% Text title            : kAlI shAntistotram
% File name             : kAlIshAntistotram.itx
% Category              : devii, dashamahAvidyA, devI
% Location              : doc\_devii
% Transliterated by     : Mohan Chettoor
% Proofread by          : Mohan Chettoor
% Latest update         : July 4, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. kAlI shAnti stotram ..}##
\itxtitle{.. kAlI shAntistotram ..}##\endtitles ##
kAlI kAlI mahAkAli kAlike pApahAriNi |
dharmamokShaprade devi guhyakAli namo.astute || 1||
sa~NgrAme vijayaM dehi dhanaM dehi sadA gR^ihe |
dharmakAmArthasampattiM dehi kAli namo.astute || 2||
ulkAmukhi lalajjihve ghorarAve bhagapriye |
shmashAnavAsini prete shavamAMsapriye.anaghe || 3||
araNya chAriNi shive kuladravyamayIshvari |
prasannAbhava deveshi bhaktasya mama kAlike || 4||
shubhAni santu kaulAnAM nashyantu dveShakArakAH |
nindAkarA kShayaM pAntuye cha hAsya prakurvate || 5||
ye dviShanti jugupsante ye nindanti hasanti ye |
ye.asUyante cha sha~Nkante mithyeti pravadanti ye || 6||
te DAkinImukhe yAntu sadArasutabAndhavAH |
pibatvaM shoNitaM tasya chAmuNDA mAMsamattu cha || 7||
AsthInicharvayantvasya yoginI bhairavIgaNAH |
yAnindAgamatantrAdau yA shaktiShu kuleShu yA || 8||
kulamArgeShu yA nindA sA nindA tava kAlike |
tvannindAkAriNAM shAstrI tvameva parameshvari || 9||
na vedaM na tapo dAnaM nopavAsAdikaM vratam |
chAndrAyaNAdi kR^ichChaM cha na ki~nchinmAnayAmyaham || 10||
kintu tvachcharaNAmbhoja sevAM jAne shivAj~nayA |
tvadarchA kurvato devi nindApi saphalA mama || 11||
rAjyaM tasya pratiShThA cha lakShmIstasya sadA sthirA |
tasya prabhutvaM sAmarthyaM yasya tvaM mastakopari || 12||
dhanyo.ahaM kR^itakR^ityo.ahaM saphalaM jIvataM mama |
yasya tvachcharaNadvande mano nivishate sadA || 13||
daityAH vinAshamAyAntu kShayaM yAntu cha dAnavAH |
nashyantu pretakUShmANDA rAkShasA asurAstathA || 14||
pishAcha bhUta vetAlAM kShetrapAlA vinAyakAH |
guhyakAH ghoNakAshchaiva vilIyantA sahasradhA || 15||
bhAruNDA jambhakAH skAndAH pramathAH pitarastathA |
yoginyo mAtarashchApi DAkinyaH pUtanAstathA || 16||
bhasmIbhavantu sapadi tvat prasAdAt sureshvari |
divAcharA rAtricharA ye cha sandhyAcharA api || 17||
shAkhAcharA vanacharAH kandarAshailachAriNaH |
dveShTAro ye jalacharA guhAbilacharA api || 18||
smaraNAdeva te sarve khaNDakhaNDA bhavantu te |
sarpAnAgA yAtudhAnA dasyumAyAvinastathA || 19||
hiMsakA vidviSho nindAkarA ye kuladUShakAH |
mAraNochchATanonmUla dveSha mohana kArakAH || 20||
kR^ityAbhichArakartAraH kaulavishvAsaghAtakAH |
tvatprasAdAjjagaddhAtri nidhanaM yAntu te.akhilAH || 21||
navagrahAH satithayo nakShatrANi cha rAshayaH |
sa~NkrAntayo.abdA mAsAshcha R^itavo dve tathAyane || 22||
kalAkAShThAmuhurtAshcha pakShAhorAtrayastathA |
manvatarANi kalpAshcha yugAni yugasandhayaH || 23||
devalAkAH lokapAlAHpitaro vahnayastathA |
adhvarA nidhayo vedAH purANAgamasaMhitA || 24||
ete mayA kArtitA ye ye chAnye nAnukIrtitAH |
Aj~nayA guhyakAlyAste mama kurvantu ma~Ngalam || 25||
bhavantu sarvadA saumyAH sarvakAlaM sukhAvahAH |
ArogyaM sarvadA me.astu yuddhe chaivAparAjayaH || 26||
duHkhahAniH sadaivAstAM vighnanAshaH pade pade |
akAlamR^ityu dAridryaM bandhanaM nR^ipaterbhayam || 27||
guhyakAlyAH prasAdena na kadApi bhavenmama |
santvindriyANi susthAni shAntiH kushalamastu me || 28||
vA~nChAptirmanasaH saukhyaM kalyANaM suprajAstathA |
balaM viktaM yashaH kAntivR^iddhirvidyA mahodayaH || 29||
dIrghAyurapradhR^iShyatvaM vIryaM sAmarthyameva cha |
vinAsho dveShakartR^iNAM kaulikAnAM mahonnatiH |
jAyatAM shAntipAThena kulavartma dhR^itAtmanAm || 30||

iti kAlyAH shAntistotraM sampUrNam |
##

Encoded and proofread by Mohan Chettoor

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}