% Text title            : MadhurakalikAmba Suprabhatam
% File name             : madhurakAlikAmbAsuprabhAtam.itx
% Category              : devii, suprabhAta, dashamahAvidyA
% Location              : doc\_devii
% Transliterated by     : PSA Easwaran
% Proofread by          : PSA Easwaran
% Latest update         : January 15, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Siruvachchur Madhurambika Suprabhatam ..}##
\itxtitle{.. siruvAchchUr shrImadhurakAlikAmbAsuprabhAtam ..}##\endtitles ##
                   || shrIH ||
          OM namaH shrI dakShiNakAlikAyai ||
mAtaH shrImadhurAmbikAmba siruvAchchUr ramyadevAlAye
      bhaktAnugrahakAraNAya satataM siMhAdhirUDhe pare |
bhaktAnAM smaraNena tuShTahR^idaye sarvApadAM nAshini
      mAtaH shrImadhurAmbike suvidite te suprabhAtaM shivam || 1||
shrImachCha~Nkarasha~NkarAryabhagavatpAdaiH susampUjite
      tanmantraishcha sumantritAkhilajanakShemaprade yantrake |
rAjantI sakaleShTamAshu tanuShe mAteva vAtsalyataH
      mAtaH shrImadhurAmbike sulalite te suprabhAtaM shivam || 2||
tvaM haimAdrisamudbhavApi cha punaH vindhyAdrivAsA mudA
      shrImaddakShiNakAliketi siruvAchchUr naijaramyAlaye |
bhaktAbhIShTaphalaprade cha namatAM sarvArtisaMhAriNi
      mAtaH shrImadhurAmbike bhayahare te suprabhAtaM shivam || 3||
aShTAbhishcha karaiH sahetisubhagaiH shatrukShaye dIkShite
      bhaktAnugrahaNe varAbhayakarau vIrAsanaM chAshrite |
jvAlAmAlikayA pradIptamatulaM shUlaM kare bibhratI
      mAtaH shrImadhurAmbike sumahite te suprabhAtaM shivam || 4||
koNAnAM tritayena ramyasumahAyantrAlaye dIvyase
      shaktInAM navabhiH sukoNasugatairdikpAlakaiH saMvR^ite |
svIyairmantravaraiH sumantritamahAyantrAlaye dIpyase
      mAtaH shrImadhurAmbike.atimadhure te suprabhAtaM shivam || 5||
lokAnAM hitakAmyayA karuNayA shrIkAli hatvA ripUn
      nAnArUpadharaM mahogramahiShaM shumbhaM nishumbhaM tathA |
raktAkShaM shaTharaktajihvamaparaM chaNDaM cha muNDaM kShaNAt
      chAmuNDe shrImadhurAmbike vijayase te suprabhAtaM shivam || 6||
tvaM bhItAnaditijAn savAsavamukhAn devAn hi saMrakShituM
      shaktInAM cha gaNaiH sahaiva samare tAn chAvadhIrdaityakAn |
bhUyashchApi bhaye sadaiva manujAn rakShAmi rakShAmi cheti
      AnandAt tvamasAntvayaH kila shive te suprabhAtaM shivam || 7||
vAyurvAti sushItalaH sukhakaraH shAntaM nabho vartate
      pUShodeti phalanti chaiva taravaH puShpanti mallyAdayaH |
udbudhyasva shive kaTAkShaya janAn bhaktAn hi rakShekShaNe
      mAtaH shrImadhurAmbike sahR^idaye te suprabhAtaM shivam || 8||
sarve bhaktajanAH sadArashishukAH sannArikelaM phalaM
      tAmbUlaM kamalaM sugandhi cha navaM gavyaM cha gandhaM kare |
dhR^itvA tvAM pratipAlayanti jagatAM shrImAtaraM kAlikAM
      mAtaH shrImadhurAmbike sulalite te suprabhAtaM shivam || 9||
tArAnAyakashobhiratnamakuTe tApi~nChavarNojjvale
      tArtIyIkavilochanAgnimahite tAmbUlapUrNAnane |
mAdhvIkAdimahAbhiShekamudite mAlAvibhUShojjvale
      mAtaH shrImadhurAmbike shubhakare te suprabhAtaM shivam || 10||
vyAdAyaiva vishAlamAsyamachirAdbhitvA ripoH chApyuraH
      pItvA shoNitamAshu raktavadane raktekShaNe jihvike |
tArtIyIkavilochanena ditijAn yA bhasmasAchchAkaroH
      mAtaH shrImadhurAmbike vidhinute te suprabhAtaM shivam || 11||
dR^iShTvA vIryamachintyamadbhutatamaM vismApanIyaM sadA
      brahmA\-viShNu\-maheshvarAdimasurA yAM tuShTuvuH shrIsumaiH |
sA tvaM vishvajanInavandyavibhave haiya~NgavInAshaye
      mAtaH shrImadhurAmbike.atisulabhe te suprabhAtaM shivam || 12||
dvAviMshanmanubhiH sadA sumahite shrIbhadrakAlIshvarI\-
      durgA\-lakShmi\-sarasvatItyabhidhayA vikhyAtachaNDIshchari |
shUlodbhAsikarAmbuje natajane sarvasvadAnodyate
      mAtaH shrImadhurAmbike susubhage te suprabhAtaM shivam || 13||
some bhArgavavAsare.api sujanaiH nAnAdigantAgataiH
      tailAbhyaktashirobhireva satataM saMsevitA~Nghridvaye |
