% Text title : Matangi Stuti 1 % File name : mAtangIstutI.itx % Category : devii, dashamahAvidyA, devI % Location : doc\_devii % Transliterated by : Lalitha Parameswari % Proofread by : Lalitha Parameswari, NA % Latest update : June 2, 2018 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Matangi Stuti ..}## \itxtitle{.. shrImAta~NgI stutiH ..}##\endtitles ## mAta~NgIM navayAvakArdra charaNAmullAsi kR^iShNAMshukAM vINApustaka dhAriNIM natakuchAM muktApravAlAvalim | shyAmA~NgIM shashisha~NkhakuNDaladharAM dantaprabhAsusmitAM AkarNAlaka\-veNi\-ka~nja\-nayanAM dhyAyechChuka shyAmalAm || 1|| karpUra shobhi karNAbharaNAbhirAmAM mANikyabhUShAM sumukhAravindAm | hAlAmadAghUrNita lochanAbhAM bAlAM bhaje bAlatamAla nIlAm || 2|| kastUrI tilakAbhirAma rachitA karpUra tATa~NkinI bAlA nIlavishAlachAruvadanA prAlambidhammillakA | hAroda~nchita pIvarastanataTI hAlAmadollAsinI shyAmA kAchana mohinI vijayate cha~nchatprapa~nchIkR^itA || 3|| aMshe veNIM chikurakusumAM chUlikAM nIlachelAM muktAbhUShA~NkarayugalatAM vallakIM vAdayantIm | mAdhvImattAM madhukara ninadAM shyAmalAM komalA~NgIM mAta~NgIM tAM sakalaphaladAM santataM bhAvayAmi || 4|| vINA pustaka dhAriNIM smitamukhIM tAlIdalAkalpita sphAyatkuNDalabhUShaNAM kuvalayashyAmAM kura~NgIdR^ishIm | uttu~Ngastanakumbhayugma vilasatkAshmIrapatrAvalIM mAta~NgIM padakairavaM navacharachchandrAtapatrAmbhaje || 5|| dhyAyehaM ratnapITheshukakularaNitaM shR^iNvatIM shyAmalA~NgIM nyastaikAghriM saroje shashishakaladharAM vallakIMvAdayantIm | kalhnArAbaddhamAlAM niyamitavilasachchUlikAM raktavastrAM mAta~NgIM sha~NkhapAtrAM madhumadavivashAM chitrakodbhAsibhAlAm || 6|| ArAdhyamAnAshcharaNAM pibantobrahmAdayo vishruta kIrtimApuH | anyeparaM vAgvibhavaM munIndrA parAMshriyaM bhaktibhareNa chAnye || 7|| namAmi devIM navachandramauliM mAta~NginIM chandrakalAvataMsAm | AmnAya vAkyaiH pratipAdanArthe prabodhayantIM shukamAdareNa || 8|| mAta~NgalIlA gamane.api bhaktyA shi~njAnama~njIramiShAdbhajanti | mAtastvadIyaM charaNAravindamakR^itrimANAM vachasAM nirichChAH || 9|| parAdhikAshi~njitanUpurAbhyAM kR^itAgamAM padavIM tAM padAbhyAm | AsphoTayantIM karavallakIM tAM mAta~NginIM maddhR^idaye bhajAmi || 10|| nIlAMshukAbaddhanitambabimbAM nAlIdalenAnatakarNabhUShAm | madhye madAghUrNita netrapadmAM mAta~NginIM shambhuvadhUM namAmi || 11|| nIlotpalAnAM shriyamAvahantIM kA~nchyA kaTAkShaikashubhAM karANAm | kadamba mAlA~NkitakeshapAshAM mAta~NgakanyAM hR^idibhAvayAmi || 12|| stutyAnayA sha~NkaradharmapatnIM mAta~NginIM vAgadhidevatAM tAm | svarga.ngatiM bhaktajanA manuShyAH parAM shriyaM bhakti bhareNa chAnye || 13|| kuchakumbha taTanyasta maNivINAmadAlasAm | shyAmAM vAmA~Nka vinyasta mAlikAM bAlikAmbhaje || 14|| abdhauyAti sarojachAmaramaruddodhUyamAnAlakA chUlIchumbita chAruchampaka dalAgaurI madollAsinI | nAlI bAla palAsha karNavilasatkallola kAlichChaTA kAlI sAchalakanyakA vijayate machchitta padmAsanA || 15|| vINAnartita pANi pa~NkajayugAmAshoNabimbAdharAM veNI baddha kadamba puShpa kalikAmeNI vilolekShaNAm | shroNI lamba virAjamAna sujapA shoNAmbarAla~NkR^itAM eNA~NkArka vibhUShaNAM kalayatAM bhillIM purandhrImbhaje || 16|| tamAla shyAmA~NgImatimadhura sa~NgIta niratAM kR^ipApUrNApA~NgIM kuchabhara natA~NgIM smitamukhIm | bhramadbhrUbha~Nge te vividha kusumaistairivayutAM bhaje.ahaM