% Text title            : Kumaristavah
% File name             : kumArIstavaH.itx
% Category              : devii, ShaTchakrashakti, devI
% Location              : doc\_devii
% Transliterated by     : staff of Muktabodha.org Mark S.G. Dyczkowski
% Proofread by          : Aruna Narayanan narayanan.aruna at gmail.com
% Description/comments  : rudrayAmale uttaratantre 1 bhairava bhairavI sa.nvAde
% Source                : Rudrayamalam part 1 edited by Ram Prasad Tripathi and Sudhakar Malaviya
% Acknowledge-Permission: Marjorie Woollacott, Ph.D., Digital Library Coordinator muktabodha.org
% Latest update         : February 16, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Kumaristavah ..}##
\itxtitle{.. kumArIstavaH ..}##\endtitles ## 
mahAvidyA mahAsevA bhaktishraddhAplutArpitaH || 8\-13||
mahAj~nAnI bhavet kShipraM vA~nChAsiddhimavApnuyAt || 8\-14||
Anandabhairava uvAcha \-
devendrAdaya indukoTikiraNAM vArANasIvAsinIM
vidyAM vAgbhavakAminIM trinayanAM sUkShmakriyAjvAlinIm |
chaNDodyoganikR^intinIM trijagatAM dhAtrIM kumArIM varAM
mUlAmbhoruhavAsinIM shashimukhIM sampUjayAmi shriye || 8\-15||
bhAvyAM devagaNaiH shivendrayatibhirmokShArthibhirbAlikAM
sandhyAM nityaguNodayAM dvijagaNe shreShThodayAM sAruNAm |
shuklAbhAM parameshvarIM shubhakarIM bhadrAM vishAlAnanAM
gAyatrIM gaNamAtaraM dinagatiM kR^iShNA~ncha vR^iddhAM bhaje || 8\-16||
bAlAM bAlakapUjitAM gaNabhR^itAM vidyAvatAM mokShadAM
dhAtrIM shuklasarasvatIM navavarAM vAgvAdinIM chaNDikAm |
svAdhiShThAnaharipriyAM priyakarIM vedAntavidyApradAM
nityaM mokShahitAya yogavapuShA chaitanyarUpAM bhaje || 8\-17||
nAnAratnasamUhanirmitagR^ihe pUjyAM sUrairbAlikAM
vande nandanakAnane manasije siddhAntabIjAnane |
arthaM dehi nirarthakAya puruShe hitvA kumArIM kalAM
satyaM pAtu kumArike trividhamUrtyA cha tejomayIm || 8\-18||
varAnane sakalikAM kulapathollAsaikabIjodvahAM
mAMsAmodakarAlinIM hi bhajatAM kAmAtiriktapradAm |
bAlo.ahaM vaTukeshvarasya charaNAmbhojAshrito.ahaM sadA
hitvA bAlakumArike shirasi shuklAmbhoruheshaM bhaje || 8\-19||
sUryAhlAdavalAkinIM kalimahApApAditApApahAM
tejo.a~NgAM bhuvi sUryagAM bhayaharAM tejomayIM bAlikAm |
vande hR^itkamale sadA ravidale bAlendravidyAM satIM
sAkShAt siddhikarIM kumAri vimale.anvAsAdya rUpeshvarIm || 8\-20||
nityaM shrIkulakAminIM kulavatIM kolAmumAmambikAM
nAnAyoganivAsinIM suramaNIM nityAM tapasyAnvitAm |
vedAntArthavisheShadeshavasanA bhAShAvisheShasthitAM
vande parvatarAjarAjatanayAM kAlapriyo tvAmaham || 8\-21||
kaumArIM kulakAminIM ripugaNakShobhAgnisandohinIM
raktAbhAnayanAM shubhAM paramamArgamuktisa.nj~nApradAm |
bhAryA bhAgavatIM matiM bhuvanamAmodapa~nchAnanAM
pa~nchAsyapriyakAminIM bhayaharAM sarpAdihArAM bhaje || 8\-22||
chandrAsyAM charaNadvayAmbujamahAshobhAvinodIM nadIM
mohAdikShayakAriNIM varakarAM shrIkubjikAM sundarIm |
ye nityaM paripUjayanti sahasA rAjendrachUDAmaNiM
sampAdaM dhanamAyuSho janayato vyApyeshvaratvaM jaguH || 8\-23||
yogIshaM bhuvaneshvaraM priyakaraM shrIkAlasandarbhayA
