% Text title : shrIlakShmIstotram % File name : lakShmIstotraVkalApa.itx % Category : devii, stotra, devI % Location : doc\_devii % Proofread by : Malleswara Rao Yellapragada malleswararaoy at yahoo.com % Source : Venkatesha KavyakalApa % Latest update : June 10, 2016 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. lakShmIstotram from Venkateshakavyakalapa ..}## \itxtitle{.. lakShmIstotram ve~NkaTeshakAvyakalApAntargatam ..}##\endtitles ## % 3 shriyaM shrIve~NkaTeshasya shrInivAsasya vallabhAm | IshvarIM sarvabhUtAnAmAshraye vishvamAtaram || 1|| viShNorvichitrachidachinmishravishvavidhishramaH | saphalassakR^idAlokAdyasyAstasyai namaH shriyai || 2|| yasyA mugdhakaTAkShadugdhakaNikA nyUnAdhikoda~nchitAH dvitrAH kutrachidekatastrichaturAH ki~nchAnyataH pa~nchaShAH | brahmeshendramukhAmarAnnarapatIMshchochchAvachashrIjuShaH kurvantyAshritavatsalAM bhagavatIM tAmAshrayAmaH shriyam || 3|| astokastabakA stanadvayamiShAt pANipravAlojjvalA romAlIlalitAliapa~NktimahitA bAhupratAnA~nchitA | sAmodA harikalpavR^ikShavipulopaghnA vR^iShAdrestaTe lakShmIkalpalatA sthirA mayi kR^ipAvIkShAprasUnaM kShipet || 4|| svairodvelakR^ipAkaTAkShasudhayA samplAvayantyA jagat lakShmyAstau charaNau prapannasulabhau stotuM prayasyAmyaham | yallAkShArasalakShma vakShasi harervIkShyaiva sAkShAtparaM brahmedaM jagadekakAraNamiti trayyantavargA jaguH || 5|| vedAntA vibudhAshchaturmukhamukhAssantassanandAdayaH vyAsAdyA munayashcha sUrinivahA lakShmIpatirvA svayam | sarve yanmahimAmR^itAbdhikaNikeyattAM na vettuM kShamAH tAM lakShmImanapatrapaH kathayituM vA~nChAmi dhi~NmAM kavim || 6|| mAta~NgassumahAnaNushcha mashakaH pAtuM pravR^ittau tR^iShA dugdhAbdhiM pibatassvashaktyanuguNaM kR^itsnaM na pAtuM kShamau | mAtarlakShmi tava prabhAvajaladhau brahmA.apyahaM chedR^ishau yaj~nAnAdiShu tAratamyamubhayornau tena kiM sAdhitam || 7|| mugdhastanandhayamukhAt prathamoditA vAk avyaktavarNamadhurA svadate hi mAtre | shrIramba tadvadatimaugdhyakR^itA stutirme tvatkarNavartmani vamedamR^itasya dhArAm || 8|| sudhAdhArAsekAdiva sukhitakarNAH sukavayaH stuvIran yAH shrutvA sapadi sashiraHkampamavashAH | tathAbhUtA mAtarastutivachanabha~NgIstvaduchitAH vidhAtuM me shaktiM vitara vR^iShashaileshadayite || 9|| mahitamahasaH pa~Nke magnAnmaNIniva chetanAn pralayatamasA gADhaM gUDhAnasatsamatAM gatAn | na yadi bhavatI mAtaH pashyeddayArdradR^iga~nchalA kathamiva bhavetsattA teShAM pumarthakathA kutaH || 10|| asyeshAnA jagata iti yA vishrutA vishvagoptrI satyaM sA tvaM bhavasi kamale viShNupatnItyanUkteH | tasyA mAtastava parijanepvAtmasu premabandhaH tadvAtsalyaM niravadhikR^ipA sarvametanna chitram || 11|| shrutishirovarakoshagR^ihAhitAn