% Text title : Kaveri Lahari % File name : kAverIlaharI.itx % Category : devii, devI, laharI, nadI % Location : doc\_devii % Author : Narayana Kavi % Transliterated by : Mandar Mali aryavrutta at gmail.com % Proofread by : Mandar Mali aryavrutta at gmail.com % Latest update : August 22, 2020 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Kaveri Lahari ..}## \itxtitle{.. kAverIlaharI ..}##\endtitles ## mahIbhR^ittu~Ngaste jagati vidito bhAti janako mahIyAn hi preyAn bhavati bhuvi ratnAkara iti | api svarNasthAnAnyatishatamuda~nchanti taTayoH shriyaM te kAveri prathayitumalaM kaH kavirapi || 1|| ayi tvAM tuShTUShorjitasurasaritpUravibhave | tanUje sahyAdreH satatamapi gItAM budhavaraiH | sudhAhR^iyAM bhUbhR^itkulavarashirolAlitarasAM vidhehi tvattulyAM janani mama vAchaM kavinutAm || 2|| tvama~Nke sahyAdrerbhavasi nanu bAleva vimale kramAd vR^iddhiM bhUyo bhajasi bhuvanasyAsya bhR^itaye | paraM cholAn bAlAniva janani saMvardhya payasA tanUbhUtA vArdhiM pravishasi vinIteva vanitA || 3|| bhavAnI saMsaktA vilasati bhavatyA girisutA tava shrIra~Nge.asau vasati vimale shrIpatirapi | bhajante veNIM te sphuTataramasheShAH sumanaso vishuddhiste vAchAmapi saraNimAchAmatitarAm || 4|| patiM pArAvAraM paramabhisarantyA girivarAt sumasphAyadveNyAH sphuTakamalamukhyA mR^idugateH | vahan ga~NgAM tu~NgAmapi hi suShamAM draShTumasamAM girInuchchaireSha shrayati girishaste taTagatAn || 5|| sutA shailasya tvaM bhajasi bhuvi sArasyamasamaM prapannA devi tvaM lavaNajaladhiM chAsi madhurA | vahantI nimne svAnnamayasi cha lokAnuparigAn | mahIyAn mAtaste manasi na hi me mAti mahimA || 6|| mahattanmAyUraM mahitamapi madhyArjunapuraM mahIshUraM mAtarmilitaghanasAraM bhuvi param | taTaM te sa.nprAptaM varamapi paraM tattrishirasaH sutu~NgaM shrIra~NgaM gajavanamabhUt pAvanamapi || 7|| shrutiH sA vakti tvAM saha janani ga~NgAdibhirapi prashaMsanti tvAM cha pratanavachanAnyeva bahudhA | bhavatvetannUnaM kachidapi nilInaM suviditA na te kiM nutyarhA bahujanapadAnAmupakR^itiH || 8|| khanan kashchit kUpaM kaTusalilamalpaM yadi marau kiyattaM shlAghante bhubi sa cha kiyanmAdyati hR^idi | vishAlAn yaddeshAnamR^itatulitairamba salileH chirAt puShNAsi tvaM kathayitumidaM kaH kamalajaH || 9|| kiyantaH prAsAdA jaladharapathashrAntashikharA vichitrAste kUle vidadhati narAn vismitatarAn | kiyatyo devArchAstava salilasa~NgAtishuchayo na bhUmA te sImAM bhajati manaso me na cha girAm || 10|| svataH svachChachChAyAtaTatarusumastomasubhagA | kachinnIlAmbhojachyutadalasamAshliShTasalilA | kachidivyastraiNAtulaghusR^iNapa~NkAruNajalA nadInAM tAsAM tvaM bhajasi tisR^iNAmamba suShamAm || 11|| prahR^iShyatpAthojaM madhurataragunanmadhukaraM paraM pUtaM shItaM janani tava pIyUShatulitam | apAmetaM pUraM kalimalaharaM te kalayataH prahR^iShyantyakShANi prasabhamapi taptasya sapadi || 12|| tara~NgAshleShArdastaTatarusumAmodasubhago