% Text title : kAmAkShIpanchashatIstotram % File name : kAmAkShIpanchashatIstotram.itx % Category : devii, devI, panchashatI, shatI % Location : doc\_devii % Transliterated by : Shree Devi Kumar % Proofread by : PSA Easwaran psaeaswaran at gmail.com % Description/comments : See corresponding nAmAvaliH % Acknowledge-Permission: Mahaperiaval Trust % Latest update : June 8, 2021 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Kamakshi Panchashati Stotram ..}## \itxtitle{.. shrIkAmAkShIpa~nchashatIstotram ..}##\endtitles ## (nAmasArastavaH) kadAchitkamalA nAthaM kamalAyatalochanam | paprachCha karuNArAshiM praNamya shirasA muhuH || 1|| mannAtha kiM tvayA nityaM japyate dR^iDhabhaktitaH | tanme brUhi mayi prItiryadyasti madhusUdana || 2|| iti pR^iShTaH shriyA viShNuruvAcha kamalAM hasan | itaH paraM pravakShyAmi rahasyamapi te priye || 3|| shrIkAmAkShyAH pa~nchashatI nAmnAM sa~NkIrtyate.anisham | rahasyAtirahasyaiShA gopanIyA visheShataH || 4|| darshanIyA na kasmaichit pradeyopAsakAya vai | kAmAkShInAmakosheShu sAramAdAya shaktibhiH || 5|| rachiteyaM pa~nchashatI kAmAkShIprItisiddhaye | tAmeva kathayAmyadya nAmasArodbhavAM priye || 6|| etadrahasyaM paramaM kAmAkShIprItidAyakam | bhogamokShapradaM nRRINAM sAmrAjyAdiphalapradam || 7|| sahasranAma trishatI shrImatpa~nchashatI tathA | trayametanmahArAj~nyA netratrayamitIryate || 8|| sarveShu lalitAstotrakoshapATheShu yatphalam | tasmAchChataguNaM puNyaM prApnotyasyAH prakIrtanAt || 9|| padmAsanaM samAbadhya vIrAsanamathApi vA | nAsAgranyastanayano manaH pa~nchendriyaiH saha || 10|| svavashIkR^itya matimAnbahirvyApAramasmaran | devatAM purato dhyAtvA yathAvibhavama~njasA || 11|| tato japetsamAdhistho mantrAH siddhyanti mantriNaH | athavA manasi dhyAtvA sahasradalapa~Nkajam || 12|| tanmadhye karNikAM dhyAtvA kroshamAtraM suvistR^itam | siMhAsanaM cha tanmadhye navaratnavichitritam || 13|| tasyopari cha kAmAkShI~nchintayetkomalAkR^itim | pUrvasmAdadhikaM hyetaddhyAnamAbhyantaraM priye || 14|| munIndrairapi saMsevyaM bhogamokShaikasAdhanam | guhyAdguhyaM tava snehAdvachmi dhyAnaM mama priye || 15|| yoginAmapyalabhyaM tanmAtustuShTikaraM kShaNAt | yatra kutra sthito vApi shrIvidyAmantravinnaraH || 16|| hR^idaye ratnavasudhAM sudhAsAgarasaMvR^itAm | kalpodyAnakadambadruhemAmbhoruhashobhitAm || 17|| dhyAtvA tatraiva sadana~nchintAmaNivirAjitam | tasmin chintAmaNigR^ihe siMhAsanavare sthitAm || 18|| kAmAkShImAtmani dhyAyet sA so.ahamiti nishchalaH | evaM yaH kurute dhyAnaM pashyannAtmAnamAtmanA || 19|| tasyaiva purataH sApi sAnnidhyaM kurute kShaNAt | AtmAnaM tanmayaM dhyAtvA yastu vidyAM japennaraH || 20|| vidyA tasya vishAlAkShi