% Text title            : Brahmaprokta Kali Stuti
% File name             : kAlIstutiHbrahmaproktA.itx
% Category              : devii, stuti, dashamahavidyA
% Location              : doc\_devii
% Proofread by          : PSA Easwaran
% Description/comments  : Kalikapurana Adhyaya 5 shloka 15-50
% Latest update         : January 15, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Brahmaprokta Kali Stuti ..}##
\itxtitle{.. brahmaproktA kAlIstutiH ..}##\endtitles ##
brahmovAcha \-
vidyAvidyAtmikAM shuddhAM nirAlambAM nirAkulAm |
staumi devIM jagaddhAtrIM sthUlANIyaHsvarUpiNIm || 15||
yasyA udeti cha jagatpradhAnAkhyaM jagatparam |
yasyAstadaMshabhUtAM tvAM staumi nidrAM sanAtanIm || 16||
tvaM chitiH paramAnandA paramAtmasvarUpiNI |
shaktistvaM sarvabhUtAnAM tvaM sarveShAM cha pAvanI || 17||
tvaM sAvitrI jagaddhAtrI tvaM sandhyA tvaM ratirdhR^itiH |
tvaM hi jyotisvarUpeNa saMsArasya prakAshinI || 18||
tathA tamaHsvarUpeNa ChAdayantI sadA jagat |
tvameva sR^iShTirUpeNa saMsAraparipUraNI || 19||
sthitirUpeNa cha harerjagatAM cha hitaiShiNI |
tathaivAntasvarUpeNa jagatAmantakAriNI || 20||
tvaM medhA tvaM mahAmAyA tvaM svadhA pitR^imodinI |
tvaM svAhA tvaM namaskAravaShaTkArau tathA smR^itiH || 21||
tvaM puShTistvaM dhR^itirmaitrI karuNA muditA tathA |
tvameva lajjA tvaM shAntistvaM kAntirjagadIshvarI || 22||
      mahAmAyA tvaM cha svAhA svadhA cha pitR^idevatA |
yA sR^iShTishaktirasmAkaM sthitishaktishcha yA hareH || 23||
      antashshaktistatheshAnI sA tvaM shaktiH sanAtani || 24||
ekA tvaM dvividhA bhUtvA mokShasaMsArakAriNI |
vidyAvidyAsvarUpeNa svaprakAshAprakAshataH || 25||
tvaM lakShmIH sarvabhUtAnAM tvaM ChAyA tvaM sarasvatI |
trayImayI trimAtrA tvaM sarvabhUtasvarUpiNI || 26||
udgItiH sAmavedasya yA pitR^igaNara~njanI |
tvaM vediH sarvayaj~nAnAM sAmidhenI tathA haviH || 27||
yadavyaktamanirdeshyaM niShkalaM paramAtmanaH |
rUpaM tathaiva tanmAtraM sakalaM cha jaganmayam || 28||
yA mUrttirviratA sarvadharitrI bibhratI kShitim |
sA tvaM vishvambhare loke shaktibhUtipradA sadA || 29||
tvaM lakShmIshchetanA kAntistvaM puShTistvaM sanAtanI |
tvaM kAlarAtristvaM muktiH shAntiH praj~nA tathA smR^itiH || 30||
saMsArasAgarottArataraNiH sukhamokShade |
prasIda sarvajagatAM tvaM gatistvaM matiH sadA || 31||
tvaM nityA tvamanityA cha tvaM charAcharamohinI |
tvaM sandhinI sarvayogasA~NgopA~NgavibhAvinI || 32||
chintA kIrtiryatInAM tvaM tvaM tadaShTA~NgasaMyutA |
tvaM khaDginI shUlinI cha chakriNI ghorarUpiNI || 33||
      tvamIshvarI janAnAM tvaM sarvAnugrahakAriNI |
vishvAdistvamanAdistvaM vishvayonirayonijA |
      anantA sarvajagatastvamevaikAntakAriNI || 34||
nitAntanirmalA tvaM hi tAmasIti cha gIyase |
tvaM hiMsA tvamahiMsA cha tvaM kAlI chaturAnanA || 35||
tvaM parA sarvajananI damanI dAminI tathA |
tvayyeva lIyate vishvaM bhAti tattvaM bibharShi cha || 36||
tvaM sR^iShTihInA tvaM sR^iShTistvamakarNApi sashrutiH |
tapasvinI pANipAdahInA tvaM nitarAM grahA || 37||
tvaM dyaustvamApastvaM jyotirvAyustvaM cha nabho manaH |
aha~NkAro.api jagatAmaShTadhA prakR^itiH kR^itiH || 38||
jagannAbhirmerurUpadhAriNI nAlikAparA |
parAparAtmikA shuddhA mAyA mohAtikAriNI || 39||
kAraNaM kAryabhUta~ncha satyaM shAntaM shivAshive |
rUpANi tava vishvArthe rAgavR^ikShaphalAni cha || 40||
nitAntahrasvA dIrghA cha nitAntANubR^ihattanuH |
sUkShmApyakhilalokasya vyApinI tvaM jaganmayI || 41||
      mAnahInA vimAnAtivimAnonmAnasambhavA |
yadaShTivyaShTisambhogarAgAdigalitAshayA |
      tatte mahimni tadrUpaM tava bhrAntyAdikaM cha yat || 42||
iShTAniShTavipAkaj~nA yatheShTAniShTakAraNam |
sargAdimadhyAntamayaM nimnaM rUpaM tathaiva cha || 43||
vichArAShTA~Ngayogena sampAdyaivaM muhurmuhuH |
yat sthirIkriyate tattvaM tatte rUpaM sanAtanam || 44||
bAhyAbAhye sukhaM duHkhaM j~nAnAj~nAne layAlayau |
upatApastathA shAntirbhUtistvaM jagataH pateH || 45||
yasyAH prabhAvaM no vaktuM shaknoti bhuvanatraye |
tayaiva sammohakarI sA tvaM kiM stUyase mayA || 46||
yoganidrA mahAnidrA mohanidrA jaganmayI |
viShNumAyA cha prakR^itiH kastvAM stutyA vibhAvayet || 47||
mama viShNoH sha~Nkarasya yA vapurvahanAtmikA |
tasyAH prabhAvaM ko vaktuM guNAn vettuM cha kaH kShamaH || 48||
prakAshakaraNajyotiHsvarUpAntaragocharA |
tvameva ja~NgamastheyarUpaikA bAhyagocharA || 49||
prasIda sarvajagatAM janani strIsvarUpiNi |
vishvarUpiNi vishveshe prasIda tvaM sanAtani || 50||

iti kAlikApurANe pa~nchamAdhyAyAntargatA brahmaproktA kAlIstutiH samAptA |
##

Proofread by PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}