marutpotaH pUtastava pathikalokasya taTayoH | puraH svedaM svedaM hR^idi janani sAdaM cha vapuShaH samagraM santApaM pratanamatha pApaM cha harati || 13|| sravantIratyalpA anatividitA yAH kaluShitAH ashaktA gantuM tA nijapadamitAH kAnanabhavAH | samR^iddhasvarNashrIkalitanijasAmyA vimalitAH vidhAyAdAyaitA gamayasi cha ratnAkaramaho || 14|| amI chUtAH pUtA mR^idupavanadhUtAstava taTe virAjante shAkhAvidhR^itaphalabhArA natatarAH | shritAgrA ka~nchAlaiH pikakulavarairye kalaravaiH samarchanto bhaktyA sharaNagamivAmbAdhvagakulam || 15|| chirAdgNyeran vA kushalamatinA te.amba sikatAH paraM naitAH kUle tava sukR^itashAlAH suvipulAH | vasanto yatraite pathikayativarNiprabhR^itayo bhajantIShTAnarthAnaviditabubhukShAparibhavAH || 16|| shataM nadyaH santi trichaturadinodvelasalilAH vishuShyantyo.anIshAH sapadi chaTakasyApi hi mude | na tAH svAdusphItasvasalilabharaprItabhuvanAH sadA nAvyA bhAvyA sakalavibudhaiH saMhyagirijA || 17|| paraM yanmAdhuryaM jagati payasaste.atividitaM phalAnAM bhUyastadvilasati tarUNAM taTabhuvAm | anIdR^igvAchAM tadbhavati cha kavInAM madhumuchAM mahanmanye maugdhyaM janani mahilAnAM cha sudR^ishAm || 18|| sudUrAdAyAtaM sapadi manujaM prAgaviditaM vinishchinvan kAntyA vadanagatayA te taTamuvam | vasan deshe.anyasminnapi mitamatInAmacharamo janaH stauti kShipraM yadidamapi te kiM na mahimA || 19|| shrutaM mA bhUttena shrutamapi na vedo.api vidito na chAnIchA vAchA vilasatu na chAchArasaraNiH | videshe vidvadbhirvihitavinayairvalguvachanaiH paraM vipraH pUjyo bhavati tava tIrAgata iti || 20|| sharattArAkArasphuTamaNimahAhAraruchirAH pratIre te bAlAH kanakamayachelA yadamalAH | chalante bAShpAnaH pravaramadhirUDhA madakalA\- stadamba svadvAriprasR^itibhavabhAgyaikakaNikA || 21|| pituH prAptairarthaiH pathi pathi sakhIbhyo.apyadhigatai rasheShaiH puShyantI bhuvanamavisheSheNa janani | prasannaivAjasraM yadi kamituragre.apyamukharA na vairasyaM yAsi kva bhavati sudR^ikte nanu samA || 22|| abhUdevagrAmaM bhavati na hi tIraM kvachana te na cha grAmo vidvadvaravirahito devavikalaH | na dInA vidvAMso janani vibudhA nAlpasharaNA nadInAmanyAsAM bhavati kimu bhAgyaM tava samam || 23|| patantaH sahyAgrAt paTutarashilAghAtamukharAH sharajjyotsnAshubhrAstulitapR^ithumuktAmANisarAH | rayAnItasphItAtularuchimiladrannanikarA bhavanti tvatpUrA vidalitamahApAtakinarAH || 24|| mahIdhrAH santyanye phaNibahulavalmIkavalitAH phalaM kiM taiH sphItairapi kapishivAmAtrasharaNaiH | chiraM jIyAt sahyaH salilabhR^itasarvAvanitalaH sharaNyAraNyAptAmalamunivarAdhItimukharaH || 25|| vahan ga~NgAM maulau dadhadatha sudhAMshuM purahara\- stuShArAdrerbAlAmapi vapuShi netrAgnijanitam | sa hartuM santApaM nijamabhinavainUnamamR^itaiH bhajan bahvIrmurtIstava janani tIre nivasati || 26|| gatAstu~NgaM shR^i~NgaM tava janani tAtasya vibudhAH pibantastatpuNyaM janimR^itiharaM