% Text title            : Lakshmi Shatakam
% File name             : lakShmIshatakam.itx
% Category              : devii, devI, shataka, lakShmI
% Location              : doc\_devii
% Proofread by          : Mohan Chettoor
% Description/comments  : From Stotras Samahara Part 2 (ed. K.Raghavan Pillai)
% Latest update         : September 4, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Lakshmi Shatakam ..}##
\itxtitle{.. lakShmIshatakam ..}##\endtitles ##
AnandaM dishatu shrIhastigirau svastidA sadA mahyam |
yA kautukaM vidhatte sAkR^itenAvalokanena hareH || 1||
yannAma kIrtanIyaM shrIrityAdau priyaM harernAmnAm |
sA me samastajananI santatamudayAya bhUyase bhUyAt || 2||
shrIvaradeshvaradayite vA~nChAmi tvAM yathAmati stotum |
svalpo.api Dimbhajalpo mAtuH prItiM kathaM na sa~njanayet || 3||
muraripumohanadhAmne mUrtivinirdhUtaviShphuraddhemne |
diviShadameyavibhUmne lakShmInAmne paraM namo bhumne || 4||
karigirinAyakakAnte dAntajanasvAntapa~NkajanishAnte |
mayi bhavamaraNAshrAnte karuNAM sharaNAgate kuru praguNAm || 5||
vAchAmakR^itrimANAmapi munimanasAmagochare devi! |
tvadvarNane madIyAM kA~NkShAM saphalAM karotu te karuNA || 6||
mAkhadvidhu vimbAsye ma~NgalasaumyAkR^ite gurushroNi ! |
bhR^igunandini mandagate romalatAhe jayAbdhikulaketo ! || 7||
dhanyaM prasUnagarbhaM dhammillaM devi tAvakaM manye |
prasavashareNa nyastaM tUNaM bANaughapUrNamarNavaje || 8||
tvatkeshapAshashobhAparimoShANAM phalaM payodAnAm |
devi taTidguNavandho nodanamanilaiH palAyanaM dikShu || 9||
nindati nIradhikanye ! kachanichayaste kalApinaM kAntyA |
asyati barhaM na kathaM bhuja~NgavR^ittishcha pakShapAtI cha || 10||
jayatu vipakShaM padme ! barhiNavarhaM tvadIyakeshabharam |
tvatkAntasya sapakShaM ghanamapi kAntyA kathaM parAkurute || 11||
varhaM vigarhitAbhaM shastenAnena keshahastena |
matvAbhavanmayUrA mandAshA jIvite vR^itaviShAshAH || 12||
divyAmambudhikanye! dR^iShTvA keshashriyaM tavAmbhodAH !
AruhyAdrishreShThaM kurute trapayeva jIvanatyAgam || 13||
sindUrasundarI te padme ! sImantapaddhatirbhAti |
varShAvalAhakasthA vidyullekheva vItachA~nchalyA || 14||
veNImambudhikanye ! bhR^i~NgashreNImiva sphurantI te |
shambaravairikR^ipANIM sha~Nke mAnApahAriNIM shaureH || 15||
phAlenAbhimukhena pratimAkA~NkShI tavendurambudhije ! |
ardhAkR^itiH kalAbhiH pUrNo bhavati kriyAsamabhihArAt || 16||
karNAvataMsalakShmI kalayati kamale ! vishAladR^iShTiste |
nIlotpalasya kR^ityaM kimiti shrutimUlashAlinI chintyam || 17||
vandIkR^itaM kaTAkShairindIvarametadindire ! shravasi |
nyastaM punaH punastannityaM sha~NkIva vIkShate chakShuH || 18||
nayanamuda~nchatkaruNaM nAnAshR^i~NgArama~NgaLAkAram |
devi tvadAshritAnAM karNamatikravya kAikShitaM datte || 19||