tatkShaNAdevasiddhyati | tasmAttathaiva kAmAkShIM dhyAtvA pashchAdimAM stutim || 21|| japedakhilapApaughashAntaye shAntamAnasaH | nAmAni tAni vakShyAmi shR^iNu sundari bhaktitaH || 22|| achintayan vayoli~NgavarNabhedamatandritaH | yAni japtvA mahAmohAnmuktaH sAyujyamApnuyAt || 23|| viniyogaH \- atha asya shrIkAmAkShIpa~nchashatIstotramahAmantrasya mantriNyAdi shaktayaH R^iShayaH, anuShTupChandaH, shrIkAmAkShI devatA, OM aiM vAgbhavakUTena bIjaM, shrIkAmAkShyai klIM madhyakUTena shaktiH, namaH sauH shaktikUTena kIlakaM, mama shrIkAmAkShIprasAdasiddhyarthe nAmapArAyaNe jape viniyogaH || karanyAsaH \- OM kAM a~NguShThAbhyAM namaH | OM kIM tarjanIbhyAM namaH | OM kUM madhyamAbhyAM namaH | OM kaiM anAmikAbhyAM namaH | OM kauM kaniShThikAbhyAM namaH | OM kaH karatalakarapR^iShThAbhyAM namaH || a~NganyAsaH \- OM kAM hR^idayAya namaH | OM kIM shirase svAhA | OM kUM shikhAyai vaShaT | OM kaiM kavachAya hum | OM kauM netratrayAya vauShaT | OM kaH astrAya phaT | OM bhUrbhuvassuvaromiti digbandhaH || dhyAnam\- kAmAkShIM kAraNaparachidrUpAM karuNAtmikAm | kA~nchIkShetragatAM chandrakalAla~NkR^itashekharAm || kalhArollAsichikurAM karNAntAyatalochanAm | mandasmerA~nchitamukhIM tapanoDupakuNDalAm || kambukaNThIM ghanakuchAM muktAmAlAshatAvR^itAm | lambavAmakarAmbhojAM dakShahastalasachChukAm || adR^ishyamadhyAmaruNachelAmabjapadojjvalAm | sachAmararamAvANIsevitAMshritavatsalAm || suvarNatanumekAmranAyakotsa~NgavAsinIm | dhyAyAmi varadAM devIM sadAnandasvarUpiNIm || mAnasikapa~nchopachArapUjA \- OM laM pR^ithivyAtmikAyai shrIkAmAkShyai gandhaM kalpayAmi | OM haM AkAshAtmikAyai shrIkAmAkShyai puShpANi kalpayAmi | OM yaM vAyvAtmikAyai shrIkAmAkShyai dhUpaM kalpayAmi | OM raM analAtmikAyai shrIkAmAkShyai dIpaM kalpayAmi | OM vaM amR^itAtmikAyai shrIkAmAkShyai amR^itanivedanaM kalpayAmi | OM saM sarvAtmikAyai shrIkAmAkShyai sarvAnupachArAn kalpayAmi || atha stotram | OM kAmAkShI karuNAmUrtiH kalyANagirimandirA | chidagnijAtA chidrUpA shritasaMrakShaNodyatA || 1|| bAlArkakoTiruchiravapussannaddhayauvanA | AghR^iShTapadmarAgAshmaniShpannamakuTojjvalA || 2|| sphurachchandrakalAklR^iptachUDApIDavirAjitA | sImantarekhArachitasindUrashreNima~njulA || 3|| sphuratkastUritilakakandalannIlakuntalA | kadambama~njarilasatkarNapUramanoharA || 4|| bhrUvallIsmarakodaNDasAyakIbhUtalochanA | mArtANDamaNDalAkAraratnakuNDalamaNDitA || 5|| visha~NkaTArAlakeshakarNikAkoshanAsikA | lasanmuktAmaNibhrAjannAsAbharaNabhAsurA || 6|| kastUrIklR^iptamakarikAdirAjatkapolabhUH | lAkShAlakShmInirvyapekShapATaloShThapuTA~nchitA || 7|| kundakorakasashrIkadantapa~NktivirAjitA | atarkyaupamyachubukA mugdhasmeramukhAmbujA || 