% Text title            : Shri Kakini Stotram
% File name             : kAkinIstotram.itx
% Category              : devii, ShaTchakrashakti, devI
% Location              : doc\_devii
% Transliterated by     : staff of Muktabodha.org Mark S.G. Dyczkowski
% Proofread by          : Aruna Narayanan narayanan.aruna at gmail.com
% Description/comments  : rudrayAmale uttaratantre 2 bhairava bhairavI sa.nvAde
% Source                : Rudrayamalam part 2 edited by Ram Prasad Tripathi and Sudhakar Malaviya
% Acknowledge-Permission: Marjorie Woollacott, Ph.D., Digital Library Coordinator muktabodha.org
% Latest update         : February 16, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Kakini Stotram ..}##
\itxtitle{.. shrIkAkinIstotram ..}##\endtitles ## 
athaikonaShaShTitamaH paTalaH
shrIAnandabhairavI uvAcha
j~nAneshvarI shubhakarI paribhAvanIyA
yogeshvarairhariharairgurubhirmahendraiH |
tAM kAkinIM parashivAM parameshapatnIM
saMstaumi chAruhR^idayAmbujapIThamadhye || 59\-1||
ekAkinI trijagatAmatinAshakAle
tvAM kAkinIM samarakArNA(NDa) kakAkapatnIm |
tvaM sAkShiNI bhuvanabha~Ngavidhau sakAste
bhUShaNDakAkamahiShIva vayaM bhajAmaH || 59\-2||
ekAkinIM sakaladhAraNakAlayoge
AdhArya dehasamaye sati kAkinIM tvAm |
vAyvAsane manasa Ashu vikAranAshe
kAkendracha~nchuchalitAmahamevamIDe || 59\-3||
bhAvodaye praNayinImagatau cha bhAvA
AhlAdayogavibhave bhuvaneshvarIM tvAm |
mandArahAraruchire parameshvari tvaM
rakShAM kuru prathamato matimAshrayAmi || 59\-4||
chandrodaye sukhamayI dyutikoTidIptA
gopyAgame sumatibhiH svamanAMsi shuddhA |
sA tvaM sukhAttvaM bhava bhAvavipUjanIye
rakShAM kuru prathamabhAskarama~NghrimIDe || 59\-5||
te pAdapa~NkajamajasramahaM bhajAmi
sAnandabindu vimalAsanabhAvapu~nje |
gu~njAvaTIvimalamAlyasushobhitA~Nge
syAmeva me charamabhAvasamUhadAtrI || 59\-6||
pa~nchAnane dashabhuje sakalAstrayukte
vidye bhaye narahare narahArabhUShe |
pretAsane trinayane jananI tvameva
rakShe shubhe charaNapa~NkajamAshrayAmi || 59\-7||
shrI sundari praNatarakShiNi vedamAta\-
stAreshvarI tvamapi rakSha vinAshakAle |
yadyekabhakta itihAsapurANavaktA
nityAnuraktaharapAdasarojamIDe || 59\-8||
te shrIpadaM bhuvanasAramanantasevyaM
yogAspadaM kR^itibhirAshrayamekayogam |
sarve bhajanti nijamokShaphalAya nityaM
dIno.ahamamba bhuvaneshi mudA bhajAmi || 59\-9||
trailokyapUjitapadaM hR^idayAmbujasthaM
chittaprakAshakamale svasukhAnubhUtam |
mAyAshrayaM sakalasiddhinidAnarUpaM
ma~njIrahAravinataM varamAshrayAmi || 59\-10||
kauTIrahArakamalapriyamAlyashobhe
shobhAkare sthiratarA bhava me hR^idabje |
bhUmaNDale hi balavAnkR^itakR^itya eva
tvAmIshvarIM hR^idi mudA sukhamAshrayAmi || 59\-11||
nitye purA bhajati yogasusiddhaye.asau
shambhurgirIsha iti cheshvarapArshvagAmi |
