% Text title : lakShmIgadyam % File name : lakShmIgadyam.itx % Category : gadyam, devii, stotra, lakShmI, devI % Location : doc\_devii % Transliterated by : Malleswara Rao Yellapragada malleswararaoy at yahoo.com % Proofread by : Malleswara Rao Yellapragada malleswararaoy at yahoo.com % Source : Venkatesha KavyakalApa % Latest update : June 10, 2016 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. lakShmIgadyam ..}## \itxtitle{.. shrIlakShmIgadyam ..}##\endtitles ## shrIrastu | shrIve~NkaTeshamahiShI shritakalpavallI padmAvatI vijayatAmiha padmahastA | shrIve~NkaTAkhya dharaNIbhR^idupatyakAyAM yA shrIshukasya nagare kamalAkare bhUt || 1|| bhagavati jayajaya padmAvati he || 1|| bhAgavatanikara bahutara bhayakara bahulodyama yamasadmAyati he || 2|| bhavijana bhayanAshi bhAgyapayorAshi velAtigalola vipulatarollola vIchilIlAvahe ||3|| padmajabhavayuvati pramukhAmarayuvati parichArakayuvati vitati sarati satata virachita paricharaNa charaNAmbhoruhe || 4|| akuNThavaikuNTha mahAvibhUtinAyaki || 5|| akhilANDakoTi brahmANDanAyaki || 6|| shrIve~NkaTanAyaki || 7|| shrImati padmAvati || 8|| jaya vijayIbhava || 9|| kShIrAmbhorAshisAraiH prabhavati ruchiraiH yatsvarUpe pradIpe sheShANyeShAmR^ijIShANya janiShata ssudhAkalpadevA~NganAdyAH | yasyAssiMhAsanasya pravilasati sadA toraNaM vaijayantI seyaM shrIve~NkaTAdri prabhuvaramahiShI bhAtu padmAvatI shrIH || 2|| jaya jaya jaya jagadIshvarakamalApati karuNArasa varuNAlayavele || 1|| charaNAmbuja sharaNAgata karuNArasa varuNAlaya murabAdhana karabodhana saphalIkR^ita sharaNAgata janatAgamavele || 2|| ki~nchiduda~nchita susmitabha~njita chandrakalAmadasUchita sampada vimala vilochana jitakamalAnana sakR^idavalokana sajjanadurjana bhedavilopana lIlAlole || 3|| shobhanashIle || 4|| shubhagaNamAle || 5|| sundarabhAle || 6|| kuTilanirantara kuntalamAle || 7|| maNivaravirachita ma~njulamAle || 8|| padma surabhigandha mArdavamakaranda phalitAkR^itibandha padminI bAle || 9|| akuNThavaikuNTha mahAvibhUti nAyaki || 10|| akhilANDakoTi brahmANDanAyaki || 11|| shrIve~NkaTanAyaki || 12|| shrImati padmAvati || 13|| jaya vijayIbhava || 14|| shrIshailAnantasUre ssadhava mupavane choralIlAM charantI chAmpeye tena baddhA svapatimavarayattasya kanyA satI yA | yasyAH shrIshailapUrNa shshvashurati cha hare stAtabhAvaM prapannaH seyaM shrIve~NkaTAdri prabhuvaramahishI bhAtu padmAvatI shrIH || 3|| kharvIbhavadatigarvI kR^ita gurumervIshagiri mukhorvIdharakula darvIkaradayitorvI dhara shikharorvI phaNipati gurvIshvarakR^ita rAmAnujamuni nAmA~Nkita bahubhUmAshraya suradhAmAlaya varanandana vana sundaratarAnanda mandirAnanta guruvanAnanta keliyuta nibhR^itatara vihR^iti rata lIlAchora rAjakumAra nijapati svairasahavihAra samaya nibhR^itoShita phaNipati gurubhakti pAshavashaMvada nigR^ihItArAma champaka nibaddhe || 1|| bhaktajanAvana baddha shraddhe || 2|| bhajana vimukha bhavijana bhagavadupasadana samaya nirIkShaNa santata sannaddhe || 3|| bhAgadheyaguru bhavyasheShaguru