% Text title            : jAnakIstavarAjaH
% File name             : jAnakIstavarAjaH.itx
% Category              : devii, stavarAja, otherforms, devI
% Location              : doc\_devii
% Proofread by          : NA
% Source                : agastyasaMhitA paramarahasya
% Latest update         : August 28, 2021
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Janaki Stavaraja ..}##
\itxtitle{.. shrIjAnakIstavarAjaH ..}##\endtitles ##

shrIgaNeshAya namaH ||
atha ma~NgalAcharaNam |
OM vakratuNDamahAkAya koTisUryasamaprabha |
nirvighnaM kuru me deva sarvakAryeShu sarvadA || 1||
OM sarvarUpamayIdevI sarvaM devImayaM jagat |
ato.ahaM vishvarUpaM tAM namAmi parameshvarIm || 2||
kadambavanachAriNIM munikadambakAdambinIM
nitambajitabhUdharAM suranitambinIsevitAm |
navAmburuhalochanAmabhinavAmbudashyAmalAM
trilochanakuTumbinIM tripurasundarImAshraye || 3||
asheShasaMsAravihArahInamAdityagaM pUrNasukhAbhirAmam |
samastasAkShiM tamasaH parastAnnArAyaNaM viShNumahaM bhajAmi || 4||
yaM shaivAH samupAsate shiva iti brahmeti vedAntino
bauddhA buddha iti pramANapaTavaH karteti naiyAyikAH |
arhannityatha jainashAsanaratAH karteti mImAMsakAH
so.ayaM vo vidadhAtu vA~nChitaphalaM trailokyanAtho hariH || 5||
mR^ityu~njayAya rudrAya nIlakaNThAya shambhave |
amR^iteshAya sharvAya mahAdevAya te namaH ||
gururbrahmA gururviShNuH gururdevo maheshvaraH |
guruH sAkShAt parabrahma tasmai shrIgurave namaH || 7||
|| iti ma~NgalAcharaNam ||

