% Text title            : lalitAmbAparameshvarastavaH
% File name             : lalitAmbAparameshvarastavaH.itx
% Category              : devii, sachchidAnanda-shivAbhinava-nRisiMhabhAratI, devI, shiva, dashamahAvidyA, lalitA, panchadashI
% Location              : doc\_devii
% Author                : Sachchidananda Shivabhinava Nrisimha Bharati Swamigal
% Proofread by          : PSA Easwaran psawaswaran at gmail.com
% Latest update         : December 27, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Lalitambaparameshvarastavah ..}##
\itxtitle{.. shrIlalitAmbAparameshvarastavaH ..}##\endtitles ##
shrIgaNeshAya namaH |
OM ka e I la hrIM ha sa ka ha la hrIM sa ka la hrIM shrIM |
kalayatu kalyANatatiM kamalAsakhapadmayonimukhavandyaH |
karimukhaShaNmukhayuktaH kAmeshastripurasundarInAthaH || 1||
ekaivAhaM jagatItyAyodhanamadhya abravIdAdau |
shumbhaM prati sA pAyAdAdyA shaktiH kR^ipApayorAshiH || 2||
IShaditi manyate yatpadabhaktaH shambhuviShNumukhapadavIH |
sA me nishchalaviratiM dadyAdviShayeShu viSha ivAtyantam || 3||
labhate parAtmavidyAM sudR^iDhAmevAshu yatpadAsaktaH |
tAM naumi bodharUpAmAdyAM vidyAM shivAjamukhasevyAm || 4||
hrImAnbhavetsureshastadgururapi yatpadAbjabhaktasya |
lakShmIM giraM cha dR^iShTvA sA mAmavyAttayoH pradAnena || 5||
hasati vidhuM hAsena pravAlamapi pa~nchashAkhamArdavataH |
adhareNa bimbamavyAtsA mA somArdhamUrdhapuNyatatiH || 6||
sakalAmnAyashirobhistAtparyeNaiva gIyate rUpam |
yasyAH sAvatu satataM ga~NgAdharapUrvapuNyaparipAThI || 7||
kalimalanivAraNavratakR^itadIkShaH kAlasarvagarvaharaH |
karaNavashIkaraNapaTuprAbhavadaH pAtu pArvatInAthaH || 8||
haratu tamo hArdeM me hAlAhalarAjamAnagaladeshaH |
haMsamanupratipAdyaH parahaMsArAdhyapAdapAthojaH || 9||
lalanAH sureshvarANAM yatpAdapAthojamarchayanti mudA |
sA me manasi vihAraM rachayatu rAkendugarvaharavadanA || 10||
hrImantaH kalayati yo mUlaM mUlaM samastalakShmInAm |
taM chakravartino.api praNamanti cha yAnti tasya bhR^ityatvam ||
sadanaM prabhavati vAchAM yanmUrtidhyAnato hi mUko.api |
sarasAM sAla~NkArAM sA me vAchaM dadAtu shivamahiShI || 12||
karakalitapAshasR^iNisharasharAsanaH kAmadhukpraNamrANAm |
kAmeshvarIhR^idambujabhAnuH pAyAdyuvA ko.api || 13||
labdhvA svayaM pumarthAMshchaturaH ki~nchAtmabhaktavaryebhyaH |
dadyAdyatpadabhaktaH sA mayi karuNAM karotu kAmeshI || 14||
hrI~NkArajapaparANAM jIvanmuktiM cha bhuktiM cha |
yA pradadAtyachirAttAM naumi shrIchakrarAjakR^itavasatim || 15||
shrImAtR^ipadapayojAsaktasvAntena kenachidyatinA |
rachitA stutiriyamavanau paThatAM bhaktyA dadAti shubhapa~Nktim || 16||

iti shR^i~Ngeri shrIjagadguru shrIsachchidAnandashivAbhinavanR^isiMha\-
bhAratIsvAmibhiH virachitaH shrIlalitAmbAparameshvarastavaH sampUrNaH |
##

Proofread by PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}