% Text title            : lakShmIsahasranAmastotram 2
% File name             : lakShmIsahasranAmastotram2.itx
% Category              : sahasranAma, devii, lakShmI
% Location              : doc\_devii
% Proofread by          : PSA Easwaran psaeaswaran at gmail.com
% Description-comments  : Edited by S. V. Radhakrishna Shastriji
% Acknowledge-Permission: Mahaperiaval Trust
% Latest update         : October 6, 2017
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIlakShmIsahasranAmastotram 2 ..}##
\itxtitle{.. shrIlakShmIsahasranAmastotram 2 ..}##\endtitles ##
(nAradIyopapurANataH)

mitrasaha uvAcha\-
bhagavan sarvadharmaj~na sarvashAstravishArada |
pAvanAnAM hi mahasAM nidAnaM tvaM mahAmune || 1||
atarkitenAgamena tava tuShTo.asmi sarvadA |
hR^idayaM nirvR^itaM me.adya mahAduHkhaughapIDitam || 2||
devA gR^iheShu santuShTAH tAritAH pitarashcha ye |
chirAya me manasyasti saMshayo balavattaraH || 3||
pR^ichChAmi tvAmahaM taM vai uttaraM dAtumarhasi |
iShTaM mayA cha bahubhiH yaj~naissampUrNadakShiNaiH || 4||
dAnAni cha mahArhANi pAtreShu sparshitAni cha |
anR^itaM noktapUrvaM me prajA dharmeNa pAlitAH || 5||
pativratA mahAbhAgA nityaM susnigdhabhAShiNI |
pUjyAn gR^ihAgatAn sarvAnArAdhayati nityadA || 6||
tathA hi sevate devAn yathA.ahamapi nAshakam |
bhAryA.anukUlA me devI madayantI manasvinI || 7||
tathApi duHkhaM samprAptaM mayA dvAdashavArShikam |
rAkShasatvaM mahAghoraM sampUrNanarakopamam || 8||
tatra vR^ittAni kAryANi smR^itvA me vepate manaH |
bhakShitAH kati vA tatra dvipadAshcha chatuShpadAH || 9||
tatsarvamastu tannaiva chintyate shApahetukam |
guruputre gurusamaH shaktiH sambhakShito mayA || 10||
brahmahatyAkR^itaM pApaM kathaM me na bhaviShyati |
shApAdrAkShasatA kAle prAptA yadyapi tanmayA || 11||
rAtrindivaM me dahati hR^idayaM hi sabandhanam |
na rochate me bhuktirvA suptirvApi gatirbahiH || 12||
mahAbandhanametanme rAjyaM hi manute manaH |
kinnu tatkAraNaM yena prApto.ahaM tAdR^ishIM shucham || 13||
vaktumarhasi sarvaj~na tatprAyashchittavistaram |
upAdisha mahAmantratantraj~na praNatAya me || 14||
shrInArada uvAcha\-
shR^iNu rAjanpravakShyAmi prAgjanmacharitaM tava |
yenedR^ishaM tvayA prAptaM duHkhamatyantadussaham || 15||
purAbhUdbAhmaNaH kashchittAmraparNinadItaTe |
daridro.atyantadurbhAgyaH bahuputrakuTumbavAn || 16||
kR^iShNasharmeti vikhyAtaH vedavedA~Ngatatvavit |
tava bhAryA.abhavatpuNyA sadA chaNDI kurUpiNI || 17||
kintu shaktivratAchAre.apratimA shuddhamAnasA |
kaTuvA~NmAninI nAmnA kShutpipAsArditA sadA || 18||
dAridryashamanArthaM tvaM sarvalakShaNalakShitam |
kalpayitva shriyo mUrtiM bhaktyA pUjitavAngR^ihe || 19||
mAninyapyanvahaM bhaktyA gomayAlepanAdibhiH |
ra~NgavalyApyala~NkR^itya pUjAsthAnaM gR^ihe tava || 20||
pAyasApUpanaivedyaiH sA tvAM paryacharanmudA |
ekadA bhR^iguvAre tvAM sahasrakamalArchanam || 21||
vidhAtuM viShNupatnyAstu padmAnyAnayituM gataH |
gate.ardhadivase gehaM prApya khinno.anayoditaH || 22||
hantArdhadivaso.atItaH kadA devAnasa~NkhyakAn |
abhyarchyAtha shriyo devyAH sahasrakamalArchanam || 23||
