% Text title            : lakShmIstutiH
% File name             : lakShmIstutiH.itx
% Category              : devii, lakShmI
% Location              : doc\_devii
% Proofread by          : PSA Easwaran psawaswaran at gmail.com
% Description/comments  : Edited by S. V. Radhakrishna Shastriji
% Acknowledge-Permission: Mahaperiaval Trust
% Latest update         : May 13, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Lakshmistutih ..}##
\itxtitle{.. shrIlakShmIstutiH ..}##\endtitles ##

jayanti jagatAM mAtuH stanaku~NkumabindavaH |
mukundAshleShasa~NkrAntakaustubhashrIviDambanaH || 1||
pAyAtpayodhiduhituH kapolAmalachandramAH |
yatra sa~NkrAntabimbena hariNA hariNAyitam || 2||
deve.arpitavaraNasraji bahumAye vahati kaiTabhIrUpam |
jayati surAsurahasitA lajjAjihmekShaNA lakShmIH || 3||
talpIkR^itAhiragaNitagaruDo hArAbhihatavidhirjayati |
phaNashatapItashvAso rAgAndhAyAH shriyaH keliH || 4||
smerAnanena hariNA saspR^ihamAkAravedinA.a.akalitam |
jayati puruShAyitAyAH kamalAyAH kaiTabhIdhyAnam || 5||
kamalAsanakamalekShaNakamalArikirITakamalabhR^idvAhaiH |
nutapadakamalA kamalA karadhR^itakamalA karotu me kamalam || 6||
ki~njalkarAjiriva nIlasarojalagnA
lekheva kA~nchanamayI nikaShopalasthA |
saudAminI jaladamaNDalagAminIva
pAyAduraHsthalagatA kamalA murAreH || 7||
dantaiH korakitA smitairvikasitA bhrUvibhramaiH patritA
dorbhyAM pallavitA nakhaiH kusumitA lIlAbhirudvelitA |
uttu~NgastanamaNDalena phalitA bhaktAbhilAShe hitA
kAchitkalpalatA surAsuranutA pAyAtsudhAbdheH sutA || 8||
uttu~NgastanamaNDaloparilasatprAlambamuktAmaNeH
antarbimbitamindranIlanikarachChAyAnukAridyuti |
lajjAvyAjamupetya namravadanA spaShTaM murArervapuH
pashyantI muditA mude.astu bhavatAM lakShmIrvivAhotsave || 9||
AkhyAte hasitaM pitAmaha iti trastaM kapAlIti cha
vyAvR^ittaM gururityayaM dahana ityAviShkR^itA bhIrutA |
paulomIpatiratyasUyitamatha vrIDAvinamrashriyA
pAyAdvaH puruShottamo.ayamiti yo nyastaH sa puShpA~njaliH || 10||
krIDAbhinnahiraNyashuktikuhare raktAtmanAvasthitAn
hAraM hAramudAraku~NkumarasAnavyAjabhavyAnnakhaiH |
vIrashrIkuchakumbhasImni likhato vIrasya patrAvalIH
tatkAlochita bhAvabandhamadhuraM mandasmitaM pAtu vaH || 11||
padmAyAH stanahemasadmani maNishreNIsamAkarShake
ki~nchitka~nchukasandhisannidhigate shaureH kare taskare |
sadyo jAgR^ihi jAgR^ihIti valayadhvAnairdhruvaM garjatA
kAmena pratibodhitAH praharikA romA~NkurAH pAntu vaH || 12||
yAdR^igjAnAsi jAmbUnadagirishikhare kAntirindoH kalAnAM
ityautsukyena patyau smitamadhuramukhAmbhoruhaM bhAShamANe |
lIlAdolAyamAnashrutikamalamiladbhR^i~Ngasa~NgItasAkShI
pAyAdambhodhijAyAH kusumasharakalAnATyanAndInakAraH || 13||
uttiShThantyA  ratAnte bharamuragapatau pANinaikena kR^itvA
dhR^itvA chAnyena vAso vigalitakabarIbhAramaMse vahantyAH |
bhUyastatkAlakAntadviguNitasurataprItinA shauriNA vaH
shayyAmAli~Ngya nItaM vapuralasalasadbAhu lakShmyAH punAtu || 14||

iti shrIlakShmIstutiH samAptA |

##
Proofread by PSA Easwaran psaeaswaran at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}