kallolinIshakanye ! tvallochanakAntilipsayA kiM vA |
dvijarAjapAdasevAM jIva~njIvaH karoti sarvo.api || 20||
sphurati tava shrutyante patiriti yat prAhuramba ! vedavidaH |
shrutyantameti tatte dR^iShTiH kAntAvalokanAsaktA || 21||
ulla~NghitashrutInAmudadhisute ! shobhanaM nahIti mR^iShA |
yena tavedaM vyaktaM shrutipathamulla~Nghya shobhanaM nayanam || 22||
shrutyante kR^itavasatiH pAdmaruchiM te prakAshayantyabje ! |
paramArgadR^iShTisR^iShTAM dR^iShTiriyaM vaiShNavIM cha dUShayati || 23||
devi ! nimittaguNasya kvApi na dR^iShTaM hi kAryasa~NkramaNam |
anR^itamitIdaM vachanaM yatvadapA~NgAdana~NgasadbhAvaH || 24||
AdyAvatArashobhAma~NgIkurvANasAtmanAthasya |
nirupamasuShamaM ko vA chakShustava devi ! dakShiNaH stotum || 25||
asR^ijat kamalaM dhAtA tulanAM devIkShaNasya te vA~nChan |
asadR^ishabhAvAdamunA nAma prAptaM jalajamityuchitam || 26||
lokajananyatibhAsvallochanashapharIvirAjamAnaM te |
kAntaM nAsAvaMshaM ketuM madanasya ke na shaMsanti || 27||
tvanAsikAttagandhastrapayevAghomukhastilaprasavaH |
muhurashrUNi prAyo mu~nchati mAtarmarandavindumiShAt || 28||
nAsAmauktikametanmanye vArAshikanyake! dhanyam |
tava mukhatArAdhipateH kAmAdekaM kaLa~nama~Ngagatam || 29||
muktotpattisthAnaM sarasijamiti yat samastakavisiddham |
tadvayaktIkaraNaM te nAsAmuktAphalasya devi ! phalam || 30||
paribhUtakundakusumaM bhAsA nAsAgrabhAsvaraM padme ! |
muktAphalaM murArermohanaguDikeva mAnmathI bhAti || 31||
bhAsA virAjamAnaM nAsAmuktAphalaM mama sphurati |
amba ! tavAnanapadme smitaruchihaMsIprasUtamaNDamiva || 32||
durvR^ittaH khalu loke kamale ! kuryAt satAM tiraskAram |
nityasuvR^ittena kathaM nAsAmaNinA satAM tiraskAraH || 33||
karNena te.abdhikanye! tATa~NkAdeH pratIyate shobhA |
karNasya hi svabhAvaH shrImantaM yat svamAshrayaM kurute || 34||
tarko mamAbdhikanye! hATakatATa~Nkachakramarka iti |
yadyetadeSha na syAt karNAsaktiH kathaM bhavedasya || 35||
bhAti kapolaH kamale! patyuH shR^i~NgAramaNimayAdarshaH |
pratiphalitatanmukho.ayaM hR^ida iva so.adhovikasvarAmburuhaH || 36||
madhuravachogaNanAyAM mAtastvadgIrabhUdiyaM prathamA |
naiva dvitIyavArtA kokilavAde kuto nu pa~nchamatA || 37||
sAmyAbhilAShadoShaM sammArShTuM tvadvirA chirAdikShoH |
chakre pa~nchasharastaM chApAnamanApadeshataH praNatam || 38||
arNavakanye ! dhanyAmAkarNayatastvadIritAM vAcham |
shukapikavachanashravaNaM shrutipuTakaTu devi ! kasya vA na bhavet || 39||
kasya giraste shrotuH kamale vadanAravindakandaLitAH |
na bhavenmahatI prItirnAradamekaM vinA munIshAnam || 40||
makarandAH sunarasAH shukapikavAcho.api visvarA yena |
vINAH parivAdinyastena kilAbje ! tavopamA na girAm || 41||
ambAbhijAtavANIdhanarasamAdhuryachauryakArI te |