mAtR^INAM cha susaptabhishcha navabhirdurgAdibhiH saMvR^ite
      mAtarma~NgalakAriNIShTavarade te suprabhAtaM shivam || 14||
tvaM bAlA tripurA parA sulalitA pratya~NgirAH shAradA
      vAchAmIshvarI chaNDikA cha bagalA jvAlAmukhI vaiShNavI |
lakShmIrnIlasarasvatI cha vijayA\-shAkambharI chAnnadA
      sarvAstvaM madhurAmbike vijayase te suprabhAtaM shivam || 15||
kAmAnAmatha pUraNaikasuvidhau tvaM kAmadhenuH shubhe
      bhaktaishchintitasarvadAnasuvidhau chintAmaNistvaM hi naH |
kA~NkShApUraNachAturI sumahitaH shrIkalpavR^ikShaH svayaM
      mAtaH shrImadhurAmbikeShTavarade te suprabhAtaM shivam || 16||
sarvAshcharyamayaikachitracharite vismApanIyo.adya me
      vishvArAtivinAshanaikanipuNe vidyAvayovardhini |
vedAntapratipAdyamAnavibhave vishvaikajIvAtuke
      mAtaH shrImadhurAmbike bhayahare te suprabhAtaM shivam || 17||
sauma~Ngalya\-subhartR^iputrasukhade sauvAsinIpUjite
      saundaryaikanidhe surendravinute saubhAgyasaMvardhini |
saushIlyAdiguNaprade cha namatAM satsaumanasyaprade
      mAtaH shrImadhurAmbike shrutinute te suprabhAtaM shivam || 18||
vINA\-veNu\-mR^ida~Nga\-nATyamudite vINAmunIndrastute
      shrIdurgAparasUktamantrasulabhe vANI\-ramA\-vIjite |
durgA\-lakShmi\-sarasvatIti vinute kAmeshavAmA~Ngake
      mAtaH shrImadhurAmbike sulalite te suprabhAtaM shivam || 19||
dIpaM dIpayatIha yachcha samaye shrIsomavAre punaH
      tat shukrAvadhi jAjjvalatyatitarAM chaitanmahatvaM tava |
talliptaM cha suchandanaM sukusumaM yachchArchitaM pAdayoH
      naiva klAmyati sarvashaktibharite te suprabhAtaM shivam || 20||
samprAptAstava sannidhiM hi kR^ipayA samprApnuvanti dhruvaM
      chetohAri susundaraM nijapatiM vidyAvayobhAsvaram |
saumagalyasamR^iddhimAshu lalanA vidyAM cha bAlA dhanaM
      sarvatraiva jayaM sadA sumadhure te suprabhAtaM shivam || 21||
kiM vA duShkaramambike tava padadvandvaikasaktAtmanAM
      kiM vA durlabhamasti tAvakamanuM japtuH sadA dhyAyinAm |
kiM vA durjayamasti raktakusumairnityArchanAM kurvatAM
      mAtaH shrImadhurAmbikeShTavarade te suprabhAtaM shivam || 22||
dAtrI tvaM nikhilAni chaihikasukhAnyAtR^ipti vandAruke
      dAsyantI sakalaM manorathaphalaM chAmuShmikaM dehinAm |
sAlokyAdichatuShTayaM cha sahasA datvA.anugR^ihNAsi naH
      mAtaH shrImadhurAmbikeShTavarade te suprabhAtaM shivam || 23||
sUryAchandramasau tathA kujabudhau jIvashcha shukrashshaniH
      rAhuH keturabhIShTanityavaradA yogAshcha tArAgaNAH |
shrIkAlIcharaNAravindapatitaM no pIDayanti dhruvaM
      shrIniHshreyasadAyike sumadhure te suprabhAtaM shivam || 24||
sarveShAM cha manaHprashAntimadhunA datvA.anugR^ihNIShva naH
      mAyAmohitajantujAtamadhunA vij~nAnapUrNaM kuru |
sarvatraiva chakAstu bhAratatale shAntiH prashAntiH sukhaM
      mAtaH shrImadhurAmbike suvarade te suprabhAtaM shivam || 25||
jvAlAmAlini chaNDike sumadhure sAndrAntara~Nge sadA
      aj~nAnAt kR^itamantujAlamadhunA tvaM vai kShamasvAmbike |
nAvA sindhumivAdya tAraya janaM saMsAravArAnnidheH
      mAtaH shrImadhurAmbike sakaruNe te suprabhAtaM shivam || 26||
sAmrAj~nIpura(siruvAchchUr)vAsinI bhagavatI shrImAdhurI kAlikA
      suprAtaH prapaTheduShasyapi mudA yo vA naraH pratyaham |
taM vai rakShati sAndranaijahR^idayA mAteva vAtsalyataH
      mAtaH shrImadhurAmbike sulalite te suprabhAtaM shivam || 27||
devi tvAM sharaNaM gato.asmi satataM nAnyA gatistvAM vinA
      tvaM mAtAsi pitA tathaiva sahajo bandhushcha putrI sutaH |
sarvasvaM hi mama tvameva siruvAchchUr rAj~ni rakShekShaNe
      pAhyasmAn sakuTumbakAn sumadhure te suprabhAtaM shivam || 28||
saptaviMshatisa~NkhyAka\-suprAtakamalaishshubhaiH |
tvAmarchayAmi madhure prasIda varadA bhava || 29||

iti siruvAchchUr shrImadhurakAlikAmbAsuprabhAtaM sampUrNam |

##
Encoded and proofread by PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}