% Text title            : kamalajadayitAShTakam
% File name             : kamalajadayitAShTakam.itx
% Category              : aShTaka, devii, sarasvatI, devI, sachchidAnanda-shivAbhinava-nRisiMhabhAratI
% Location              : doc\_devii
% Author                : Sachchidananda Shivabhinava Nrisimha Bharati Swamigal
% Transliterated by     : P. R. Ramamurthy
% Proofread by          : P. R. Ramamurthy
% Latest update         : August 29, 2021
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Kamalajadayitashtakam ..}##
\itxtitle{.. shrIkamalajadayitAShTakam ..}##\endtitles ##
shR^i~NgakShmAbhR^innivAse shukamukhamunibhiH sevyamAnA~Nghripadme
     svA~NgachChAyAvidhUtAmR^itakarasurarADvAhane vAksavitri |
shambhushrInAthamukhyAmaravaranikarairmodataH pUjyamAne
     vidyAM shuddhAM cha buddhiM kamalajadayite satvaraM dehi mahyam || 1||
kalyAdau pArvatIshaH pravarasuragaNaprArthitaH shrautavartma
     prAbalyaM netukAmo yativaravapuShAgatya yAM shR^i~Nagashaile |
saMsthApyArchAM prachakre bahuvidhanutibhiH sA tvamindvardhachUDA
     vidyAM shuddhAM cha buddhiM kamalajadayite satvaraM dehi mahyam || 2||
pApaughaM dhvaMsayitvA bahujanirachitaM kiM cha puNyAlimArA\-
     tsampAdyAstikyabuddhiM shrutiguruvachaneShvAdaraM bhaktidArDhyam |
devAchAryadvijAdiShvapi manunivahe tAvakIne nitAntaM
     vidyAM shuddhAM cha buddhiM kamalajadayite satvaraM dehi mahyam || 3||
vidyAmudrAkShamAlAmR^itaghaTavilasatpANipAthojajAle
     vidyAdAnapravINe jaDabadhiramukhebhyo.api shIghraM natebhyaH |
kAmAdInAntarAnmatsahajaripuvarAndevi nirmUlya vegAt
     vidyAM shuddhAM cha buddhiM kamalajadayite satvaraM dehi mahyam || 4||
karmasvAtmochiteShu sthirataradhiShaNAM dehadArDhyaM tadarthaM
     dIrghaM chAyuryashashcha tribhuvanaviditaM pApamArgAdviraktim |
satsa~NgaM satkathAyAH shravaNamapi sadA devi dattvA kR^ipAbdhe
     vidyAM shuddhAM cha buddhiM kamalajadayite satvaraM dehi mahyam || 5||
mAtastvatpAdapadmaM na vividhakusumaiH pUjitaM jAtu bhaktyA
     gAtuM naivAhamIshe jaDamatiralasastvadguNAndivyapadyaiH |
mUke sevAvihIne.apyanupamakaruNAmarbhake.ambeva kR^itvA
     vidyAM shuddhAM cha buddhiM kamalajadayite satvaraM dehi mahyam || 6||
shAntyAdyAH sampado me vitara shubhakarIrnityatadbhinnabodhaM
     vairAgyaM mokShavA~nChAmapi laghu kalaya shrIshivAsevyamAne |
vidyAtIrthAdiyogipravarakarasarojAtasampUjitA~Nghre
     vidyAM shuddhAM cha buddhiM kamalajadayite satvaraM dehi mahyam || 7||
sachchidrUpAtmano me shrutimanananididhyAsanAnyAshu mAtaH
     sampAdya svAntametadruchiyutamanishaM nirvikalpe samAdhau |
tu~NgAtIrA~NkarAjadvaragR^ihavilasachchakrarAjAsanasthe
     vidyAM shuddhAM cha buddhiM kamalajadayite satvaraM dehi mahyam || 8||

iti shR^i~Ngeri shrIjagadguru shrIsachchidAnandashivAbhinavanR^isiMha\-
     bhAratIsvAmibhiH virachitaM shrIkamalajadayitAShTakaM sampUrNam |

##
Encoded and proofread by P R Ramamurthy 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}