% Text title            : Kalyana-Vrishti-Stava
% File name             : kalvrist.itx
% Location              : doc\_devii
% Author                : Adi Shanakaracharya
% Language              : Sanskrit
% Subject               : philosophy/hinduism/religion
% Transliterated by     : Sunder Hattangadi
% Proofread by          : Sunder Hattangadi
% Description-comments  : A hymn in praise of Lakshmi
% Latest update         : March 4 , 2007
% Send corrections to   : Sanskrit@cheerful.com
% Site access           : https://sanskritdocuments.org
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Kalyana-Vrishti-Stava ..}##
\itxtitle{.. kalyANavRRiShTistavaH . ..}##\endtitles ##
\section{.. kalyANavRRiShTistavaH . ..}

kalyANavRRiShTibhirivAmRRitapUritAbhi\-
     rlakShmIsvaya.nvaraNama~NgaladIpikAbhiH .
sevAbhiramba tava pAdasarojamUle
     nAkAri kiM manasi bhAgyavatA.n janAnAm.h   .. 1..
etAvadeva janani spRRihaNIyamAste
     tvadvandaneShu salilasthagite cha netre .
sAnnidhyamudyadaruNAyutasodarasya
     tvadvigrahasya parayA sudhayAplutasya   .. 2..
IshAtvanAmakaluShAH kati vA na santi
     brahmAdayaH pratibhavaM pralayAbhibhUtAH .
ekaH sa eva janani sthirasiddhirAste
     yaH pAdayostava sakRRitpraNati.n karoti   .. 3..
labdhvA sakRRittripurasundari tAvakInaM
     kAruNyakandalitakAntibhara.n kaTAkSham.h .
kandarpakoTisubhagAstvayi bhaktibhAjaH
     saMmohayanti taruNIrbhuvanatraye.api   .. 4..
hrIMkArameva tava nAma gRRiNanti vedA
     mAtastrikoNanilaye tripure trinetre .
tvatsaMsmRRitau yamabhaTAbhibhava.n vihAya
     dIvyanti nandanavane saha lokapAlaiH   .. 5..
hantuH purAmadhigalaM paripIyamAnaH
     krUraH katha.n na bhavitA garalasyavegaH .
nAshvAsanAya yadi mAtarida.n tavArdhaM
     devasya shashvadamRRitAplutashItalasya   .. 6..
sarvaj~natA.n sadasi vAkpaTutAM prasUte
     devi tvada~NghrisarasIruhayoH praNAmaH .
ki.n cha sphuranmukuTamujjvalamAtapatraM
     dve chAmare cha mahatI.n vasudhA.n dadAti   .. 7..
kalpadrumairabhimatapratipAdaneShu
     kAruNyavAridhibhiramba bhavatkaTAkShaiH .
Alokaya tripurasundari mAmanAthaM
     tvayyeva bhaktibharita.n tvayi baddhatRRiShNam.h   .. 8..
hantetareShvapi manA.nsi nidhAya chAnye
     bhakti.n vahanti kila pAmaradaivateShu .
tvAmeva devi manasA samanusmarAmi
     tvAmeva naumi sharaNa.n janani tvameva   .. 9..
lakShyeShu satsvapi kaTAkShanirIkShaNAnA\-
     mAlokaya tripurasundari mA.n kadAchit.h .
nUnaM mayA tu sadRRishaH karuNaikapAtraM
     jAto janiShyati jano na cha jAyate vA   .. 10..
hrIMhrImiti pratidina.n japatA.n tavAkhyAM
     ki.n nAma durlabhamihatripurAdhivAse .
mAlAkirITamadavAraNamAnanIyA
     tAnsevate vasumatI svayameva lakShmIH   .. 11..
sampatkarANi sakalendriyanandanAni
     sAmrAjyadAnaniratAni saroruhAkShi .
tvadvandanAni duritAharaNodyatAni
     mAmeva mAtaranisha.n kalayantu nAnyam.h   .. 12..
kalpopasaMhRRitiShu kalpitatANDavasya
     devasya khaNDaparashoH parabhairavasya .
pAshA~NkushaikShavasharAsanapuShpabANA
     sA sAkShiNI vijayate tava mUrtirekA   .. 13..
lagna.n sadA bhavatu mAtarida.n tavArdhaM
     tejaH paraM bahulaku~Nkuma pa~NkashoNam.h .
bhAsvatkirITamamRRitA.nshukalAvata.nsaM
     madhye trikoNanilayaM paramAmRRitArdram.h   .. 14..
hrIMkArameva tava nAma tadeva rUpaM
     tvannAma durlabhamiha tripure gRRiNanti .
tvattejasA pariNata.n viyadAdibhUtaM
     saukhya.n tanoti sarasIruhasambhavAdeH   .. 15..
hrIMkAratrayasampuTena mahatA mantreNa sandIpitaM
     stotra.n yaH prativAsara.n tava puro mAtarjapenmantravit.h .
tasya kShoNibhujo bhavanti vashagA lakShmIshchirasthAyinI
     vANI nirmalasUktibhArabharitA jAgarti dIrgha.n vayaH  .. 16..
iti shrImatparamaha.nsaparivrAjakAchAryasya
shrIgovindabhagavatpUjyapAdashiShyasya
shrImachCha~NkarabhagavataH kRRitau
kalyANavRRiShTistavaH sampUrNaH ..
##
Encoded by Sunder Hattangadi sunderh at hotmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}