kR^itvA bhuktvA kadA.annaM no darshayiShyasi tAmyatAm |
bAlA rudanti kShudhitAH pakvaM bhavati shItalam || 24||
iti tasyAM bhartsayantyAM tUShNIM pUjAmadhAdbhavAn |
sahasrapadmapUjAyAM chalantyAM madhyatastu sA || 25||
asamarthA kShudhaM soDhuM bAlaissaha bubhoja ha |
tadA tvaM kupito.apyenAM na cha ki~nchidapi bruvan || 26||
gR^ihAnnirgatya shAntAtmA kiM kR^ityamiti chintayan |
niryAntaM tvAM tu sA prAha kva gachChasi sudurmate || 27||
anirvartya shriyaH pUjAM prArabdhAM sumahAdaram |
pR^itha~NnaivedyamastIha nAsmAbhirbhakShitaM hi tat || 28||
kAlAtyayAtkShudhArtAnAM bhuktiM devI sahiShyate |
tadvidhehi shriyaH pUjAM mA sma niShkAraNaM krudhaH || 29||
narake mA pato buddhyA mAM cha pAtaya mA vR^ithA |
iti tasyAM bruvANAyAM tvaM gR^ihAnniragAH krudhA || 30||
sadyaH sanyasya vipine.avAtsIstvaM vidhinA kila |
yatitve.api sadA buddhyA pUrvAshramakathAM smaran || 31||
dAridryaM sarvadharmANAM pratyUhAya pravartate |
satyapyasmindharmapatnI anukUlA bhavedyadi || 32||
narasya janma sukhitaM nAnyathA.arthashatairapi |
vandhyAjAnissa bhavatu anukUlakalatravAn || 33||
labhate janmasAphalyametaddevyAH prasAdajam |
ityevaM chintayanneva tyaktvA dehaM tarostale || 34||
ikShvAkuvaMshe jAtastvaM rAjA mitrasahAbhidhaH |
ruShA paravasho yasmAdasamApya shriyo.archanam || 35||
nirgato.asi gR^ihAttasmAdduHkhametadupasthitam |
sApi tvayi viniryAte pashchAttApavatI bhR^isham || 36||
prakShAlitA~NghrihastA.atha prayatA.a.achamya satvaram |
naivedyaM svayamIshvaryai praNamya cha nivedya cha || 37||
amba sarvasya lokasya jananyasi sahasva tat |
AgAMsi mama nAgAriketanoraHsthalAlaye || 38||
yasyAM jAtau tu me bhartA tatpUjApuNyato bhavet |
bhaveyamahamapyatra jAtau taM chApnuyAM yathA || 39||
kAmakrodhAdihInA syAM tathAmbAnugrahaM kuru |
iti devIM prArthayantI jIvantI kR^ichChrato bhuvi || 40||
tyaktvA dehaM punarjAtA rAjavaMshe supAvane |
madayantIti nAmnA vai tava bhAryA.abhavatpunaH || 41||
abhukte tvayi bhutkyA sA vandhyA jAtA vadhUmaNiH |
ubhayorbhavatorlakShmIpUjAyAmaparAdhataH || 42||
ubhAvapi mahAduHkhaM prAptau dvAdashavarShikam |
tyaktvA rAjyaM cha kosha~ncha daridrAvatiduHkhitau || 43||
mA brahmahatyAdoShAttvaM bhaiShI rAjan katha~nchana |
yAM jAtimanuviShTo hi tAdR^ishIM tvaM kriyAmadhAH || 44||
kintu bhUyashchyute rAjyAdbhetavyaM shrIprakopataH |
nAmnAM tadadya shrIdevyAH sahasreNa shatena cha || 45||
aShTottareNa padmAnAM pu~njatastAM prapUjaya |
bhavettava sthiraM rAjyaM duHkhaM nANvapi te bhavet || 46||
bhAryA te sApi shushrUShAM svayameva karotu te |
varShamAtraM pUjitA sA lakShmIrnArAyaNapriyA || 47||
yuvayossarvakAmAnAM dAtrI syAnnAtra saMshayaH |
strIsa~NgapratihantA.asti shApo yadyapi te prabho || 48||
prasoShyate cha tanayaM tava bhAryA katha~nchana |
putrapautrAbhivR^iddhyA tvaM modiShyasi mahendravat || 49||
yathA pR^iShTaM mahAbhAga duHkhahetustavoditaH |
uktastatparihAro.api kimichChasi punarvada || 50||
rAjovAcha\-
dhanyo.asmyanugR^ihIto.asmi maharShe kR^ipayA tava |
matto na vidyate kashchilloke.asmin bhAgyavattaraH || 51||
