% Text title            : Lakshmi Stuti 2
% File name             : lakShmIstutiH2.itx
% Category              : devii, lakShmI, ApaTIkara
% Location              : doc\_devii
% Author                : ma. sa. ApaTIkara
% Transliterated by     : Mandar Mali aryavrutta gmail.com
% Proofread by          : Mandar Mali aryavrutta gmail.com
% Description/comments  : stotrapanchadashI by Shri M. S. Apatikar, Satara
% Source                : Sharada year 11, Vol 21-22, September 1970
% Acknowledge-Permission: Pt. Vasant A. Gadgil, Sharada Gaurava Granthamala, 425 Sadashv Peth, Pune 30
% Latest update         : September 14, 2019
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Lakshmi Stuti 2 ..}##
\itxtitle{.. shrIlakShmIstutiH 2 ..}##\endtitles ## 
     (pR^ithvI)
payodhitanaye rame.amatasahodara tvAM bhaje
     dayAmayi sadA dayAM kuru mayi tvametAvatI |
karAmbujanivAsinI bhava sadA mamoddhAriNI
     madIyasadane sadA nivasa padmanAbhapriye || 1||
sarojavadanAmbuje sarasijAsanAdhiShThite
     saroruhapadAmbuje sarasijorupadmAsane |
sarojanayane sadA sarasijapriye devate
     madantaranivAsinI bhava sadA jaganmohinI || 2||
namAmi harivallabhAM sakalabhAgyadAmindirAM
     bhajAmi bhavatAriNIM sakalabhaktakAmapradAm |
stavImi manasA tathA stavanagAyanaistvAM sadA
     bhavAmi natamastakastava puro hiraNyaprade || 3||
namanti muninAM gaNA nR^ipatayo mahIpA api
     stuvanti vibudhAstathA manujarAkShasAstvAM sadA |
tvayaiva madhusUdano bhavati devi lakShmIyuta\-
     stvayA virahitaH prabhurbhavati vAmano sindhuje || 4||
tvameva kR^ipayA dhanaM vitara devi dIne jane
     bhavAmi natamastakastava puraH suraiH pUjite |
asheShabhayanAshinI tvamasi sheShashayyA~Ngane
     nato.asmi padapa~Nkaje tava cha lakShmyato.ahaM sadA || 5||
sarojavadane sadA tava kR^ipAkaTAkShaM kShipa
     smitAnanasaroruhe madhutarAM giraM dehi me |
mamAshivavinAshinI bhava sadA suchandrAnane
     bhavAbdhisalilAd drutaM janani tArayemaM janam || 6||
bhramAmi bhavavAlukAnikarataptadehaH sadA
     kR^ipAsalilavarShiNI bhava dayAmbukAdambinI |
tavaiva kR^ipayA dayAmayi manaH sadaivA.astu me
     svadharmaparipAlane, kuru cha mAM samarthaM jane || 7||
hiraNmayi suvarNade kanakadevate pAhi mAM
     prayachCha sudhanaM sadA vidhanine hiraNyAthine |
tvadIyacharaNAmbuje sarasije mama prArthanA
     tvayA saha nirantaraM vasatu madgR^ihe mAdhavaH || 8||
lakShmIstutimimAM ramyAM shraddhayA yaH paThennaraH |
vinAshya vipadaM tasya lakShmIH saubhAgyadA bhavet || 9||

iti shrI ApaTIkaravirachitA shrIlakShmIstutiH samAptA |
##
Encoded and proofread by Mandar Mali aryavrutta gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}