Shri Jyeshthamba Ashtakam

 श्रीज्येष्ठाम्बाष्टकम् 
ज्येष्ठाम्ब ते चरणकञ्जयुगस्य सेवां
      त्यक्त्वाशया जगति सन्ति वरान्यदेव्यः ।
इत्याश्रयेन सततं परिसेवितास्ताः
      प्राप्तो मयात्र नहि काणवराट कोऽपि ॥ १॥

ज्येष्ठाम्ब सेवनमिदं परदेवतानां
      अज्ञानमेव मम सम्प्रति वेद्मि तत्त्वम् ।
अज्ञानतः करगतं मणिमय्युपेक्ष
      काचे मणि भ्रमयुतस्य गतिर्ममासीत् ॥ २॥

ज्येष्ठाम्ब ते भुविजना सततं दरिद्रा
      देवीति नां कथयन्ति न ते यथार्थम् ।
जानन्ति केवलधनेषण तत्परास्ते
      दारिद्र्यमेव किल ब्रह्मविचारदक्षम् ॥ ३॥

ज्येष्ठाम्ब ते करुणया मम कल्पितं त
      दारिद्र्यमेव भुवि भोगपरम्परासु ।
स्वर्गादि भोगबहुशेऽपि विरागबुद्धि-
      मुत्पाद्य मेऽदद दलं सुखमद्वितीयम् ॥ ४॥

ज्येष्ठाम्ब युष्मदनुजा शपथं त्वया श्रीः
      कृत्वा दरिद्रमधुना धनिकं करोमि ।
इत्याग्रहात्वयमलं विनियुज्यशक्तिं
      व्यर्थाग्रहा सपदि सा शरणं गता त्वाम् ॥ ५॥

ज्येष्ठाम्ब ते श‍ृति समिरितमित्यलक्ष्मि-
      र्मामास्ति लोकविदितं खलु गूढतत्त्वम् ।
अध्यक्षर त्यज महेश्वरविष्णुरूपं
      ब्रह्मप्रभोधकमकारमनुत्तरं च ॥ ६॥

ज्येष्ठाम्ब सर्वविदिता किल विष्णुपत्नी
      लक्ष्मी रति त्वदनुजेति न तेऽपि लक्ष्मा ।
भेदोऽस्ति किञ्चिदपि नेत्रनिमीलनात्ते
      उन्मीलनाच्च भुवि नाम तथा द्विभासीत् ॥ ७॥

ज्येष्ठाम्ब तेऽक्षि युगलं यदि मीलितं स्वा
      त्वां ते तदा बुधजनाः कथयन्त्यलक्ष्मीम् ।
उन्मीलितं यदि तदा प्रवदन्ति लक्ष्मी-
      मेकैव मूर्तिरभवद्विविदं तु नामम् ॥ ८॥

ज्येष्ठाम्बाष्टकमष्टकष्टहरणं यो वा पठेनिष्ठया
अष्टैश्वर्यमुपेत्य सम्प्रति विनष्टान्योन्य भेदभ्रमः
      किं चाद्वैतविमर्शसर्वसमतायुक्तो विशुद्धाशयः ।
ब्रह्मात्मैकमपि प्रयागि सहसा ज्येष्ठाम्बिकानुग्रहात्
श्रीमत्सर सुखानन्दनाथस्य चरणार्थिना
      श्रीयानन्देन कथितं ज्येष्ठाम्बायाः पराष्टकम् ॥ ९॥

इति ज्येष्ठाम्बाष्टकं सम्पूर्णम् ।


Proofread by Vani V.