tava pAdAbjayugale praNAmAnAM shataM shatam |
karomi pAhi mAM vipra kulottaMsa dayAnagha || 52||
nAmnAM sahasraM shrIdevyA aShTottarashatAdhikam |
prabrUhi me munishreShTha pUjAyA vidhimapyatha || 53||
japasya cha vidhiM teShAM nAmnAM shushrUShave vada |
sUta uvAcha\-
iti rAj~nA munishreShThaH pR^iShTassavinayaM tataH || 54||
namaskR^itya shriyai pashchAddhyAtvovAcha mahIpatim |
shrInArada uvAcha\-
samyak pR^iShTaM mahArAja sarvalokahitaM tvayA || 55||
vakShyAmi tAni nAmAni pUjA~nchApi yathAkramam |
palamAnasuvarNena rajatenAtha tAmrataH || 56||
chaturbhujAM padmadharAM varAbhayavishobhinIm |
niShaNNAM phullakamale chaturdantaiH sitairgajaiH || 57||
suvarNaghaNTAmukharaiH kR^itakShIrAbhiShechanAm |
kaTakA~Ngadama~njIrarashanAdi vibhUShaNaiH || 58||
vibhUShitAM kShaumavastrAM sindUratilakA~nchitAm |
prasannavadanAmbhojAM prapannArtivinAshinIm || 59||
ChatrachAmarahastADhyaiH sevitAmapsarogaNaiH |
kR^itvaivaM pratimAM tAM cha pratiShThApya yathAvidhi || 60||
shrIM lakShmyai nama ityeva dhyAnAvAhanapUrvakAn |
uvachArAMshchatuShShaShTiM kalpayeta gR^ihe sudhIH || 61||
pratimAyA alAbhe tu lakShmyAssamprApya chAlayam |
kArayedupachArAMstu yathAvidhyarchakairmudA || 62||
tasyApyabhAve tvAlekhye likhitAM varNakaistathA |
pUjayettasya chAbhAve kR^itAM chandanadAruNA || 63||
tadabhAve chandanena rachitAM pUjayedramAm |
eShAmabhAve vikache kamale karNikAgatAm || 64||
dhyAtvA tathAvidhAM devImAdareNa prapUjayet |
kamalAnAM sahasreNApyaShTottarashatena cha || 65||
archayedindirApAdau dhyAtvAbhIShTAni chetasi |
shrIdevyA nAmasAhasraM aShTottarashatAdhikam || 66||
athAtassampravakShyAmi shR^iNu nAnyamanA nR^ipa |
pArAyaNaprakAraH ||
OM asya shrImahAlakShmIsahasranAmastotramahAmantrasya nArada R^iShiH |
anuShTupaChandaH | shrImahAlakShmIrdevatA |
hrAM bIjam | hriM shaktiH | hrUM kIlakam |
shrImahAlakShmIprasAdasiddhyarthe
    shrImahAlakShmIsahasranAmamantrajape viniyogaH ||

OM hlAM hiraNyavarNAM hariNIM suvarNarajatasrajAm | a~NguShThAbhyAN namaH |
maM hlIM chandrAM hiraNmayIM lakShmIM jAtavedo na Avaha | tarjanIbhyAM namaH |
hAM hlUM tAM ma Avaha jAtavedo lakShmImanapagAminIm | madhyamAbhyAM namaH |
laM hlaiM yasyAM hiraNyaM vindeyaM gAmashvampuruShAnaham | anAmikAbhyAM namaH |
kShmyaiM hlauM shriyaM devImupahvaye shrIrmA devI juShatam |
karatalakarapR^iShThAbhyAM namaH ||
OM hlAM kAMsosmitAM hiraNyaprAkArAmArdrAM jvalantIM tR^iptAM tarpayantIm |
hR^idayAya namaH |
maM hlIM padme sthitAM padmavarNAM tAmihopahvaye shriyam |
shirase svAhA |
hAM hlUM chandrAM prabhAsAM yashasA jvalantIM shriyaM loke devajuShTAmudArAm |
shikhAyai vaShaT |
laM hlaiM tAM padminImIM sharaNamahaM prapadye.alakShmIrme
      nashyatAM tvAM vR^iNe |
kavachAya hum |
kShmyaiM hrauM AdityavarNe tapaso.adhijAto vanaspatistava
     vR^ikSho.atha bilvaH | netratrayAya vauShaT |
namaH hlaH tasya phalAni tapasA nudAntu mAyAntarAyAshcha bAhyA alakShmIH |
astrAya phaT | bhUrbhuvassuvaromiti digbandhaH ||

dhyAnam\-
lakShmIdevIM dvipadmAbhayavaradakarAM taptakArtasvarAbhAM