shrIsItArAmachandrAbhyAM namaH ||
atha jAnakIstavarAjaH |
tAM dhyAye stavarAjena proktarUpAM parAtparAm |
AhlAdinIM hareHkA~nchichChaktiM sAtvatasevitAm || 1||
shrutiruvAcha \-
kIdR^ishaH stavarAjo.ayaM kena proktaH sureshvara |
kathyatAM kR^ipayA deva! jAnakIrUpabodhakaH || 2||
shrIsa~NkarShaNa uvAcha \-
bravImi stavarAjaM te shrIshivena prabhAShitam |
shrutaM shrIvaktrato divyaM pAvanAnAM cha pAvanam || 3||
chakArArAdhanaM tasya mantrarAjena bhaktitaH |
kadAchichChrIshivorUpaM j~nAtumichChurhareH param || 4||
divyavarShashataM vedavidhinA vidhivedinA |
jajApa paramaM jApyaM rahasye sthitachetasA || 5||
prasannobhUttadA devaH shrIrAmaH karuNAkaraH |
mantrArAdhyena rUpeNa bhajanIyaH satAM prabhuH || 6||
shrIrAma uvAcha \-
draShTumichChasi yadrUpaM madIyaM bhAvanAspadam |
AhlAdinIM parAM shaktiM stUyAH sAtvatasammatAm || 7||
tadArAdhyastadArAmastadadhInastayA vinA |
tiShThAmi na kShaNAM shambho ! jIvanaM paramaM mama || 8||
ityuktvA devadevesho vashIkaraNamAtmanaH |
pashyatastasya rUpaM svamantardhAnaM dadhau prabhuH || 9||
shrutvArUpaM tadA shambhuH tasyAH shrIharivaktrataH |
achintayatsamAdhAya manaH kAraNamAtmanaH || 10||
asphuratkR^ipayA tasya rUpaM tasyAH parAtparam |
durnirIkShyaM durArAdhyaM sAtvatAM hR^idaya~Ngamam || 11||
AshrayaM sarvalokAnAM dhyeyaM yogividAM tathA |
ArAdhyaM munimukhyAnAM sevyaM saMyaminAM satAm || 12||
dR^iShTvAshcharyamayaM sarva rUpaM tasyAH sureshvaraHM
tuShTAvajAnakIM bhaktyA mUrtimatIM prabhAvinIm || 13||
stuti prArambhaH
charaNAravinda \-\-
vande videhatanayApadapuNDarIkaM
kaishorasaurabhasamAhR^itayogichittam |
hantuM tritApamanishaM munihaMsasevyaM
sanmAnasAliparipItaparAgapu~njam || 14||
charaNatala \-\-
pAdasya yAvakarasena talaM suraktaM
saubhAgyabhAjanamidaM hi paraM janAnAm |
yuktIkR^itaM subhajatAM tava devi nityaM
dattAshrayaM sumanasAM manasAnurAgam || 15||
a~NgulI \-\-
pAda~NgulInakharuchistava deviramyA
yogIndravR^indamanasA vishadA vibhAvyA |
traitApa klAntyupashamAya shashA~NkakAnti
doSheNa kiM samupayAti tulAM yutA sA || 16||
nUpura \-\-
ma~njIra dhIraninadaM kalahaMsakAlI
hAsAya sA bhavati bhAvayati tvadIyam |
ki~nchAyaraM rasikamaulimano niyantuM
dR^iShTaM mayA paramakaushalamatra tasya || 17||
gulpha \-\-
siddhIshabuddhivarara~njanagUDhagulphau
pAdAravindayugalau janatApavargau |
vindanti te tribhuvaneshvari! bhAvasiddhiM
dhyAyanti ye nikhila saubhagabhAnubhAjau || 18||
shrIcharaNa \-\-
hemAbhivarddhitavibhUShaNabhUShitante
trailokyateja iva ma~njula\-pu~njabhUtam |
bhAvAmi sundari padaM sarasIruhAbhaM
bhItAbhayapradamanantamanobhidhyeyam || 19||
nitamba \-\-
chakrAbhahArisunitambayugaM bhavatyaH
dhyeyaM sudhIbhiranishaM rasanAbhiShaktam |
dhyAnAspadaM raghupatermanaso munInAM
bhAvaikagamyamamareshanatA~Nghripadme || 20||
kaTi \-\-
kausheya vastra pariNaddhamala~NkR^itaM te
kArtasvarAshanimaNi pravarapravekaiH |
ratnottamai rasanayA grahakAntimadbhi\-
rbhAsvanti nirmitatayA svadhiyanti madhyam || 21||
udara \-\-
ashvatthapatranibhamamba dhiyodarante
bhavyaM bhavAbdhitarikevalakAlanAshe |
bhUyo na bhAvi jananIjaTharenivAsa\-
steShAM mano dharaNije.atra sulagnamAsIt || 22||
nAbhi \-\-
nAbhIhR^idaM harimanaH kariNaH kR^ishAMsho
puShTipradaM prachalitaM trivalItara~Ngam |
rAjIsushaivalanibhaM bhramibhUtaromNAM
shAntyai tava tritapatAmatibhAvayAmaH || 23||
vakShoja \-\-
nIlAbhaka~nchukamaNIndrasamUhaniShkai\-
rvakShojayugmamatitu~Ngamala~NkR^itante |
hArairmanoharataraistaruNi! kShitIje!
saundaryavArinidhivAritara~Ngasa~Ngam || 24||
bAhu \-\-
bAhUmR^iNAlamadakhaNDanapaNDitau te
bhItAbhayapradavadAnyatamau janAnAm |
rukmA~NgadA~Nkita\-viTa~Nkitamudrikau tau
hairaNyaka~NkaNadhR^itAvalayau bhajAmaH || 25||
kaNTha \-\-
kaNThaM kapota\-taruNIgalakAntimoShaM
bhUShairanekavidhabhUShita\-mamba tubhyam |
dhyAyema mAnasavishuddhikR^ite kapAlo
yogIndrabhAvitapade shamade sharaNye || 26||
mukhamaNDala \-\-
vaktrenduminduchayakhaNDitamaNDitAMshu
khaNDAMshapaNDitamanaH paridaNDitAsham |
sanmAnasAbjamuditadyutidaM vareNyaM
rAmAkShitArakachakoramahaM bhaje te || 27||
mukha \-\-
tAmbUlarAgaparira~njitadantapa~Nkti
pradyotitAdharamadhaH kR^itabimbarAgam |
IShatsmitadyutikaTAkShavikAshitAshaM
vaktraM pareshanayanAspadamAbhaje te || 28||
nakabesara \-\-
nAsAgramauktikaphalaM phaladaM pareshe
dhyAyanti ye cha nijajADyavinAshaheto |
trailokyanirmalapadaM sumukhaM tvadIyaM ## var ## sukhadaM tvadIyaM
svechChAbhikA~NkShiNa idaM bahuso rasaj~nAH || 29||
netra \-\-
j~nAnaM nira~njanamidaM vivadanti ye te
muhyanti sUrinivahAstaruNIkaTAkShaiH |
nAlokayanti nitarAM tava devitAvad
dIrghAyuShAkShiyugama~njanara~njitaM te || 30||
bhauheM \-\-
bhrUvallarIvilasitaM jagadAhurIshe
vyAsAdayo munivarAstuta eva nityam |
nAshAya tasya taruNItilake tvadIyA
pAshIkR^itA harimanomR^igabandhanAya || 31||
bhAla \-\-
bhAlaM vishAlamatisaubhagabhAjanaM te
sindUravinduruchiradyutidIptimantam |
piNDIkR^itaHkimutarAga itIva tasmin
pradyotate janani jAgatajanmabhAjAm || 32||
karNa \-\-
AdarshavartulakapolavilolalolaM
karNAvataMsa yugalaM janajADyanAsham |
sUryAdikAntiharamAshrayamojasAnte
tIvraM dhiyA dharaNije svadhiyanti dhIrAH || 33||
karNaphUla \-\-
kAlovibheti jagatAmatibhakShakaste
jaivAtR^iko bhavadasImaguNo yato sau |
sarvAtivallabhatayA bhajanIya rUpe
manyAmahe haririti shrutibhUShasAram || 34||
keshapAsha \-\-
sImantamambatava sundaratAtisImaM
muktAvibhUShitamalaM samabhAgabhAjam |
niHsImatApadakR^ite yatayo yatanti
jAnImahe mahitavanditasImamUrte || 35||
veNI \-\-
kAlAhibhItibhajatAmahibhogabhinnA
pAyAtpareshvari satAmavatI sadAnaH |
eNIdR^ishastava vishAlatarA nuveNI
darbhAgrabhAgasadR^ishI sudR^ishAM trilokyAH || 36|| ## var ## vilokyAH