mAta~NgIM madaparavashA~NgImanudinam || 17|| sukashyAmAM shyAmAM shukaraNita kallola niratAM vipa~nchI sa~nchArAruNa karasarojAM bhagavatIm | madAsaktAmuktA phalaguNitahArastanataTAM kR^ipAvAsAmIshAmatiruchirahAsAM bhajashivAm || 18|| raktAravinda makaranda rasAnulepAM pAnapramatta chalitAli kulAlakAntAm | vINAmanoharaninAdavinodashIlAM vANIM bhaje shukanibhAM madhupAna lolAm || 19|| sa~NgIta nAda rasapAnaghanArdradehAM netrAravinda karuNAmR^itavAhinIM tAm | raktAravinda viniveshitavAmapAdAM shyAmAM mata~NgatanayAM manasA smarAmi || 20|| kastUrikA shyAmala komalA~NgIM kAdambarIpAnamadAlasA~NgIm | vAmastanAli~NgitaratnavINAM mAta~NgakanyAM manasAsmarAmi || 21|| smaretprathama puShpiNIM rudhirabindu nIlAmbarAM gR^ihItamadhupAtrikAM madavighUrNa netrojvalAm | ghanastanabharAnatAM galita chUlikAM shyAmalAM karasphurita vallakIM vimalasha~Nkha tATa~NkinIm || 22|| mANikyavINAmupalAlayantIM madAlasAM ma~njula vAgvilAsAm | mAhendra nIlotpala komalA~NgIM mAta~Nga kanyAM manasAsmarAmi || 23|| kuvalaya dalanIlA~NgIM kuvalaya chArucha~nchalApA~NgIm | kuvalaya samottamA~NgIM kuvalaya chUlIM namAmi mAta~NgIm || 24|| shyAmA kuvalayashyAmA nAmakalAdhAma bhAgasthA | madhupAnaratAratApAyAdvANI vINAvinodavishrAntA || 25|| tamAlapatrA~nchitanIlagAtrIM tAlIdalenArpita karNapatrAm | saptasvarAlApavisheShatantrIM bAlAmbhaje bhavyamata~NgaputrIm || 26|| nityAnupAtrArpitasatkalAbhAM nIlAmbarodbhAsinitambabimbAm | bhaktoparinyastakR^ipAvalambAM bAlAM bhaje bhavyaguNAM madambAm || 27|| shivatanubhavasa~NgaM shivachUlI lola cha~nchalotsa~Ngam | kalimala tanuma~NgaM kalaye mAta~NgakanyakApA~Ngam || 28|| kalAdhIshottaMsAM karakalita vINAhitarasAM kalindApatyAbhAM karakalita hR^idayAM raktavasanAm | purANIM kalyANIM puramathanapuNyodayakalA\- madhIrAkShIM vande bahukusumasannaddhakabarIm || 29|| kaloda~nchadveNIM kanakadalatATa~NkamahitAM stanAbhyAmAnamrAM taruNamihirAM raktavasanAm | mahAkalyANIM tanmadhumadabharAM tAmranayanAM tamAlashyAmAM nastavakayatu saukhyAnisatatam || 30|| karA~nchitavipa~nchikAM kalitachandrachUDAmaNiM kapolavilasanmahAkanakapatra tATa~NkinIm | tapaH phalamihAshritAM taruNabhAsaraktAmbarAM tamAladalamechakAM taruNalochanAmAshraye || 31|| mAtA marakatashyAmA mAta~NgI madhushAlinI | kaTAkShayatu kalyANI kadambavanavAsinI || 32|| jagadAnandakala~NkakaNThamAlA kabarI veShTana kA~NkShaNIya gu~njA | kurutAM duritAdvimokShaNaM me tuhinA bhillikuTumbinI bhavAnI || 33|| vAme vismR^itashAlinI stanataTe vinyasta vINAmukhaM tantrItAla virAviNImasakalairAsphAlayantI nakhaiH | ardhonmIlita lochanaM savilasadgrIvaM mukhaMvibhratI shyAmA kAchana mohinI vijayate mAta~NgakanyAmayi || 34|| pratiShThA payodhara prasAra karapa~NkajaM balabhidaH | kadamba vanamAlikaM shashikalA samudbhAsitam || 35|| mata~Nga kulanandinI manasi me muhujR^imbhatAm | samasta sukhadAyinI taruNapatra tATa~NkinI || 36|| lAkShArAga kapolapallavaratAmApIna tu~NgastanIM karpUrojvalachArusha~NkhavalayAM kAshmIraraktAMshukAm | tantrItAlasapATalAM gulidalAM vandAmahe mAtaraM mAta~NgIM madamantharAM marakatashyAmAM manohAriNIm || 37|| srastaM ketakidAmabhirvalayitaM dhammillamAbibhratI tAlIpatra puTAntaraiH samanataistATa~NkinI mauktikaiH | bhAle kalpataroH prasUnavilasadR^iShTvaiva sammohinI kA~nchI dAmavatI vijayate vINAsavAdAnanA || 38|| mAta~NgIM bhUShitA~NgIM