smR^itipurANasudIpavidIpitAn | sphuritatAvakadivyaguNAn maNIn svahR^idaye sudhiyo dadhatIndire || 12|| rasyaM gavAmapi payo rasanopaghAtAt paityena tiktamiti vakti yathA tathA.api hi | tattvaM paraM tvadupagUDhamapoDhaheyaM heyAspadaM vadati kashchana gADhapApaH || 13|| nityoda~nchitacha~ncharIkaninadAM nIrandhrapuShpadrumAM niryannirjharashItalAM vR^iShagireruttu~NgashR^i~NgasthalIm | kR^itvA keligR^ihaM rame ramayase sarveshvaraM tvatpriyaM bhogopakramavibhramabhramimukhe bhagnaM muhuH kurvatI || 14|| madhukaramaulidaghnamakarandarasaprasara\- prakalitabhUlasekaparibR^iMhitapuShpavane | virachitapAdachAramiha ve~NkaTashailataTe viharasi devi lakShmi karalambitakAntakarA || 15|| kamalapalAshadeshyaparipeshalachihnapada \- dvitayaniveshanA~NkaparikarmapavitrashilAH | tava cha tava priyasya vinamanti vR^iShAdritaTe vikachakusheshayodaravihAriNi sarvasurAH || 16|| upaniShadAM sahasramupabR^iMhaNamapyakhilaM vadati parokShamamba dayitena samaM bhavatIm | atha punara~njanAdriraparokShamavekShayate sharaNamayAsiShaM tamadhikAdbhutabhUmimaham || 17|| tvayi vR^iShashailasImni kusumApachayAvasare dayitavilobhanAya dhR^itadivyalatAvapuShi | patirapi te pragalbhamatiretya madhuvratatAm atipatitAnyavalli bhavatImabhikAmayate || 18|| sutanu lunAva puShpamadhikApachaye.astu jayaH tava mama vetyudIrya kusumAni lunan kamale | tvaduditanarmasUktirasanighnamanAH prahasan prasavaparA~Nmukhashcha vijito vR^iShashailapatiH || 19|| sahacharave~NkaTeshakaranamritakalpataroH abhinavapuShpajAtamapachetumudagramukhI | priyatamamugdhahAsamukhachandravilopitadhIH tvamapachinoShi tasya maNidAmamahaHprasavAn || 20|| janani sakhIsamakShamupagUhanalolamateH tava patimi~Ngitaj~namatipuShpitavR^ikShatanum | sapulakakampagharmasalilAdivikArabhR^itaH kuchayugato nipIDya kusumAni lunAsi shanaiH || 21|| antarvasantamavalambitahemashR^i~NgAM Aliptaku~NkumakuchAmaruNottarIyAm | AnIlaveNimanurUpasakhIvR^itAM tvAM Alokya vismayabharastimitaH patiste || 22|| prAptA svAmisaraH prasannasalilaM snAtuM saha preyasA dR^iShTvA svapratibimbamamba subhagaM stabdhA pratishrIdhiyA | AsphAlyA(mbuni) kampite.atra vimatAdR^iShTyA prasannA punaH patyA nirvishasi tvama~njanagirau kIlAlalIlArasam || 23|| kAntena shR^i~NgasalilaissakR^idukShitAM tvAM vIkShyAsahiShNubhirupetya sakhIjanaiste | paryukShitaH patiranAratamambuvR^iShTyA nirNiktanIlamaNishailaruchiM dadhAti || 24|| si~nchantyAM karavAriNA priyamukhaM tvAyyekayA helayA si~nchantIShvabhitaH sakhIShvapi niruchChavAso nimajjyAnyataH | unmajjya smitaphullagaNDaphalakAM tvAM puNDarIkekShaNaH pashyan sA~njali vArayatyabhiyatIM bhUyashcha sekotsukAm || 25|| yaste shrIH puShpamekaM