8|| nitambalambamAnatriveNIchUlAttaChAlikA | shirIShakomalabhujavibhrAjatkanakA~NgadA || 9|| lambavAmakarAmbhojA dakShahastalasachChukA | nAnAmaNIgaNalasatsuvarNakR^itaka~NkaNA || 10|| pAshA~NkushadhanurbANalasatpANitalojjvalA | ratnA~NgulIyasandoharamaNIyakarA~NguliH || 11|| lolachintAkapadakamuktAvalilasadgalA | gandhakastUrikarpUraku~NkumAla~NkR^itastanA || 12|| stanabhUdharasannaddhasopAnatrivalIyutA | navInaromalatikAjitakAdambinIdyutiH || 13|| ardhorukagranthilasadratnakA~nchIguNAnvitA | saundaryapUravilasadAvartAyitanAbhikA || 14|| japAkusumasachChAyapaTTAMshukaparIvR^itA | jaghanAbhogasubhagapR^ithushreNIbharAlasA || 15|| ekAmranAyakotsa~NgakAmyorumahimochChrayA | karIndrakumbhakaThinajAnudvayavirAjitA || 16|| smarakANDIratUNIrasampradAyakaja~NghikA | sphuranmANikyama~njIrara~njitA~NghrisaroruhA || 17|| kamaThIkarparataTIkaThoraprapadAnvitA | yAvakashrInirvyapekShapAda lauhityavAhinI || 18|| harIndramukhakoTIrataTIghaTitapAdukA | saundaryalaharIsImasarvAvayavapATalA || 19|| marAlIlAlitagatiH rAmaNIyakashevadhiH | sarvashR^i~NgAraveShADhyA sarvAvaguNavarjitA || 20|| mohitAsheShajagatI mohinIrUpadhAriNI | mahAmAyI parAshaktirmadirAruNalochanA || 21|| sampatkarI mahAsenAsamR^iddhA sampadunnatA | anekakoTidaityendragarvanirvApaNolbaNA || 22|| chakrarAjarathArUDhachakriNI chakranAyikA | mantriNIsevitapadA mantratantrAdhidevatA || 23|| ashvArUDhA samArAdhyA vishvAtItA virAgiNI | bAlAsametA tripurA kAlAtItA kalAvatI || 24|| daNDanAthasamAsevyA bhaNDAsuravadhodyatA | kAmarAjapriyA kAmasa~njIvanamahauShadhiH || 25|| brahmAdidaivatArAdhyA brahmavidyA bR^ihattanUH | chApinI chandanAliptA chandravidyA parA~NkushA || 26|| manuvidyA mahArAj~nI mahAvidyA mahIyasI | siMhAsaneshI sindUraruchiH sUryAbhivanditA || 27|| sundarI sudatI subhrUrvandArujanavatsalA | samAnAdhikashUnyArghA sakalArthapradAyinI || 28|| samrAj~nI sAndrakaruNA sanakAdimunistutA | mahAdevI maheshAnI maheshvarapativratA || 29|| lopAmudrAgastyanutA lobhaghnI lobhavarjitA | pAvanI pashupAshaghnI pashyantI parameshvarI || 30|| kadambakalikottaMsA kAmeshI kAmapUjitA | nandividyA.a.anandamayI nIlasnigdhAbjalochanA || 31|| kalyANI kAmarahitA kAmadA kAmakoTikA | charAcharajagaddhAtrI chandrikA chandravartinI || 32|| shirIShasukumArA~NgI shitikaNThapriyA shivA | ana~NgavallabhA.ana~NgashAstrasiddhAntama~njarI || 33|| kuberavidyA kulajA kurukullA kuleshvarI | kulA~NganA trikUTasthA kura~NgA~NkakalAdharA || 34|| durvAsaHpUjitA duHkhahantrI durmatidUragA | AmnAyanAthA nAtheshI sarvAmnAyanivAsinI || 35|| sarvAruNA sa~NgahInA sAvitrI sarvatomukhI | brahma gItA brahma mayI brahmAnandarasAtmikA || 36|| nirAmayA nirAnandA nirdvandvA