bAhumUla dhR^ita bAlikAbhUte || 4|| shrIve~NkaTanAtha varaparigR^ihIte || 5|| shrIve~NkaTanAthatAtabhUta shrIshailapUrNaguru gR^ihasnuShAbhUte || 6|| akuNThavaikuNTha mahAvibhUtinAyaki || 7|| akhilANDakoTi brahmANDanAyaki || 8|| shrIve~NkaTanAyaki || 9|| shrImati padmAvati || 10|| jaya vijayIbhava || 11|| shrIshaile kelikAle munisamupagame yA bhayAtprAk prayAtA tasyaivopatyakAyAM tadanu shukapure padmakAsAramadhye | prAdurbhUtA.aravinde vikachadalachaye patyurugraistapobhiH seyaM shrIve~NkaTAdriprabhuvaramahiShI bhAtu padmAvatI shrIH || 4|| bhadre || 1|| bhaktajanAvana nirnidre || 2|| bhagavaddakShiNa vakSholakShaNa lAkShAlakShita mR^idupadamudre || 3|| bha~njita bhavyanavyadaradalitadala mR^idula kokanada madavilasa dadharordhva vinyAsa savyApasavyakara virAjadanitara sharaNabhaktagaNa nijacharaNa sharaNIkaraNAbhaya vitaraNa nipuNa nirUpaNa nirnidramudre || 4|| ullasadUrdhva tarAparakara shikharayugala shekhara nijama~njima madabha~njana kushalavadana vidhumaNDala vilokana vidIrNa hR^idayatA vibhramadharadara vidalitadala komala kamalamukula yugalanirargala vinirgalatkAnti sumudre || 5|| shrIve~NkaTa shikharasahamahiShI nikara kAntalIlAvasara sa~Ngatamuninikara samudita bahulatara bhayalasadapasArakeli bahumAnye || 6|| shrIshailAdhIsha rachita dinAdhIsha bimbaramAdhIshaviShaya tapojanye || 7|| shrIshailAsanna shukapurIsampanna padmasara utpanna padminIkanye || 8|| padma sarovarya virachita mahAshcharya ghoratapashcharya shrIshukamunidhurya kAmita vadAnye || 9|| mAnava karmajAla durmalamarma nirmUlana labdhavarNa nijasalilajavarNa nirjita durvarNa vajrasphaTika savarNa salila sampUrNa suvarNamukharI saikata sa~njAta santata makaranda bindusandoha niShyanda sandAnitAmandAnanda milinda vR^inda madhuratara jha~NkArarava ruchirasantatasamphulla mallI mAlatI pramukha vratati vitati kundakuravaka maruvaka damanakAdi gulmakusuma mahima ghuma ghumita sarva di~Nmukha sarvatomukha mahanIyAmanda mAkandAvirala nArikela niravadhika kramuka pramukha tarunikaravIthi ramaNIya vipula taTodyAna vihAriNi || 10|| ma~njulatara maNihAriNi || 11|| mahanIyatara maNijitataraNi makuTamanohAriNi || 12|| mantharatara sundaragati mattamarAla yuvati sugati madApahAriNi || 13|| kalakaNTha yuvAkuNTha kaNThanAda kalavyAhAriNi || 14|| akuNThavaikuNTha mahAvibhUtinAyaki || 15|| akhilANDakoTi brahmANDanAyaki || 16|| shrIve~NkaTanAyaki || 17|| shrImati padmAvati || 18|| jaya vijayIbhava || 19|| yAM lAvaNyanadIM vadanti kavayaH shrImAdhavAmbhonidhiM gachChantIM svavasha~NgatAMshcha tarasA jantUnnayantImapi | yasyA mAnasanetrahasta charaNAdya~NgAni bhUShAruchI rambhojAnyamalojjvalaM cha salilaM sA bhAtu padmAvatI || 5|| ambhoruhavAsini || 1|| ambhoruhAsana pramukhAkhila bhUtAnushAsini || 2|| anavaratAtmanAtha vakShassiMhAsanAdhyAsini || 3|| a~NghriyugAvatAra pathasantata sa~NgAhamAna ghoratarAbha~Ngura saMsAra gharmasantapta manuja santApa nAshini || 4|| bahula kuntala vadanamaNDala pANipallava ruchiralochana subhagakandarA