% Text title : Maharajni Stotram % File name : mahArAjnIstotram.itx % Category : devii, dashamahAvidyA % Location : doc\_devii % Proofread by : Aruna Narayanan narayanan.aruna at gmail.com % Latest update : September 29, 2019 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Maharajni Stotram ..}## \itxtitle{.. mahArAj~nIstotram ..}##\endtitles ## OM yA dvAdashArkaparimaNDitamUrtirekAM siMhAsanasthitimatImuragairvR^itAM cha | devImanakShagatimIshvaratAM prapannAM tAM naumi bhargavapuShIM paramArtharAj~nIm || 1|| yatpAdapa~Nkajatale.amaramUrdhamauli\- nyastendranIlamaNisantatayaH patanti | ki~njalkapAnaratamugdhamadhuvratatvaM rAj~nI sadA bhagavatI jananIva no.avyAt || 2|| dvAraM yadIyacharaNAmbujayugmaniryad\- reNusmR^itirvivR^itamasti mahodayAnAm | ambAdhikapraNayapUritachittavR^ittI rAj~nI shubhaM vitanuyAnmama sevakasya || 3|| dambhaM vihAya bhavada~NghrinatiM tanoti yo rAj~ni ! devi na vimu~nchati muktakAntAm | taM rUpahInamapi kAmabhivAdhigamya tAM tvAM natosmya.asharaNo bhavabhArakhinnaH || 4|| shAntiM ninAya dashakandharamugrarUpaM yatpAdasaddashanakhAgraluThatkirITaH | rAmo dashendriyanivR^ittividhAnadakSho rAj~nIM natosmya.asharaNo jagadambikAM tAm || 5|| arkaprabhA prabalamohatamaHprashAntau chandradyutirbhavabhayadvipadantabha~Nge | yA.agneH shikhA duritadAruNadArudAhe rAj~nImananyasharaNaH praNamAmyahaM tAm || 6|| kasyApi rAj~ni bahubhAgyanidheH svarUpaM bhAvatkamasti hR^idi saMshritasannidhAnam | duShTadviShadhR^idayapATanakR^ityahetuM tAM tvAM nato.asmi natalokasukhapradAtrIm || 7|| pattirdyulokapativaibhavamAdadAti devAdhipo.api nanu pattyanukArameti | yatprollasannayanayogaviyogabhAvAd\- rAj~nI.nmahopapadaramyatarAM namAmi || 8|| riktatvamApya cha dhanena yadIyabhakti\- chintAmaNiM vinidadhAti hR^idabjakoshe | nAnAvidhAbhimatasiddhikaraM manuShyo rAj~nIM namAmi bhavavAridhitAriNIM tAm || 9|| martyAH shachIsahacharIkuchakuDmalAgra\- sparshochitaM karasarojamavApnuvanti | yatpAdayoH sakR^idupAhitapuShpapUjAstAM sharmadAmanudinaM praNamAmi rAj~nIm || 10|| Dimbo.api pUrvasukR^itAmR^itasiktachitto dhyAnasthayachcharaNabhaktisukalpavIrut | abhyetyabhIShTaphalasa~NgrahabhAjanatvaM rAj~nI tanotu shubhatantumaharniMshaM sA || 11|| tApaH prayAti vilayaM narakAbhiSha~Nga\- jAto yadarchanasudhArasasArasekAt | jantorabodhakR^itaduShkR^itabhagnamUrte rAj~nI ripUndalayatAnmama santataM sA || 12|| mUlachChidAkaraNakAraNama~Nghripadma\- yugmasmR^iterbhagavati prabhavo.anubhAvaH | saMsArapAdapatatestava devi yasyA bhUyAnmadIyahR^idayAhitasannidhiH sA || 13|| tIvraH pratApa iha duHsahatAM prayAti yanmUrtichintananutiprabhavAtprabhAvAt | dhanyasya kasyachidapi kShitipAlamaule