% Text title            : kAlikAShTakam
% File name             : kAlikAShTakam.itx
% Category              : aShTaka, devii, dashamahAvidyA, shankarAchArya, devI
% Location              : doc\_devii
% Author                : Shankaracharya
% Description-comments  : This is also said to be from Kalirahasya
% Latest update         : June 30, 2017
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIkAlikAShTakam ..}##
\itxtitle{.. shrIkAlikAShTakam ..}##\endtitles ##

dhyAnam |
galadraktamuNDAvalIkaNThamAlA
        mahoghorarAvA sudaMShTrA karAlA |
vivastrA shmashAnAlayA muktakeshI
    mahAkAlakAmAkulA kAlikeyam || 1||

bhujevAmayugme shiro.asiM dadhAnA
        varaM dakShayugme.abhayaM vai tathaiva |
sumadhyA.api tu~NgastanA bhAranamrA
    lasadraktasR^ikkadvayA susmitAsyA || 2||

shavadvandvakarNAvataMsA sukeshI
        lasatpretapANiM prayuktaikakA~nchI |
shavAkArama~nchAdhirUDhA shivAbhish\-
    chaturdikShushabdAyamAnA.abhireje || 3||

|| atha stutiH ||
vira~nchyAdidevAstrayaste guNAstrIn
    samArAdhya kAlIM pradhAnA babhUbuH |
anAdiM surAdiM makhAdiM bhavAdiM
    svarUpaM tvadIyaM na vindanti devAH || 1||

jaganmohinIyaM tu vAgvAdinIyaM
    suhR^itpoShiNIshatrusaMhAraNIyam |
vachastambhanIyaM kimuchchATanIyaM
    svarUpaM tvadIyaM na vindanti devAH || 2||

iyaM svargadAtrI punaH kalpavallI
    manojAstu kAmAn yathArthaM prakuryAt |
tathA te kR^itArthA bhavantIti nityaM
    svarUpaM tvadIyaM na vindanti devAH || 3||

surApAnamattA subhaktAnuraktA
    lasatpUtachitte sadAvirbhavatte |
japadhyAnapUjAsudhAdhautapa~NkA
    svarUpaM tvadIyaM na vindanti devAH || 4||

chidAnandakandaM hasan mandamandaM
    sharachchandrakoTiprabhApu~njabimbam |
munInAM kavInAM hR^idi dyotayantaM
    svarUpaM tvadIyaM na vindanti devAH || 5||

mahAmeghakAlI suraktApi shubhrA
    kadAchid vichitrAkR^itiryogamAyA |
na bAlA na vR^iddhA na kAmAturApi
    svarUpaM tvadIyaM na vindanti devAH || 6||

kShamasvAparAdhaM mahAguptabhAvaM
    mayA lokamadhye prakAshikR^itaM yat |
tava dhyAnapUtena chApalyabhAvAt
    svarUpaM tvadIyaM na vindanti devAH || 7||

yadi dhyAnayuktaM paThed yo manuShyas\-
    tadA sarvaloke vishAlo bhavechcha |
gR^ihe chAShTasiddhirmR^ite chApi muktiH
    svarUpaM tvadIyaM na vindanti devAH || 8||

|| iti shrImachCha~NkarAchAryavirachitaM shrIkAlikAShTakaM sampUrNam ||

##
This is also said to be found in Kalirahasya text.

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}