shubhrAbhrAbhebhayugmadvayakaradhR^itakumbhAdbhirAsichyamAnAm |
ratnaughAbaddhamauliM vimalataradukUlArtavAlepanADhyAM
padmAkShIM padmanAbhorasi kR^itavasatiM padmagAM chintayAmi ||
laM pR^ithivyAtmikAyai gandhaM samarpayAmi |
haM AkAshAtmikAyai puShpANi samarpayAmi |
yaM vAyvAtmikAyai dhUpamAghrApayAmi |
raM vahnyAtmikAyai | dIpaM darshayAmi |
vaM amR^itAtmikAyai | amR^itaM nivedayAmi |
saM sarvAtmikAyai sarvopachArAn samarpayAmi |
pArAyaNAnte OM hlAM upaitu mAM devasakhaH kIrtishcha maNinA saha |
hR^idayAya namaH |
maM hlIM prAdurbhUto.asmi rAShTre.asminkIrtimR^iddhiM dadAtu me |
shirase svAhA |
hAM hlUM kShutpipAsAmalAM jyeShThAM alakShmIM nAshayAmyaham |
shikhAyai vaShaT |
laM hlaiM abhUtimasamR^iddhi~ncha sarvAM nirNuda me gR^ihAt |
kavachAya hum |
kShmyaiM hlauM gandhadvArAM durAdharShAM nityapuShTAM karIShiNIm |
naitratrayAya vauShaT |
namaH hlaH IshvarIM sarvabhUtAnAM tAmihopahnaye shriyam |
astrAya haT ||
bhUrbhuvassuvaromiti digvimokaH |

dhyAnam |
lamityAdi pa~nchapUjA |

atha shrIlakShmIsahasranAmastotram ||
shrInArada uvAcha \-
mahAlakShmIrmaheshAnA mahAmAyA malApahA |
viShNupatnI vidhIshArchyA vishvayonirvarapradA || 1||
dhAtrI vidhAtrI dharmiShThA dhammillodbhAsimallikA |
bhArgavI bhaktijananI bhavanAthA bhavArchitA || 2||
bhadrA bhadrapradA bhavyA bhaktAbhIShTaphalapradA |
praLayasthA prasiddhA mA prakR^iShTaishvaryadAyinI || 3||
viShNushaktirviShNumAyA viShNuvakShaHsthalasthitA |
vAgrUpA vAgvibhUtij~nA vAkpradA varadA varA || 4||
sampatpradA sarvashaktiH saMvidrUpA samA.asamA |
haridrAbhA harinnAthapUjitA harimohinI || 5||
hatapApA hatakhalA hitAhitavivarjitA |
hitAhitaparA.aheyA harShadA harSharUpiNI || 6||
vedashAstrAlisaMsevyA vedarUpA vidhistutA |
shrutiH smR^itirmatiH sAdhvI shrutA.ashrutadharA dharA || 7||
shrIH shritAghadhvAntabhAnuH shreyasI shreShTharUpiNI |
indirA mandirAntasthA mandurAvAsinI mahI || 8||
dhanalakShmIrdhanakarI dhaniprItA dhanapradA |
dhAnAsamR^iddhidA dhuryA dhutAghA dhautamAnasA || 9||
dhAnyalakShmIrdAritAghA dAridryavinivAriNI |
vIralakShmIrvIravandyA vIrakhaDgAgravAsinI || 10||
akrodhanA.alobhaparA lalitA lobhinAshinI |
lokavandyA lokamAtA lochanAdhaHkR^itotpalA || 11||
hastihastopamAnoruH hastadvayadhR^itAmbujA |
hastikumbhopamakuchA hastikumbhasthalasthitA || 12||
rAjalakShmI rAjarAjasevitA rAjyadAyinI |
rAkendusundarI rasyA rasAlarasabhAShaNA || 13||
koshavR^iddhiH koTidAtrI koTikoTiraviprabhA |
karmArADhyA karmagamyA karmaNAM phaladAyinI || 14||
dhairyapradA dhairyarUpA dhIrA dhIrasamarchitA |
pativratA paratarapuruShArthapradA.aparA || 15||
padmAlayA padmakarA padmAkShI padmadhAriNI |
padminI padmadA padmA padmasha~NkhAdisevitA || 16||
divyA divyA~NgarAgADhyA divyAdivyasvarUpadhR^it |
dayAnidhirdAnaparA dAnavArAtibhAminI || 17||
devakAryaparA devI daityendraparipUjitA |
nArAyaNI nAdagatA nAkarAjasamarchitA || 18||
nakShatranAthavadanA narasiMhapriyA.analA |
jagadrUpA jagannAthA ja~NgamAja~NgamAkR^itiH || 19||
kavitA ka~njanilayA kamrA kaliniShedhinI |
