% Text title            : mahAgAyatrilIlAstuti
% File name             : mahAgAyatrilIlAstuti.itx
% Category              : devii, gAyatrI, stotra
% Location              : doc\_devii
% Transliterated by     : Jagannath Vedula jvedula at yahoo.com
% Proofread by          : Jagannath Vedula jvedula at yahoo.com
% Latest update         : September 11, 2013
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Mahagayatrililastuti ..}##
\itxtitle{.. mahAgAyatrIlIlAstutI ..}##\endtitles ##

                  OM 
      atha mahAgAyatrIlIlAstutiH |
sadA gaveShayan jagatrayeShu vedamAtara.n
chidAtmanA kR^itasthitaM samatra chAdya labdhavAn |
udasru gadadaM mahodayAtpraNaumi bhaktinaukayA
sudustaraM drutaM titIrShurApadarNavam || 1||

suhInalokapAtinI satAM kR^ipA.atishobhate
hyatsudhA.nshuchakShuShe kShayAmba ! mAdyashaM janam |
navApi hIyate taveShadIshi ! pAlanenano
bhavAdyataH kuputratA na bhAsate prasUhradi || 2|

namAmi muktavidrumaprataptahATakA.asitA\-
vadAtavarNasundaraiH ShaDardhalolalochanaiH |
sarojaShaNDabAndhavaprataptapAvakaprabhaiH
kirITaratnara~njitaiH sudhA.nshukhaNDamaNDitaiH || 3||

mukhairdashArdhasaMmitairvirAjamAnavigrahAM
sureshachApasaprabhAM samastadevavanditAm |
varAbhayA~NkushAnvitaiH kapAlashUla shaMkha\-
chakrasArasadvayIguNA~NkitaiH karairvirAjitAm || 4||

bhavadrumasya mUlatAM gatAM munIndravanditAm
akhaNDa bhAvamaNDalaprakAshakAriNIM shivAm |
samastadevatAmayIM samasta siddhidayinIm
pUrvarUpa vigrahAM sarasvatIM bhavArtihAm || 5||

shuchIndusUryalochanAM shuchIndusUrya vigrahAm
shuchIndusUryasa~NgamasvabhAvashAlinIM shubhAm |
padadvayAnukampitasvashaktichakrasevitAM
pareshashaktimuttamAM bhaje trilokasundarIm || 6||

mahAmaheshvarI jagadvisargasusthitikShaya\-
svata.ntratA sharIriNI babhUva yA maheshituH |
dvipatritAdibhedato latAyamAnavigrahA
trayIshvarI sadA tu sA jaga~NjayAya jAyatAm || 7||

namAmi tanmukhAravindapa~nchakaM malApahaM
galaikanAlakaM sadAvikAsi bhaktisambhavam |
svabhaktahaMsasevitaM shuchIndupadmabandhavaH
pratIkabhUtavigrahA gatA hi yatra pa~nchatAm || 8||

bhavArNave.atiduHsahasmarAdhidigdhamAnasaM
ShaDUrminityapIDitaM janaM didhIrShumAnasA |
shrutidhvanisphuranmukhAravindabhUsuraiH sadA
trisandhyamIshvarI nutA.astu sA sukhapradA hi naH || 9||

trayIprasUH svadR^iShTipAtadhUtabhaktakalmaShA
samairjunairnutA mudA svavarNadharmabhedataH |
nilimpanimnagAmiSheNa pAdadyautajaM jalaM
yadIyamAgataM kShirti tanotu naH shivaM tu sA || 10||

svadambhava~nchitAkhilaM kubhogasaktamAnasaM
sadA.ashuchiM kumArgagaM shaThaM cha sha~Nkase yadi |
kathaM svapAdachintanotthavaibhavaM nahIshvari !
yato~NvrichintakaM dayAdR^ishekShase na mAdyasham || 11||

anekadoShadUShiteShvanirvivechanA satI
svata.ntrashaktirIshvarI bhavAdhanAshakAriNI |
kR^ipAmayIm dR^ishaM vidhAya sA svabhaktipAtritaM
svapatkaje madhuvrataM karotu mAmaharnisham || 12||

trisandhyamiShTadaivataM sukeshavAsyajaM stavaM
smaran hR^idIddhabhAvano vidhAya vedamAtaram |
vidhUya pApasaMchayaM vitIrya kIrtimuttamAm\-
iha tvamutra kaivalaM padaM sa yAti nirbhayam || 13||

iti shrImahAgAyatrIlIlAstutiH |
##

Encoded and proofread Jagannath Vedula jvedula at yahoo.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}