sAyujyanAthapadavIM gata IshakAnte
ekAkinI kulavatA~NghriyugaM kimanyaiH || 59\-12||
dhyAyanti yogina ihAghasamUhashailaM
saMhAra hetukasadAghavinAshanAya |
chittotsavAya vibhavAya jayAya bhUmeH
dIno.ahamAshu vibhajAmi padaM shriye te || 59\-13||
kR^iShNe site vimalapItanibhe surakte
varNAshraye tvamava mAmatidInamekam |
putraM tavaiva charaNAmbujameva kAntaM
nIlAmbuje sthirataraM kuru kAmadAtri || 59\-14||
sarveshvarI priyakari bhavabhAvahantri
nAnA dhvanipraNatakAmadughe vichitre |
ratnAmbare sukhapadaM yadi dehi dAsyaM
tvaM chAruvarNagalite padamAshrayAmi || 59\-15||
ratnAkare sakaruNe.aruNakoTivarNe
svarNAdinirmitasR^ijApavishobhitA~NgI |
tvaM kAkinI yadi kaTAkShanipAtamekaM
sarvaM kuruShva sukhamokShapathapramodI || 59\-16||
Adye pravAlavimale.amalamAlyashobhe
sUkShme.atisUkShmanikare karuNAnidhAne |
(ka ) bAle vale prachale chapale pralApe
yogeshi pAdakamalaM kulamAshrayAmi || 59\-17||
(kha ) tvaM ShoDashI kharatarA kharakhaDgahaste
khaDgeshvarI prakharavAkyamathADhyavaktre |
kharjUrahAraruchire khalahantri tubhyaM
nityaM namo nama upendragirIndrasevye || 59\-18||
(ga ) gItAnate tarutare praNamAmi nityaM
gAtreshvarI gatihare gaNanAthasevye |
gAyanti te charaNapa~NkajasAragItaM
rakShAprachaNDakaluShAdanupekShaNIyam || 59\-19||
(gha ) dIrghasvare ghanavare ghanaghoranAde
ghorAnane navaghane ghaTanAghanAnAm |
ghorAspade ghaTagate ghaTashUnyakartri
tvaM kAkinI samavatu kShitidoShajAlAt || 59\-20||
(~Na ) Anusvare smarahare nanu rUpavidye
saMyoginIprabalashatruvinAshabhUte |
rakShe.atirakSha karuNAM kuru dehi mokShaM
 (cha ) chaNDi prachaNDanayane charaNaM bhaje te || 59\-21||
(Cha ) Chatraprade Chalahare ChadavAsinI tvam |
Chadmasthite hR^idayapa~NkajadakShayoge |
(ja ) tvAM pUjaye jayadhare yadunAthajanyo |
jAye jayaM yadiha dehi padaM bhajAmi || 59\-22||
(jha ) jha~Nke jhanajvalayatIha ripuM pibanti
tvaM kaushikI sakaladehavishodhanI tvam |
(na ) nitye.anunAsikapade sakalArthade tvaM
(~na ) rakShAM kuruShva vipade kulapu~njagu~nje || 59\-23||
(Ta ) Ta~NkArage.aTTahasane Talale.aTTahAse |
(Tha ) ThAkkAriNI saThaharA pariniShThitA tvam |
siMheShTapR^iShThanilaye.asthirayogabhAvaM
hR^itpadmake kuru sadA sakalArthadAtri || 59\-24||
etatstotraM paTheddhImAn dhyAnanyAsaparAyaNaH |
vibhAvya stauti yo yogI sa yogI mokShabhAgbhavet || 59\-25||
hR^itpa~NkaruhamadhyasthaM sa pashyati jagattrayam |
aShTasiddhiyutaH shIghraM jIvanmukto bhavennaraH || 59\-26||

iti shrIrudrayAmale mahAtantroddIpane siddhamantraprakaraNe
kAkinIstotravinyAso nAmonaShaShTitamaH paTalaH || 59||

##
The numbers correspond to paTala and verse numbers from
Rudrayamala uttaratantra.

Proofread by Aruna Narayanan 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}