kAruNyasindhuH kamalA kamalAkShI kuchonnatA || 20||
balipriyA baliharI balinI balisaMstutA |
hIrabhUShA hInadoShA hAnihartrI hatAsurA || 21||
havyakavyArchitA hatyAdikapAtakanAshiNI |
vishuddhasattvA vivashA vishvabAdhAharI vadhUH || 22||
brahmANI brahmajananI brahmarUpA bR^ihadvapuH |
bandIkR^itAmaravadhUmochinI bandhurAlakA || 23||
bileshayA~NganAvandyA bIbhatsarahitA.abalA |
bhoginI bhuvanAdhIshA bhogibhogashayA.abhayA || 24||
dAmodarapriyA dAntA dAsheshaparisevitA |
jAmadagnyapriyA jahnutanayA pAvanA~NghirakA || 25||
kShIrodamathanodbhUtA kShIrAktA kShitirUpiNI |
kShema~NkarI kShayakarI kShetraj~nA kShetradAyinI || 26||
svayaMvR^itAchyutA svIyarakShiNI svatvadAyinI |
tArakeshamukhI tArkShyasvAminI tAritAshritA || 27||
guNAtItA guNavatI guNyA garuDasaMsthitA |
geyA gayAkShetragatA gAnatuShTA gatipradA || 28||
sheSharUpA sheShashAyibhAminI shiShTasammatA |
shevadhiH shoShitAsheShabhuvanA shobhanAkR^itiH || 29||
pA~ncharAtrArchitA pA~nchajanyadhArya~NkavAsinI |
pAShaNDadveShiNI pAshamochanI pAmarapriyA || 30||
bhaya~NkarI bhayaharI bhartR^ibhaktA bhavApahA |
hrIrhrImatI hR^itatamAH hatamAyA hatAshubhA || 31||
raghuvaMshasnuShA rAmA ramyA rAmapriyA ramA |
sIradhvajasutA sItA sImAtItaguNojjvalA || 32||
jAnakI jagadAnandadAyinI jagatIbhavA |
bhUgarbhasambhavA bhUtiH bhUShitA~NgI bhR^itAnatA || 33||
vedastavA vedavatI vaidehI vedavitpriyA |
vedAntavedyA vIryADhyA vIrapatnI vishiShTadhIH || 34||
shivachApAropapaNA shivA shivaparArchitA |
sAketavAsinI sAdhusvAntagA svAdubhakShiNI || 35||
guhAgatA guhanatA guhAgatamunistutA |
darasmitA danujasaMhartrI dasharathasnuShA || 36||
dAyapradA dAnaphalA dakShA dAsharathipriyA |
kAntA kAntAragA kAmyA kAraNAtItavigrahA || 37||
vIrA virAdhasaMhartrI vishvamAyAvidhAyinI |
vedyA vaidyapriyA vaidyA vedhoviShNushivAkR^itiH || 38||
kharadUShaNakAlAgniH kharabhAnukulasnuShA |
shUrA shUrpaNakhAbha~NgakAriNI shrutavallabhA || 39||
suvarNamR^igatR^iShNADhyA suvarNasadR^ishA~NgakA |
sumitrAsukhadA sUtasaMstutA sutadAradA || 40||
sumitrAnugrahaparA sumantrA supratiShThitA |
shyAmA shyAmalanetrAntA shyAmanyagrodhasevinI || 41||
tu~NgasthAnapradA tu~NgA ga~NgAprArthanatatparA |
gatipriyA garbharUpA gatirgatimatI cha gauH || 42||
garvadUrA garvaharI gatinirjitahaMsikA |
dashAnanavadhodyuktA dayAsindhurdashAtigA || 43||
setuheturhetuhInA hetuhetumadAtmikA |
hanUmatsvAminI hR^iShTA hR^iShTapuShTajanastutA || 44||
vAmakeshI vAmanetrI vAdyA vAdijayapradA |
dhanadhAnyakarI dharmyA dharmAdharmaphalapradA || 45||
samudratanayA stutyA samudrA sadrasapradA |
sAmapriyA sAmanutA sAntvoktiH sAyudhA satI || 46||
shItIkR^itAgniH shItAMshumukhI shIlavatI shishuH |
bhasmIkR^itAsurapurA bharatAgrajabhAminI || 47||
rAkShasIduHkhadA rAj~nI rAkShasIgaNarakShiNI |
sarasvatI saridrUpA sannutA sadgatipradA || 48||
kShamAvatI kShamAshIlA kShamAputrI kShamApradA |
bhartR^ibhaktiparA bhartR^idaivatA bharatastutA || 49||
dUShaNArAtidayitA dayitAli~NganotsukA |
alpamadhyA.alpadhIdUrA kalpavallI kalAdharA || 50||
sugrIvavandyA sugrIvA vyagrIbhAvAvitAnatA |
