% Text title : mAtangIstotram 4 % File name : mAtangIstotram4.itx % Category : devii, dashamahAvidyA, devI % Location : doc\_devii % Author : umAsahAchArya % Proofread by : Aruna Narayanan % Latest update : July 5, 2020 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Matangi Stotram by Umasahacharya ..}## \itxtitle{.. umAsahAchAryavirachitaM mAta~NgI stotram ..}##\endtitles ## || OM klIM mAta~Ngyai namaH || mAta~NgI navayAvakArdracharaNAM prollAsikR^iShNAMshukAM vINollAsikarAM samunnatakuchAM muktApravAlAvalIm | hR^idyA~NgIM sitasha~NkhakuNDaladharAM bimbAdharAM susmitAM AkIrNAlakaveNimabjanayanAM dhyAyet shuka\-shyAmalAm || 1|| kalAdhIshottaMsAM karakalitavINAhitarasAM kalindApatyAbhAM kalitahR^idayAraktavasanAm | purANIM kalyANIM puramathanapuNyodayakalAM adhIrAkShImenAmavaTutaTasannaddhakabarIm || 2|| karoda~nchadvINaM kanakadalatATa~NkanihitaM stanAbhyAmAnamraM taruNamihirAraktavasanam | mahaH kalyANaM tanmadhumadabharAtAmranayanaM tamAlashyAmaM naH stabakayatu saukhyAni satatam || 3|| karA~nchitavipa~nchikAM kalitachandrachUDAmaNiM kapolavilasanmahaHkanakapatratATa~NkinIm | tapaHkalamadhIshitastaruNabhAnuraktAmbarAM tamAladalamechakAM taralalochanAmAshraye || 4|| kastUrIrachitAbhirAmatilakA kalyANatATa~NkinI bAlA shItamayUkhashoNavasanA prAlambidhammillakA | hAroda~nchitapIvarastanataTA hAlAmadollAsinI shyAmA kA~nchana kAminI vijayate cha~nchadvipa~nchIkarA || 5|| mAtA marakatashyAmA, mAta~NgI mR^idubhAShiNI | kaTAkShaye tu kalyANI kadambavanavAsinI || 6|| shR^i~Nge sumeroH sahachAriNIbhirgIyanti mAta~Ngi tavAvadAnam | AmodinImAgalamApibantaH kAdambarImambaravAsinaste || 7|| ekena chApamapareNa kareNa bANA\- nanyena pAshamitareNa shR^iNiM dadhAnA | AnandakandalitavidrumabAlavallI saMvinmayI sphuratu kA~nchana devatA me || 8|| gajadAnakala~NkikaNThamUlA kabarIveShTanakA~NkShaNIyagu~njA | kurutAd duritAd vimokShaNaM me kuhunA bhillakuTumbinI bhavAnI || 9|| pANau mR^iNAlasaguNaM dadhatIkShuchApaM pR^iShThe lasatkanakaketakabANakoshau | a~Nge pravAlakavachaM vanavAsinI sA pa~nchAnanaM mR^igayate kadalIvanAnte || 10|| vAme vistR^itishAlini stanataTe vinyasya vINAmukhaM tantrIM tAravirAviNImasakalairAsphAlayantI nakhaiH | arddhonmIladapA~NgadikShuvalitagrIvaM mukhaM bibhratI mAyA kA~nchana mohinI vijayate mAta~NgakanyAmayI || 11|| pratikShaNapayodhara\-pravilasadvipa~nchIguNa\- prasAri karapa~NkajaM balabhidashmapu~njopamam | kadambavanamAlikAshashikalAsamudbhAsitaM mata~NgakulamaNDanaM manasi me maho jR^imbhatAm || 12|| lAkShAlohitapAdapa~NkajadalAmApInatu~NgastanIM karpUrojjvalachArusha~NkhavalayAM kAshmIrapatrA~NkurAm | tantrItADanapATalA~NgulidalAM andAmah mAtaraM mAta~NgIM madamantharAM marakatashyAmAM manohAriNIm || 13|| srastaM kesharadAmabhirvalayitaM dhammillamAbibhratI tAlIpatrapuTAntaraiH sughaTitaistATa~NkinI mauktikaiH | mUle kalpatarormadaskhalitadR^ig dR^iShTyaiva sammohinI kAchid gAyanadevatA vijayate vINAvatI vAsanA || 14|| yat ShaTpatraM kamalamuditaM tasya