandamayI sadA | tArasvareNasahitA tArasvaravibhUShitA || 92|| vaMshadhvajA vaMsharUpA nandinI kulamadhyagA | phaTkArapraNayA vR^iddhA chitrA pAtakanAshinI || 93|| adhaH sthitA cha pAtAlA adhobhuvanagAminI | atalA vitalA tIrNA sutalA nAgashAyinI || 94|| dvijihvA bahujihvA cha rasanA surasevitA | shUnyA raNyA vareNyA cha variShThA cha yugAmbarA || 95|| pratiparvasthitA devI tithiH svaravibhUShitA | pratimA navamI chaiva yugADhyA chakrarUpiNI || 96|| vAhagrastA vAhabharA vAhasUryasamanvitA | chandrajyotsnAmarA kAmyA rAkAmR^itacharA charI || 97|| nAgarI nAgarA jyeShThA nAgarAjasutA nagA | navInendukalA nandI nandikeshvarapUjitA || 98|| nIrajAkShI cha~nchalAkShI nIrajadvandvalochanA | nIraprasUrnIrabhavA nIranirmaladehinI || 99|| navInaketakIkunda \-mAkandasragvibhUShitA | nAyikAnandanilayA nAyakAnandakAriNI || 100|| narmakarmaratA nityA narmadharmaparAyaNA | narmaprItA narmaratA narmadhyAnaparAyaNA || 101|| narmakarmaikasahitA narmakarmaikapAlikA | navanArIguNaprItA navanArIvarapradA || 102|| nArAyaNapriyA kAntA niShphalA paramA kalA | nArAyaNapriyA devI nArAyaNasamanvitA || 103|| nArAyaNI samA yuktA satyabhAmA dR^iDhavratA | chatuHsAgaramadhyasthA chatuHsAgararUpiNI || 104|| vAsudevaratA vishvA vij~nA vij~nAnakAriNI | vINAvatI valAkIrNA bAlapA puShparohitA || 105|| balavI sumatirvaidyA vidyAhAravibhUShitA | vidyAvatI vaidyapadA sItA vaivasvatA valiH || 106|| bhItihA bhayadA bhItiraMshujAlasamaprabhA | sharvANI sumanA sarvA subhadrA bhadrikA tathA || 107|| vinatA sha~NkarI shAntA mAnavI mAnarUpiNI | manudhyAnA manuj~nAnA mAnasI manuchittagA || 108|| sadAgopyA japaratA japastutyAdibhUShitA | marIchI mArichI chaiva haimA haimavatI shilA || 109|| sugandhA gandhasahitA AyuShyakShayarUpiNI | kShIrasAkShI kShIrasravA kShIrikA shrIrharipriyA || 110|| bIjamayI bIjarUpA bIjodbhavA cha bIjikA | dvArA dvAravatI dhvAntA prachaNDA dvAramAlinI || 111|| kalyANI kamalA kArA kamalI kAlarUpiNI | kAmAkShI kAmadA kAmyA kAmanA kAmachAriNI || 112|| kAlarAtrirmahAkAlI kaulinI kalparUpiNI | kumArI karuNA kIrttiH kalikalmaShanAshinI || 113|| kAtyAyanI kalAdhArI kaumudI kamalapriyA | mAheshvarI mahAmAyA mahAtejA maheshvarI || 114|| mahAjyotirmahAmUrtirmahAsuravinAshinI || 115|| mahAmAyA mahAvIryA mahApAtakanAshinI | mahAmakhA mantramayI maNipUrakavAsinI || 116|| mAnasI mAnadA mAnyA manashchakShuragocharA | gaNyA matA cha gAyatrI gandharvagaNasevitA || 117|| siddhA yaj~napriyA shaktiryaj~nA~NgI yaj~navartmikA | yaj~narUpA yaj~nabhavA yaj~nI yaj~nakR^itAlayA || 118|| jAlandharI jaganmAtA jAtavedA jagatpitA | jitendriyA jitakrodhA jananI jayadAyinI || 119|| ga~NgA godAvarI revA gautamI cha shatadrukA | sindhurmandAkinI siddhA yamunA cha sarasvatI || 120|| chandrabhAgA vipAshA cha gaNDakI vindhyavAsinI | narmadA kadru kAverI ahalyA champakAvatI || 121|| ayodhyA mathurA mAyA kAshI kA~nchI hyavantikA | dvArAvatI cha tIrtheshA mahAkilbiShanAshinI || 122|| vaiShNavI viShNurUpA cha viShNumAyA svarUpiNI | shiveshvarI shivA rAdhA bhavAnI bhavamochanI || 123|| hallotkhAtasamudbhUtA ratnabhUtA dhaneshvarI | hR^idyA vidyApradAtrI cha kushamAtA pareshvarI || 124|| lavamAtA saumyamUrttiH sharvA sarvAnushAsanI | kamalA viShNuvandyA cha mAnyA sunayanAtmajA || 125|| rAmeshI rAmaramaNI rAmarAmA rameshvarI | vaidehI maithilI siddhA mithilAbhUmijA tathA || 126|| suphalA charchitA vandyA dashAnanavinAshinI | daNDA daNDapriyA chaiva daNDakAraNyavAsinI || 127|| lakShmaNArAdhitA shAntA kAntA bharatavanditA | shatrughnapUjitA kAntiH hanumadvanditA varA || 128|| mahogrA cha mahAsenA mAheshI maithilAtmajA | sAketeshA janArAdhyA dhaneshI dhanadA shubhA || 129|| || phalashrutiH || puNyaM sahasranAmedaM jAnakyA bhuvi durlabham | yaH paThet prAtarutthAya shuchirbhUtvA samAhitaH || 130|| yashchApi shR^iNuyAnnityaM naro nishchalamAnasaH | ekakAlaM dvikAlaM cha trikAlaM shraddhayAnvitaH || 131|| sarvapApavinirmukto dhanadhAnyasutAnvitaH | tejasvI balavAn shUraH shokarogavivarjitaH || 132|| yashasvI kIrtimAn dhanyaH subhago lokapUjitaH | rUpavAn guNasampannaH prabhAvIryasamanvitaH || 133|| shreyAMsi labhate nityaM nishchalAM cha shubhAM shriyam | sarvaduHkhavinirmukto lobhakrodhavivarjitaH || 134|| vidyAnAM pArago vipraH, kShatriyo vijayI bhavet | vaishyastu dhanalAbhADhyaH shUdrastatsukhamashnute || 135|| putrArthI labhate putraM dhanArthI labhate dhanam | iShTakAmAMstu kAmArthI dharmArthI dharmamakShayam || 136|| || iti shrIsiddheshvarItantre jAnakIsahasranAmastotraM sampUrNam || ## Proofread by Prabhav Tengse \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}