% Text title            : Kamakshi Stava
% File name             : kAmAkShIstavaH.itx
% Category              : devii, devI
% Location              : doc\_devii
% Proofread by          : Mohan Chettoor
% Description/comments  : From Stotras Samahara Part 1 (ed. K.Raghavan Pillai)
% Latest update         : September 4, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Kamakshi Stava ..}##
\itxtitle{.. kAmAkShIstavaH ..}##\endtitles ##
kaNDUlagaNDavigaLanmadavAridhArA\-
     gaNDUShapaNDitamadhuvratamaNDitAya |
shuNDAlabandhuramukhAya tuShArabhAnu\-
     khaNDAvataMsakalitAya namaH shivAya || 1||
rasALatalabhUShitaM rajanibandhunA bhUShitaM
     samagramanukampayA savidhasevitaM kampayA |
namatsumanasaM pade namata santataM sampade
     girIshamadhikA~nchi taM girisutAkuchA~NkA~nchitam || 2||
jayanti shrImanto jaDimahimasaMhAramihirA
     manIShAmAkandaprasavanavavAsantadivasAH |
girAM nAthe! nAnArasabhaNitiyoShAbhisaraNa\-
     pradoShA nirdoShAstava charaNa sannAmavidhayaH || 3||
ka eSha prastAvastava navanasannAhapadavI \-
     davIyo devIdaM dhiShaNadhiShaNAnaipuNamapi |
tadAstAmudyogaH stutivachasi yAche punaridaM
     samasto.atra stotrIbhavatu mama sa~njalpanavidhiH || 4||
sadA yAchaM yAchaM kathitabahuvAchaM janamimaM
     prati krodho vedhoramaNi! karaNIyo na kalayA |
na yogaprAvINyaM na cha bahuvidhastotrapaTimA
     na vA sevAdAkShyaM kimiha vidadhe yAchanamR^ite || 5||
jatudrAvaM devi! dravatu javatashchittajaDimA
     sharatpadmonmIlaM mama vilalamunmIlatu manaH |
mukhAdvIchI vAchAM tridivavigaLannirjaradhunI\-
     tara~NgALIgALaM gaLatu madhuniShyandamadhurA || 6||
jagannAthe ! jAlmaM nibiDajaDibhagranthijaTilaM
     janaM dInaM mainaM janani ! manuthAH smAnyasharaNam |
pramILAprabhlAnaM padayugaLanALIkavigaLa\-
     nmadhULIpALIbhirmama sarajasaM kShALaya manaH || 7||
jaganmAtarjAtaprathimani manIShAjaDimani
     stR^iNAne khindAnaH kimiva manavai kiM vitanavai |
prasIdAsIdAtmanyakhiladuritotsAdini ! dine
     dine dIne.adIne! mayi vitara kAruNyakaNikAm || 8||
kare vAme vAme ! kamalamR^iduLe pustakadharaM
     parasmin sAkShasraksphaTikanibhamatrAsavaradam |
bhavatvantaH sAkShAdakR^ipaNakR^ipAkandaLamiLat\-
     kaTAkShavyApAraM vapurupaniShajjIvitamidam || 9||
kR^ipAkopATopasphuritapadapa~nchAsyadaLitAd
     dhanasvAntadhvAntaprakarakarisandohashirasaH |
samunmuktA muktAmaNaya iva shuddhA bhaNitayosa
     bhavadbhaktAsyebhyo bhagavati! visarpanti paritaH || 10||
mamAntarvANi ! tvaM hara timiramityarthanavidhAM
     vidhAsyan yastasmai padayugaLamAtraM kathayate |
asau shAstraj~natvaM varayitumupakrAnta iti tad
     dadAnaH sadyaste jayati sadayAsambhramarasaH || 11||
asau sevA dAve ruditamiyamijyA jalalipi\-
     rgajasnAnaM dhyAnaM tadapi sa japo bhasmani hutam |
praNAmo nAmaSha prakR^itijaLamUkA~NghripatanaM
     yadambAlambyeta pratidinamanuddishya bhavatIm || 12||
sajIvo mA jIvan bhavati bata mA jAgradapi mA
     vijAnan mA dhyAyan janajanani ! tasyAstvajananiH |
na yastvAmAshAste na vinamati na stauti manute
     na nopAste nAdhyetyavati na vR^iNIte na cha sakR^it || 13||
gaLaddabhbhAM shubhbhatpR^ithulakuchakumbhAM hR^itashashi\-
     prabhADabhbhAM sambhAvitalikhitagubhphAjapapaTAm |
manastambhArabhbhaprathumani(?) bhaje tvAM kR^itakR^ipA\-
     parIrabhbhAmmambhoruhasadanasambhogakalikAm || 14||
bhavatyA nityottaMsitasitasudhAtivigaLat\-
     sudhAsArasrotovisara iva hR^itpa~NkajajuShaH |
nR^iNAM tvad.hdhyAtR^INAM navavadananALIkakuhara\-
     praNALInALena kSharati kavitAsaurabhabharaH || 15||
gatisvinnAM vanyastabakanivahanyAsavilasat\-
     kachAM kechit kAchAvalikhachitanIchetarakuchAm |
hR^idi tvAmIkShante kapaTamR^igayoH patrapaTalI\-
     dukUlAM kAlAreranupadacharIM kAnanacharIm || 16||
dhare ! durgAM svargA dhipavimatavargApaharaNIM
     mahAraMhassiMhapravaraparivinyastacharaNAm |
kare valgatkhaDgapravihitajagattrANavibhavAM
     bhavArtivyAvR^ittyai bhagavati ! bhajante hi bhavatIm || 17||
idaM syAdetat syAnmama punaradaH syAditi sadA
     shrutaM vA dR^iShTaM vA sakalamupayAche na bhavatIm |
sakR^inmahyaM muhyanmalinamanase mAtaramalAM
     tvadIye dIyeta dyutimati pade bhArati! ratim || 18||
atho yA vA sA vA bhava bhavarameshAmbujabhuvA\-
     mapIDye ! pIDye.ahaM janajanani ! jADyena na yathA |
tathA bhrUyAd bhUyAniha tava vibhUtistavavidhiH
     katha~NkAraM kartuM kavibhirapi shakyeta sakalaH || 19||
##(This stotra is in high-flown style in praise
of goddess Sarasvati, most probably goddess
kAmAkShI of the Kanchipuram tmeple.)##

iti kAmAkShIstavaH sampUrNaH |
##
Proofread by Mohan Chettoor 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}