navyamamR^itam | paraM sevAyAtAmaravaravadhUkelimuditA bhajante satyaM te sapadi nanu saumyaM diviShadAm || 27|| varaM bhR^i~NgAstu~NgAstava vitatatIradrumagatAH pikAH kAkA ghUkA api shakunayo.amI sujanayaH | anAsAdyAmba tvAmamR^itatulitAmalpasukR^itA varaM prAsAdAgre janani nivasanto.api na nR^ipAH || 28|| analpAvartaM te salilamapi vIkShyAmalataraM narA nAvartante janani bhuvi bhUyo bhavavane | nibadhnantaH sevA~njalimapi hi te sAdhumahite na tiShThante dInA dharaNipataye dUnavadanAH || 29|| piban pAnIyaM te pulinatalashAyI pathi gataH samAjighran mAtaH sphuTajalajajAtaM parimalam | kalaM kurvan karNe pikavaravadhUTIkalakalaM rasAladrormUle rasayati rasaM ka~nchana janaH || 30|| vasantaH santo ye mahati kila dUre.api viShaye smarantastvAM snAtvA drutamuShasi kutrApi payasi | paThantyete bhaktyA charitamavigItaM tava paraM dhunInAM dhanyAnAM bhavati hi dhurINAmba bhavatI || 31|| svayA saMsaktAnAmapi taTagatAH svalpasaritAM mudA saMstutyarhA mahitacharitAnAmapi satAm | nirIkShyante naike nR^ipavadapi loke yadi dhanaiH katha~NkAraM gachChettava mahimapAraM mama matiH || 32|| tanoshchedudbhUtaistanubhirapi jAtveva jananI payobhiH puShyantI svasutamapi shaMsanti nigamAH | payobhUyAjastraM prachurataradeshAvanaparA na jAne keShAM vA janani vachasA tvaM nutipadam || 33|| nago nAgo vAhaM taTabhuvi bhaveyaM tava paraM mR^igo vApyanyasmin januShi jaDadhIramba vihagaH | bhaveyaM bhikShurvA paramakR^ipaNo bhUmivalaye na dUre te deshe dhanadatulito bhUpatirapi || 34|| samabhyeti tvAM sA surasaridapi svAghadhutaye svayambhUsandiShTA pratisamamiti skandivinutim | ajAnadbhirmanye munikulabhavaistvAM katipayaiH paraM pa~nchasvekAM janani bhuvi ga~NgAsu gaNitAm || 35|| bahusrotAkhyAte chulakitamahAbdherapi muneH paraM mAnye.amba shrIdharashuchishirastaH samudite | shrutA trisrotA yA bhayamadhigatA janhumunito.a\- pyalaM ga~NgA kiM shrIdharapadabhavA tvAM tulayitum || 36|| vishAlAstvatto.api prachurataranAvyAmbuviditA vishantyabdhiM naghaH paramurutaragrAhamakarAH | girIndrAdA vArdherubhayataTakedAramilanA\- damoghAsheShAmbustvamiva nanu nAloki taTinI || 37|| girIshottaMsArhA paramahimashailAd bhuvamitA taTIdIvyadrambhAmiShadanimiShAhlAdisalilA | samA mandAkinyA surabhikumudAkShA vijayase paraM na tvaM mAtastapanatanayAsa~NgakaluShA || 38|| paraM kumbhAdante vilasati taTe koNanagaraM sa kumbhesho yasmin jayati cha shivA ma~NgalapadA | sukhaM shete shAr~NgIM jahadapi paraM kShIrajaladhiM vihAtuM svIyaM drAgiva dashajanikleshamavashaH || 39|| gatAH pAraM shrutyAH padajaladhipArINadhiShaNA vinItA nyAye vA matimathitamImAMsakamatAH | paraM shiShTA vaidyAgamagativido vA~NmukhakR^ito yatIshA yajvAno jagati viditA yatpuragatAH || 40|| kR^itaM vArANasyAmapi chiramaghaM hartumamitaM nivAsaM yatrAhuH samuchitamupAyaM smR^itividaH | paraM kanyAtIrthaM vilasati cha dhanyAmbuviditaM tvayAsIt