% Text title            : Shri Lakinidevi Stotram
% File name             : lAkinIdevIstotram.itx
% Category              : devii, ShaTchakrashakti, devI
% Location              : doc\_devii
% Transliterated by     : staff of Muktabodha.org Mark S.G. Dyczkowski
% Proofread by          : Aruna Narayanan narayanan.aruna at gmail.com
% Description/comments  : rudrayAmale uttaratantre 2 bhairava bhairavI sa.nvAde
% Source                : Rudrayamalam part 2 edited by Ram Prasad Tripathi and Sudhakar Malaviya
% Acknowledge-Permission: Marjorie Woollacott, Ph.D., Digital Library Coordinator muktabodha.org
% Latest update         : February 16, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Lakinidevi Stotram ..}##
\itxtitle{.. shrIlAkinIdevIstotram ..}##\endtitles ## 
athaikonapa~nchAshattamaH paTalaH
AnandabhairavI uvAcha
ShaTchakrabhedanArthAya sarvasiddhasusiddhaye |
vakShyAmi lAkinIdevIstotraM paramadurlabham || 49\-1||
yatpAThAdatisantoShaM prApnoti yatirIshvara |
tatkriyAsArasampannaM stavanaM lAkinIpriyam || 49\-2||
asya shrIlAkinIstotrasya mahAviShNukahoDa\-R^iShi\-rgAyatrIchChando
mahAsiddhidamR^ityu~njayamahArudra lAkinI sarasvatIdevatA
maNipUrabhedane jape viniyogaH ||
oM bIjAkSharamUrtimArti hariNImAryAM jayAM buddhidAM
     dInAnAmaparAdhakoTihananIM sa.nj~nAmaNiM yoginAm |
tvAmAdyAmanurAgiNIM guNagaNAmodaikahetusthalAM
     sthityantaHkR^itakautukImavarade vande mudA lAkinIm || 49\-3||
herambArchanasiddhidAdvayagatA koTiprabhA bhAskarA
sAkArA kiraNojjvalA sukhamayI vedadhvaniprANinI |
kopAkopitalakShaNA tarutarAkalpAshayAsaMshayA
kR^itvaivaM varavarNinI samavatu shrIlAkinI ka~NkinI || 49\-4||
keyUrAmalahAramAlashubhagA vIrAsanA sthAyinI
bhAryA rudrapateH pravAlavimalA vaktrotpalasragdharA |
mAtA yogavatAM satI parA parapadA mAdhvIrasAchChAditA
tvaM mAM pAhi kR^ipAmayI yamagataM mR^ityu~njaye shrIdhare || 49\-5||
AkA~NkShIkulasa~NkhyakA kShayakarI shatruprabhAderdayA
bhaktAnAmatiduHkhahA shashimukhI yonyAnanA kAmukI |
kAmasthAnamakAmadoShashatakaM shIghraM tvalakShemadA
jIvanmuktipadaM vidhehi samare sargadruhasya priyam || 49\-6||
tvaM pa~nchAnanapUjitA tvamashitA tvaM bAlavidyAgati\-
stvaM satyaM kavitAsu vAkyakavitA tvaM kevalAnandadA |
tvaM lAkShAruNarUpiNI tvamavarA tvaM li~NgasaMhAriNI
tvaM sAkShAdamR^itapradA tvamajarA tvaM lAkinI pAtu mAm || 49\-7||
nAnAma~NgaladharmarAjyajaDitA saMskArabodhAshrayA
li~NgasthAchalaputrikA navagR^ihe sa~NkAmayantI shivA |
me li~Ngopari rudranAtha vipathavyAbhedanaM sa~NgamaM
shIghraM kAraya devi mokShaturikaM koTIva chandrojjvalA || 49\-8||
chandrAbhAsakalAshrayA shrayati yA shabdachChaTA yA samA
mAyA mohabhidA dayA dayati yA kR^iShNakriyA mohinI |
lakShmIrnIlakalevarAmalamaNeH pUrvaM sadA rakShatu
shrIvidyA bhayadAyinI tvamapi sA me nAbhimUlodayA || 49\-9||
mAtrA mudrAmanananilayA mAlinI mantravidyA
vishveshAnI shayanarahitA shItavAtAtapasthA |
satyAsatyA vachanabhavagA gauri mAtA tvameva
prANAn rakSha prathamakiraNAmAshraye tvAmanantAm || 49\-10||
siddhAsiddhA shashiravikalA kevalAmbhojasaMsthA
sthityAnandA nayanasvachalAmbhojamadhyaprakAshA |
nityaM shraddhAgatipathakarA kartrI kAmAnahartrI
nAdyastotraM bhaja bhaja bhaje tvAmanantAM svarUpe || 49\-11||
pItApItA pavanagamanA dhAraNadhyAnayogA
kAlAkAlA kalikulakalA niShkalA j~nAnarUpA |
kR^iShNAnandA madanakuharA kekarA sha~NkarI vA |
tvaM shrIdhAtrI dhavalakamalaM nAbhimUle pravakShye || 49\-12||
shvetA shvetAruNashatakarA bhAvanAj~nAnasiddhiH
prItAprItA paramagahanA chAruNAmAnanAyAH |
tvaM sA vidyA vidhibudhavarA dhAraNAj~nAnagamyA
ramyAramyA ramaNaniratA nIradA pAtu nAbhim || 49\-13||