rAj~nIM dayArasanidhiM praNamAmyahaM tAm || 14|| reNuryada~NghrikamalaprabhavaH prayAti preteshabhR^ityanayanAndhyanimittabhAvam | chitraM svabhaktanayane bhajate.a~njanatvaM rAj~nIM samastaripunirdalanAya vande || 15|| meghatvamIhitapayodharavR^iShTidAne yanmUrtireti charaNau smaratAM smR^itaiva | asmAkavairinivahaM nayatAdvinAshaM rAj~nI trilokajananI khalu nirvilambam || 16|| kAmI yadIyanayanA~nchalapUtadeho mantraM vinauShadhamR^ite maNimantareNa | kShipraM hi saMvananameNadR^ishAM karoti rAj~nI mamAntaranura~njatu vA~nChitena || 17|| sindhoravApya taTamarchananAma yasyA gIrvANadurlabhasudhArasasAramayyAH | yogI prayAti parila~Nghya bhavAbdhipAraM rAj~nI sadA shubhatatiM pradadAtu mahyam || 18|| hAlAhalaM sma girisho vidadhAti hInashaktiM svakaNThagatama~NghrinataH surendraH | yaddarshanAmR^itabharaprabhavAtprasAdAd\- rAj~nI vitArayatu saMsR^itisAgarAnmAm || 19|| sarpAdhipo bhavati yadguNakIrtaneShu shakto na vAgdashashatadvayasaMyuto.api | svAtmIyabhaktajanavA~nChitadAnadakShA sA sarvashatrudalanaM vidadhAtu rAj~nI || 20|| nashyatyananyasharaNasya narasya yasyA dhyAnaprabhAparivR^iDhodayasa~Ngamena | nIhArarAshirabhito vR^ijinAbhidhAnaH sA ma~NgalaM trijagatAM vidadhAtu rAj~nI || 21|| sthityA sthitiM kamalajA yadanugrahasya vAgdevatA cha vidadhAti gR^ihe mukhe cha | martyasya tIvratarabhaktisamanvitasya rAj~nI dadAtu shubhasantatimAshu mahyam || 22|| tiryaggaNAda.ahamavaimi vichArashUnyaM taM mAnavaM yadabhivandanasaukhyalesham | svapnepi na spR^ishati jAtu yadIyachittaM rAj~nI svabhaktajanama~NgaladA.astu nityam || 23|| mantraM yadIyamabhivA~nChitadaM paThitvA martyaH prabhAvasahitaH spR^ihaNIyatAyAH | pAtrIbhavatyamaravAravilAsinInAM durvArapApadalanaM vidadhAtu rAj~nI || 24|| tIkShNadyutiH shatasahasratanutvametya yattejasA tulayituM kaNamapya.ashaktaH | rAj~nI tathAvidhasavismayadurnirIkShya\- tejonvitA jayatu ma~NgalakAriNI sA || 25|| muktA bhavantya.achalapUrvasvakarmamegha\- muktAH pralabhya yadupAsanabhaktishukteH | madhyaM kadAchida.aNavo bahulodbhavAnte kuryAchChubhaM nirupamaM svajanasya rAj~nI || 2|| rashmiH sahasrakiraNasya karAlapa~Nka\- saMshoShaNe himakarasya ruchirvikAse | kAvyotpalasya nanu yachcharaNAbjasevA rAj~nIM vipakShadamanIM praNamAmyahaM tAm || 27|| gAyanti sarvadharaNIdharakandarAsu nityaM suparvahariNInayanAsamUhAH | kShemAya yachcharaNamadbhutamantahInaM rAj~nIM smarAmi manasA duritApahatyai || 28|| vR^ikShA yadarchanavidhAvupayogamIyuH puShpaiH sugandhahR^itabhR^i~Ngakadambakairye | nAke.adya kalpataravashcha ta eva santi rAj~nI vapurmama niShi~nchatu bhAgyavarShaiH || 29|| tA niShpatanti nari tatra khalekapota\- nyAyena