atimardanAsahiShNurmuShitarasAneSha mu~nchatIvekShuH || 42||
nIratayeva marando bhAvyashshravaNe tavAbdhije ! vAchAm |
svAdita eva sudhAyAH svAdyeti khyAtirapi na mAdhuryAt || 43||
adhareNa bandhujIvaM mukhataH prAbhAtikaM cha rAjIvam |
dUrIkaroShi kiM vA devi ! tvaM sarvajIvakaruNArdrA || 44||
ante vasan dvijAnAmavadAtAnAmatisphuradrUpaH |
amba ! tavAdhikamadharo bimbapratibimbayogyo.abhUt || 45||
santatapallavayoge muktirna shucherapIti vA~N mithyA |
devi! tavAdhara pallavasaMyoge.adhyamalA dvijA muktAH || 46||
tava taTinIpatikanthe ! dvijapaTalI vadanashuktimuktAshrIH |
atanuyashobIjAnAma~Nkurapa~NktiH parisphurantIva || 47||
vadanaM sudhAkaraste vAridhikanye ! na tatra sandehaH |
vachanApadeshametanno chedamR^itaM kathaM tataH prabhavet || 48||
bhrUyugaLaM bhR^igutanaye ! kusumasharasyeva savyasAchitayA |
AropitAkShibANaM kodaNDadvandvamiti matiM datte || 49||
abjadvayamapi vijitaM tava kamale! vaktrashobhayA tatra |
ambaramekaM sharaNaM shambaramaparaM cha satvaraM prApat || 50||
chandro.abhavad viShAdI chAru mukhaM devi! tAvakaM vIkShya |
kukShigataM garamasya prAhuH pa~NkaM kaLa~Nkamityeke || 51||
vijitastvanmukhakAntyA devi ! nirAsho nishAkaro jIve |
bhR^igupatanaM kurute.asAvastamatha vyAjato.anvahaM tUrNam || 52||
amba ! yataste nitarAmAnanakAntyA tR^iNIkR^itashchandraH |
AtaH kila tR^iNabuddhayA mu~nchati nainaM mR^igaH kadAchidapi || 53||
devi ! tavAnanatulanAmabhilaShatAM sAgasAM sarojAnAm |
majjanamapsu cha bandhaH shaivalapAshena ShaTpadaiH prasR^itiH || 54||
dvijarAjasyApyabje ! tvadvaktreNopamAnarahitena |
samatAbhilAShadoShAddoShAkaratA vidhordurantAbhR^it || 55||
padme ! parasvaharaNaM doShAyeti prabhAShaNaM mithyA |
apahR^itya rAjalakShmImapadoShaM yadvibhAti te vaktrem || 56||
nirjitya nIrajAtaM nikhilaM muravairisundari ! mukhena |
AsanamAkalitaM te nUnaM padmAsanAsi tenaiva || 57||
tvadvadanAbhibhavodyattApAtishayaM divAnishaM padmam |
ambhasi vAsaM kurute nUnaM tasyApanodanAyAbje ! || 58||
santatamitravirodhI doShAsaktaH kala~NkavAninduH |
tava vadanena kathaM vA kamale! kalyANaguNabhuvA tulyaH || 59||
devi! tavAnanachandraprasAdabhikShATanena rAjApi |
pUrNashchandrikayAho jIva~njIvasya tR^iptimAtanute || 60||
tvatkaNThakAntibhAgyaM dR^iShTvA sha~NkhAssahasrasho devi ! |
tallAbhAya payodherantaM gatvA chiraM tapasyanti || 61||
kaNThena te hR^itashrIH kamale ! vimalo.api santataM kambuH |
ghumughumuninadavyAjAt kroshati rAj~nAM puraH samayadarshI || 62||
tvatkaNThakAntijanitaM bha~njanamAkhyAtumudyatA jalajAH |
vistR^itajanashabdatayA padminyAmreDayanti bhaM bhamiti || 63||
kambubhrameNa kaNThaM chakrabhrAntyA nitambabimbamapi |
parimR^ishati te karAbhyAM patiratidurbhedasha~NkhachakrAbhyAm || 64||