shobhAsAgaragAminaM harabhavaM vA~nChAphaloddIpanam |
lokAnAmaghanAshanAya shivayA shrIsa.nj~nayA vidyayA
dharmaprANasadaivatAM praNamatAM kalpadrumaM bhAvaye || 8\-24||
vidyAM tAmaparAjitAM madanabhAvAmodamattAnanAM
hR^itpadmasthitapAdukAM kulakalAM kAtyAyanIM bhairavIm |
ye ye puNyadhiyo bhajanti paramAnandAbdhimadhye mudA
sarvvAchChApitatejasA bhayakarIM mokShAya sa~NkIrtaye || 8\-25||
rudrANIM praNamAmi padmavadanAM koTyarkatejomayIM
nAnAla~NkR^itabhUShaNAM kulabhujAmAnandasandAyinIm |
shrI mAyAkamalAnvitAM hR^idigatAM santAnabIjakriyAM
AnandaikaniketanAM hR^idi bhaje sAkShAdalabdhAmaham || 8\-26||
namAmi varabhairavIM kShititalAdyakAlAnalAM
mR^iNAlasukumArAruNAM bhuvanadoShasaMshodhinIm |
jagadbhayaharAM harAM harati yA cha yogeshvarI
mahApadasahasrakaM sakalabhogadAntAmaham || 8\-27||
sAmrAjyaM pradadAti yAchitavatI vidyA mahAlakShaNA
sAkShAdaShTasamR^iddhidAtari mahAlakShmIH kulakShobhahA |
svAdhiShThAnasupa~Nkaje vivasitAM viShNoranantapriye
vande rAjapadapradAM shubhakarIM kauleshvarIM kaulikIm || 8\-28||
pIThAnAmadhipAdhipAM asuvahAM vidyAM shubhAM nAyikAM
sarvAla~NkaraNAnvitAM trijagatAM kShobhApahAM vAruNIm |
vande pIThaganAyikAM tribhuvanachChAyAbhirAchChAditAM
sarveShAM hitakAriNIM jayavatAmAnandarUpeshvarIm || 8\-29||
kShetraj~nAM madavihvalAM kulavatIM siddhipriyAM preyasIm |
shambhoH shrI vaTukeshvarasya mahatAmAnandasa~nchAriNIm || 8\-30||
sAkShAdAtmaparodgamAM kamalamadhyasambhAvinIM
shiro dashashate dale.amR^itamahAbdhidhArAdharAm |
nijamanaH kShobhApahAM shAkinIM
bAhyArtha prakaTAmahaM rajatabhAM vande mahAbhairavIm || 8\-31||
praNAmaphaladAyinIM sakalabAhyavashyAM guNAM
namAmi paramambikAM viShayadoShasaMhAriNIm |
sampUrNAvidhuvanmukhIM kamalamadhyasambhAvinIM
shiro dashashate dale.amR^itamahAbdhidhArAdharAm || 8\-32||
sAkShAdahaM tribhuvanAmR^itapUrNadehAM
sandhyAdi devakamalAM kulapaNDitendrAm |
natvA bhaje dashashate dalamadhyamadhye
kauleshvarIM sakaladivyajanAshrayAM tAm || 8\-33||
vishveshvarIM svarakule varabAlike tvAM
siddhAsane pratidinaM praNamAmi bhaktyA |
bhaktiM dhanaM jayapadaM yadi dehi dAsyaM
tasmin mahAmadhumatIM laghunAhatAH syAt || 8\-34||
etatstotraprasAdena kavitA vAkpatirbhavet |
mahAsiddhIshvaro divyo vIrabhAvaparAyaNaH || 8\-35||
sarvatra jayamApnoti sa hi syAd devavallabhaH |
vAchAmIsho bhavet kShipraM kAmarUpo bhavennaraH || 8\-36||
pashureva mahAvIro divyo bhavati nishchitam |
sarvavidyAH prasIdanti tuShTAH sarve digIshvarAH || 8\-37||
vahniH shItalatAM yAti jalastambhaM sa kArayet |
dhanavAn putravAn rAjA iha kAle bhavennaraH || 8\-38||
pare cha yAti vaikuNThe kailAse shivasannidhau |
muktireva mahAdeva yo nityaM sarvadA paThet || 8\-39||
mahAvidyApadAmbhojaM sa hi pashyati nishchitam |

iti shrIrudrayAmale uttaratantre mahAtantroddIpane bhAvAsananirNaye
pAshavakalpe ShaTchakra prakAshe kumArIstavaH nAma aShTamaH paTalam || 28||

##
The numbers correspond to paTala and verse numbers from
Rudrayamala uttaratantra.

Proofread by Aruna Narayanan 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}