% Text title            : Jagadadi Shakti Stotram
% File name             : jagadAdishaktistotram.itx
% Category              : devii
% Location              : doc\_devii
% Author                : Acharya Pandit ShriRam Kishor Mishra
% Transliterated by     : Manjeet Gupta
% Proofread by          : Manjeet Gupta, PSA Easwaran
% Latest update         : May 24, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Jagadadishakti Stotram ..}##
\itxtitle{.. jagadAdishaktistotram ..}##\endtitles ##
devIM namAmi shirasA jagadAdishaktiM
     kAtyAyanIM bhagavatIM sukhadAM cha durgAm |
yA hanti rAkShasagaNAn yudhi bhadrakAlI
     sA pAtu mAM bhagavatI girijA karAlI || 1||
mAheshvarI tvamasi vaiShNavI nArasiMhI
     brAhmI tvameva lalitA surasundarI tvam |
vArAhi ShoDashi karAli shubhe tvamaindrI
     kaumAri bhairavi jaye satataM namaste || 2||
shaile vane vasati yo vanarAjasiMha
     Aruhya taM bhramati durgamaparvateShu |
grAmeShu yA cha nagareShu cha mandireShu
     sA pAtu mAM bhagavatI jagadAdishaktiH || 3||
yA kvApi lokajananI prathitA bhavAnI
     yA sarvama~NgalayutA cha shubhA mR^iDANi |
tAM chaNDikAM hatakhalAmadhunA smarAmi
     tAM kAlikAM bhagavatIM shirasA namAmi || 4||
jvAlAmukhI tvamasi bhAnumukhI prabhA tva\-
     mulkAmukhI ravimukhI vaDavAmukhI tvam |
kaNThe nije dharati yA ripu muNDamAlAM
     sA pAtu mAM bhagavatI jagadAdishaktiH || 5||
aShTAdashApi cha bhujAH prabhavanti yasyAH
     yA pUjyate dashabhujA kvachanAShTahastA |
yA daityashumbha\-mahiShAsura\-mardinI cha
     tAM chaNDikAM bhagavatIM praNamAmi durgAm || 6||
mAta~NginI tvamasi bhUtabhaya~NkarI tvaM
     shrIkAlikAsi ripuhA jagadambikAsi |
vairochinI tvamasi kAlajayA tamistrA
     tvaM DAkinI  yamanishAsi namo.astu tubhyam || 7||
bhImAkR^ite tripurasundari rAkShasaghne
     tArA.a.akR^ite tripurabhairavi kAlavahne |
ghorAkR^ite triguNade tripurArivandye
     dhUmAkR^ite bhuvanajIvanade namaste || 8||
kAlyai namo.astu satataM jagadambikAyai
     devyai namo.astu hariNAdhipavAhanAyai |
tejaH prabhAkiraNabhUShitamastakAyai
     tasyai namo.astu satataM jagadAdishaktyai || 9||
yotpattipAlanakarI jagatI janAnAM
     gandharvakinnarasurArchitapAdapadmA |
sharvapriyA priyashivA shivadA shivAnI
     sA pAtu mAM bhagavatI girijA bhavAnI || 10||
yA shA~NkarI bhagavatI vR^iShavAhanasthA
     tAM mokShadAM shivakarIM hR^idaye bhajAmi |
sha~NkhatrishUlahalachakragadA.a.ayudhA yA
     sA pAtu mAM bhagavatI jagadAdishaktiH || 11||

iti shrIrAmakishoramishravirachitaM jagadAdishaktistotraM sampUrNam |

##

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}