charaNakamalayorarpayedbhUtikAmo vajrAla~NkArahastassa khalu surapurIvIdhikAbhyantareShu | divyastrIbhissvahastairachiramupachitaiH pArijAtaprasUnaiH ArAdAkIryamANashcharati surapatissvairamairAvatena || 26|| sampatkAmassakR^ittvAM praNamati kamale yA (yo) yadR^ichChApravR^ittiH soyaM haMsAdhirUDhaH pratidishavadano bhAratIprANanAthaH | brahmANDaikAdhipatyasmayakR^itavikR^itiH sevyate (sAva)rAyaiH (rodhaiH) devairdikpAlamukhyairadhigatavinayaira~njalivyagrahastaiH || 27|| yo vA kashchijjAtu kAmyeShvakAmo bhUyiShThAM te namaukti vidha(tte) | (dattvA tasmai) devi bhogApavargau na tvaM dR^i(tR^i)ptA kIdR^igaudAryametat || 28|| kashchittvAshcharyabuddhiH kabalayati kalA yAshchatuShShaShTisa~NkhyAH kashchi(ttvatyantamandaH pikakaraTabhidA)nneva(nnaiva) shakto vivektum | ko.apyanyassArvabhaumo bhuvamanubhavati kShutkR^ishaH ko.api bhikShuH vaiShamyasyAsya heturbhagavati kamale tva(tkaTAkShAkaTAkShau) || 29|| kanakalateva nIlamaNishailavishAlataTaM kapishimadIprakamrakalikeva tamAlatarum | abhinavamambuvAhamachaleva taTillatikA murajiduraH payodhi(duhi)taH paribhAvayase || 30|| amR^italaharImAlAlIlAvijitvaravibhramaiH shishiramadhuraiH shrIramba tvatpratikShaNavIkShaNaiH | upachitamahAbAhAshAkhashshuchi (smita) kA(ko)rakaH phalatu bhajatAM tattatkAmAMstava priyakalpakaH || 31|| ayi vR^iShagireruchchaishR^i~NgAgrama~NgaladIpike nijaparijanastrInetrANAM nirantara chandrike | bhavahutavahajvAlArtAnAM sudhAmayadIrghike jaya jaya jagajjanye dhanye janArdanajIvike || 32|| nArINAmuttamA tvaM patirapi puruSheShUttamaste vibhUtiH nityA bhogAya lIlArasapariNataye kalpitaiShA vibhUtiH | bhR^ityA brahmAdidevAssahajaparijanAssUrayo nityashuddhAH (he shrI)stvadbhAgadheyaM niravadhikamahaM bhAvayeyaM kathaM vA || 33|| mAtarmahattmativA~NmanasaMvatvadIvayaM yasyAstava praNayaroShakaShAyitAyAH | nIrAja(ya)ma(tya)ruNama~NghriyugaM kirITa\- ratnatviShA nikhilalokapatirmukundaH || 34|| nAnAdevAdidehaprakR^itipariNatau karmapAshena baddhAn paryAyeNochchanIchabhramitajalaghaTI(dhAri) yantrasya nItyA | UrdhvAdholokagatyA gatijavavivashAn prANinastrAtumetAn ko vA.anyashshakyasha~NkaH prabhuriti kamale tvatsakhAdve~NkaTeshAt || 35|| durla~Nghe duHkhasindhau duranubhavamahAvyAdhibhedottara~Nge sambhagnAnvIkShya jIvAn sahajakaruNayA preritA lokamAtaH | kUpAntarmugdhaputraM patitamanupatanmAtR^ivallokametaM prAptA vaikuNThadhAmnastvamiha vR^iShagirau vartase trAtumetAn || 36|| smitaruchikaumudIkavadanendurudAravapuH tvaritamavAtaradya(riShya)damR^itena na chedbhavatI | chalitachaturbhujasya mathitoddhatadugdhanidheH dhruvamabhaviShyadamba kamitustava nIrasatA || 37|| pravahadamR^itapUrAt prAdurAsIH payodheH