% Text title            : Lakshmi Stotram 2
% File name             : lakShmIstotram2.itx
% Category              : devii, lakShmI, stotra
% Location              : doc\_devii
% Author                : (vAdhUla) rAghavakavi
% Proofread by          : Rajesh Thyagarajan
% Description/comments  : From Stotrasamuchchaya 2, Edited by Pandit K. Parameshwara Aithal
% Latest update         : May 10, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Lakshmi Stotram ..}##
\itxtitle{.. lakShmIstotram ..}##\endtitles ##
shriyA yuktaH shrImAn sthitijanilayAdIn kalayate
      jagatyA naivaM chet svamapi na cha puShNAtyasharaNaH |
atastvAM tattAdR^igduradhigamaniHsImavibhavAM
      bhajAmo rudrANIparichitapadAmbhojayugalIm || 1||
ayi shrIstvaM pUrvaM janakatanayIbhUya jagatAM
      prabho rAmasyAbhUH priyasahacharI kosalapateH |
tathApuShyaH kR^iShNaM natajanani rukmIndratanayA
      vinA tvAM govindaH prabhavati jagatyAM kva cha na vA || 2||
tvayA dR^iShTaH shambhustripuramathanAyAlamaruNa\-
      kShapAnAthAvAj~nAM shirasi nidadhAnAvudayataH |
piban bhaktyA padme tava charaNanirNejanajalaM
      phaNInAmIshAnaH parivahati mUrdhnA vasumatIm || 3||
tvadIye namrArtikShapaNanipuNe pAdakamale
      vahan mUrdhnA jambhadviShadavati gIrvANanagarIm |
tvadIyabhrUbha~NgAjjanayati jagat pa~Nkajajani\-
      stvayA dR^iShTaH ko vA janani padamuchchairna bhajate || 4||
harervakShaHpIThImanukalamupAsthAya vipulAM
      sudhAsAraiH shrImachcharaNanalinAntarvigalitaiH |
prasi~nchantya~nchantI kumudavanamambhojanilaye
      kathaM vA nAdhatse mayi padayugaM namrajanani || 5||
purA te pAdAbjaprasR^imaraparAgAn svamakuTe
      vahan rudro.apyadrerduhitaramudArAmudavahat |
sharaNye lokAnAM munijanavaraNye tanubhR^itA\-
      mapA~Ngaste bhUyAdatulakushalAyAbjanilaye || 6||
purArestvAM puShpaiH saha girijayArAdhitavato
      galaM gatvA ghoraM garamabhavadindUpalamiva |
ataH shrIH shrutyantAH praNijagurudArAMstava guNA\-
      niyattAnirmuktAnanavadhikavAtsalyajaladhe || 7||
sharajjyotsnAkAntistuhinakarabimbAbhavadanA
      kuchAbhyAmAnamrA kubalayadalaspardhinayanA |
dadhAnA hastAbhyAM nalinayugalaM kApi mahasAM
      tatirviShNorvakShaHsthalamadhivasantI vijayate || 8||
sachandre soShNAMshau viramati virishche sahashive
      kR^itAnte jAtAnte bhajati cha virAmaM surapatau |
anUpe sarvasmin vaTadalatale tvatpatirasau
      mukundaH sAnandaM viharati rame kalpavirame || 9||
payaHpArAvAre maNivirachite maNTapatale
      pratIhAre vANIdharaNidharakanyAparivR^ite |
maNIpIThe tasmin kanakamapadme sthitijuSho
      harera~NkasthAM tvAM katichana bhajante kR^itadhiyaH || 10||
paravyomnaH patyuH priyamahiShi te pAdayugalI\-
      nididhyAsA yasminnudayamayate lokajanani |
tadaivAsmai devi pradishasi surendrAbhilaShitaM
      padaM vANIM chApi prachurakaruNAsArabharitAm || 11||
vadanti tvAM santo hutabhujamadhiShThAya sakalaM
      samashnantIM hotrA hutamanusavaM shrIrbhagavati |
purANA vANyevaM praNigadati bimbe dinapateH
      samaM patyAnarghANyanudinamihArdhyANi bhajate || 12||
tvamAtmA tvaM kAlastvamasi cha paraM jyotirudadhi\-
      stvamakShNorAnandastvamasi cha paraM brahmamahiShI |
chidAtmA tvaM lakShmIrjagadiha tavApA~NgachalanaM
      samAlambya shrImAn sR^ijati bhagavAnattyavati cha || 13||
guNaiH pUrNe nirNejanajalapavitratribhuvane
      jarAdUrIbhUte janani nigamAntastavapade |
natAnAM stotR^INAmamitaphalavishrANanachaNau
      vayaM vaikuNTheshapraNayini bhajAmastava padau || 14||
kShamAchArau dUre gurucharaNabhaktistu sutarAM
      tathA dharme.apyAsthA tava charaNachintA mayi kutaH |
tathApya~NgApA~NgAnayi kalaya lakShmIstava dayAM
      prashaMsantyuddAmAM yamaniyamavanto munijanAH || 15||
tavApA~NgairdR^iShTo janani karuNArdrairbhavati yaH
      sa vettA shAstrANAM sa khalu kulashIlAdisahitaH |
sa darpaM kAndarpaM shamayati cha dAntena manasA
      prashAstyenAmIshashchaturudadhivelAM vasumatIm || 16||
adoShaH ko vAste jana iti ruShaM sheShashayituH
      pariShva~Ngaistu~NgaiH prashamayasi kAruNyabharite |
madIyAnArdrAnapyadhikamaparAdhAn bhagavati
      kShamasvemAM lakShmi stutimapi mamA~NgIkuru mudA || 17||
kadAraNye puNye kamalavanavApIparivR^ite
      tarUNAM ChAyAbhistaraNikiraNAntardhini tale |
vasan mAtarlakShmIH kamalavanavAsaikarasike
      prasIdeti kroshan kaluShamapaneShye pariNatam || 18||
iti shrIbhUsArampuramadhivasan rAghavakaviH
      kule vAdhUlAkhye mahati janimAn lokavinute |
satAM sevI satvAdhikaraghuvarAchAryatanayAt
      samutpanno lakShmyAH stutibhiradhunAnarcha charaNau || 19||

iti (vAdhUla) rAghavakavikR^itaM shrIlakShmIstotraM sampUrNam |
stotrasamuchchayaH 2 (87)
##
Vadhula Raghavakavi, author of the Lakshmistotra
(87), may be the same as Viraraghava,
commentator on the UItararamacarita and author
of the Malayajaparinaya. He belonged to the
Vadhtilagotra and was a resident of Bhusarapuram
(Tirumalisai near Poona- malli, Madras). He is
said to have lived in the eighteenth century.

Proofread by Rajesh Thyagarajan 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}