nIlAshmabhUShA nIlAdistutA nIlotpalekShaNA || 51||
nyAyyA nyAyaparA.a.arAdhyA nyAyAnyAyaphalapradA |
puNyadA puNyalabhyA cha puruShottamabhAminI || 52||
puruShArthapradA puNyA paNyA phaNipatistutA |
ashokavanikAsthAnA.ashokA shokavinAshinI || 53||
shobhArUpA shubhA shubhrA shubhradantA shuchismitA |
puruhUtastutA pUrNA pUrNarUpA pareshayA || 54||
darbhAgradhIrdaharagA darbhabrahmAstrabhAminI |
trailokyamAtA trailokyamohinI trAtavAyasA || 55||
trANaikakAryA tridashA tridashAdhIshasevitA |
lakShmaNA lakShmaNArAdhyA lakShmaNAgrajanAyikA || 56||
la~NkAvinAshinI lakShyA lalanA lalitAshayA |
tArakAkhyapriyA tArA tArikA tArkShyagA tariH || 57||
tATakArAtimahiShI tApatrayakuThArikA |
tAmrAdharA tArkShyanutA tAmrAkShI tAritAnatA || 58||
raghuvaMshapatAkA shrIraghunAthasadharmiNI |
vanapriyA vanaparA vanajAkShI vinItidA || 59||
vidyApriyA vidvadIDyA vidyA.avidyAvinAshinI |
sarvAdhArA shamaparA sharabha~NgamunistutA || 60||
bilvapriyA balimatI balisaMstutavaibhavA |
balirAkShasasaMhartrI bahukA bahuvigrahA || 61||
kShatriyAntakarArAtibhAryA kShatriyavaMshajA |
sharaNAgatasaMrakShA sharachApAsipUjitA || 62||
sharIrabhAjitaratiH sharIrajaharastutA |
kalyANI karuNAmUrtiH kaluShaghnI kavipriyA || 63||
achakShurashrutirapAdAprANA chAmanA adhIH |
apANipAdA.apyavyaktA vyaktA vya~njitaviShTapA || 64||
shamIpriyA sakaladA sharmadA sharmarUpiNI |
sutIkShNavandanIyA~NghriH sutavadvatsalA sudhIH || 65||
sutIkShNadaNDA suvyaktA sutIbhUtajagattrayA |
madhurA madhurAlApA madhusUdanabhAminI || 66||
mAdhvI cha mAdhavasatI mAdhavIkusumapriyA |
parA parabhR^itAlApA parAparagatipradA || 67||
vAlmIkivadanAmbhodhisudhA baliripustutA |
nIlA~NgadAdivinutA nIlA~NgadavibhUShitA || 68||
vidyApradA viyanmadhyA vidyAdharakR^itastavA |
kulyA kushaladA kalyA kalA kushalavaprasUH || 69||
vashinI vishadA vashyA vandyA vandAruvatsalA |
mAhendrI mahadA mahyA mInAkShI mInaketanA || 70||
kamanIyA kalAmUrtiH kupitA.akupitA kR^ipA |
anasUyA~NgarAgA~NkA.anasUyA sUrivanditA || 71||
ambA bimbAdharA kambukandharA mantharA umA |
rAmAnugA.a.arAmacharI rAtri~ncharabhaya~NkarI || 72||
ekaveNIdharA bhUmishayanA malinAmbarA |
rakShoharI girilasadvakShojA j~nAnavigrahA || 73||
medhA medhAvinI medhyA maithilI mAtR^ivarjitA |
ayonijA vayonityA payonidhisutA pR^ithuH || 74||
vAnararkShaparIvArA vArijAsyA varAnvitA |
dayArdrA.abhayadA bhadrA nidrAmudrA mudAyatiH || 75||
gR^idhramokShapradA gR^idhnuH gR^ihItavaramAlikA |
shvashreyasapradA shashvadbhavA shatadhR^itiprasUH || 76||
sharatpadmapadA shAntA shvashurArpitabhUShaNA |
lokAdhArA nirAnandA nIrAgA nIrajapriyA || 77||
nIrajA nistamA niHsvA nIrItirnItinaipuNA |
nArImaNirnarAkArA nirAkArA.anirAkR^itA || 78||
kaumArI kaushalanidhiH kaushikI kaustubhasvasA |
sudhAkarAnujA subhrUH sujAtA somabhUShaNA || 79||
kAlI kalApinI kAntiH kausheyAmbaramaNDitA |
shashakShatajasaMraktachandanAliptagAtrakA || 80||
ma~njIramaNDitapadA ma~njuvAkyA manoramA |
gAyatryarthasvarUpA cha gAyatrI gogatipradA || 81||
dhanyA.akSharAtmikA dhenuH dhArmikA dharmavardhinI |