sADI \-\-
sATIsusUkShmatarAtigatAti nIlA
sauvarNasUtra kalitA kR^ipayAvR^itAte |
bhartuHsvarUpamanubhAvayatAM janAnAM
prItyai karoShi paradevi yadApidhAnam || 37||
svarUpavarNa varNana \-\-
pAre girAM guNanidhe! shrutayo vadanti
rUpaM tvadIyamaparaM manasopyagamyam |
sAkShAt kathaM sarasijAkShi bhavedR^ite te
buddhau kR^ipAmanu kR^ishodari mAdR^ishAM tat || 38||
kiM chitramatra janani! prabhayA prakAshyaM
vishvaM vadanti munayastava devi! devAH |
jAtAshrayastribhuvanairguNatobhivandya\-
strANAdikarma vibhavaM paramasya yasyAH || 39||
vedAstavAmba! vivadanti nijasvarUpaM
nityAnubhUtibhavabhAvaparAH pareshaiH |
nirNetumadya yatayastapasA yatante
bodhAya pAdasarasIruhayugmabhR^i~NgAH || 40||
jAtaM tvadeva nitarAM jagatAM nidAnaM
manyAmahe tadidamamba! kR^itaM shrutInAm |
sarvaM yataH khalu vicheShTitamAshu shakteH
kAryaM hi kAraNaguNAnavalamba vidyAt || 41||
jAnImahe janani! te nayanAravinda\-
syonmIlane.ajani jagat kShayastannimIlAt | ## var ## kShayatAnnimIlAt
vaiShamyashUnyasamatAM samupAgate ya\-
tsyAdasya pAlanamasaMshayamasya nUnam || 42||
j~nAtantvadIyamaparaM charitaM vishAlaM
bhAvaM bhave nanunije prakaTIkaroShi |
premNaiva taiH prathamataH paramAnubhAvaM
bhAvyaM padAbjamanishaM svajanairataste || 43||
yeShAmadaH paramavastu cha tajjanAnAM
pradyotate janakajAcharaNAravindam |
sarvaMsamIkShya iha karmamanovachobhi\-
rbrahmasvarUpamatidurlabhatAnusevyam || 44||
kiM durlabhaM charaNapa~NkajasevayA te
pUrNAramanti ramaNI yatayA trilokyAm |
vastuprakAshavishadaM hR^idaye tvadIyaM
teShAmaho kimuta sAdhanakoTiyatnaiH || 45||
dhanyAsta eva tava devi padAravindaM
syandAyamAnamakarandamaharnishaM ye |
bhR^i~NgAyamAnamanaso nitarAM bhajante
bhAvAvabodhanipuNAH paradevatAyAH || 46||
pAdAbjarAgaparira~njitachittabhR^i~Ngo
yeShAM samIkShya iha jAtamidaM svarUpam |
teShAM na kiM pravadate parito variShThaM
sAdhyaM bhavediha paratra na ki~nchidanyat || 47||
chumbanti chidghanamahomakarandamasyA
devairmunIndranichayairati durlabhaM te |
pAdAbjayorativikAshavilAsabodha\-
rsyAdeva devi tavakAntanijasvarUpe || 48||
yAvanna te sarasijadyutihAripAde
nasyAdratistarunavA~NkurakhaNDitAshe
tAvatkathaM taruNamaulimaNe janAnAM
j~nAnaM dR^iDhaM bhavati bhAmini rAmarUpe || 49||
sAkShAttapovratayamairniyamaiH samIhe
kartu~NkR^ipAmR^itamiha prasabhaM svarUpam |
nAthasyate shrutivacho viShayaMkathaMsyA\-
nmUDhovR^ithotsR^ijati devi sukhAnyamUni || 50||
yogAdhirUDhamunayo haripAdapadme
dhyAyanti ye charaNapa~NkajayugmamantaH |
vA~nChanti vighnashatatopyanivAryamANAM
bhaktiM bhavAbdhitaraNAya kR^ipApayodhe || 51||
chArva~Ngite charaNachAraNavandisa~NgaM ## var ## chArva~Nkite
mahyaM videha tanaye paridehi nAnyam |
yAchevaraM varavidAM varade bhavatyA
yenAmunA tava dhave mama ra~njanA syAt || 52||
yAche.ahamamba raghunandanamUrtibhAvaM
sArddhaM tvayAtidR^iDha ma~njalinAvisheSham |
tvaM dehi vettR^ivarade munisa~NghamukhyA\-
manyantivallabhatarAM svapatebhavantIm || 53||
upasaMhAra \-\-
evaMstutvA paraM rUpaM jAnakyA jADyanAshanam |
upArarAma shAntAtmA yogeshvaraH sadAshivaH || 54||
nirIkShya tanmukhAmbhojaM bhAvayan rUpamadbhutam |
kA~NkShaM stasyAH parAM bhaktiM pAdapa~NkajayordR^iDhAm || 55||
uvAcha taM varArohA jAnakI bhaktavatsalA |
evamastu mahAdeva yattvayoktaM cha nAnyathA || 56||
anyatte kA~NkShitaM brUhi dAsyAmi devadurlabham |
satyAmmayikR^iponmukhyAM na ki~nchintasyadurlabham || 57||
prasannavadanAM dR^iShTvA so.api devashiromaNiH |
yayAche varamAtmIyaM rahasyaM bhAvabodhakaH || 58||
prAdAttasmai vadAnyA sA yadyanmanasikA~NkShitam |
varaM\-vareshvarI sAkShAtpunaruvAcha sA hitam || 59||
ayaM pavitramaulirme stavarAjaH tvayAshiva |
prakAshitotigopyo.api matprasAdAtsurottama || 60||