niraha~NkR^itiH | nigamAdR^iShTacharaNA nirAdhArA nirIshvarI || 37|| niyantrI niyatirnityA nirAshA nirapAyinI | akhaNDAnandabharitA khaNDatrayapariShkR^itA || 38|| kA~nchIkShetragatA kAmapIThasthA kAmapUjitA | mahAshmashAnanilayA gAyatrImaNDapeshvarI || 39|| kailAsanAthadayitA kampAtIravihAriNI | avichChinnAnandamUrtiraprameyAparAjitA || 40|| agamyA gaganAkArA prakR^itipratyayAtmikA | avedyA vedyavij~nAtrI pa~nchakR^ityaparAyaNA || 41|| sR^iShTisthitikShayatirodhAnAnugrahakAriNI | brahmagovindAdi pa~nchapretama~nchAdhivAsinI || 42|| tamo.atItA tamohantrI tattvAtattvavivechinI | sarvatattvamayI sarvabhUtidA samayapriyA || 43|| jitAkhilendriyagrAmamAnasAmbujahaMsikA | surAsuragaNArAdhyA sadasadrUpiNI satI || 44|| chaNDikA chAruvadanA khaNDitArAtimaNDalA | agastyavidyAsaMsevyA nanditAsheShaviShTapA || 45|| saMvitsatyamayI saumyA durnirIkShyA duratyayA | trikAlasthA trikoNasthA trimUrtistriguNAspadA || 46|| yaj~narUpA yaj~nabhoktrI kAryAkAryavichakShaNA | nAmarUpAdirahitA vAmadakShAdhvapUjitA || 47|| vishveshvarI vishvavandyA vidyeshI vedarUpiNI | AdimadhyAntarahitA sarvashaktisvarUpiNI || 48|| atarkyamUrtirajitA pradhAnA.atarkyavaibhavA | chidUrmimAlA sa~nchintyA chintitArthapradAyinI || 49|| chintAmaNigR^ihAntasthA chitrakarmA chirantanI | mohahantrI mokShadAtrI mugdhachandrAvataMsinI || 50|| mudreshI nyastarAjyashrIrmR^idumugdhasmitAnanA | kroDIkR^itAsheShaghR^iNA komalA~NgI kuTumbinI || 51|| ShaDa~NgadevatAsevyA ShaDAnananamaskR^itA | shivArAdhyA shivamayIshivamAyA shivA~NkagA || 52|| ShaDUrmihantrI taruNI vandyA ShaTchakranAyikA | mAdhavI mAdhavArAdhyA mAdhavIkusumapriyA || 53|| brahmaviShNvAdi jananI bR^ihatI brahmavAdinI | sa~NgItarasikA rAmA vINAgAnavinodinI || 54|| jyotirmayI jagadvandyA jayinI jayadAyinI | bhaktinamrajanAdhInA bhaktAnugrahakAriNI || 55|| jAmadagnyArchitA dhaumyapUjitA mUkasannutA | bhaktigeyA bhaktigatA bhaktakleshavinAshinI || 56|| bhuktimuktikarI siddhavidyA siddhagaNArchitA | rAgadveShAdi rahitA rAgiNI rAgavardhanI || 57|| sAmrAjyadAnaniratA ratiH suratalampaTA | rAjarAjeshvarI dhIrA nAsIramukhabhAsurA || 58|| kShetreshvarI kShetrarUpA kShetraj~nA kShayavarjitA | kSharAkSharamayI rakShA dakShiNAmUrtirUpiNI || 59|| madirAsvAdarasikA mata~NgakulanAyikA | mandArakusumApIDA mAta~NgI madahAriNI || 60|| kalpAntasAkShiNI kAmA kalpanAkalpanakShamA | sa~NkalpanirmitAsheShabhuvanA bhuvaneshvarI || 61|| bhavyA bhavArNavatarirbhAvArUDhA bhayApahA | rahasyayoginI pUjyA rahogamyA ramArchitA || 62|| antarvadanasandR^ishyA santatadhyAnadIpitA | kandalatprItihR^idayA kamalA karmasAkShiNI || 63|| kAntArdhadehA dIpyantI kAntidhUtajapAChaviH | hR^idayAkAshataraNirhrIMkArI