bhAgyabharabhAgini siddhayo.aShTau | yaH sarvadA bhajati rAj~ni tavA~NghriyugmaM sA tvaM mamArdrakaruNA bhava suprasannA || 30|| chAmIkaraprakaramarthigaNAya yasyAH proddishya nAma manujo hi dadAti bhaktaH | yaH sa prayAti kanakAdrigR^ihAdhipatyaM rAj~nI bhavatvakhilalokahitA sadaiva || 31|| devAlayAdapi paraM padamAmananti kAshmIradeshamamalekShaNayugmayuktAH | mUrtyantarAnvitayadIyapadAravinda\- dvandvArpaNAdbhavatu sA vibhavAya rAj~nI || 32|| vItAnyavastunivahaspR^ihayA kR^itA yaa\- tpAdAbjayorjanatayA bhajatAM praNAmAH | nAshAya bhAvi(1)jananaprakarasya rAj~nI kalyANamantarahitaM pradadAtu mahyam || 33|| manyUtkaTabhrukuTivaktramavekShya yasyAH kAlo.a~NghrinamrashirasAM sahati svarUpam | draShTuM na duHsahagirIshavilochanAgna\- isha~NkAyuto bhavatu me shubhadAstu rAj~nI || 34|| ##Footnote ## 1 bhavantIti sheShaH narnatiM ramyakarara~Ngatale naTo yaa\- tpAdAbjanamrashirasaH subhaTasya khaDgaH | sa~NgrAmanirdalitashatrujayArjitashrI rAj~nI karotu madadhInamasheShasharma || 35|| kShatravrajo.atibaladakShiNabAhukosha\- akR^iShTAsimandaraviloDitasa~NgarAbdhiH | lakShmIM parAM bhajati yachcharaNaprasAdA\- llakShmIM janAya bhajate pradadAtu rAj~nI || 36|| ga~NgAditIrthajalapUtasharIrayaShTiryaH pUrvajanmani yamAnniyamAMshcha seve | bhAvatkabhaktiviShayaM bhajate sa eva dUrIkR^itAkhilabhayAM praNamAmi rAj~nIm || 37|| tigmAMshumagnimanilaM kShitimambu chandra\- mAtmAnamabhramapi yattanumAmananti | rAj~nIM samastaduritApahR^itipragalbhAM bhargAbdhinirjharanadIM satataM smarAmi || 38|| mInadhvajo nanu babhUva yadIyadR^iShTi\- pIyUShavR^iShTimadhigamya vilabdhajIvaH | bhUteshabhAlanayanAnaladagdhadeho rAj~nIM prasAdasumukhIM praNamAmyahaM tAm || 39|| shvabhraM parApatati duShkR^itasAraNI yad.h\- dhyAnAchalendrapariNaddhapuraH prayANA | rAj~nIM bhaje ravijaki~NkarabhItibha~Nga\- dAnodyatAM hR^idayasannihitAnukampAm || 40|| rajjurvimArgagatabhaktakarAvalambe yatpAdapa~Nkajanatirjagati prasiddhA | rAj~nImapArataraduShkR^itakakShyabhAra\- dAhe davAnalashikhAM praNamAmi nityam || 41|| tAM helayaiva gatimeti yada~NghrinamraH patyuH patenmakhalihAmapi netramArgam | svapne na yA kaThinapApatamovinAsha\- nityoditAryamaruchiM praNamAmi rAj~nIm || 42|| prANo na karkashakR^itAntadhR^itAvalepa\- pAshoragendrakavalatvamupaiti jantoH | yadbhaktitArkShatanusaMshritamAnasasya rAj~nI mudaM vitanuyAtsvajanasya tUrNam || 43|| pa~NgurgR^ihA~NgaNagataH pavano.antarAya\- nAmA yada~Nghriyuganamratanornarasya | kInAshalokadalanodyamadakShashaktiM rAj~nImanantakaruNAbdhimupAsmahe tAm || 44|| nAnAkR^itirvilayameti bhavAbhidhAno yakSho yada~NghrinatibhAskarabhAnuyogAt | martyasya shraddhamanasaH satataM smarAmi