% Text title            : mahAlakShmIstavakavachapUjA
% File name             : mahAlakShmIstavakavachapUjA.itx
% Category              : kavacha, devii, lakShmI, devI
% Location              : doc\_devii
% Transliterated by     : Kirk Wortman kirkwort at hotmail.com
% Proofread by          : Kirk Wortman kirkwort at hotmail.com
% Description-comments  : brahmavaivartamahApurANe gaNapatikhaNDe adhyAya 22
% Latest update         : January 18, 2017
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Mahalakshmi stavakavachapuja ..}##
\itxtitle{.. shrImahAlakShmIstavakavachapUjA ..}##\endtitles ##

shrIgaNeshAya namaH |

nArada uvAcha |
AvirbhUya haristasmai kiM stotraM kavachaM dadau |
mahAlakShmyAshcha lakShmIshastanme brUhi tapodhana || 1||
nArAyaNa uvAcha |
puShkare cha tapastaptvA virarAma sureshvaraH |
AvirbabhUva tatraiva kliShTaM dR^iShTvA hariH svayam || 2||
tamuvAcha hR^iShIkesho varaM vR^iNu yathepsitam |
sa cha vavre varaM lakShmImIshastasmai dadau mudA || 3||
varaM dattvA hR^iShIkeshaH pravaktumupachakrame |
hitaM satyaM cha sAraM cha pariNAmasukhAvaham || 4||
madhusUdana uvAcha |
gR^ihANa kavachaM shakra sarvaduHkhavinAshanam |
paramaishvaryajanakaM sarvashatruvimardanam || 5||
brahmaNe cha purA dattaM viShTape cha jalaplute |
yaddhR^itvA jagatAM shreShThaH sarvaishvaryayuto vidhiH || 6||
babhUvurmanavaH sarve sarvaishvaryayutA yataH |
sarvaishvaryapradasyAsya kavachasya R^iShirvidhiH || 7||
pa~NktishChandashcha sA devI svayaM padmAlayA varA |
siddhyaishvaryasukheShveva viniyogaH prakIrtitaH || 8||
yaddhR^itvA kavachaM lokaH sarvatra vijayI bhavet |
mastakaM pAtu me padmA kaNThaM pAtu haripriyA || 9||
nAsikAM pAtu me lakShmIH kamalA pAtu lochane |
keshAnkeshavakAntA cha kapAlaM kamalAlayA || 10||
jagatprasUrgaNDayugmaM skandhaM sampatpradA sadA |
AUM shrIM kamalavAsinyai svAhA pR^iShThaM sadA.avatu || 11||
AUM hrIM shrIM padmAlayAyai svAhA vakShaH sadA.avatu |
pAtu shrIrmama ka~NkAlaM bAhuyugmaM cha te namaH || 12||
AUM hrIM shrIM lakShmyai namaH pAdau pAtu me santataM chiram |
AUM hrIM shrIM namaH padmAyai svAhA pAtu nitambakam || 13||
AUM shrIM mahAlakShmyai svAhA sarvA~NgaM pAtu me sadA |
AUM hrIM shrIM klIM mahAlakShmyai svAhA mAM pAtu sarvataH || 14||
iti te kathitaM vatsa sarvasampatkaraM param |
sarvaishvaryapradaM nAma kavachaM paramAdbhutam || 15||
gurumabhyarchya vidhivatkavachaM dhArayettu yaH |
kaNThe vA dakShiNe bAhau sa sarvavijayI bhavet || 16||
mahAlakShmIrgR^ihaM tasya na jahAti kadAchana |
tasyachChAyeva satataM sA cha janmani janmani || 17||
idaM kavachamaj~nAtvA bhajellakShmIM sa mandadhIH |
shatalakShaprajApe.api na mantraH siddhidAyakaH || 18||
nArAyaNa uvAcha |
dattvA tasmai cha kavachaM mantraM vai ShoDashAkSharam |
