% Text title            : Mahalakshmi Dandakah
% File name             : mahAlakShmIdaNDakaH.itx
% Category              : devii, daNDaka, lakShmI
% Location              : doc\_devii
% Author                : keshavasUri
% Proofread by          : Rajesh Thyagarajan
% Description/comments  : From Stotrasamuchchaya 2, Edited by Pandit K. Parameshwara Aithal
% Latest update         : May 10, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Mahalakshmi Dandakah ..}##
\itxtitle{.. mahAlakShmIdaNDakaH ..}##\endtitles ##
mandAramAlA~nchitakeshabhArAM mandAkinInirjharagaurahArAm |
vR^indArikAvanditakIrtipArAM vandAmahe mAM kR^itasadvihArAm || 1||
jaya dugdhAbdhitanaye jaya nArAyaNapriye |
jaya hairaNyavalaye jaya velApurAshraye || 2||

jaya jaya janayitri velApurAbhyantaraprasphuratsphAra\-
saudhA~nchitodArasAlAntarAgArakhelanmurArAtipArshvasthite |
klR^iptavishvasthite |
chitraratnajvaladratnasAnUpamapratnasauvarNa
koTIrakAntichChaTAchitritAchChAmbare | devi divyAmbare |
phullasanmallikAmAlikAprollasannIlabhogIshabhogapratIkAsha\-
veNyardhachandrAlike | valgunIlAlake | keshasaurabhyalobha\-
bhramatsthUlajambUphalAbhAlimAlAsamAkarShaNehotpatanmauli\-
vaiDUryasandarsha natrastalIlAshukAlokajAtasmite | devajAtastute |
IshvarIshekharIbhUtasomasmayotsAdanAbhyutsukatvachChiraHsaMshrita\-
prAptanityodayabraghnasha~NkAkarasvarNakoTIrasandarshanAnanditasvIya\-
tAtA~NkakArohaNAbhIpsulabdhAntikArkAtma\-
jAnirjharAsha~NkanIyAntakastUrikAchitrake | vArdhirATputrike |
mAnmathashyAmalekShvAtmadhanvAkR^itisnigdhamugdhAdbhuta\-
bhrUlatA chAlanArabdhalokAlinirmANarakShiNyasaMhAralIle.amale |
sarvade komale | svaprabhAnyakkR^ite svAnugashrutyadhaHkAriNIkAnti\-
nIlotpale bAdhituM vAgatAbhyAM shravaHsannidhiM lochanAbhyAM
bhR^ishaM bhUShite | ma~njusambhAShite | ki~nchidudbuddhachAmpeya\-
puShpapratIkAshanAsAsthitasthUlamuktAphale |
dattabhaktaughavA~nChAphale | shoNabimbapravAlAdharadyotavidyota\-
mAnollasaddADimIbIjarAjipratIkAshadantAvale |
gatyadhaH klR^iptadantAvale |
tvatpatipreritatvaShTasR^iShTAdbhutAtIddhabhasmAsuratrasta
durgAshivatrANasantuShTataddattashItAMshurekhAyugAtmatvasambhAvanA\-
yogyamuktAmayaprollasatkuNDale | pAlitAkhaNDale || 1||

ayi suruchiranavyadUrvAdalabhrAntiniShpAdakaprollasatkaNTha\-
bhUShAnibaddhAyatAnarghyagArutmatAMshuprajApAtyasAra~Nga\-
nArIsthirasthApakAshcharyakR^iddivyamAdhuryagItojjvale | ma~njumuktAvale |
a~NgadaprotadevendranIlopalatviTChaTAshyAmalIbhUtacholojjvalasthUla\-
hemArgalAkAradorvallike | phullasanmallike | UrmikAsa~nchayasyUta
shoNopalashrIpravR^iddhAruNachChAyamR^idva~NgulIpallave |
lAlitAnandakR^itsallave | divyarekhA~NkushAmbhojachakradhva\-
jAdya~NkarAjatkare | sampadekAkare |
ka~NkaNashreNikAbaddharatnaprabhAjAlachitrIbhavatpadmayugma\-
sphuratpa~nchashAkhadvaye | gUDhapuNyAshaye | matpadAbjopakaNThe
chatuHpUruShArthA vasantyatra mAmAshrayaM kurvate tAn pradAsyAmi
dAsAya chetyarthakaM tvanmanoniShThabhAvaM jaganma~NgalaM sUchayad vA
varAbhItimudrAdvayA vya~njayasya~NgapANidvayenAmbike | padmapatrAmbake |
chArugambhIrakandarpakelyarthanAbhIsarastIrasauvarNa\-
sopAnarekhAgatottu~NgavakShojanAmA~NkitasvarNashaila\-
dvayArohaNArthendranIlopalAbaddhasUkShmAdhva\-
sambhAvanAyogyasadromarAjyADhyadehe rame | kA gatiH shrIrame |
niShkanakShatramAlAsadR^ikShAbhanakShatramAlApravAlasragekAvalI\-
mukhyabhUShAvisheShaprabhAchitritAchChottarAsa~Ngasa~nChinnavakShoruhe
| cha~nchalAgauri he |
kelikAlakvaNatki~NkiNIshreNikAyuktasauvarNakA~nchInibaddha\-
sphuratspaShTanIvyADhyashuklAmbare | bhAsitAshAmbare |
puNDarIkAkShavakShaHsthalIcharchitAnarghyapATIrapa~NkA~NkitAna~Nga\-
nikShepakumbhastane | prasphuradgostane || 2||