amR^itamathanadAntaM mohayantI mukundam | atha vipulamayAsIdantaraM tasya bAhvoH animiShamamarANAM pashyatAM padmavAse || 38|| sAndrArdrAgasi saMhitAdanugatAdastrAdatitrAsini bhrAntvA sarvajagat su(sva)goptR^ivirahAt kAke puraH petuShi | dR^iShTvainaM janani tvayA sadayayA vij~nApya vIravrataM patyuste pratibodhitA raghukulottaMsasya puMsaH kR^ipA || 39|| padme pariShkR^itamatIM pariphulladR^iShTiM sItAM samIkShya janakA~NkaniSheduShIM tvAm | tvadbhrUvibha~NgavidhinA vihitopadeshaH shambhorbabha~nja dhanurAshu raghupravIraH || 40|| rAmo rame tava kR^ite raghuvIrajAye bhogIndrabhogasubhagAmupadhAya bAhAm | AjAnubAhurashayiShTa taTe payodheH praspardhayan pratipayodhiriva prasuptaH || 41|| shrIramba maithili patistava dharmapatnyAH prAptestirodhimudadhiM vyatila~Nghya vIraH | AlUya sa~NkulamarAtikulaM samUlam AsIttvadIyamukhapadmavikAsabhAsvAn || 42|| mAtarmanonayana(ra~nja)nadivyarUpaH kR^iShNassatR^iShNahR^idayastvayi bhAvavatyAm | vIro vahannurrasi vairisharAnmahAjau tvAM rukmiNImudavahadvijitArilokaH || 43|| Arabhya shaishavamanAratamaprayatnAt yatpUtanAdivipaduttaraNaM murAreH | kalyANi rukmiNi jagajjanani tvadIya\- ma~NgalyasUtramahimA khalu tatra hetuH || 44|| jAmAtA puruShottamassusadR^isho lakShmyAssutAyA mame\- tyAnandairuditairivAntaramitaistu~Ngaistara~NgairvR^itam | dugdhAbdhi pitaraM tavAmba dayitaH pashyanprabhUtAkR^itiH pratyagrAmbujalochanaH phaNipatau shete nabhashshyAmalaH || 45|| bhavyaM padmAdirUpaM parimalamapi chAdAya sR^iShTeva mR^idvI padme tvannityabhogyapriyatamavapurutkarShajAtAtisha~NkA | vishleShTuM na kShamA.ahaM kShaNamapi dayitatvAditi vyAharantI shliShyantI kAntavakShassudR^iDhamavirataM modase ve~NkaTAdrau || 46|| shrImadve~NkaTashailanIlajaladavrAtAbhijAtAkR^iteH shAr~NgashrIjitachArushakra dhanuShashshashvatkR^ipAvarShiNaH | mandraM mandasamIrapUraNakR^itaM sha~NkhadhvaniM bibhrataH viShNoH shrIrurasi sthitA vitanuShe vidyullatAvibhramam || 47|| yathA.anarghaM ratnaM bhavati nijadIptyA parivR^itaM yathA puShyapuShpaM navaparimalarddhyA bahumatam | tathA vityAshliShTo bhagavati bhavatyA mahitayA niShevyassarveShAM bhavati bhagavAMstvatsahacharaH || 48|| iyaM gAthA kA.api shravaNapathavR^ittA tanubhR^itAM bhavetki~nchidvastu svaparaguNanirvAhakamiti | mR^iShA naiShA sUktirbhagavati yataH shrIrnirupamA tvameva shrImattAM tava cha tava patyuH prathayase || 49|| svasheShairutkarShe sati na khalu sheShitvavihatiH yatashsheShI sheShairetishayakaraireva bhavati | ataH shrIH kAntaste tvadupahitanissImamahimA\- .apyahInasvAtantryo bhavati na paropAdhikaguNaH || 50|| mandasparshaM malayamarutAM mAdhurIM mAkShikANAM vINAnAdaM kShaNaruchiruchiM saurabhaM vArijAnAm | AdAyA~NgaM