yatkarNikAnta\- rjyotistasyApyudarakuhare yattado~NkArapITham | tasyApyantaH stanabharanatAM kuNDalIti prasiddhAM shyAmAkArAM sakalajananIM santataM bhAvayAmi || 15|| nishi nishi balimasyai bhuktasheSheNa dattvA manu manu gaNanAtho mantrajApaM vitanvan | bhavati nR^ipatipUjyo yoShitAM prItipAtraM vrajati cha punarante shAshvatIM mUrtimAdyAm || 16|| kAsAranti payodhayo viShadharAH karpUrahAranti cha shrIkhaNDanti davAnalA vanagajAH sAra~NgashAvanti cha | dAsantyadbhutashAtravAH kimaparaM puShyanti vajrANyapi shrIdAmodarasodare bhagavati ! tvatpAdaniShThAtmanAm || 17|| kuvalayanibhA kausheyArddhorukA mukuTojjvalA halamushalinI sadbhaktebhyo varAbhayadAyinI | kapilanayanA madhyekShAmA kaThoraghanastanI jayati jagatAM mAtaH ! sA te varAhamukhI tanuH || 18|| amR^itamahodadhimadhye ratnadvIpe sakalpavR^ikShavane | navamaNimaNDapamadhye maNimayasiMhAsanasyord.hdhvam || 19|| mAta~NgIM bhUShitA~NgIM madhumadamuditAM ghUrNamANAkShiyugmAM svidyadvaktrAM kadambaprasavaparilasadveNikAmAttavINAm | bimboShThIM raktavastrAM mR^igamadatilakAmindulekhAvataMsAM karNodyachCha~NkhapatrAM kaThinakuchabharAkrAntakAntAvalagnAm || 20|| unmIladyauvanADhyAM nibiDamadabharodvegalIlAvakAshAM ratnagraiveyahArA~NgadakaTakakaTIsUtrama~njIrabhUShAm | AnIyArthAnabhIShTAn smitamadhuradR^ishA sAdhakaM tarpayantIM dhyAyed devIM shukAbhAM shukamakhilakalArUpamasyAshcha pArshve || 21|| amR^itodadhimadhye.atra ratnadvIpe manorame | kadambabilvanilaye kalpavR^ikShopashobhite || 22|| tasya madhye sukhAstIrNe ratnasiMhAsane shubhe | trikoNakarNikAmadhye tadbahiH pa~nchapatrakam || 23|| aShTapatraM mahApadmaM kesarADhyaM sakarNikam | tatpArshve.aShTadalaM proktaM chatuHpatraM punaH priye || 24|| chaturasraM cha tadbAhye evaM devyAsanaM bhavet | tasya madhye sukhAsInAM shyAmavarNAM shuchismitAm || 25|| kadambamAlAparitaH prAntabaddhashiroruhAm | prAlambAlakasaMyuktAM chandralekhAvataMsakAm || 26|| lalATatilakopetAM IShatprahasitAnanAm | ki~nchitsvedAmburachitalalATaphalakojjvalAm || 27|| trivalItara~NgamadhyastharomarAjivirAjitAm | sarvAla~NkArasaMyuktAM sarvAbharaNabhUShaNAm || 28|| nUpurai ratnakhachitaiH kaTisUtrairala~NkR^itAm | valayai ratnarachitaiH keyUrairmaNibhUShaNaiH || 29|| bhUShitAM dvibhujAM bAlAM madAghUrNitalochanAm | vAdayantIM sadA vINAM sha~NkhakuNDalabhUShaNAm || 30|| prAlambikarNAbharaNAM karNottaMsavirAjitAm | yauvanonmAdinIM vIrAM raktAMshukaparigrahAm || 31|| tamAlanIlAM taruNIM madamattAM mata~NginIm | chatuHShaShTikalArUpAM pArshvasthashukasArikAm || 32|| mAta~NgeshIM mahAdevIM niHshvasyainAntarAtmanA | sUryakoTipratIkAshAM japAkusumasannibhAm || 33|| athavA pItavarNAM cha shyAmAmevAparAM shraye | niShpApasya manuShyasya kiM na sid.hdhyati bhUtale || 34|| kAmavachcharate bhUmau sAkShAd vaishravaNAyate | gadyapadyamayI vANI tasya vaktrAd vinirgatA || 35|| bhairavI tripurA lakShmIrvANI mAta~NginIti cha | paryAyavAchakA hyete satyametad bravImi te || 36|| trika\-pa~nchakAShTayugalaM ShoDashakoShThAShTakaM chatuHShaShTau | dhyAtvA.a~NgadevatAnAM devyAH parito yajeta bhAvena || 37|| mAta~Ngi ! mAtarIshe ! madhumathanArAdhite ! mahAmAye ! | mohini ! mohapramathini ! manmathamathanapriye namaste.astu || 38|| stutiShu tava devi ! vidhirapi vihitamatirbhavati chApyavihitamatiH | yadyapi bhaktirmAmapi bhavatIM stotuM vilobhayati || 39|| yatijanahR^idayAvAse ! vAsavavandye varA~Ngi mAta~Ngi ! | vINAvAdyavinodyairnAradagIte ! namo devi ! || 40|| devi ! prasIda sundari pInastani kambukaNThi ghanakeshi! | shyAmA~Ngi vidrumoShThi smitamukhi mugdhAkShi mauktikAbharaNe! || 41|| bharaNe triviShTapasya prabhavasi tata eva bhairavI tvamasi | tvadbhaktilabdhavibhavo bhavati kShudro.api bhuvanapatiH || 42|| patitaH kR^ipaNo mUko.apyamba! bhavatyAH prasAdaleshena | pUjyaH subhago vAgmI bhavati jaDashchApi sarvaj~naH || 43|| j~nAnAtmake jaganmayi nira~njane nityashuddhapade! | nirvANarUpiNi pare tripure! sharaNaM prapannastvAm || 44|| tvAM manasi kShaNamapi yo dhyAyati muktAvR^itAM shyAmAm | tasya jagattritaye.asmin kAstA yA na striyaH sAdhyAH || 45|| sAdhyAkSharagarbhitapa~nchanavatyakSharAtmike jaganmAtaH! | bhagavati mAta~Ngeshvari ! namo.astu tubhyaM mahAdevi ! || 46|| vidyAdharasurakinnaraguhyakagandharvasiddhayakShavaraiH | ArAdhite ! namaste.astu prasIda kR^ipayaiva mAta~Ngi! || 47|| mAta~NgIstutiriyamanvahaM prajaptA jantUnAM vitarati kaushalaM kriyAsu | vAgmitvaM shriyamadhikAM cha mAnashaktiM saubhAgyaM nR^ipatibhirarchanIyatAM sa yAti || 48|| mAta~NgImanudinamevamarchayantaH shrImantaH subhagatarAH kavitvabhAjaH | prApyAnte sakalasamIhitArthavargaM dehAnte vimalataraM vishanti dhAma || 49|| avaTutaTaghaTitacholIM tADitatADIM palAshatATa~NkAm | vINAvAdanavelAkampitashirasaM namAmi mAta~NgIm || 50|| vINAvAdananirataM tadalAbusthagitavAmakR^itakucham | shyAmalakomalagAtraM pATalanayanaM paraM bhaje dhAma || 51|| a~NkitapANichatuShTayama~NkushapAshekShupuShpachApasharaiH | sha~NkarajIvitamitraM pa~NkajanayanaM paraM bhaje dhAma || 52|| karakalitakanakavINAlAbukakadalIkR^itaikakuchakamalA | jayati jagadekamAtA mAta~NgI ma~NgalAyatanA || 53|| a~NgalAlitamana~NgavidviShastu~NgapInakuchabhArabha~Nguram | shyAmalaM shashinibhAnanaM bhaje komalaM kuTilakuntalaM mahaH || 54|| vINAvAdyavinodagItaniratAM lIlAshukollAsinIM bimboShThIM navayAvakArdracharaNAmAkIrNakeshAlakAm | hR^idyA~NgIM sitasha~NkhakuNDaladharAla~NkAraveShojvalAM mAta~NgIM praNato.asmi susmitamukhIM devIM shukashyAmalAm || 55|| veNImUlavirAjitendushakalAM vINAninAdapriyAM kShoNIpAlasurendrapannagagaNairArAdhitAMhridvayAm | eNIcha~nchalalochanAM suvadanAM vANIM purANojjvalAM shroNIbhArabharAlasAmanimiShAM pashyAmi vishveshvarIm || 56|| kuchakalashaniShaNNakelivINAM kalamadhuradhvanikampitottamA~NgIm | marakatamaNibha~NgamechakAbhAM madanavirodhimanasvinImupAse || 57|| tADIdalollasitakomalakarNapAlIM keshAvalIkalitadIrghasunIlaveNIm | vakShojapIThanihitojjvalanAdavINAM vANIM namAmi madirAruNanetrayugmAm || 58|| yAmAmananti munayaH prakR^itiM purANIM vidyeti yAM shrutirahasyavido