phalashruti niShkAma \-\-
yaH paThedimamagre me pUjAkAle prayatnataH |
tasyehAmutra ki~nchinna vastusyAddR^igagocharam || 61||
phalashruti sakAma \-\-
dhanaM dhAnyaM yashaH putrAnaishvaryamatimAnuSham |
prApyehAmodate bhUyo matpadaM tadvrajetsaha || 62||
yadyallokottaraM vastu triShulokeShu dR^ishyate |
tatsarvamasya pAThena prApnuyAdbhuvimAnavaH || 63||
Aj~nA \-\-
idaM me paramaikAntaM rahasyaM surasattama |
na prakAshyaM tvayA shambho shaThAya bhAvadveShiNe || 64||
bhaktiryasyAtideveshe sarvaishvarye tathA mayi |
gurausarvAtma bhAvena vidyatebhaktiruttamA || 65||
tasmai deyaM tvayA shambho bhAvanArdrahR^ide gurau |
sarvabhUtahitArthAya shAntAya saumyamUrtaye || 66||
ityuktvA bhAvanAmUrtiH sItA janakanandinI |
kR^ipApAtrAya tasmai sA punaH prAdAdvarAntaram || 67||
sarvaduHkhaprashamanaM jAnakyAstu prasAdataH || 68||

|| iti shrImadagastyasaMhitAntargataH paramarahasyaH
shrIjAnakIstavarAjaH sampUrNaH ||
iti shubham ||
##

The individual bodily description in the verses is
given in Hindi for reference.

NA


\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}