tava kR^itamiti shrIrvacho yauktikAnAM kAlAtItaM nigamavachasA tasya nityatvasiddheH || 51|| AmodameduramarAlamudArabandhaM mR^idvAyataM chamaravAlavilAsajaitram | AnIlamadbhutamanAtapavAryamamba keshApadeshatimiraM bibhR^iShe kimetat || 52|| kiMnu svidamba timirasya vipatti(kti)reShaH kiMvA navotpalajanIlimasampradAyaH | bhinnA~njanopalaruchAmathavaiSha rAshiH ityAdisaMshayapadaM tava keshapAshaH || 53|| karNAvataMsakalikAyitalochanena svarNAtmadarshasuhR^idA suShamottareNa | mandasmitAMshu madhureNa tavAnanena chandraH kala~NkakaluShaH kathamamba tulyaH || 54|| abhinavamaravindaM kinnu bhR^i~NgAnulInaM sajaladashakalaM vA shAradaM chandrabimbam | kanakamukuramAho nIlaratnAnuviddhaM janani mukhamidaM te snigdhanIlAlakaM vA || 55|| mAtastavaitadabhijAtasuvarNapaTTa\- saubhAgyahAri niTilaM nirapekShabhUSham | kastUrikordhvatilakaM bibhR^iShe tathA.api nUnaM tadasya tilakasya pariShkriyAyai || 56|| asitamavanataM cha snigdhamAyuShya[metat tava janani samindhe bhrUyugaM devi divyam | vilasitavivashassan yasya nissImakAnteH vihitavividhavishvo viShNurAj~nAkaraste || 57|| jighrAsayeva mukhamArutasaurabhANAM drAghIyasI janani tAvakanAsikeyam | bhrUsetumadhyavivareNa lalATadivya\- saundaryasArasaritaH prasR^iteva kulyA || 58|| adhigatavatorakShNoH kR^iShNAtvamarjunatAM cha te janitaraNayor bhrUkodaNDaspR^ishoranuraktayoH | kathamiva parA maitrI karNena kuNDalachAruNA samajani jananyAshcharyANAmasi tvamapAshrayaH || 59|| dvijairetaiH pa~NktAvavivaraniviShTairaviShamaiH udagrairudbhAbhishshuchibhiradharasyAsya kamale | smayAyattavyakterapi cha parabhAgapraNayinaH bahiShkArasso.ayaM samuchitataraH pallavarucheH || 60|| sphaTikamukurabimbau nIlaratnAMshugarbhau kimamR^itakiraNau dvau shAradau shrIkarA~Nkau | atha vimalakapolau devi te darshanIyau shravaNakuvalayashrIjAtavarNaprakarShau || 61|| mAtaH svabhAvasuShamApunaruktabhUShaH patyustavApi vijayAvahabhavyarekhaH | svAmodasampadadhivAsita sarvagandhaH kaNTho mR^iduH kathaya kambusamaH kathaM syAt || 62|| saubhAgyasampadabhibhUtasuvarNakumbhau bhUyaH parAstapariNAhipayojakoshau | kUla~NkaShau kuchabharau gurubhArahArau putrasya devi kushalaM kuruto dR^ishorme || 63|| tAruNyasaurabhatara~NgitahR^ittaTAke jAtau stanadvayamiSheNa sarojakoshau | tanmUlalagnasitabAlamR^iNAlikaiva muktAvalIti mama mAtarabhUdvitarkaH || 64|| bAhAshshirIShamR^idavastanavassuvR^ittAH shampAruchassamuchitAbharaNAshchatasraH | mAtassapallavasakorakakalpavallI \- bAlapratAnavitatIranukurvate te || 65|| tanvI talodaragatA tava romarAjiH AbhAti devi kuchatu~NgakulAchalAbhyAm | niShkramya nAbhisarasImabhiyAn pipAsuH AnIlabhoga iva kashchana bAlasarpaH || 