gR^iNanti | tAmarddhapallavitasha~NkararUpamudrAM devImananyasharaNaH sharaNaM prapadye || 59|| yaH sphATikAkShavarapustakakuNDikADhyAM vyAkhyAsamudyatakarAM sharadindushubhrAm | padmAsanAM cha hR^idaye bhavatImupAste | mAtaH! sa vishvakavitArkikachakravartI || 60|| barhAvataMsaghanabandhurakeshapAshAM gu~njAvalIkR^itaghanastanahArashobhAm | shyAmAM pravAlavasanAM sharachApahastAM tAmeva naumi shabarIM shabarasya nAthAm || 61|| aj~nAtasambhavamanAkalitAnvavAyaM bhikShuM kapAlinamavAsasamadvitIyam | pUrvaM karagrahaNama~Ngalato bhavatyAH shambhuH ka eva bubudhe girirAjakanye ! || 62|| charmAmbaraM cha shavabhasmavilepanaM cha bhikShATanaM cha naTanaM cha paretabhUmau | vetAlasaMhatiparigrahatAM cha shambhoH shobhAM vahanti girije ! tava sAhacharyAt || 63|| gale gu~njAbIjAvalimapi cha karNe shikhishikhAM shiro ra~Nge nR^ityatkanakakadalIma~njuladalam | dhanurvAme chAMse sharamaparapANau cha dadhatIM nitambe barhAlIM kuTilakabarIM siddhashabarIm || 64|| lasadgu~njApu~njAbharaNakiraNAraktanayanAM japAkarNAbhUShAM shikhivarakalApAmbaravatIm | nadajjhillIpallIvanatarudalaiH samparivR^itAm | namAmi vAmoruM kuTilakabarIM siddhashabarIm || 65|| aparNAhoparNAM sirasakadalIsambhavamalaM bhavaM jetuM prauDhiM kila manasi bAlA vidadhatI | nadajjhillIpallIvanataruShu hallIsakaruchi\- rlasatpallIbhillI karakalitabhallI vijayate || 66|| dhaninAmavinAbhavanmadAnAM bhavanadvAri durAshayA shayAnAm | avalokaya mAmagendrakanye! karuNAkandalitaiH kaTAkShamokShaiH || 67|| kuvalayadalanIlaM barbarasnigdhakeshaM pR^ithutarakuchabhArAkrAntakAntAvalagnam | kimiti bahubhiruktaistvatsvarUpaM padaM naH sakalajanani mAtaH ! santataM sannidhattAm || 68|| mithaH keshAkeshi pradhananidhanAstarkaghaTanA bahushraddhAbhaktipraNativiShayAshchAptavidhayaH | prasIda pratyakShIbhava girisute! dehi sharaNaM nirAlambe ! chetaH pariluThati pAriplavamidam || 69|| lasadgu~njAhArastanabharanamanmadhyalatikA\- muda~nchadgharmAmbhaHkaNaguNitavaktrAmbujarucham | shivaM pArthatrANapraNavamR^igayAkArakaraNaM shivAmanvakyAntIM sharaNamahamanvemi shabarIm || 70|| shirasi dhanuraTanyA tADyamAnasya shambho\- ralaka\-nayana\-koNe ki~nchidAlajyamAne | upaniShadupagItaM rudramudghoShayantI pariharati mR^iDAnI madhyamaM pANDavAnAm || 71|| yadgalAbharaNatantuvaibhavAn nAyako garalamAgalaM papau | tAM charAcharaguroH kuTumbinIM naumi yauvanabhareNa lAlasAm || 72|| sudhAmapyAsvAdya pratibhayaharA mR^ityuharaNIM vipadyante sarve vidhi\-shatamakhAdyA diviShadaH | karAlaM yat kShveDaM kavalitavataH kAlakalanA na shambhostanmUlaM janani ! tava tATa~NkamahimA || 73|| karopAnte kAnte vitaraNinishAnte vidadhatIM lasadvINAshoNAM nakharuchibhireNA~NkavadanAm | sadA vande sandetaruruhavashandeshakavashAt kR^ipAlambAmambAM kusumitakadambA~NgaNagR^ihAm || 74|| karNalambitakadambama~njarIkesarAruNakapolamaNDalam | kevalaM nigamavAdagocharaM nIlimAnamavalokayAmahe || 75|| akR^ishaM kuchayoH kR^ishaM vilagne vipulaM chakShuShi vistR^itaM nitambe | aruNAdharamAvirastu