madhumadamuditAM ghUrNamAnAkShiyugmAM svidyadvaktrAM kadamba pravilasadveNikAmatta vINAm | bimboShThIM raktavastrAM mR^igamada tilakAmindurekhAvataMsAM karNodyachCha~NkhapatrAM karakalitashukAM naumi tu~NgastanIM tAm || 39|| unmIlidyAvakAdyAnniviDamadabharodvignabhAlAlakAshAM ratnagaiveyahArA~Ngada kaTilasatsUtra ma~njIraghoShAm | AnIyArthAnabhIShTAn smitamadhuradR^ishA sAdhikaM tarpayantIM dhyAyeddevIM shukAbhAMshukamakhilakalArUpamasyAshchapArshve || 40|| veNImUla vilAsitendu shakalAM vINAninAdapriyAM kShoNIpAla surendra pannagagaNai rArAdhitA~NghridvayAm | eNIcha~nchalalochanAM suvadanAM vANIM purANojvalAM shroNIbhArabharAlasAmanimiShAM pashyAmi vishveshvarIm || 41|| kuchakalashaniShaNNavINAM kalamadhuradhvani kampitottamA~NgIm | marakatamaNibhAgamechakAbhAMmadamavirodhamanasvinImupAse || 42|| tAlIdalollasitakomalakarNapAlIM phAlAntarAchikurAmatinIlaveNIm | vakShojapIThanihitojvalachAruvINAM shyAmAM namAmi madirAruNanetrayugmAm || 43|| madhyebaddhamayUkhapichChanikarAM shyAmAmprabAlAdharAM bhR^i~NgIvAdanatatparAM sunayanAM mUrdhAlakairbarbarAm | gu~njAhAradharAM samunnatakuchAM chandrAnanAM shAmbhavIM bhillI veShadharAM namAmi shabarI tAmekavIrAM parAm || 44|| lasatgu~njAhAra stanabhara samunmadhyalatikA muda~nchatsvedAmbhaH kShaNagaNita phenodgama ruchim | shivaM shAntaM pAtrapravaNamR^igayAkArakaraNaM shivAmambaj~nAtiM charaNamahamanvemisharaNam || 45|| naTadagu~njA pa~njAbharaNakiraNAM raktavasanAM japAkarNAbhUShAM shikhivarakShakalApAmbaravatIm | nadajjhallI vallInavakisalayaistAM parivR^itAM navAmohArUDhAM kuTilakabarIM mohashabarIm || 46|| gale gu~njA pu~njAvali mapi cha karNe shikhishikhAM shiro ra~Nge nR^ityatkanakadala dUba ma~njuladalam | dhanurvAme chApe sharamaparapANau nidadhatIM nitambe barhAliM kuTilakabarIM naumi shabarIm || 47|| vINAvAdana nirataM tallIlA baddhagIta vAmakucham | shyAmala komala gAtraM pATalanayanaM paraM bhajedhAma || 48|| a~Nkita pANichatuShTyama~NkushapAshekShu chApashakalam | sha~Nkara jitetyamitraM pa~NkajanetraM paraM bhajedhAma || 49|| karakalita kesArAlAnukAreyaM kuchakalashA jayate jagatAm | mAtAmAta~NgI ma~NgesvAyatanA || 50|| mudAkarakadamba kAnane kanakamaShTapAtrasthite lasanmaNimayAsane sahacharIbhirArAdhitAm | lasatkanakaka~NkaNAM rajatama~njuma~njIrakAM jagajjanavimohinIM japavidhau smaredambikAm || 51|| akR^ishA kuchayorvilagne vipulaM vakShasi vistR^itaM nitambe | aruNAdharamAvirastuchitte karuNAshAli kapAli bhAgadheyam || 52|| vINAtAla vinodagIta niratAM nIlAMshukollAsinIm | bimboShThIM navayAvakArdra charaNAmAkIrNa keshojvalAm || 53|| hR^idyAveshita sha~NkhakuNDaladharAM mANikyabhUShojvalAM mAta~NgIM praNato.asmi susmitamukhAM devIMshukashyAmalAm || 54|| divyahAlAmadonmattAM divyabhUShaNabhUShitAm | divyagandharvakanyAbhissamArAdhitapAdukAm || 55|| divyasiMhAsanAsInAM shukavINAlasatkarAm | sa~NgIta mAtR^ikAM vande varadAM susmitAnanAm || 56|| stutiShu navadeva devi vividha kavi vilohitamatirbhavati | nihitamatiryadyapi mAmapetachetIbhavati stotuM vilobhayati || 57|| sAdhyAkSharagarbhita pa~nchanava ityakSharAtmike jaganmAtaH | bhagavati mAta~Ngeshvari namastubhyaM mahAdevi || 58|| ityumA sAhacharyA bhagavAnmAta~NgaR^iShipraNItA iyaM stutiH samAptA | ## Encoded and proofread by Lalitha Parameswari \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}