gurunibiDanitambabimbAkR^itidrAvitAshItaruksyandanaprotachandrAvale\-
potkare | svarNavidyutkare | bhoH prayachChAmi te chitraratnormikAM
mAmikAM sAdarAdehyado madhyamaM bhUShayAdyaitayA draShTumichChAmyahaM
sAdhviti tvatpatipreritAyAM mudA pANinAdAya dhR^itvA rahaH
keshavaM lIlayAnandayaH saptakIvAsti te | saptalokIstute |
chitrarochirmahAmekhalAmaNDitAnantaratnasphurattoraNAla~NkR^ita\-
shlakShNakandarpakAntArarambhAtarudvandvasambhAvanIyoruyugme rame |
sampadaM dehi me | padmarAgopalAdarshabimbaprabhAchChAyasusnigdhajAnu
\.\.\.\.  dvaye shobhane chandrabimbAnane |
shambarArAtijaitraprayANotsavArambhajR^imbhanmahA\-
kAhalIDambarasvarNatUNIraja~Nghe shubhe | shAradArkaprame |
haMsarAjakvaNaddhaMsabimbasphuraddhaMsakAla~NkR^itaspaShTa\-
lekhA~NkushAmbhojachakradhvaja\-vya~njanAla~NkR^itashrIpade |
tvAM bhaje sampade | namravR^indArikAshekharIbhUtasauvarNa\-
koTIraratnAvalIdIpikArAjinIrAjitottu~NgagA~Ngeya\-
siMhAsanAstIrNasauvarNabindva~Nkasaurabhyasampannatalpasthite |
santatasvaHsthite | cheTikAdattakarpUrakhaNDAnvitashvetavITIdarAdAna\-
lIlAchaladdorlate | daivatairarchite | ratnatATa~NkakeyUrahArAvalI\-
mukhyabhUShAchChaTAra~njitAnekadAsIsabhAveShTite | devatAbhiShTute |
pArshvayugmollasachchAmaragrAhiNIpa~nchashAkhAmbujAdhUta\-
jR^imbhadraNatka~NkaNAbhiShTutAbhIshusachchAmarAbhyAM mudA chIjyase |
karmaThairijyase | ma~njuma~njIrakA~nchyurmikAka~NkaNashreNi\-
keyUrahArAvalI\- kuNDalImaulinAsAmaNidyotite | bhaktasa~njIvite || 3||

jaladharagatashItavAtArditA chArunIrandhradevAlayAntargatA vidyudeShA
hi kiM bhUtale.api svamAhAlyasandarshanArthaM kShamAmAsthitA
kalpavalyeva kiM ghasramAtrollasantaM raviM rAtrimAtrollasantaM vidhuM
saMvidhAya svato veghasAtuShTachittena sR^iShTA sadApyullasantI
mahAdivyatejomayI divyapA~nchAlikA veti sadbhiH sadA tavaryase | tvAM
bhaje me bhava shreyase | pUrvakadvAraniShThena nR^ityadvarAkArarambhA\-
divArA~NganAshreNigItAmR^itAkarNanAyatta\-
chittAmarArAdhitenochchakairbhArgavIndreNa sambhAvite | no samA
devatA devi te | dakShiNadvAraniShThena sachchitraguptAdiyuktena
vaivasvatenArchyase | yogibhirbhAvyase | pashchimadvArabhAjA bhR^ishaM
pAshinA svarNedI\- mukhyanadyanviteneDyase | sAdaraM pUjyase |
uttaradvAraniShThena yakShottamairnamrakoTIrajUTairmanohAribhI
rAjarAjena bhaktena sambhAvyase | yogibhiH pUjyase | lakShmi
padmAlaye bhArgavi shrIrame lokamAtaH samudreshakanye.achyutapreyasi
\.\.\.\. | svarNashobhe cha me chendire viShNuvakShaH sthite
pAhi pAhIti yaH prAtarutthAya bhaktyA yuto nauti so.ayaM naraH
sampadaM prApya vidyotate | bhUShaNadyotite | divya
kAruNyadR^iShTyAshu mAM pashya me divyakAruNyadR^iShTyAshu
mAM pashya me divyakAruNyadR^iShTyAshu mAM pashya me | mAM kimarthaM
sadopekShase nekShase tvatpadAbjaM vinA nAsti me.anyA gatiH sampadaM dehi
me sampadaM dehi me sampadaM dehi me | tvatpadAbjaM prapanno.asmyahaM
sarvadA tvaM prasannA satI pAhi mAM pAhi mAM pAhi mAM padmahaste
trilokeshvariM prArthaye tvAmahaM devi tubhyaM namo devi tubhyaM namo
devi tubhyaM namaH || satriShaShTyuttarashataragaNADhyashchaturdalaH |
mahAlakShmIdaNDako.ayaM kR^itaH keshavasUriNA ||

iti keshavasUrikR^itaH mahAlakShmIdaNDakaH sampUrNaH |
stotrasamuchchayaH 2 (85)
##
The Mahalakshmidandaka (85) of Keshavasuri, who
seems to be identical with Kesavadesika mentioned
in the Sadananadandaka 3 by Ramanujadesika, is on
the model of the well-known Shyamaladandaka. It
is composed of 163 ra-gaNa-s (two long syllables
with a short one in between) and is divided into
four sections.

Proofread by Rajesh Thyagarajan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}