% Text title            : laghuShoDashArNakalAvilAsaH
% File name             : laghu16.itx
% Category              : devii, otherforms, stotra, devI
% Location              : doc\_devii
% Transliterated by     : Sridhar  Seshagiri seshagir at engineering.sdsu.edu
% Proofread by          : Sridhar  Seshagiri seshagir at engineering.sdsu.edu
% Description-comments  : Hymn to Devi
% Latest update         : October 15, 2001
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. laghuShoDashArNakalAvilAsaH ..}##
\itxtitle{.. laghuShoDashArNakalAvilAsaH ..}##\endtitles ##
kalyANaM jagatAmahaM kathamume dhyAyAmi sachchidvapu\-
strayyantairmanasApi te saha chiraM mR^igyApi yatnena cha |
j~nAtum no vadituM shakyamabhavad yasmAt tathA bhaktitaH
shrIchakrAgragashaivama~nchaparashaivA~NkasthitAM bhAvaye || 1||
elAsaurabhikuntale paramume tvAM vyApya sarvaM sthitA.n
kAShThAdiShviva tailavahninavanItAmbupravAhAdikam |
shrImUrtiShvatisundarAsu navabandhUkaprabhAsvambike
shakyaM kiM nu tathApi te parashive chAsthAnamAvAhaye || 2||
IshAvAsyamidaM tvayA sakalamapyambAsane ma~njule
tvAmArohayituM samastabhuvanAdhAraM kathaM shaknuyAm |
matsvAntAbjamapi tvadAsanavaraM bhUyAdyataH sarvadA
sarveShAM hR^idayAravindabhavane nityaM vasasyambike || 3||
lakShyAlakShyavilakShaNaM tava vapuH pAdAdihInaM para.n
pAdyaistat paritoShayAmi kathamapyatyantamachChAtmakam |
matsvAntadrutahemaratnakalashAnItAtibhaktyambunA
vij~nAnAmarasindhujena rachaye prakShAlanaM tvatpade || 4||
hrI.nkAradrumama~njarIshavinute.anarghyAya hastAya te
sarvAbhIShTaphalapradAnaniratAyArghyaM kathaM kalpaye |
gR^ihNIShvAmba mayA pradattamanaghe vij~nAnapAtre sthita.n
tvadrUpAnubhavAmbukalpitamathApyarghyaM mahAsundari || 5||
hanta tvanmukhanirgatena sakalaM pUtaM jagat sarvadA
vedenAchamanIyamadya sahasA dAtuM kathaM shaknuyAm |
tubhyaM shrIparadevate mayi tathApyambAnukampAvashAd
gR^ihNIShvAchamanaM prakalpitamume gandhAdibhirmishritam || 6||
sarvaM sarvata eva pUrNavibhave pUrNena pUrNaM katha.n
vyApya tvattanumAsthitAmatitarAM shuddhAM jagatpAvanIm |
gA~NgairnirmalavAribhiH prabhavati prANI jagatyAM tathA\-
pyAnandAmR^itavAriNAhamabhiShi~nchAbhyAdarAdambike || 7||
kalpaya kalpakavR^ikShasambhavamahatkausumbhavastradvaya.n
nAnAratnavichitramamba paramaprItyA kathaM te mayA |
vyApinyai jagatAM tathApi vimalenAchChAdaye tvAM para.n
vij~nAnAtmakavAsasA parashive gR^ihNIShva tat prItitaH || 8||
ha.nsasphATikakundasundaratarashrImUrtimArye shive
karpUrAgaruku~NkumAdimilitairgandhaiH kathaM lepaye |
shrutyuktAM tava sarvagandhatanugAM nirlepanAM niShkalA.n
brahmAtmaikyabhavAnubhUtivimalaj~nAnAkhyagandhaiH param || 9||
lagnendUjjvalarekhamamba makuTaM mANikyadIptyujjvala.n
kAlonmIlitachampakAmbujamahadbilvIdalAnAM srajA |
sa.nveShTyAhamakhaNDanirmalaparAnandAmbudhau vA kadA
majje manmathavairibhAmini vada svAnandavArA.nnidhe || 10||
hrI.nkArIM nigamAgamAntaviditAM bhaktyA kathaM tarpaye
dhUpairguggulusambhavairjagadidaM sa.nvyApya nityaM sthitam |
shrImUrtyudbhavavAsanAbhiradhunA divyAbhirArAdhaye
sa.nvidvahnisamarpitAkhilajagatkAlAgarordhUpakaiH || 11||
sarvaj~ne sakaleShTadAnanirate sAmAdibhiH sa.nstute
tubhyaM kalpayituM pradIpamaruNe sAjyaM kathaM shaknuyAm |
bAlArkAyutakoTisundaratano bhaktyA tathApya~nchite
vij~nAnAtmakadIpadIptibhirahaM sa.ntarpayAmyambike || 12||
kalyANyamba kathaM niveditumahaM naivedyamArye shubhe
taptAShTApadabhAjanojjvalamume bhakShyAdibhiH sa.nyutam |
shakShye sambhR^itasarvalokajaTharAyai tubhyamatyujjvala.n
vishvAsena samarpayAmi jagadAtmaikyAnnamAnandadam || 13||
lakShmIvanditapAdapadmayugale lakShmIdhavAdyarchite
karpUrAjyalasatsuvarNakalashaprodbhAsi nIrAjanam |
nAnAshobhanagItanR^ittasahitaM divyA~NganAbhirdhR^ita.n
vIkShyAdyAmba mudaM prayAhi kR^ipayA shrIkAmarAjeshvari || 14||
hrI.nhrImityanubhAvyatAM hR^itatamaHpu~nje samastArthade
tvatpAdAbjayuge bhavatvanudinaM bilvAmbujArchAvidhiH |
hrI.nkArArNamanuprayuktamaruNe matsvAntajaiH svAnubhU\-
tyabjaiH sAkamakhaNDasaukhyanilaye shrIchakrarAjeshvari || 15||
hrI.nkAronnataratnama~njulamahatsi.nhAsane bhAsurA\-
mUDhe brahmaharIshvarAdiviralaM shrIkAmarAjA~Nkakam |
sarvaj~nAdisamastashaktinivahaiH sa.nsevitAmambikA.n
saivAsmIti vibhAvanAnatishataiH sa.ntoShayAmyanvaham || 16||
ye ye santatamandhakArigR^ihiNIstotraM samastArthada.n
j~nAtvArthaM hR^idi mantrarAjavimalashrIbIjavarNakramAt |
proktaM mantravidaH paThanti sahasA kAlatraye.apyambikA\-
sA.nnidhye tadananyabhAvanAdhiyastatraikyatAM prApnuyuH || 17||

  || iti shrIlaghuShoDashArNakalAvilAsastotraM sampUrNam||
##
Encoded and proofread by Sridhar  Seshagiri seshagir at engineering.sdsu.edu

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}