chitte karuNAshAlikapAlibhAgadheyam || 76|| anabha~NgurakeshapAshamamba! prabhayA kIchakamechakaM vapuste | paritaH parito vilokayAmaH pratipachchandrakalAdhirUDhachUDam || 77|| dhyAyeyaM ratnapIThe shukakalapaThitaM shR^iNvatIM shyAmagAtrIM nyastaikA~NghrIsaroje shashishakaladharAM vallakIM vAdayantIm | kahlArAbaddhabhAlAM niyamitavilasachchUlikAM raktavastrAM mAta~NgIM sha~NkhapatrAM madhumadavivashAM chitrakodbhAsibhAlAm || 78|| ArAdhya mAtashcharaNAmbujaM te brahmAdayo vishrutakIrtimApuH | anye paraM vAgvibhavaM munIndrAH parAM shriyaM bhaktibhareNa chAnye || 79|| namAmi devIM navachandramauliM mAta~NginIM chandrakalAvataMsAm | AmnAyavAgbhiH pratipAditArthaM prabodhayantIM shukamAdareNa || 80|| vinamradevAsuramauliratnairnIrAjitaM te charaNAravindam | bhajanti ye devi ! mahIpatInAM parAM shriyaM bhaktimupAshrayanti || 81|| mAta~Ngi! lIlAgamane ! bhavatyAH sa~njAtama~njIramiShAd bhajante | mAtastvadIyaM charaNAravindaM akR^itrimANAM vachasAM vigumphAH || 82|| padAtpadaM si~njitanUpurAbhyAM kR^itArthayantI padavIM padAbhyAm | AsphAlayantI kalavallakIM tAM mAta~NginI me hR^idayaM dhinotu || 83|| lIlAMshukAbaddhanitambabimbAM tADIdalenArpitakarNabhUShAm | mAdhvImadAghUrNitanetrapadmAM ghanastanIM shambhuvadhUM smarAmi || 84|| taDillatAkAntamalabdhabhUSham, chireNa lakShyaM navaromarAjyA | smarAmi bhaktyA jagatAmadhIshi ! valitrayA~NkaM tava madhyamamba! || 85|| nIlotpalAnAM shriyamAharantIM kAntyAH kaTAkShaiH kamalAkarANAm | kadambamAlA~nchitakeshapAshAM mAta~NgakanyAM hR^idi bhAvayAmi || 86|| dhyAyeyamAraktakapolakAntaM bimbAdharaM nyastalalATaramyam | AlolalIlAyitamAyatAkShaM mandasmitaM te vadanaM maheshi ! || 87|| vAmastanAsa~NgasakhIM vipa~nchIM udghATayantImaruNA~NgulIbhiH | tadutthasaubhAgyavilolamauliM shyAmAM bhaje yauvanabhArakhinnAm || 88|| stutyAnayA sha~Nkara\-dharmapatnIM mAta~NginIM vAgadhidevatAM tAm | stuvanti ye bhaktiyutA manuShyAH parAM shriyaM bhaktimupAshrayanti || 89|| gehaM nAkati garvitaH praNamati strIsa~Ngamo mokShati mR^ityurvaidyati dUShaNaM cha guNati kShmAvallabho dAsati | vajraM puShpati pannago.abjanalati hAlAhalaM bhujyati dveShI mitrati pAtakaM sukR^itati tvatpAdasa~nchintanAt || 90|| ehyehi mAtastripure pavitre ! yantrAntare tvaM vasatiM vidhehi | gR^ihNasva gR^ihNasva baliM prapUjAM trikoNaShaTkoNadale.aShTakuNDe || 91|| ehyehi mAtastripure madIye netre nivAsaM kuru ma~njunetre | bhUtAtmakaM vishvamidaM narasya me darshaya tvaM tava chitsvarUpam || 92|| ehyehi mAtastripure madIye vaktre nivAsaM kuru chandravaktri !| parApavAdaM vachanaM narasya vAgIshvaraM me vadatAM kuruShva || 93|| ehyehi mAtastripure madIye chitte nivAsaM kuru kalpavalli ! | vegena jADyAdi tamo nirasya vidhehi dIptaM tava chitsvarUpam || 94|| anena stotrapAThena sarvapApahareNa vai | prIyatAM paramA shaktirmAta~NgI sarvakAmadA || 95|| ityAgamasAre umAsahAchAryavirachitaM shrImAta~NgIstotraM sampUrNam || ## Proofread by Aruna Narayanan \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}