% Text title            : jayadurgAstotram from Brahmavaivarta Purana
% File name             : jayadurgAstotramBVP.itx
% Category              : devii, durgA, devI
% Location              : doc\_devii
% Description/comments  : Brahmavaivarta Purana, Krishnajanma Khanda (4), Adhyaya 27, verses 17-34
% Latest update         : February 18, 2019
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Jayadurga Stotra ..}##
\itxtitle{.. jayadurgAstotram ..}##\endtitles ##
viniyogaH \-
OM asya shrIjayadurgA mahAmantrasya\, mArkaNDayo muniH\, bR^ihatI
ChandaH\, shrIjayadurgA devatA\, praNavo bIjaM\, svAhA shaktiH |
shrIdurgA prasAdasid.hdhyarthe jape viniyogaH |

hR^idayAdinyAsaH \-
OM durge hR^idayAya namaH | OM durge shirasi svAhA | OM durgAyai shikhAyai
vaShaT | OM bhUtarakShiNI kavachAya huM | OM durge durge rakShiNi netratrayAya
vauShaTa | OM durge durge rakShiNi | astrAya phaT |

dhyAnam \-
kAlAshchAbhAM kaTAkShairarikulabhayadAM maulibaddhendurekhAM
     sha~NkhaM chakraM kR^ipANaM trishikhamapi karairudvahantIM trinetrAm |
siMhaskandhAdhirUDhAM tribhuvanamakhilaM tejasA pUrayantIM
     dhyAyed durgA jayAkhyAM tridashaparivR^itAM sevitAM siddhikAmaiH ||

prathamamantraH \-
OM namo durge\-durge rakShiNI svAhA |
dvitIyamantraH \-
OM kroM klIM shrIM hIM AM strI hUM jayadurge rakSha\-rakSha svAhA |


brahmo uvAcha \-
durge shive.abhaye mAye nArAyaNi sanAtani |
jaye me ma~NgalaM dehi namaste sarvama~Ngale || 1||
daityanAshArthavachano dakAraH parikIrtitaH |
ukAro vighnanAshArthavAchako vedasammataH || 2||
repho rogaghnavachano gashcha pApaghnavAchakaH |
bhayashatrughnavachanashchAkAraH parikIrtitaH || 3||
smR^ityuktismaraNAdyasyA ete nashyanti nishchitam |
ato durgA hareH shaktirhariNA parikIrtitA || 4||
vipattivAchako durgashchAkAro nAshavAchakaH |
durgaM nashyati yA nityaM sA durgA parikIrtitA || 5||
durgo daityendravachano.apyAkAro nAshavAchakaH |
taM nanAsha purA tena budhairdurgA prakIrtitA || 6||
shashcha kalyANavachana ikArotkR^iShTavAchakaH |
samUhavAchakashchaiva vAkAro dAtR^ivAchakaH || 7||
shreyaHsa~NghotkR^iShTadAtrI shivA tena prakIrtitA |
shivarAshirmUrtimatI shivA tena prakIrtitA || 8||
shivo hi mokShavachanashchAkAro dAtR^ivAchakaH |
svayaM nirvANadAtrI yA sA shivA parikIrtitA || 9||
abhayo bhayanAshoktashchAkAro dAtR^ivAchakaH |
pradadAtyabhayaM sadyaH sA.abhayA parikIrtitA || 10||
rAjashrIvachano mAshcha yAshcha prApaNavAchakaH |
tAM prApayati yA sadyaH sA mAyA parikIrtitA || 11||
mAshcha mokShArthavachano yAshcha prApaNavAchakaH |
taM prApayati yA nityaM sA mAyA parikIrtitA || 12||
nArAyANArdhA~NgabhUtA tena tulyA cha tejasA |
tadA tasya sharIrasthA tena nArAyaNI smR^itA || 13||
nirguNasya cha nityasya vAchakashcha sanAtanaH |
sadA nityA nirguNA ya kIrtitA sA sanAtanI || 14||
jayaH kalyANavachano hyAkAro dAtR^ivAchakaH |
jayaM dadAti yA nityaM sA jayA parikIrtitA || 15||
sarvama~Ngalashabdashcha sampUrNaishvaryavAchakaH |
AkAro dAtR^ivachanastaddAtrI sarvama~NgalA || 16||
nAmAShTakamidaM sAraM nAmArthasahasaMyutam |
nArAyaNena yaddattaM brahmaNe nAbhipa~Nkaje || 17||
tasmai datvA nidritashcha babhUva jagatAM patiH |
madhukaiTabhau durgAntau brahmANaM hantumudyatau || 18||
stotreNAnena sa brahmA stutiM natvA chakAra ha |
sAkShAtstutA tadA durgA brahmaNe kavachaM dadau || 19||
shrIkRRiShNakavachaM divyaM sarvarakShaNanAmakam |
dattvA tasmai mahAmAyA sA.antardhAnaM chakAra ha || 20||
stotraM kurvanti nidrAM cha saMrakShya kavachena vai |
nidrAnugrahataH sadyaH stotrasyaiva prabhAvataH || 21||
tatrAjagAma bhagavAnvRRiSharUpI janArdanaH |
shaktyA cha durgayA sArdhaM sha~Nkarasya jayAya cha || 22||
sarathaM sha~NkaraM mUrdhni kRRitvA cha nirbhayaM dadau |
atyUrdhvaM prApayAmAsa jayA tasmai jayaM dadau || 23||
stotrasyaiva prabhAveNa sa.nprApya kavachaM vidhiH |
varaM cha kavachaM prApya nirbhayaM prApa nishchitam || 24||
brahmA dadau maheshAya stotraM cha kavachaM varam |
tripurasya cha sa~NgrAme sarathe patite harau || 25||
brahmAstraM cha gRRihItvA sa sanidraM shrIhariM smaran |
stotraM cha kavachaM prApya jaghAna tripuraM haraH || 26||
stotreNAnena tAM durgAM kRRitvA gopAlikA stutim |
lebhire shrIhariM kAntaM stotrasyAsya prabhAvataH || 27||
gopakanyA kRRitaM stotraM sarvama~NgalanAmakam |
vA~nChitArthapradaM sadyaH sarvavighnavinAshanam || 28||
trisandhyaM yaH paThennityaM bhaktiyuktashcha mAnavaH |
shaivo vA vaiShNavo vA.api shAkto durgAtpramuchyate || 29||
rAjadvAre shmashAne cha dAvAgnau prANasa~NkaTe |
hiMsrajantubhayagrasto magnaH pote mahArNave || 30||
shatrugraste cha sa~NgrAme kArAgAre vipadgate |
gurushApe brahmashApe bandhubhede cha dustare || 31||
sthAnabhraShTe dhanabhraShTe jAtibhraShTe shuchA.anvite |
patibhede putrabhede khalasarpaviShAnvite || 32||
stotrasmaraNamAtreNa sadyo muchyeta nirbhayaH |
vA~nChitaM labhate sadyaH sarvaishvaryamanuttamam || 33||
iha loke harerbhaktiM dR^iDhAM cha satataM smR^itim |
ante dAsyaM cha labhate pArvatyAshcha prasAdataH || 34||
anena stavarAjena tuShtuvurnityamIshvaram |
praNemuH parayA bhaktyA yAvanmAsaM vrajA~NganAH || 35||

iti shrIbrahmavaivarte brahmakR^itaM jayadurgAstotraM sampUrNam |

##

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}