66|| pItAmbarasthagitamadhyakaTInitamba\- kamrorukANDavarajAnuyugopamAnam | nAstyasti chedvadatu devi tavaiva kAntaH sarvaj~na ityanuvinAditakAhalIkaH || 67|| vR^itte tavAmba labhi(li)te vidhR^itAnupUrvye pItAmbarA~nchalapisha~NgaruchA.abhiShikte | sauvarNakAhalasame samasanniveshe ja~Nghe tu(na) la~Nghayati sevakalokadR^iShTiH || 68|| pratyagrakalpatarupallavapATalAbhau vajradhvajAbjamukhama~Ngalachihnagarbhau | indrAdidevamaNimaulimahArhapIThau mAtastvadIyacharaNau sharaNaM prapadye || 69|| chandrastvadIyamukhakAntijitaH kala~NkI shrIramba vR^ittavishadAMshunakhApadeshAt | chAru prapadya charaNadvitayaM bhavatyAH pUrNo.akala~NkadashamUrtirajasramAsIt || 70|| vidyuddAmadyutibhiruchitairdivyabhUShAsahasraiH sthAne devi sthagayasi vapurdivyamApAdachUDam | nochet sarvAvayavasuShamAsvasvadeshAnukarSha\- shrAntasvAntastimitanayano vallabhaste jala[Da]ssyAt || 71|| sa [na] satkarma j~nAnaM na cha vimalamadhyAtmaviShayaM tvayi tvatkAnte vA na hi paramabhaktistvajani me | tatashchAki~nchitko duritabharito.ananyagatikaH sharaNye devi tvAM sharaNamabhipadye bhagavatIm || 72|| anantAsahyAgaskR^ita [makR^ita] sadvR^ittimashuchiM prahINaM shabdAdipravaNamatilajjAbhayadayam | prasaktaM strImAtre pashuvadashubhaikAspadamimaM kathaM mAtaH kShAmyedakhilakhalashAsI tava patiH || 73|| kadAchitkAntaste hitaparapitR^itvena kaluShaH kR^itAgassvasmAsu svayamuchitashikShAM titaniShet | tadA mAtastvaM cha bhrukuTiparatantraM praNayinaM pralobhya svaira~NgaishcharaNaparicharyAM ghaTaya naH || 74|| aspR^iShTasaMsaraNaduHkhalavairanAdi\- siddhairasa~NkuchitanityasukhAvabodhaiH | bhavyaiH parasparaparisthitasheShabhAvaiH saMvAsayAmba sahajaistava ki~NkarairmAm || 75|| AmnA[AmlA] nairamR^itadravapriyasakhairaudAryakarNejapaiH atyaishvaryamadAlasairabhimukheShvAbhAShitasvAgataiH | ambAviShkR^itakUlamudvahakR^ipAvAtsalyavisrambhaNaiH AlokairabhiShi~ncha mAmanukalaM tvatpAdapadmAshrayam || 76|| tvaddAsadAsakularAjakulAshrayeNa bhavyottamasya mama karmajavAgvimardAn | stotrApadeshavihitAnapi tAnasa~NkhyAn mAtaH kShamasva mayi kevalavatsalA tvam || 77|| asmadguruM paramakAruNikaM tvada~N.aghri\- nissImabhaktinidhimAryamanarghashIlam | saumyopayantR^imunimAtmavidaM samIkShya mAtaH prasIda mama vR^ittamachintayitvA || 78|| devyA madIyarasanAdh[sa]nayA shriyava svaprItaye stutimimAmuditAM gR^iNantaH | bhuktvA samR^iddhimiha sadbhirananyabhogaiH ante cha sUripariShatprathamArhaNIyAH || 79|| || shrIvAdibhaya~Nkaragurave namaH || shrIve~NkaTagurave namaH || || iti shrIlakShmIstotram || ## From venkaTeshakAvyakalApaH Proofread by Malleswara Rao Yellapragada malleswararaoy at yahoo.com \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}