bAhuvallikA jaghana nitamba maNDalamaya vitata shaivAla samphulla kamala kuvalaya kambukamalinI nAlottu~Nga vipulapulinashobhini || 5|| mAdhava mahArNavagAhini || 6|| mahitalAvaNyamahAvAhini || 7|| mukhachandra samudyata bhAlatalavirAjamAna ki~nchiduda~nchita sUkShmAgra kastUrItilaka shUla samudbhUtabhIti vishIrNasamujjhita sammukhabhAgaparisarayugala sarabhasa visR^imara timira nikara sandeha sandAyi sasImantakuntala kAnte || 8|| sphaTika maNimaya kandarpa darpaNa sandeha sandohi sakala jana sammohi phalaphalavimalalAvaNya lalita satatamudita muditamukhamaNDale || 9|| mahita mradima mahimamandahAsA sahiShNu tadudaya samudita klamodIrNAruNavarNa vibhramadaviDambita pariNata bimbavidruma vilasadoShTa yugale || 10|| parihasita darahasita kokanada kundarada mantharatarodgatvara visR^itvara kAntivIchi kamanIyAmanda mandahAsa sadanavadane || 11|| samujjvalatara maNitarjita taraNitATa~Nka nirATa~Nka kandalitakAnti pUra karambita karNashaShkulIvalaye || 12|| bahirupagata sphuraNAdhigatAntara~NgaNa bhUShaNagaNa vadana koshasadana sphaTika maNimaya bhitti sha~NkA~NkuraNa chaNapratiphalita karNapUra karNAvataMsa tATa~Nka kuNDala maNDana niganigAyamAna vimalakapola maNDale || 13|| nijabhrukuTI bhaTIbhUta tryakShA ShTAkShadvAdashAkShasahasrAkSha prabhR^iti sarvasuparva shobhana bhrUmaNDale || 14|| niTalaphalaka mR^igamadatilakachChala viloka loka vilochana doShavirachita vidalana vadana vidhumaNDala vigalita nAsikA praNAlikA nigUDha nistR^ita nAsAgrasthUla muktAphalachChalAbhivyakta vadana bilanilIna kaNThanAlikAntaH pravR^itta grIvAmadhyochCha bhAgakR^ita vibhAgagrIvAgarta vinissR^ita pR^ithula vilasadurojashaila yugala nirjhara jharIbhUta gambhIra nAbhi hradAva gADha vilIna dIrghatara pR^ithula sudhAdhArA pravAhayugala vibhramAdhAra vispaShTa vIkShyamANa vishuddhasthUla muktAphala mAlA vidyotita digantare || 15|| sakalAbharaNa kalAvilAsakR^ita ja~NgamachirasthAyi saudAmanIsha~NkA~Nkure || 16|| kanaka rashanAki~NkiNI kalanAdini || 17|| nija janatAguNa nijapatinikaTa nivedini ||18|| nikhila janAmodini || 19|| nijapatisammodini || 20|| manthara taramehi || 21|| mandamimamavehi || 22|| mayi mana Adhehi || 23|| mama shubhamavadehi || 24|| ma~Ngalamayi bhAhi || 25|| akuNThavaikuNTha mahAvibhUtinAyaki || 26|| akhilANDakoTi brahmANDanAyaki || 27|| shrIve~NkaTanAyaki || 28|| shrImati padmAvati || 29|| jaya vijayIbhava || 30|| jIyAchChrI ve~NkaTAdri prabhuvaramahiShI nAma padmAvatI shrIH jIyAchchAsyAH kaTAkShAmR^itarasarasiko ve~NkaTAdre radhIshaH jIyAchChrIvaiShNavAlI hatakumata kathAvIkShaNai retadIyaiH jIyAchcha shrIshukarSheH puramanavarataM sarvasampatsamR^iddham || 6|| shrIra~NgasUriNedaM shrIshailAnantasUrivaMshyena | bhaktyA rachitaM gadyaM lakShmIH padmAvatI samAdattAm || 7|| || shrIlakShmIgadyaM sampUrNam || ## From a telugu book veNkaTeshakAvyakalApa Encoded and proofread by Malleswara Rao Yellapragada malleswararaoy at yahoo.com \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}