elAlakA.apyedhamAnakR^ipA kR^isaratarpitA || 82||
kR^iShNA kR^iShNAlakA kR^iShTA kaShTaghnI khaNDitAsharA |
kalAlApA kalahakR^iddUrA kAvyAbdhikaumudI || 83||
akAraNA kAraNAtmA kAraNAvinivartinI |
kavipriyA kavanadA kR^itArthA kR^iShNabhAminI || 84||
rukmiNI rukmibhaginI ruchirA ruchidA ruchiH |
rukmapriyA rukmabhUShA rUpiNI rUpavarjitA || 85||pR^i
abhIShmA bhIShmatanayA bhItihR^idbhUtidAyinI |
satyA satyavratA sahyA satyabhAmA shuchivratA || 86||
sampannA saMhitA sampat savitrI savitR^istutA |
dvArakAnilayA dvArabhUtA dvipadagA dvipAt || 87||
ekaikAtmaikarUpaikapatnI chaikeshvarI prasUH |
aj~nAnadhvAntasUryArchiH dAridryAgnighanAvalI || 88||
pradyumnajananI prApyA prakR^iShTA praNatipriyA |
vAsudevapriyA vAstudoShaghnI vArdhisaMshritA || 89||
vatsalA kR^itsnalAvaNyA varNyA gaNyA svatantirakA |
bhaktA bhaktaparAdhInA bhavAnI bhavasevitA || 90||
rAdhAparAdhasahanI rAdhitAsheShasajjanA |
komalA komalamatiH kusumAhitashekharA || 91||
kuruvindamaNishreNIbhUShaNA kaumudIruchiH |
amlAnamAlyA sammAnakAriNI sarayUruchiH || 92||
kaTAkShanR^ityatkaruNA kanakojjvalabhUShaNA |
niShTaptakanakAbhA~NgI nIlaku~nchitamUrdhajA || 93||
vishR^i~NkhalA viyonisthA vidyamAnA vidAMvarA |
shR^i~NgAriNI shirIShA~NgI shishirA shirasi sthitA || 94||
sUryAtmikA sUrinamyA sUryamaNDalavAsinI |
vahnishaityakarI vahnipraviShTA vahnishobhitA || 95||
nirheturakShiNI niShkAbharaNA niShkadAyinI |
nirmamA nirmitajagannistamaskA nirAshrayA || 96||
nirayArtiharI nighnA nihitA nihatAsurA |
rAjyAbhiShiktA rAjyeshI rAjyadA rAjitAshritA || 97||
rAkenduvadanA rAtricharaghnI rAShTravallabhA |
shritAchyutapriyA shrotrI shrIdAmasakhavallabhA || 98||
ramaNI ramaNIyA~NgI ramaNIyaguNAshrayA |
ratipriyA ratikarI rakShoghnI rakShitANDakA || 99||
rasarUpA rasAtmaikarasA rasaparAshritA |
rasAtalasthitA rAsatatparA rathagAminI || 100||
ashvArUDhA gajArUDhA shibikAtalashAyinI |
chalatpAdA chaladveNI chatura~NgabalAnugA || 101||
cha~nchachchandrakarAkArA chaturthI chaturAkR^itiH |
chUrNIkR^itAsharA chUrNAlakA chUtaphalapriyA || 102||
shikhAshIghrA shikhAkArA shikhAvidhR^itamallikA |
shikShAshikShitamUrkhAliH shItA.ashItA shatAkR^itiH || 103||
vaiShNavI viShNusadR^ishI viShNulokapradA vR^iShA |
vINAgAnapriyA vINA vINAdharamunistutA || 104||
vaidikI vaidikAchAraprItA vaidUryabhUShaNA |
sundarA~NgI suhR^itsphItA sAkShiNI sAkShamAlikA || 105||
kriyA kriyAparA krUrA krUrarAkShasahAriNI |
talpasthA taraNisthAnA tApatrayanivAriNI || 106||
tIrNapratij~nA tIrtheshI tIrthapAdA tithipriyA |
charyA charaNadA chIrNA chIrA~NkA chatvarasthitA || 107||
latA latA~NgI lAvaNyA laghvI lakShyAsharAlayA |
lIlA lIlAhatakhalA lInA lIDhA shubhAvaliH || 108||
lUtopamAnA lUnAghA lolA.alolavibhUtidA |
amartyA martyasulabhA mAnuShI mAnavI manuH || 109||
sugandhA suhitA sUkShmA sUkShmamadhyA sutojjvalA |
maNirmaNimatI ma~njugamanA mahitA muniH || 110||
mitA.amitasukhAkArA mIlitA mInalochanA |
gomatI gokulasthAnA godA gokulavAsinI || 111||
gajendragAminI gamyA mAdrI mAyAvinI madhuH |