mandodbandhapriyavadhulatA nIravAnAvahantrI
kShetrAkShetrA paracharagatA bhuktimuktiprakAshA |
kaulAkaulAj~nApitanayanA ga~njanA vAtamugdhA
mugdhAmugdhAmatidhanapaternAbhisaMsthe.avanAbhim || 49\-14||
haMsI siMhAsanagatapadA chakravidyA susUkShmA
shrIvidyA tvaM navavilacharA sundarI raktavarNA |
svarNAmbhojopari shubhamanA chakramadhye pratiShThA
sarvA varNA parijanadayAnAbhipadmaM cha rakShA || 49\-15||
brahmAnandA nR^ipagaNamahApUjayA shobhitA~NgI
shrIshrIvidyAsakalavibhavA bhAvanIyA mahendraiH |
siddhasthAne maNimayagR^ihe mUlasiMhAsanasthA
padme chAShTAnvitayugadale nAbhimUlemamAva || 49\-16||
yogaj~nAnaM dvividhavibhavaM vedavidyAprakAshaM
me chAShTA~NgaM samavatu mudA ShoDashI bhairavasthA |
chandrolkA tvaM bhavabhayaharA shokatApApahantrI
nAbhAvabje udayati suro yastamIshe prarakSha || 49\-17||
saMshiShTA tvaM virata karuNe shItale shItashaile
sAkShAdanyaprachayavachanA pArvaNA parvapUrA |
vidyutpUraM samasukhamayaM pAhi pa~nchAnanA yA
tvaM sA devI shubhamaNigR^ihe shItalatvaM vidhehi || 49\-18||
ChandogAnAM sakalaviShayachChedinI chArNamAtA
mAlA lAkShAruNakiraNabhA gopapUjyA girIjyA |
mAtastvaM me svamaNibhavanaM pAhi sUkShmA bhavAnI |
vAnasthAnAshraya jaya karAchA~NgirA chAnnapUrNA || 49\-19||
chandrollAsA.avayavasukhadA dIrghakeshI vishAlA
tvaM mAta~NgI janani jagatAM bAlikA viprachaNDA |
jyotsnAjAle udayati sadA raktabhAShaprabhAsA
tvaM me rudra hariharatanuM nAbhimUle prarakSha || 49\-20||
vANInAmnA rachayati vachaH sundarI varNanasthA
sthityantasthA chalatanudharA dhAmasandhAmarA sA |
bodhAnandaprakR^ititanubhirvyApinI j~nAnamugdhA
mAtastvaM me maNidalagR^ihaM pAhi sarvA~Ngavidye || 49\-21||
vidyA chaNDAmalasitasR^ijA chandanAliptadehA
vishveshAni bhagavati shive tvaM kShayAmogharUpA |
jAyA shambhorjaTilashivagatA mokShadA mAnasaMsthA
chittaM shubhraM kuru viShayaChedanaM Chedini tvam || 49\-22||
maNimayakulagehe koTividyutprakAshe.a\-
bhayavaramapi dehi kodhavidye mayi tvam |
sakalasukhavibhogaM pAlaya prANarUpaM
charaNatalavilagnaM mAmanAthaM pareshi || 49\-23||
bhuvanagahanahetoH kAyasargA vinAste
vidhimakhasuranAthaM mAnuShAdi trisargam |
mama maNikulapadme nityarUpAbhidhAnaM
jayati khalu tadAnIM stotrasAraprakAram || 49\-24||
bhavatu charaNapadme lAkinI devakanye
virachaya manushAstraM siddhamantraprakAram |
vaha vaha bhavabhAvaM trAhi mAM chandragehe
kaThinahR^idayanAshaM sha~Nkari tvaM kuruShva || 49\-25||
kamalavanasamIpe vanyamadhye.atiguhye
viShayaviShayinAshaM kaulike tvaM vikR^itya |
bhavanijamaNipIThe sthApayitvA nidAnaM
hara haradayite tvaM doShaShaTkaM vivAdam || 49\-26||
ghore sAndrAndhakAre mama nijakuladR^igdAnakartri prasanne
vA~nChAkalpadrumasthA tvamiha kushaladA dAyabhAgAvibhAgA |
tvaM kAlI nandinIsthA nayakaruNaghaTA madhyagA mAghakA tvaM
bhImA bhItyApahantrI harapadanayano lAkinI nAbhimAva || 49\-27||
etatstotraM paThed vidvAn yogaj~nAnI nirAshrayaH |
mahAsukhagato vIro vibhavAyAmR^itAya cha || 49\-28||
bhogamokShau kare tasya chaihike yogirAD bhavet |
pare yAti mahAdevI pAdapadme na saMshayaH || 49\-29||
aihike chirajIvitvaM dadAti kAmadAyinI |
maNipUre sthito yAti kulamArgaprasAdataH || 49\-30||
kulamArgeNa yatsthAnaM layaM vishveshvarIpadam |
tallayA maNipUrasthA devatA pashyati dhruvam || 49\-31||
pUjAnte prapaThet stotraM bhaktibhAvaparAyaNaH |
shIghrameva hi yogI syAt kulamArgaprasAdataH || 49\-32||

iti shrIrudrayAmale uttaratantre lAkinIshastavanaM nAma
ekonapa~nchAshattamaH paTalaH || 49||

##
The numbers correspond to paTala and verse numbers from
Rudrayamala uttaratantra.

Proofread by Aruna Narayanan 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}