bAhU shirIShamAlAmArdavakItandumardane rAhU |
setU samagrashobhAsindhormanye samudrakanye ! te || 65||
atisurabhiH karapadmo vA~nChitadAnairna kevalaM gandhaiH |
vAridhiputri ! vadAnyaM kavimuktaM devi! kalpamAtanute || 66||
devi ! kareNa bhavatyA dattasamastepsitena bhaktAnAm |
sparshanadUrIkaraNaM sodaragIrvANashAkhinAmuchitam || 67||
devi ! tavAnanabhAsA paribhUtaH parvachandramA nUnam |
tena hi shashvat paridhivyAjaprAkAramadhyamadhyAste || 68||
padmakulaM paribhUtaM padme ! tvatpANipadmarAgeNa |
tatpreShitaM sadaikaM tvatpANiM sevate sarojAtam || 69||
anudinamarkAbhimukhaM vanabhuvi shaivAlavalkalaM kamalam |
taptvA tapo.atitIvraM prApat tvatpANipadmasAdharmyam || 70||
hArA vibhAnti gaurA haridayite ! te mukhoDurAjasya |
sevArthamAgatAnAM tArANAmiva gaNAH purogANAm || 71||
hAralatA taba padme ! sukumArasyA~NgabhUkumArasya |
krIDAmR^iNALaDoLAsha~NkAM nA~NkrUrayatyasau kasya || 72||
tava kuchagiritaTavAsI kR^itaromALInakanyakAsnAnaH |
kashchana muktAhAro yogIvAbhAti nityashuddhAtmA || 73||
unnatimurojayugme ! padme dR^iShTaiva parvatAstrapayA |
udadhau chiraM nilInA bhItyA shakrAditi prathAmAtram || 74||
tava kuchakumbhadvandve baddhaspardhAni DADimaphalAni |
tulanAhInAH kIrAstuNDairetAni khaNDayantyabje ! || 75||
kodaNDasya purAreruddaNDasyApi hanta bANasya |
kabaLIkurute mAnaM pugaLI kuchayostavendire ! yugapat || 76||
santatamuktAhArAvapi tava pInau payodharau bhAtaH |
tena kathaM pInatvaM devi ! bhavedrAtribhojane mAnam || 77||
kanakamahIgharagauravakabalIkaraNAdivAtipInamapi |
muktAhAravadAste stanayugalaM devi ! tAvakaM chitram || 78||
iti kila darshanarItiH kAryamupAdAnakAraNAbhitram |
devi! tava stanakumbhau chakrAbhinnau kathaM na dR^ishyete || 79||
kalayati daNDaH kalashaM sarvairbahushaH shrutaM cha dR^iShTaM cha |
janani ! tava stanakalasho janayati madhuvairimAnadaNDamaho ! || 80||
sarvArINAM jetA durvAreNaiva devi! chakreNa |
hanta kathaM te vijitaH kAnto vakShoruhAtmachakreNa || 81||
kallolinIshakanye ! kalaye romAvaliprabhedena |
tava kAntivArdhimadhye navajaladashyAmako hariH shete || 82||
nAmIsarovanAntaH krIDanmadanadvipAdhipotkShitAm |
shaivAlavallarIM te romalatAM devi ! kathayanti || 83||
madhyaH prathamaM mAnaM mahitaguNaughastavAnumAnamapi |
vapurapyupamitishabdaM dUrIkurute.amba ! kena varNyAsi || 84||
tava kuchakumbhasya gurorantevAsI vivekahInasya |
darshanayogyo nAbhUnmadhyaste devi ! nAstivAdarataH || 85||
pratyakShAviShayatvAdatiriktatvAdana~NgajanakatvAt |
devi ! valishrIbhajanAnmadhyaste kAntavibhramaM tanute || 86||
chintAmaNivAdaste karayorddashi kAmashAstravAdo.abje ! |
madhye mAyAvAdo gauravavAdaH payodharadvandve || 87||