pUtaM tatpuramubhayapArshvaprasR^itayA || 41|| janiM bhUyo yAyAM yadi bhuvi bhaveyaM tava jale kulIraH kUrmo vA timirapi vakoTashcha karaTaH | tR^iNaM manve devi tridivamapi padmAsanabhuvaM matAM muktiM shuktiM tanumiva na me saktirayate || 42|| prakR^ityaivAlpIyo yadapi virasaM bhAti kaluShaM vacho me.anAsvAdyaM nanu bhuvi kavInAM rasavidAm | idaM te saMstutyA tadapi vimalIbhUya mahatAM satAM vanyasrotaHpaya iva bhajetaiva hR^idayam || 43|| payobhiH puShTAnAM kanakataTini tvaM taTabhuvAM bahUnAM bAlAnAmiha samadhikairamba kanakaiH | sadA pUrNAn koshAnapi vidadhatI vatsalatarA mahIM kartuM ratnairbhajasi kimu ratnAkaramapi || 44|| padA prAptaM pa~NkaM pratanamapi pa~NkaM harati te bhramo.ayaM chedbhUyAn bhramamapi haratyamba sa param | ayaM jADyaM nR^iNAM jarayati jalasyApi jaDimA svayaM chaite bha~NgA bata kaluShabha~NgaM vidadhati || 45|| girIshasyAbhUstvaM janani shirasaH sA haripadAt yuvA nAmnA ga~Nge nanu vibudhalokaikavidite | na mu~nchatyutsa~NgaM tava yadi paraM shrIpatirasau tataste dAkShiNyaM prathitamiha hetutvamayate || 46|| tavotsa~Nge ra~Nge vilasati kila shrIpatirasau vahannidrAmudrAM shishuriva jananyAH prathamajaH | bhajan vAtaM shItaM taTayugatarUNAmavirataM kalaM gItaM shR^iNvannapi pikavadhUnAM shrutihitam || 47|| prashasyAn svAvAsAnaviratanadImAtR^ikatayA samIkR^ityAhuyairapi sapadi deshAntarabhuvaH | bhajante cholAste.akhiladharaNipAlAdaradhR^itAH tvadIyaiH srotobhiH shriyamanupamAM bhAratatale || 48|| matA mAyAmeyA vibudhanivahaistvaM muraripoH purA sA rAjarSherapi bhuvi kaverasya duhitA | adInAM kurvANA bhuvamatha nadInAmapi varA payodhiM sa.nprAptA paramatipavitrA vijayase || 49|| paraM lopAmudrA nanu paramabhadrAkR^itirabhUt samAsAdyAsIdyAM kalashajaniralpo.api sa muniH | kShitau dakSho bhakShIkR^itamanujarakShonigaraNe samudrAchAme vA shikharivaramudrAvitaraNe || 50|| prakupyadbhiH stotre svaravikR^itito drAgapi shaThaiH vinighnaddhiH svArthAnapi bhuvi makhAt kiM mama budhaiH | abhaktAnAM nR^iNAmapi taTabhuvAM dUShaNakR^itAM gatirme, kAveri tvamiha dadhatIM vittamatulam || 51|| na manye mAnyAnAM guNalavavihInaM mama vachaH chamatkAraM chitte rachayitumalaM syAdidamiti | mataM me pUtAyA nirupadhidayAnighnamanaso jananyA bAlasyAbilamiva paraM te mudamiti || 52|| lasatsvarNAbhikhyAM ramaNamatha ratnAkaramitA vahantImutsa~Nge shayitamapi puMsAM prathamajam | sudUre draShTuM tyAmachalakulavR^iddhastanubhavAM shiraH shrImAnuchchairvahati bhR^itabAShpaH kimu mudA || 53|| nR^iNAmanyatrAhurbhuvi nivasatAM yattaTayugAd vishuddhiM kR^ichChrAyaH smR^itisamuditAM ye bahuvidaH | prathAM yAH pa~nchAptA jagati mahatInAM cha saritAM shrutA tAsvekA tvaM nanu janani ga~NgAsu jayasi || 54|| iti nArAyaNakavivirachitA kAverIlaharI samAptA | ## Encoded and proofread by Mandar Mali aryavrutta at gmail.com \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}