trilochananutA triShTubanaShTuppa~NktirUpiNI || 112||
dvipAttripAdaShTapadI navapAchcha chatuShpadI |
pa~NktyAnanopadeShTrI cha shAradA pa~NktipAvanI || 113||
shekharIbhUtashItAMshuH sheShatalpAdhishAyinI |
shemuShI muShitAsheShapAtakA mAtR^ikAmayI || 114||
shivavandyA shikhariNI hariNI kariNI sR^iNiH |
jagachchakShurjaganmAtA ja~NgamAja~NgamaprasUH || 115||
sarvashabdA sarvamuktiH sarvabhaktissamAhitA |
kShIrapriyA kShAlitAghA kShIrAmbudhisutA.akShayA || 116||
mAyinI mathanodbhUtA mugdhA dugdhopamasthitA |
vashagA vAmanayanA haMsinI haMsasevitA || 117||
ana~NgA.ana~NgajananI sutu~NgapadadAyinI |
vishvA vishveDitA vishvadhAtrI vishvAdhikArthadA || 118||
gadyapadyastutA gantrI gachChantI garuDAsanA |
pashyantI shR^iNvatI sparshakartrI rasanirUpiNI || 119||
bhR^ityapriyA bhR^itikarI bharaNIyA bhayApahA |
prakarShadA prasiddheshA pramANaM pramitiH pramA || 120||
AkAsharUpiNyadhyastA madhyasthA madhyamA mitiH |
talodarI talakarI taTidrUpA tara~NgiNI || 121||
akampA kampitaripuH jambhArisukhadAyinI |
dayAviShTA shiShTasuhR^it viShTarashravasaHpriyA || 122||
hR^iShIkasukhadA hR^idyA.abhItA bhItArtihAriNI |
mAtA manumukhArAdhyA mAta~NgI mAnitAkhilA || 123||
bhR^igupriyA bhrugusutA bhArgaveDyA mahAbalA |
anukUlA.amalatanuH lopahInA lipistutA || 124||
annadA.annasvarUpa.annapUrNA.aparNA R^iNApahA |
vR^indA vR^indAvanaratiH bandIbhUtAmarIstutA || 125||
tejasvinI turyapUjyA tejastritayarUpiNI |
ShaDAsyajayadA ShaShThI ShaDUrmiparivarjitA || 126||
ShaDjapriyA sattvarUpA savyamArgaprapUjitA |
sanAtanatanussannA sampanmUrtiH sarIsR^ipA || 127||
jitAshA janmakarmAdinAshinI jyeShTharUpiNI |
janArdanahR^idAvAsA janAnandA jayA.ajaniH || 128||
vAsanA vAsanAhantrI vAmA vAmavilochanA |
payasvinI pUtatanuH pAtrI pariShadarchitA || 129||
mahAmohapramathinI mahAharShA mahAdhR^itiH |
mahAvIryA mahAcharyA mahAprItA mahAguNA || 130||
mahAshaktirmahAsaktiH mahAj~nAnA mahAratiH |
mahApUjyA mahejyA cha mahAlAbhapradA mahI || 131||
mahAsampanmahAkampA mahAlakShyA mahAshayA |
mahArUpA mahAdhUpA mahAmatirmahAmahA || 132||
mahArogaharI muktA mahAlobhaharI mR^iDA |
medasvinI mAtR^ipUjyA meyA mA mAtR^irUpiNI || 133||
nityamuktA nityabuddhA nityatR^iptA nidhipradA |
nItij~nA nItimadvandyA nItA prItAchyutapriyA || 134||
mitrapriyA mitravindA mitramaNDalashobhinI |
nira~NkushA nirAdhArA nirAsthAnA nirAmayA || 135||
nirlepA niHspR^ihA nIlakabarI nIrajAsanA |
nirAbAdhA nirAkartrI nistulA niShkabhUShitA || 136||
nira~njanA nirmathanA niShkrodhA niShparigrahA |
nirlobhA nirmalA nityatejA nityakR^ipAnvitA || 137||
dhanADhyA dharmanilayA dhanadA dhanadArchitA |
dharmakartrI dharmagoptrI dharmiNI dharmadevatA || 138||
dhArA dharitrI dharaNiH dhutapApA dhutAsharA |
strIdevatA.akrodhanAthA.amohA.alobhA.amitArthadA || 139||
kAlarUpA.akAlavashA kAlaj~nA kAlapAlinI |
j~nAnidhyeyA j~nAnigamyA j~nAnadAnaparAyaNA || 140||

iti shrInAradIyopapurANAntargataM shrIlakShmIsahasranAmastotraM 2 sampUrNam ||
##
Proofread by PSA Easwaran psaeaswaran at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}