hR^iShTamAnasA || 64|| hrImatI hR^idayAkAshajyotsnA hArdatamo.apahA | parApararahasyAkhyasarvAnandamayeshvarI || 65|| sarvasiddhipradA.a.arUDhAtirahasyAdhidevatA | rahasyayoginI kShetrasarvarogaharAdhipA || 66|| nigarbhayoginyAvAsasarvarakShAkareshvarI | sarvArthasAdhakabhrAjatkulottIrNAbhivanditA || 67|| saubhAgyasatsampradAyayoginIparipUjitA | kShobhaNodyadguptatarayoginIgaNasevitA || 68|| AshAparIpUrakAttaguptayoginyabhiShTutA | trailokyamohanasthaprakaTayoginyupAsitA || 69|| kalAtithinidhIShvinduvarNamantrasvarUpiNI | guNarekhAgnivR^ittAntarnR^ipanAgadalAlayA || 70|| munidikpa~NktivasubhUkoNAntarbinduvAsinI | vedartudiksUryakalAdasrapatrAbjachakragA || 71|| mR^iNAlatantusadR^ishI suShamAvAsinI vasuH | sadA.a.arAdhyA sadAdhyeyA satsa~NgatiranuttamA || 72|| pIyUSharasasaMsrAvasantarpitajagattrayI | santatissantatichChedahAriNI dhAraNA dharA || 73|| svAhAkArA havirbhoktrI yajamAnAkR^itiH kR^itiH | pitR^iprasU prasUH padmA svayambhUrAtmabhUrabhUH || 74|| tryakSharI triguNAtItA klI~NkArI klamahAriNI | prasAdarUpA padavI parA prAsAdarUpiNI || 75|| sharvANI sharmadA dhAtrI dharmarUpA parAgatiH | mu~njakeshI muktasa~NgA pa~nchayaj~naparAkR^itiH || 76|| ShaTtryekakarmaniratajanarakShaNadIkShitA | svIkR^itAnugrahakalA dUrasthApitanigrahA || 77|| nirantarasukhA gaurI nIpAraNyanivAsinI | mokShadeshAnamahiShI lakShyAlakShyasvarUpiNI || 78|| rAjasI kamalAvAsA brAhmI sR^iShTividhAyinI | sattvADhyA vaiShNavI pAtrI tAmasI rudrarUpiNI || 79|| hantrIshvarI tirodhAnakAriNI bahurUpiNI | sadAshivAnugrahadA sadAshivamayI matiH || 80|| akhaNDaikarasAnandatanuH pIyUSharUpiNI | ai~NkArasyanditattvAkhyavishvendriyaphalapradA || 81|| AnandAjyAhutiprItA bhaktij~nAnapradAyinI | trimudriNI bhagArAdhyA paranirvANarUpiNI || 82|| sarvabhUtahitA vANI brahmarandhranivAsinI | taTitkoTisamachChAyA sarvavidyAsvarUpiNI || 83|| mahApadmATavIsaMsthA kAraNAnandavigrahA | siddhalakShmIrmahAlakShmIH rAjyalakShmIH parA~NkushA || 84|| ChandomayI chatuShShaShTikalAkAvyArthadarshinI | ai~NkAriNI kAlarUpA.aNimAdikaphalapradA || 85|| mahorUpA mahAyoginyamalA bhUtidA kalA | kUTatrayamayI mUlamantrarUpA manonmanI || 86|| bandhakAsurasaMhartrI kanyakArUpadhAriNI | mahAbilaguhAlInA mahAmunimanonaTI || 87|| shR^i~NgAramUrtiH samrAj~nI shR^i~NgArarasanAyikA | bhadrAkR^itiH kAntimayI bhadradA bhaktavatsalA || 88|| mahAbalA mahAnandA mahAbhairavamohinI | saubhAgyadAyinI svAminyudagrA sampradAyinI || 89|| gomatI guhyanilayA guhyamUrtirguNAspadA | vivekadAyinI shiShTAshiShTachetonivAsinI || 90|| kAtyAyanI kAmakoTirannapUrNA.abhaya~NkarI | shAkinI shAmbhavI bhadrA bhairavI bhAratImayI || 91|| abhyAsasAdhyA jayadA vijayA bhagamAlinI | rukmiNI rukmasachChAyarochanAtilakojjvalA || 92|| vedAntamR^igyacharaNA jarAmR^ityubhayApahA | kAntiH kAmakalA kAntA vidhumaNDalavAsinI || 93|| shambhulochanapIyUShavartirArtinivAriNI | vighnakAdambinIvAtyA sarvaprANimayI smR^itiH || 94|| lokahantrI lokabhartrI bhogakartrI parAtparA | vIrapriyA vItarAgA nAshitAsheShavaikR^itiH || 95|| namajjanAhlAdikarI nAdabrahmasvarUpiNI | viprAdhInA viprarUpA viprajihvAvihAriNI || 96|| viprArAdhyA vipragaNapUjAtuShTA viyanmayI | avyAhatAj~nA jananI jayinI praNavAtmikA || 97|| kAmarUpA kalAlApA bhArgavI jagadIshvarI | vimAnasthA mAnavatI nityatR^iptajanapriyA || 98|| parA vibhUtiH sarvaj~nAnAdibodhA dayAnidhiH | anantashaktirachalA praNatapriyabAndhavA || 99|| anAdirakhilAdhArA sachchidAnandarUpiNI | sarvopaniShadudghuShTavaibhavA sarvama~NgalA || 100|| iti te kathitaM stotraM nAmasArAtmakaM mayA | sarvasaubhAgyadaM devi sarvaishvaryapradAyakam || 101|| AyuShkaraM puShTikaraM tuShTidaM puruShArthadam | sAhityavaishadyakaraM visheShAdR^iShTadaM nR^iNAm || 102|| vidyApradaM putrakaraM sarvasampatpradAyakam | ya idaM prapaThedvidvAMstrivAraM prativAsaram || 103|| ga~NgAyAM cha kurukShetre tathAnyAsu nadIShu cha | uparAge puShpavatordvimukhIshatadAnataH || 104|| pR^ithakphalaM yaddharmasya sa tatphalamavApnuyAt | brahmahatyAdi pApAni nashyantyasya japAtpriye || 105|| stavo.apyanyashcha nAstyeva nAmapa~nchashatIsamaH | tasmAttvamapi padmAkShi stavenAnena nityashaH || 106|| kAmAkShIM parameshAnIM stuhi shraddhAsamanvitA | stutA tvayA maheshAnI mahAshaktiH parAtparA || 107|| shR^i~NgAranAyikA lakShmIH karuNArUpiNI shivA | shrImAtA devi kAmAkShI tavAbhIShTAni dAsyati || 108|| || iti chaturlakShagranthavistAreshrIsaubhAgyalakShmIkalpe mokShapAde shrIkamalAkamalAkShasaMvAde nAmasArastavAkhyaM shrIkAmAkShIpa~nchashatIstotram || parishiShTaH | kAraNaparachidrUpA kA~nchIpurasImni kAmapIThagatA | kAchana viharati karuNA kAshmIrastabakakomalA~NgalatA || ka~nchana kA~nchInilayaM karadhR^itakodaNDabANasR^iNipAsham | kaThinastanabharanamraM kaivalyAnandakandamavalambe || aishvaryamindumauleH aikAtmyaprakR^itikA~nchimadhyagatam | aindavakishorashekharamaidamparyaM chakAsti nigamAnAm || kAmaparipanthikAmini kAmeshvari kAmapIThamadhyagate | kAmadughA bhava kamale kAmakale kAmakoTi kAmAkShi || lIye puraharajAye mAye tava taruNapallavachChAye | charaNe chandrAbharaNe kA~nchIsharaNe natArtisaMharaNe || jaya jaya jagadamba shive jaya jaya kAmAkShi jaya jayAdrisute | jaya jaya maheshadayite jaya jaya chidgaganakaumudIdhAre || iti shrIkAmAkShIpa~nchashatIstotraM sampUrNam | ## Proofread by PSA Easwaran \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}