tasyA.ahaM padasarojarajAMsi rAj~nyAH || 45|| tArAdhipadyutiranAratashokakoka\- saMyoganAshanavidhau smR^itirasti yasyAH | pApakShayAya nija mUrdhni karomyahaM tadrAj~nIpadAmbujayugotthitareNupu~njam || 46|| naurdIrghadurgatisarastaraNonmukhAnAM yatpAdapa~NkajayugapraNatirnarANAm | kashmIrapaNDitamanorachitapratiShThAM vAgdevatAtanumupaimyahamAshu rAj~nIm || 47|| mithyA vyayaM paritanoti dhanasya mUDho yaj~nakriyAvitaraNachChalayuktachetAH | satyAM yada~Nghrivinatau shubhakAmadAyAM rAj~nIpadAbjayugalaM sharaNaM shrayAmi || 48|| bhAgIrathIsalilasantatirugrarUpAM tApaprabhUtimapi yAM grasituM na shaktA | tAM helayA glapayati smR^itireva yasyA rAj~nI mahAduritabhArama.apAkarotu || 49|| gaNDasthalAni sudR^ishAM tridivAlayAnAM vashyAnyavashyamachireNa karoti yasyAH | pAdasmR^itirhi nijabhaktanakhakShatAnAM mathnAtva.amandaduritAni mamAshu rAj~nI || 50|| vandArulokanilayeShu karoti padmA\- vAhadvipo hi vasatiM sthiratAM gR^ihItvA | yatpAdapa~NkajayugotthitareNupu~nja\- yogAddhitaM trijagatAM pratanotu rAj~nI || 51|| puShNAti vaibhavamapAkurute vipattiM duHkhAni hanti vR^ijinaM harati smR^itA yA | pAdAmbujanmayugalAgrata eva rAj~nyA AdhArahInataradaNDanibhaM patAmi || 52|| ShaDbhirmukhairgajamukhAsyakR^itAnucharyaiH stautIkShyate cha nayanaprakaraiH kumAraH | yAM dvAdashArkavapuShIM dhR^itasaptaloka\- rakShAM nivArayatu bhaktabhayAni rAj~nI || 53|| pathyaM bhiShagbhiranadhItacharaM samastai\- rdUraM mahauShadhigaNAchcha yada~NghrisevA | durvArarogagurubhArajuShAM janAnAM rAj~nI vinAshayatu bhaktajanAmayaM sA || 54|| rambhAmukhaM bhavati naiva sukhAya janto\- ryadbhaktinAkavanitAbahubhogabhAjaH | suduShTapUrvajananAntarasa~nchitAni rAj~nI vichUrNayatu me duritAni nityam || 55|| mAnyaM padaM samupayAti sa vandivaktra\- satsthAvarAvanisamarpitakIrtibIjaH | yo nityamarchati tavA~NghrimananyakarmA herAj~ni mAtara.ashubhAtparipAhi sA mAm || 56|| arthAnprakAshayati dIpashikheva dIprA yA dhyAyinAM dahati pApapata~Ngapa~Nktim | dhyAnAbhidhaM kirati kajjalajAlamakShNo\- raMho hinastu mama sA praNatasya rAj~nI || 57|| rAj~nAM shiro luThati pAdatalA.a.anutAnAM vishvambhareshashirasAM vilasatkirITam | pAde yadIyacharaNasmaraNAyuShastAM rAj~nI bhayApahR^itaye praNamAmi nityam || 58|| no yasminpaThite mano.arhati nR^iNAmAta~Nkasha~NkA~NkanaM guptAdguptatarAmihAshayadishaM no doSharAshiH spR^ishet | yuktiH sindhusutAvashIkR^itividhau heturvachodevatAprAptau paNDitakR^iShNakena sa mahArAj~nyAH stavo nirmitaH || 59|| iti shrIpaNDitakR^iShNakavirachitaH shrImahArAj~nIstavaH sampUrNaH | ## Proofread by Aruna Narayanan narayanan.aruna at gmail.com \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}