% Text title            : Kundalinistavah 2
% File name             : kuNDalinistavaH2.itx
% Category              : devii, ShaTchakrashakti, devI
% Location              : doc\_devii
% Transliterated by     : staff of Muktabodha.org Mark S.G. Dyczkowski
% Proofread by          : Aruna Narayanan narayanan.aruna at gmail.com
% Description/comments  : rudrayAmale uttaratantre 1 bhairava bhairavI sa.nvAde
% Source                : Rudrayamalam part 1 edited by Ram Prasad Tripathi and Sudhakar Malaviya
% Acknowledge-Permission: Marjorie Woollacott, Ph.D., Digital Library Coordinator muktabodha.org
% Latest update         : February 16, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Kundalinistavah 2 ..}##
\itxtitle{.. kuNDalinistavaH 2 ..}##\endtitles ## 
Anandabhairava uvAcha
ShaTchakrabhedanakathAM kathayasva varAnane || 28\-71||
hitAya sarvajantUnAM hiraNyavarNamaNDitam |
prakAshayasva varade yogAnAmudayaM vada || 28\-72||
yena yogena dhIrANAM hitArthaM vA~nChitaM mayA |
kAlakrameNa siddhiH syAt kAlajAlavinAshanAt || 28\-73||
kAlakShAlanahetoshcha punarudyApanaM kR^itam |
AnandabhairavI uvAcha
Adau kuryAt parAnandaM rasasAgarasambhavam || 28\-74||
mAndyaM mandaguNopetaM shR^iNu tatkramamuttamam |
stotraM kuryAt mUlapadme kuNDalinyAH puraShkriyAm || 28\-75||
purashcharaNakAle tu japAnte nityakarmaNi |
kAmyakarmaNi dharmeShu tathaiva dharmakarmasu || 28\-76||
gurvAdyagurunityeShu bhaktimAkR^itya sampaThet |
OM namo gurave OM namo gurvambaparadevatAyai || 28\-77||
sarvadharmasvarUpAyai sarvaj~nAnasvarUpAyai |
OM bhavavibhavAyai OM dakShayaj~navinAshinyai || 28\-78||
OM bhadrakAlyai OM kapAlinyai OM umAyai OM mAheshvaryai
OM sarvasa~NkaTatAriNyai OM mahAdevyai namo namaH || 28\-79||
OM yA mAyA mayadAnavakShayakarI shaktiH kShamA karttR^ikA
shumbhashrImahiShAsurAsurabalaprAtrolachaNDAmahA |
bhadrArdrA rudhirapriyA priyakarI krodhA~NgaraktotpalA
chAmuNDA raNaraktabIjarajanI jyotsnA mukhendIvarA || 28\-80||
yA jAyA jayadAyinI nR^igR^ihiNI bhItyApahA bhairavI
nityA sA parirakShaNaM kuru shivA sArasvatotpattaye |
sA me pAtu kalevarasya viShayAhlAdendriyANAM balaM
vakShaH sthAyinamulvaNojjvalashikhAkArAdijIvA~nchitA || 28\-81||
kR^itvA yogakulAnvitaM svabhavane nityaM manora~njanaM
nityaM saMyamatatparaM paratare bhaktikriyAnirmalam |
shambho rakSharajo.apanIshacharaNAmbhoje sadA bhAvanaM
vidyArthapriyadarshanaM trijagatAM saMyamyayogI bhavet || 28\-82||
AkA~NkShAparivarjitaM nijaguroH sevAparaM pAvanaM
premAhlAdakathAchyutaM kuTilatAhiMsApamAnapriyam |
kAlakShepaNa doShajAlarahitaM shAktaM subhaktaM patiM
shrIshaktipriyavallabhaM suruchiraj~nAnAntaraM mAninam || 28\-83||
mAlAsUkShma susUkShmabaddhanilayaM sallakShaNaM sAkShiNaM
nAnAkAraNakAraNaM sasaraNaM sAkArabrahmArpaNam |
nityA sA jaDitaM mahAntamakhile yogAsanaj~nAninaM
taM vande puruShottamaM trijagatAmaMshArkahaMsaM param || 28\-84||
mAyA~Nke pratibhAti chArunayAnAhlAdaikabIjaM vidhiM
kallolAvikulAkulA samatulA kAlAgnivAhAnanA |
hAlAhelana kaulakAlakalikA keyUrahArAnanA |
sarvA~NgA mama pAtu pItavasanA shIghrAsanA vatsalA || 28\-85||
sA bAlAbalavAhanA sugahanA sammAnanA dhAraNA
khaM khaM khaM khacharAcharA kulacharA vAchAcharA va~NkharA |
chaM chaM chaM chamarIharIbhagavatI gAthAgatAH sa~NgatiH
bAhau me paripAtu pa~NkajamukhI yA chaNDamuNDApahA || 28\-86||
kaM kaM kaM kamalAkalA gatiphalA phUtkArapherUtkarA