santuShTashcha jagannAtho jagatAM hitakAraNam || 19||
AUM hrIM shrIM klIM namo mahAlakShmyai svAhA |
dadau tasmai cha kR^ipayA chendrAya cha mahAmune || 20||
dhyAnaM cha sAmavedoktaM gopanIyaM sudurlabham |
siddhairmunIndrairduShprApyaM dhruvaM siddhipradaM shubham || 21||
shvetachampakavarNAbhAM shatachandrasamaprabhAm |
vahnishuddhAMshukAdhAnAM ratnabhUShaNabhUShitAm || 22||
IShaddhAsyaprasannAsyAM bhaktAnugrahakArikAm |
kastUrIbindumadhyasthaM sindUraM bhUShaNaM tathA || 23||
amUlyaratnarachitakuNDalojjvalabhUShaNam |
bimratI kabarIbhAraM mAlatImAlyashobhitam || 24||
sahasradalapadmasthAM svasthAM cha sumanoharAm |
shAntAM cha shrIhareH kAntAM tAM bhajejjagatAM prasUm || 25||
dhyAnenAnena devendro dhyAtvA lakShmIM manoharAm |
bhaktyA sampUjya tasyai cha chopachArAMstu ShoDasha || 26||
stutvA.anena stavenaiva vakShyamANena vAsava |
natvA varaM gR^ihItvA cha labhiShyasi cha nirvR^itim || 27||
stavanaM shR^iNu devendra mahAlakShmyAH sukhapradam |
kathayAmi sugopyaM cha triShu lokeShu durlabham || 28||
nArAyaNa uvAcha |
devi tvAM stotumichChAmi na kShamAH stotumIshvarAH |
buddheragocharAM sUkShmAM tejorUpAM sanAtanIm |
atyanirvachanIyAM cha ko vA nirvaktumIshvaraH || 29||
svechChAmayIM nirAkArAM bhaktAnugrahavigrahAm |
staumi vA~NmanasoH pArAM kiMvA.ahaM jagadambike || 30||
parAM chaturNAM vedAnAM pArabIjaM bhavArNave |
sarvasasyAdhidevIM cha sarvAsAmapi sampadAm || 31||
yoginAM chaiva yogAnAM j~nAnAnAM j~nAninAM tathA |
vedAnAM vai vedavidAM jananIM varNayAmi kim || 32||
yayA vinA jagatsarvamabIjaM niShphalaM dhruvam |
yathA stanandhayAnAM cha vinA mAtrA sukhaM bhavet || 33||
prasIda jagatAM mAtA rakShAsmAnatikAtarAn |
vayaM tvachcharaNAmbhoje prapannAH sharaNaM gatAH || 34||
namaH shaktisvarUpAyai jaganmAtre namo namaH |
j~nAnadAyai buddhidAyai sarvadAyai namo namaH || 35||
haribhaktipradAyinyai muktidAyai namo namaH |
sarvaj~nAyai sarvadAyai mahAlakShmyai namo namaH || 36||
kuputrAH kutrachitsanti na kutrApi kumAtaraH |
kutra mAtA putradoShaM taM vihAya cha gachChati || 37||
stanandhayebhya iva me he mAtardehi darshanam |
kR^ipAM kuru kR^ipAsindho tvamasmAnbhaktavatsale || 38||
ityevaM kathitaM vatsa padmAyAshcha shubhAvaham |
sukhadaM mokShadaM sAraM shubhadaM sampadaH pradam || 39||
idaM stotraM mahApuNyaM pUjAkAle cha yaH paThet |
mahAlakShmIrgR^ihaM tasya na jahAti kadAchana || 40||
ityuktvA shrIharistaM cha tatraivAntaradhIyata |
devo jagAma kShIrodaM suraiH sArdhaM tadAj~nayA || 41||

|| iti shrIbrahmavaivartamahApurANe gaNapatikhaNDe
nAradanArAyaNasaMvAde lakShmIstavakavachapUjAkathanaM
nAma dvAviMsho.adhyAyaH || 22||
##
Encoded and proofread by Kirk Wortman kirkwort at hotmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}