% Text title            : Matangi Hridayam
% File name             : mAtangIhRidayam.itx
% Category              : hRidaya, devii, dashamahAvidyA, devI
% Location              : doc\_devii
% Transliterated by     : Gopal Upadhyay gopal.j.upadhyay at gmail.com
% Proofread by          : Gopal Upadhyay, NA
% Description-comments  : Mantramaharnava madhyakhanda Matangitantra Dvadashataanga
% Source                : Dakshinamurtisamhita
% Latest update         : August 4, 2016
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Matangi Hridayam ..}##
\itxtitle{.. shrImAta~NgIhR^idayam ..}##\endtitles ##

|| shrIgaNeshAya namaH ||
|| shrIumAmaheshvarAbhyAM namaH ||

atha shrImAta~NgIhR^idayaprArambhaH ||

ekadA kautukAviShTA bhairavaM bhUtasevitam | 
bhairavI paripaprachCha sarvabhUtahite ratA || 1|| 

shrIbhairavyuvAcha |  
bhagavansarvadharmaj~na bhUtavAtsalyabhAvana |
ahaM tu vettumichChAmi sarvabhUtopakAram || 2|| 
kena mantreNa japtena stotreNa paThitena cha | 
sarvathA shreyasAM prAptirbhUtAnAM bhUtimichChatAm || 3|| 

shrIbhairava uvAcha |
shR^iNu devi tava snehAtprAyo gopyamapi priye | 
kathayiShyAmi tatsarvaM sukhasampatkaraM shubham || 4|| 
paThatAM shR^iNvatAM nityaM sarvasampattidAyakam | 
vidyaishvaryasukhAvAptima~Ngalapradamuttamam || 5|| 
mAtaMgyA hR^idayaM stotra duHkhadAridryabha~njanam | 
ma~NgalaM ma~NgalAnAM cha hyasti sarvasukhapradam || 6|| 
|| viniyogaH || 
OM asya shrImAta~NgIhR^idayastotramantrasya dakShiNAmUrtirR^iShiH |
virAT ChandaH | mAta~NgI devatA | hrIM bIjam | hUM shaktiH | klIM kIlakam | 
sarvavA~nChitArthasiddhaye pAThe viniyogaH || 

R^iShyAdinyAsaH | 
dakShiNAmUrtiR^iShaye namaH shirasi | 
virATChandase namaH mukhe | 
mAta~NgIdevatAyai namaH hR^idi |
hrIM bIjAya namaH guhye | 
hUM shaktaye namaH pAdayoH | 
klIM kIlakAya namaH nAbhau | 
viniyogAya namaH sarvA~Nge | iti R^iShyAdinyAsaH ||

hR^idayAdiShaDa~NganyAsaH |
OM hrIM hR^idayAya namaH | 
OM klIM shirase svAhA | 
OM hUM shikhAyai vaShaT | 
OM hrIM netratrayAya vauShaT | 
OM klIM kavachAya hum | 
OM hUM astrAya phaT | iti hR^idayAdiShaDa~NganyAsaH ||

karanyAsaH | 
OM hrIM a~NguShThAbhyAM namaH | 
OM klIM tarjanIbhyAM namaH | 
OM hUM madhyamAbhyAM namaH | 
OM hrIM anAmikAbhyAM namaH | 
OM klIM kaniShThikAbhyAM namaH | 
OM hUM karatalakarapR^iShThAbhyAM namaH | iti karanyAsaH ||

|| atha dhyAnam ||
OM shyAmAM shubhrAMshubhAlAM trikamalanayanAM ratnasiMhAsanasthAM 
bhaktAbhIShTapradAtrIM suranikarakarAsevyaka~njAMghriyugmAm | 
nIlAmbhojAMshukAntiM nishicharanikarAraNyadAvAgnirUpAM
pAshaM khaDgaM chaturbhirvarakamalakaraiH kheTakaM chA~NkushaM cha 
(mAta~NgImAvahantImabhimataphaladAM modinIM chintayAmi ) || 7|| 
|| iti dhyAnam ||
namaste mAtaMgyai mR^idumuditatanvai tanumatAM
parashreyodAyai kamalacharaNadhyAnamanasAm | 
sadA saMsevyAyai sadasi vibudhairdivyadhiShaNai\-
rdayArdrAyai devyai duritadalanoddaNDamanase || 8|| 
paraM mAtaste yo japati manumavyagrahR^idayaH
kavitvaM kalpAnAM kalayati sukalpaH pratipadam | 
api prAyo ramyAmR^itamayapadA tasya lalitA
naTIMmanyA vANI naTati rasanAyAM chapalitA || 9|| 
tava dhyAyanto ye vapuranujapanti pravalitaM
sadA mantraM mAtarnahi bhavati teShAM paribhavaH | 
kadambAnAM mAlAH shirasi tava yu~njanti sadaye
bhavanti prAyaste yuvatijanayUthasvavashagAH || 10|| 
sarojaiH sAhasraiH sarasijapadadvandvamapi ye
sahasraM nAmoktvA tadapi tava ~Ne.antaM manumitam | 
pR^itha~N.hnAmnAM tenAyutakalitamarchanti khalu te
sadA devavrAtapraNamitapadAmbhojayugalAH || 11|| 
tava prItyai mAtarddadati balimAdhAya balinA
samatsyaM mAMsaM vA suruchirasitaM rAjaruchitam | 
supuNyA ye svAntastavacharaNamodaikarasikA
aho bhAgyaM teShAM tribhuvanamalaM vashyamakhilam || 12||  
lasallolashrotrAbharaNakiraNakrAntikalitaM
mitasmityApannapratibhitamamannaM vikaritam | 
mukhAmbhojaM mAtastava pariluThad.hbhrUmadhukaraM
ramA ye dhyAyanti tyajati na hi teShAM subhavanam || 13|| 

paraH shrImAtaMgyA jayati hR^idayAkhyaH sumanasAm\-
ayaM sevyaH sudyo.abhimataphaladashvAtilalitaH | 
narA ye shR^iNvanti stavamapi paThantImamanishaM
na teShAM duHprApyaM jagati yadalabhyaM diviShadAm || 14|| 
dhanArthI dhanamApnoti dArArthI sundarIM priyAm | 
sutArthI labhate putraM stavasyAsya prakIrttanAt || 15|| 
vidyArthI labhate vidyAM vividhAM vibhavapradAm | 
jayArthI paThanAdasya jayaM prApnoti nishchitam || 16|| 
naShTarAjyo labhedrAjyaM sarvasampatsamAshritam | 
kuberasamasampattiH sa bhaved.hhR^idayaM paThan || 17||
kimatra bahunoktena yadyadichChati mAnavaH | 
mAta~NgI hR^idayastotrapAThAttatsarvamApnuyAt || 18|| 

iti shrIdakShiNAmUrtisaMhitAyAM shrImAta~NgIhR^idayastotraM samAptam |  
shrImantramahArNave madhyakhaNDe mAta~NgItantre dvadasharata~NgaH |
##
Encoded by Gopal Upadhyay gopal.j.upadhyay at gmail.com
Proofread by Gopal Upadhyay, NA

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}