mahadaNuparimANagataM vishrAntaM devi tAratamyaM te |
vakShoruhe cha madhye na vyomAdau na chApi paramANau || 88||
kaThinAtmAghaH kurute sarvaM kamale! kR^ithaM sanAmigatam |
dR^iShTamitIdamuroje madhyaM kR^ishameva kurvati spaShTam || 89||
tu~Ngapayodharashailadvandvodvahanena santataM devi ! |
pashyAmi kAryamuchitaM madhyasya shrImato.api te mAtaH ! || 90||
tava romarAjiyamunAnityasphIte.api madhyadeshe.asmin |
kShAmakathA kathamabje ! nAbhIsarasIpariShkR^ite.api sadA || 91||
romALiyUpadaNDe chitapashuM baddhumamba ! te patyuH | (bandhumamba)
sampAditeva rashanA trivalimiSheNA~NgajanmanAdhvariNA || 92||
AbhAti nAbhirabje ! tava tanujanuShA niShAdavIreNa |
pAtayituM harichittaM mattabhaM sambhR^ito yathA gartaH || 93||
sha~Nke tavAmba ! nAbhiM shambararipuNA vijitya daityArim |
romALinIlaratnastambhanikhAtAya sambhR^itaM vabhram || 94||
nivasanti ye.adhikA~nchi prAyaH shuddhA bhavanti te muktAH |
iti maNirashanAMvikasanmuktAvalyAmba ! darshayasyaddhA || 95||
avanatamauliriyaM tvAma~njalimabhinIya kusumakoshamiShAt |
rambhA tavoruvijitA sambhAvayatIti me tarkaH || 96||
kumbhIndrakumbhavR^ittaM jAnudvandvaM tavApratidvandvam |
hanta harerapi dhairyaM harate durdharShamabdhirAjasute ! || 97||
ja~NghA niSha~Ngasha~NkAma~NkUrayatya~Ngajenmano devi ! |
tat khalu tadagrabhAge pashchasharasphUrtima~NgulivyAjAt || 98|| (sphUrtira~NgulivyAjAt)

tava padabhAvaH prAptastAmaraseneti nAtra sandehaH |
kathamanyathA sa yogo bhAvI kAntena haMsakenAbje ! || 99||
pAdatale paridR^ishyaM padme ! rekhAtmanA svayaM gUDham |
tava charaNashrImikShAcharaNaM vidadhAti sajyamamburuham || 100|| (satyamamburuham)

arko.api yasya bhajanAdajani shrImAnanena janitashrIH |
padmaM kathaM nu tulanAmarhati pAdena tAvakenAbje ! || 101||
jalajaM kR^itasa~NkochaM dvijarAjasthApi darshane devi ! |
mAnitamadhupaM shirasA kathamadhirohet padena te tulanAm || 102||
sAmrAjye.amburuhANAM tava padamIDe.abhiShichyamAnamiva |
jAnusmR^itAM janAnAM hetuH sa~nchintitArthasiddhInAm || 103|| (jAtismR^itAM)

madanadarIjanakabarInalinairudyanmarandasaMsAre (?) |
pAtu parAkR^itapadmaM mAturjagatAM padAmbujAtaM mAm || 104||
sambhAvitApachAraM j~nAnAj~nAnAttava stutivyAjAt |
devi sahasva dayAlo ! dehi mama shrIpatau parAM bhaktim || 105||
jagati khyAtirasheShAttvakuleyeti sarvasiddhAntam |(?)
janani kathaM te khyAterutpattiH shrUyate purANAdau || 106||
yaj~navarAhaH shrImAn vAdhUlambAlajo dhImAn |
lakShmI shatakamatAnIdakShINAnandakandaLIkandam || 107||
##(This stotra in praise of Goddess Lakshmi, the
Deity of Hastigiri (Karmala in Tamil Nadu.)##

iti yaj~navarAhakR^itaM lakShmIshatakaM sampUrNam |
##
Proofread by Mohan Chettoor 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}