% Text title            : jnAnakalikAstotramtripurArahasya
% File name             : jnAnakalikAstotramtripurArahasya.itx
% Category              : devii, devI, dashamahAvidyA
% Location              : doc\_devii
% Transliterated by     : Mandar Mali aryavrutta at gmail.com
% Proofread by          : Mandar Mali aryavrutta at gmail.com, NA
% Latest update         : September 8, 2019
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Jnanakalikastotram from Tripurarahasya ..}##
\itxtitle{.. tripurArahasyoktaM j~nAnakalikAstotram ..}##\endtitles ##
shive devi samvitsudhAsAgarA.a.atma\-
     svarUpA.asi sarvAntarA.a.atmaikarUpA |
na ki~nchid vinA tvatkalAmasti loke
     tataH satsvarUpA.asi satye.apyasatye || 1||
asatyaM punaH satyamanye dvirUpaM
     dvayAtItameke jaguH sarvametat |
na te tAM vidurmAyayA mohitAste
     chidAnandarUpA tvamevA.asi sarvam || 2||
kShaNAnAM kramaibhinnarUpAM dharAdyau\-
     rmitAmAhureke tamomAtrarUpAm |
tamodIptisambhinnarUpA~ncha shAnta\-
     svarUpAM maheshI vidustvAM na te.aj~nAH || 3||
shivAdikShitiprAntatattvAvaliryA
     vichitrA yadIye sharIre vibhAti |
paTe chitrakalpA jale sendutArA
     nabhovatparA sA tvamevA.asi sarvA || 4||
abhinnaM vibhinnaM bahirvA.antare vA
     vibhAti prakAshastamo vA.api sarvam |
R^ite tvAM chitiM yena no bhAti ki~nchit
     tatastvaM samastaM na ki~nchitvadanyat || 5||
nirudhyA.antara~NgaM vilApyA.akShasa~NghaM
     parityajya sarvatra kAmAdibhAvam |
sthitAnAM mahAyoginAM chittabhUmau
     chidAnandarUpA tvamekA vibhAsi || 6||
tathA.anye manaH sendriyaM sa~ncharachchA\-
     .apyasaMyamyatanmArgakejAgarUkAH |
svasamvitsudhA.a.adarshadehe sphurantaM
     mahAyoginAthAH prapashyanti sarvam || 7||
nirukte mahAsAramArge.atisUkShme
     gatiM ye na vindanti mUDhasvabhAvAH |
janAn tAn samuddhartumakShAvagamyaM
     bahiH sthUlarUpaM vibhinnaM vibharShi || 8||
tadArAdhane.anekamArgAn vichitrAn
     vidhAyA.atha mArgeNa kenApi yAntam |
nadIvAri sindhuryathA svIkaroti
     pradAya svabhAvaM nu svAtmIkaroShi || 9||
tathAtAsumUrtiShvanekAsu mukhyA
     dhanurbANapAshA~NkashADhyaivamUrtiH |
sharIreShu mUrdheva ye tAM bhajeyu\-
     rjanAstraipurIM mUrtimatyuttamAste || 10||
janAn duHkhasindhoH samuddhartukAmA
     pathastAnanekAn pradishya prakR^iShTAn |
dayArdrasvabhAveti vikhyAtakIrti
     stvamekaiva pUjyA parAshaktirUpA || 11||
sadA te padAbje manaHShaTpado me
     pibaMstadrasannirvR^itaHsaMsthito.astu |
iti prArthanAM me nishamyA.a.ashu mAta\-
     rvidhehi svadR^iShTiM dayArdrAmapIShat || 12||
iti saMstutya sA gaurI tripurAM parameshvarIm |
stotreNa j~nAnakalikAkhyena dhyAnaM samAsthitA || 13||

iti j~nAnakalikAstotraM sampUrNam |

##
Encoded and proofread by Mandar Mali aryavrutta at gmail.com

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}