paM paM paM paramA ramA jayagamA vyAsa~NgamA ja~NgamA |
taM taM taM timirAruNA sakaruNA mAtAvalA tAriNI
bhaM bhaM bhaM bhayahAriNI priyakarI sA me bhavatvantarA || 28\-87||
jhaM jhaM jhaM jharajharmarIgatipathasthAtA ramAnanditaM
maM maM maM malinaM hi mAM hayagatAM hantrIM ripUNAM hi tAm |
bhaktAnAM bhayahAriNI raNamukhe shatroH kulAgnisthitA
sA sA sA bhavatu prabhAvapaTalA dIptA~NghriyugmojjvalA || 28\-88||
gaM gaM gaM gururUpiNI gaNapaterAnandapu~njodayA
tArAsArasaroruhAruNakalA koTiprabhAlochanA |
netraM pAtu(sadA) shivapriyapathA kauTyAyutArkaprabhA
tuNDaM muNDavibhUShaNA narashiromAlA vilolA samA || 28\-89||
yogeshI shashishekharolvaNakathAlApodayA mAnavI
 shIrShaM pAtu lalATakarNa yugalAnantastataH sarvadA |
mUrttaM merushikhA sthitA vyavatu me gaNDasthalaM kaivalI
 tuShTaM chAShTamaShaShTikAdharatalaM dhAtrI dharAdhAriNI || 28\-90||
nAsAgradvayagahvaraM bhR^igutarA netratrayaM tAriNI
keshAn kuntalakAlikA sukapilA kailAsashailAsanA |
ka~NkAlAmalamAlikA suvasanA dantAvalIM daityahA
bAhyaM mantramanantashAstrataraNI sa.nj~nAvachaHstambhinI || 28\-91||
haM haM haM narahAraghoraramaNI sa~nchAriNI pAtu me
shatrUNAM dalanaM karotu niyataM me chaNDamuNDApahA |
bhImA sandahatu pratApatapanA saMvarddhanaM varddhinI
mandArapriyagandhavibhramamadA vaidagdhamohAntarA || 28\-92||
shyAmA pAtu pata~NgakoTininadA ha~NkAraphaTkAriNI
AnandotsavasarvasArajayadA sarvatra sA rakShikA |
kShauM kShauM kShauM kaThinAkSharA kShayakarI sarvA~NgadoShaMhanA
dehAreH kachahA parA kachakuchAkIlAlapUrAshitA || 28\-93||
ghaM ghaM ghaM ghaTaghargharA vighaTitA jAyApateH pAtu me
kalpe kalpA kulAnAmatibhayakalitaM sarvatra me vigraham |
nidrodrAvitakAlikA mama kulaM la~NkAtaTAchChAdinI
naM naM naM nayanAnanA sukamalA sA lAkinI lakShaNA || 28\-94||
kukShau pR^iShThatalaM sadA mama dhanaM sA pAtu mudrAmayI
mokShaM pAtu karAlakAlarajakI yA ra~njakI kautukI |
kR^ityA nApitakanyakA shashimukhI sUkShmA mama prANagaM
mandArapriyamAlayA maNimayagranthyA mahanmaNDitA || 28\-95||
pUjyA yogibhirutsukI bhagavatI mUlasthitA satkriyA
mattA pAtu pativratA mama gR^ihaM dharmaM yashaH shreyasam |
dharmAmbhoruhamadhyadarshanikare kAlI mahAyoginI
mattAnAmatidarpahA harashiromAlA kalA kevalA || 28\-96||
me guhyaM jayameva li~Ngamapi me mUlAmbujaM pAtu sA
yA kanyA himaparvatasya bhayahA pAyAnnitambasthalam |
sarveShAM hR^idayodayAnalashikhAshaktirmanorUpiNI
me bhaktiM paripAtu kAmakushalA lakShmIH priyA me prabho || 28\-97||
gaurI gauravakAriNI bhuvi mahAmAyA mahAmohahA |
vaM vaM vaM varavAruNI sumadirA me pAtu nityaM kaTim |
kUTA sA ravichandravahnirahitA svechChAmayI me mukham || 28\-98||
etatstotraM paThed yastu sarvakAle cha sarvadA |
sa bhavet kAlayogendro mahAvidyAnidhirbhavet || 28\-99||
mUlapadmabodhane cha mUlaprakR^itisAdhane |
nijamantrabodhane cha ghorasa~NkaTakAlake || 28\-100||
Apadastasya nashyanti andhakAraM vinA raviH |
sarvakAle sarvadeshe mahApAtakaghAtakaH || 28\-101||
sa bhaved yoginIputraH kalikAle na saMshayaH || 28\-102||

iti shrIrudrayAmale uttaratantre mahAtantroddIpane bhAvAsananirNaye pAshavakalpe
ShaTchakra prakAshe bhairavabhairavIsaMvAde kandavAsinistotraM nAma
aShTAviMshaH paTalaH || 28||

##
The numbers correspond to paTala and verse numbers from
Rudrayamala uttaratantra.

Proofread by Aruna Narayanan 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}